Feykir - 21.05.2015, Page 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
19
TBL
21. maí 2015 35. árgangur
Frétta- og dægurmálablað á Norðurlandi vestra : Stofnað 1981
Hvað ertu með á prjónunum? Sigfríður Eggertsdóttir á Hvammstanga
„Nú skildi prjónað á krakkann“
HVAÐ ERTU MEÐ
Á PRJÓNUNUM?
UMSJÓN berglind@feykir.is
Ég get ekki sagt að ég
hafi alltaf haft gaman
af handavinnu og
minnist þess að hafa
verið send heim úr skólanum með heimavinnu í
handavinnu, þar sem ég barðist hálf skælandi við
að klára einhver leiðinleg skyldustykki sem
yfirleitt endaði með því að amma tók við og
kláraði fyrir mig.
En svo gerðist það þegar ég beið eftir að eignast
mitt fyrsta barn, var eitthvað farin að leiðast biðin og
gekk inn í garnverslun á Akranesi og kom út með
prjónablað, garnhnotu og prjóna. Nú skildi prjónað á
krakkann.
Úr þessu varð þó einungis peysa á dúkkur en
prjónunum hef ég ekki sleppt síðan. En gaman að
segja frá því að nú er dóttir mín sem fæddist fyrir rest,
þarna fyrir 24 árum, farin að deila þessu áhugamáli
með mér og sitjum við oft saman í dag og prjónum
eða stúderum prjónauppskriftir.
Prjón og hekl eru í dag mitt aðal áhugamál og sinni
ég því hvenær sem ég get. Þegar ég sest niður og hvíli
mig þá prjóna ég eða hekla og hef prjónað margar
peysur og ýmislegt á marga fjölskyldumeðlimi.
Einnig prjónað og heklað nokkur ungbarnateppi og
veit fátt skemmtilegra en að birtast óvænt með
handunna gjöf.
Það sem ég er ánægðust með af mínu handverki er
teppi sem ég prjónaði fyrir ömmustelpuna mína og
kallast prinsateppi, það var krefjandi verkefni en ég
var mjög sátt með það.
Á prjónunum hjá mér núna er lopapeysa á systur
mína sem er fjárbóndi og að sjálfsögðu er ég að glíma
við að setja tvílembur í bekkinn. Hún á afmæli í lok
mánaðarins og ég vonast til að geta fært henni
peysuna í fjárhúsin bráðlega. Svo er ég að hekla teppi
fyrir aðra frábæra konu í mínu lífi, klára peysu úr
Sandes mohair sem ég reikna með að eiga bara sjálf
og var að leggja lokahönd á peysu sem prjónuð er í
hring út frá blómi á baki, fyrir frænku mína sem
verður bráðum fjögurra ára og fleira og fleira.
Ætla að skora á vinkonu mína hér á Hvammstanga
og fyrrum næturvaktasystur, Þorbjörgu Rut Guðna-
dóttur, en við höfum brallað ýmislegt saman í gegnum
árin í prjóni og hekli og hún er afskaplega ráðagóð og
flink handavinnukona.
Opið: mán.- fös. 8-18 og lau. 10-13
Sími 455 4610
Túnnet - Staurar - Gaddavír - Þanvír o.fl.
ALLAR ALMENNAR REKSTRARVÖRUR
FYRIR BÆNDUR
Rafgirðingar, pallaefni o.m.fl.
N
Ý
PR
EN
T
eh
f.
Er kominn
tími á að
girða?
Frábærar hliðgrindur
í míklu úrvali á góðu verði
Áralöng reynsla!
Allt í girðingavinnuna!