Feykir - 23.07.2015, Blaðsíða 8

8 28/2015
Gæran tónlistarhátíð verður
haldin dagana 13.-15. ágúst
næstkomandi í sjötta skipti. Eins
VIÐTAL
Þóra Kristín Þórarinsdóttir
„Þetta verður
ævintýri líkast“
og áður verður hún haldin í Loðskinn, en það passar vel við
nafnið á hátíðinni og vel við hæfi að halda tónleikana í einu
sútunarverksmiðju landsins. Adam Smári Hermannsson er
nýr framkvæmdastjóri hátíðarinnar og blaðamaður Feykis
náði tali af honum og spurði hann út í hátíðina í ár.
„Eftir síðasta ár var skipt um
framkvæmdastjórn Gærunnar.
Við fórum í verkefnið með það
hugarfar að reyna að stækka
hátíðina og gera meira í kringum
hana, eins og að hafa eitthvað að
gerast í bænum á daginn. Við
viljum að fólk sem er að koma
hingað hafi eitthvað að gera alla
helgina,“ segir Adam Smári.
Sem dæmi um afþreyingu
í bænum verður Mælifell
félagsmiðstöð hátíðarinnar, og
á laugardeginum opnar húsið
klukkan eitt og munu nokkrar
hljómsveitir spila þar yfir
daginn, svo það verður heldur
betur tilefni til að kíkja þangað
inn. „Einnig heyrðum við í þeim
hljómsveitum sem komust ekki
að á hátíðinni í ár og athuguðum
hvort áhugi væri fyrir því að
koma og spila á stöðum bæjarins
yfir helgina, svo sem í bakaríinu,
Micro Bar, Hard Wok, Kaffi krók
og fleiri stöðum. Það er bara gert
í samráði við staðina, og það
verður allt auglýst þegar að því
kemur. Fjölskylduskemmtun
í bænum er einnig í bígerð og
verður auglýst síðar.“
Hópurinn sem kemur að
hátíðinni er gríðarlega spenntur,
enda styttist í þetta. Þeirra
markmið er að hátíðin stækki
frá ári til árs. „Þetta verður
stórkostleg helgi og ég er búinn
að leggja inn pöntun fyrir góðu
veðri. Við viljum vinna þetta
með bænum; bæjarbúum og
fyrirtækjum í bænum. Að gera
þetta að fastri bæjarhátíð þar
sem fólk kemur í bæinn. Ég tók
þetta verkefni að mér til að gera
eitthvað fyrir bæjarbúa, skilja
eitthvað eftir í bæjarfélaginu og
þakka fyrir mig. Þó ég sé fluttur í
burtu,“ segir Adam Smári. Eins
og síðustu ár þá verður Sólóista
kvöld á fimmtudeginum á
Mælifelli. Þar opnar húsið
klukkan átta og dagskrá hefst
klukkan níu og endar á miðnætti,
en húsið verður opið eitthvað
lengur. Á föstudagskvöld opnar
svæðið klukkan sjö og fyrsta
band á svið er klukkan átta, en
á laugardagskvöldinu opnar
svæðið klukkan hálf sjö og
fyrsta band stígur á svið klukkan
hálf átta. „Við hverjum alla til
að mæta snemma því hvert og
eitt einasta band á hátíðinni er
band sem enginn ætti að láta
framhjá sér fara. Hvert band fær
hálftíma og svo eru 10 mínútur
á milli banda sem fara í að skipta
þeim út. Ég er búinn að vinna
á mörgum tónlistarhátíðum og
veit að 10 mínútur eru tæpar en
við látum það ganga. Dagskráin
verður svo búin á miðnætti og
þá taka við böllin á Mælifelli og
þau verða til klukkan fjögur.“
Ballið á föstudeginum verð-
ur ekki af verri endanum, en
enginn annar en diskókóngur-
inn sjálfur, Páll Óskar, mun troða
upp. „Páll Óskar gerir rosalega
mikið fyrir hátíðina. Hann er
svo stórt nafn og hentar öllum
aldurshópum.“ Sniglabandið
mætir svo á laugardagskvöldinu
og tryllir lýðinn eins og þeim er
einum lagið. Þeir verða líka með
beina útsendingu á Rás 2 frá
Mælifelli á sunnudeginum. „Það
verður 18 ára aldurstakmark inn
á hátíðina, en börn mega koma
í fylgd með forráðamönnum á
tónleikana.Við viljum ekki loka
börnin af því við erum að reyna
að gera þetta að fjölskylduhátíð
að vissu marki. Svo fá 12 ára og
yngri frítt inn.“
Fjórar týpur af tónlist
Skipuleggjendur hátíðarinnar
í ár ákváðu að fækka hljóm-
sveitum til að gefa listamönnum
meira svigrúm og þétta dag-
skrána. 23 atriði verða á
Gærunni, en mikil aðsókn
Gæran tónlistarhátíð haldin í sjötta sinn
var í ár og 67 atriði sóttu um.
„Af þessum 67 atriðum voru
10 erlend, sem er glæsilegt
og sýnir hvað hátíðin er búin
að vinna sér mikinn sess. Við
vorum heillengi að velja atriði.
Við hlustuðum á öll hljóðbrot
og leituðum að meira efni frá
tilteknum hljómsveitum á
netinu, og komumst á endanum
að niðurstöðu og erum gífurlega
ánægð með hana. Hátíðin er
með sína stefnu og það er að
vera með fjórar týpur af tónlist
og svoleiðis hefur það verið öll
árin. Ég sem framkvæmdastjóri
ætla ekki að breyta hátíðinni
að því leyti, ég vil bara stækka
hana. Við ákváðum því atriði
með það í huga að hafa þetta
sem fjölbreyttast og að allir
myndu finna eitthvað við sitt
hæfi. Það eru fullt af atriðum
sem komust ekki að í ár sem eru
búin að spurja hvenær opni fyrir
næstu Gæruhátíð. Þetta er alveg
frábært.“
Adam var alltaf með
það markmið að koma með
rosalega sterkar hljómsveitir á
hátíðina og óhætt er að segja
að það hafi gengið vel eftir. Páll
Óskar, Amabadama, Bjartmar
Guðlaugsson, Dimma og margir
fleiri koma fram. „Hátíðin er
þekkt fyrir að taka þessi óþekktu
ungu bönd inn svo að þau
verða nokkur. Sem dæmi var
hljómsveitin Vintage Caravan
fundin á Gærunni á sínum tíma,
en búa núna í útlöndum og eru
að gera það gott.“
Það er enn opið fyrir
skráningu sjálfboðaliða, en
hægt er að vera sjálfboðaliði á
hátíðinni. „Samningurinn er
þannig að þú ert í sjálfboðastarfi
í eitt kvöld og færð frían miða á
hitt kvöldið. Svo ertu á hátíðinni
og getur verið að fylgjast með
og haft gaman þó þú sérst í
sjálfboðastarfi. Skráningu í
sjálfboðastarf lýkur helgina
fyrir hátíðina. Einnig langar
mig að minnast á að ef það
eru hópar, starfsmannafélög,
rauðvínsklúbbar og allt
mögulegt, sem hafa áhuga á að
koma á hátíðina er hægt að fá
hópafslátt. Ef þið eruð 10 eða
fleiri til dæmis þá gefum við
ykkur tilboð, við viljum frekar að
þið komið heldur en að þið séuð
heima.“ Adam Smári tekur við
beiðnum um sjálfboðaliða og
hópafslætti á netfangið gaeran@
dammi.is og Heiða Skapta tekur
við símtölum í síma 868-0002.
Forsala er í fullum gangi
núna og í forsölu er búið að selja
vel á annað hundrað af miðum.
Armbandið er á 6900 krónur, og
það borgar sig að kaupa miða
núna, því hann verður dýrari
við dyrnar, eða á 7900. „Þetta
er einfaldlega gert af því að við
þurfum að fá að vita fyrirfram
hvaða fjölda við erum að taka á
móti. Það eru margar ráðstafanir
sem við þurfum að gera og
við þurfum að geta aðlagað
hátíðina að fjöldanum.“ Adam
segir að draumurinn sé að í
framtíðinni þurfi að takmarka
miða. „Hátíðin er búin að vera á
uppleið en tók smá niðursveiflu,
sem gerist á mörgum vígstöðum
á einhverjum tímapunkti. En nú
er bara að rífa skipið upp og sigla
því í höfn. Þessi helgi verður
ævintýri líkast,“ segir Adam að
lokum.
Frá Gæruhátíð.
MYND: HJALTI ÁRNA
28/2015