Feykir - 23.07.2015, Blaðsíða 5

28/2015 5
ÍÞRÓTTAFRÉTTIR FEYKIS
Meistaramót barna og unglinga
Golf
Meistaramót barna og unglinga hjá GSS var
haldið dagana 13. og 14. júlí. Keppt var í sex
flokkum og voru keppendur samtals tólf. Það
gustaði svo sannarlega um keppendur þessa
daga og fyrri daginn rigndi líka hressilega.
Keppendur létu það þó ekki á sig fá og stóðu sig
með miklum ágætum. Alls voru þátttakendur
fjörtíu í báðum meistaramótum GSS þetta árið.
Úrslit á barna- og unglingamótinu urðu þessi:
1. flokkur stelpur 2 x 18 holur – rauðir teigar
1. Marianna Ulriksen 213 högg
2. Telma Ösp Einarsdóttir 227 högg
3. Hildur Heba Einarsdóttir 242 högg
1. flokkur strákar 2 x 18 holur – gulir teigar
1. Hákon Ingi Rafnsson 170 högg
2. flokkur stelpur 2 x 18 holur – rauðir teigar
1. Anna Karen Hjartardóttir 254 högg
2. flokkur strákar 3 x 9 holur – rauðir teigar
1. Bogi Sigurbjörnsson 200 högg
2. Reynir Bjarkan B. Róbertsson 225 högg
3. flokkur stelpur 2 x 9 holur – gullteigar
1. Rebekka Helena B. Róbertsdóttir 141 högg
2. María Rut Gunnlaugsdóttir 161 högg
3. flokkur strákar 2 x 9 holur – gullteigar
1. Davíð Jónsson 114 högg
2. Brynjar Már Guðmundsson 126 högg
3. Gísli Kristjánsson 138 högg
Arnar Geir efstur á Hlíðarkaupsmótinu
Hlíðarkaupsmótið í golfi fór fram á Hlíðarendavelli
á Sauðárkróki á laugardaginn. Veitt voru verðlaun
fyrir fimm efstu sætin auk nándarverðlauna á par
þrjú holum.
Í efstu sætum voru:
1. Arnar Geir Hjartarson GSS – 39 punktar.
2. Hákon Ingi Rafnsson GSS – 38 punktar.
3. Bergur Rúnar Björnsson GÓ - 38 punktar.
4. Gunnar Þór Gestsson GSS – 38 punktar.
5. Árný Lilja Árnadóttir GSS – 37 punktar.
Ásgeir Björgvin Einarsson var næstur holu á 3/12
braut, 16 cm og Hákon Ingi Rafnsson á 6/15 braut,
4,87 m. /KSE
Hluti verðlaunahafa á Meistaramóti barna og unglinga hjá GSS. MYND: AF FACEBOOK / GOLFMYNDIR GSS
Tap fyrir Leikni
Knattspyrna karla
Lið Tindastóls í meistaraflokki
karla kíkti í heimsókn í
Fjarðabyggðarhöllina síðasta
laugardag þar sem þeir
mættu sterku liði Leiknis F.
Lokatölur í leiknum voru 3-0
fyrir Leikni F. og Tindastóll
situr í 8. sæti 2. deildar með
13 stig.
Fyrri hálfleikur var mjög
spennandi og bæði lið sóttu hart,
enda til mikils að vinna, en engin
mörk voru skoruð í þeim fyrri.
Lið Leiknis kom talsvert sterkara
til baka í seinni hálfleik og
skoraði fyrsta mark leiksins eftir
aðeins tvær mínútur, eða á 47.
mínútu. Annað markið kom svo
á 56. mínútu og það þriðja á
þeirri 80.
Næst leika Stólarnir á Seyðis-
firði á laugardaginn en rétt eins
og lið Leiknis er Huginn í bar-
áttu um sæti í 1. deild að ári.
Næstkomandi miðvikudag fær
lið Tindastóls svo Njarðvíkinga í
heimsókn á Krókinn.
Sigur á Blönduósi
Sameinað lið Hvatar og Kormáks
fékk lið KB í heimsókn í D-riðli
4. deildar sl. föstudag. Leikið var
á Blönduósi. Það var körfubolta-
kempan Ingvi Rafn Ingvarsson
sem gerði eina mark leiksins á
66. mínútu.
Lið Kormáks/Hvatar skaust
með sigrinum upp fyrir lið KB
og er nú í 4. sæti riðilsins með 10
stig eftir átta leiki. /ÞKÞ og ÓAB
Ásdís Ósk Elvarsdóttir býr á
Syðra-Skörðugili og er dóttir
þeirra Elvars og Fjólu. Hún
er ung og efnileg hestakona
sem hefur unnið marga bikara
fyrir árangur sinn, en sem
dæmi hefur Ásdís átt nokkra
Íslandsmeistaratitla. Ásdís Ósk
er Íþróttagarpur Feykis.
Íþróttafélag: -Hestamannafélagið
Stígandi.
Helstu íþróttaafrek: -Nokkrir
Íslandsmeistaratitlar, tvöfaldur
sigurvegari fjórðungsmóts Vestur-
lands, úrslitasæti á Landsmóti
ásamt því að vinna silfur á Norður-
landamóti 2014.
Skemmtilegasta augnablikið:
-Að vera valin í landsliðið fyrir
Norðurlandamótið í Herning í fyrra.
Neyðarlegasta atvikið: -Að detta
af baki ofan í á við þjóðveg 1.
Einhver sérviska eða hjátrú? -Já,
ég á happabindi, hvítt bindi frá KS.
Uppáhalds íþróttamaður? -Gunn-
ar Nelson, hann er grjótharður.
Ef þú mættir velja þér and-
stæðing, hver myndi það vera og
í hvaða grein mynduð þið spreyta
ykkur? –Ég myndi velja pabba og
skilja hann eftir í reykmekki í 150m
skeiði.
Helsta afrek fyrir utan íþróttirn-
ar? -Keppti einu sinni í kúluvarpi.
Lífsmottó: „If you ain’t first you’re
last.“
Helsta fyrirmynd í lífinu: -Ætli það
séu ekki mamma og pabbi. Þau
hafa kennt manni svo margt.
Hvað er verið að gera þessa
dagana? -Vinna og ríða út.
Hvað er framundan? -Að fara á
heimsmeistaramótið í Herning,
taka kannski þátt í einu eða
tveimur mótum og halda áfram
að ríða út. Svo fer skólinn bara að
byrja.
Ásdís Ósk Elvarsdóttir / hestamennska
Á happabindi
frá KS
( GARPURINN ) thora@nyprent.is
Ásdís Ósk fremst á myndinni. MYND: ÚR EINKASAFNI
Baldur og Alli mæta spenntir til leiks
Þriðja umferð í rallýinu í Skagafirðinum um helgina
Veður og færð hafa ekki verið rallýkepp-
endum hliðholl í sumar en fresta þurfti
annarri umferð Íslandsmótsins sem fram átti
að fara í byrjun júlí vegna snjóa á fyrirhug-
uðum akstursleiðum. Hins vegar er veður og
færð með ágætum í Skagafirði um þessar
mundir en Bílaklúbbur Skagafjarðar stendur
fyrir þriðju umferðinni 24.-25. júlí nk.
Þeir TímON-félagar Baldur Haraldsson og
Aðalsteinn Símonarson mæta spenntir til leiks,
bíllinn bónaður og þeir félagar vel undirbúnir.
Keppnin hefst föstudaginn 24. júlí við
Skagfirðingabúð en þaðan liggur leiðin upp á
Þverárfjall. Ekið verður eftir eftir gamla veginum
en hann er ýmist vinstra   eða hægra megin við
núverandi þjóðveg, keppendur þurfa því að aka
yfir þjóðveginn á nokkrum stöðum. Er veginum
lokað fyrir almennri umferð meðan á þessu
stendur. Geta áhorfendur þá lagt leið sína niður á
Sauðárkrók en upplagt er að sitja í brekkunni fyrir
ofan Kjarnann og fylgjast með er eknar verða tvær
umferðir um höfnina.
Á laugardagsmorgun verður gefin út ný rás-
röð, mun sú áhöfn sem hefur bestan tíma eftir
föstudagskvöldið leggja fyrst af stað upp á
Mælifellsdal. Er þessi rúmlega 23 km leið ekin
tvisvar. Að loknum Mælifellsdal verður haldið yfir
í Vesturdal en það er önnur lengsta leið keppn-
innar, rúmir 10 km. Þar þurfa keppendur m.a. að
aka yfir eina á en það getur verið flókið þegar
keppnisskapið er komið í hæstu hæðir.
Síðasta sérleiðin er síðan hin vinsæla leið um
Nafir. Leggja keppendur af stað frá planinu fyrir
framan Vörumiðlun, aka í gegnum svæði Steypu-
stöðvarinnar og upp hjá motokross-brautinni og
áfram framhjá golfskálanum. Margir góðir staðir
eru fyrir áhorfendur til að fylgjast með á þessari
leið, ekki síst uppi á Nöfum.
Keppni lýkur síðan með tilkynningu úrslita
við Skagfirðingabúð kl 16:00 en hægt verður að
fylgjast með framvindu keppninnar á heimasíðu
Bílaklúbbsins, bks.is /Fréttatilkynning