Feykir - 20.08.2015, Blaðsíða 6
6 31/2015
Íslendingadagur og heimsókn til
Nýja-Íslands hápunktar ferðarinnar
Karlakór Bólstaðarhlíðarhrepps á Íslendingaslóðum í Vesturheimi
Karlakór Bólstaðarhlíðar-
hrepps, sem nýlega fagnaði
90 ára afmæli sínu, fór ásamt
fríðu föruneyti til Vesturheims
á dögunum til að heimsækja
vestur-íslenskar byggðir og til
að kynnast viðburðum og
einnig afkomendum
Vesturfara. Jóhanna Helga
Halldórsdóttir skrásetti
ferðasöguna og eftirlét Feyki
hana til birtingar.
Þann 29. júlí var lagt af stað og
flogið til Minneapolis í Banda-
ríkjunum, þar sem Almar
Grímsson fararstjóri hjá Bænda-
ferðum tók á móti okkur á
flugvellinum með bílstjóranum
Ron á feiknastórri rútu sem fékk
strax viðurnefnið Gullvagninn.
Þeir félagarnir drifu hópinn á
hótel þar sem var gist fyrstu tvær
næturnar. Konurnar í hópnum
voru himinlifandi yfir staðsetn-
ingu hótelsins, sem er í fimm
mínútna göngufæri frá því fræga
Mall of America. Þar sem fólk
hafði ferðast langt þennan
sólarhringinn sló það sér til
almennra rólegheita um kvöldið.
Daginn eftir var farið í skoð-
unarferð um tvíburaborgirnar
Minneapolis og St. Paul, en sú
síðarnefnda er höfuðborg
ríkisins. Þessar borgir eru mjög
ólíkar og er virkilega gaman að
skoða þær báðar. Mississippi áin
var reyndar mikið skítugri en
fólk hafði órað fyrir og karla-
kórinn æfði sig aðeins að syngja
á svölum nýlega byggðs menn-
ingarhúss á meðan við horfðum
út á Rauðána og Mississippi ána
sem mætast þarna. Þegar
skoðunarferðinni lauk lögðu
flestir leið sína í Mall of America
til að borða, skoða og versla og
svo var hægt að fara í gönguferðir
um næsta umhverfi.
Á þriðja degi var ekið af stað í
vestur frá Minneapolis, áð í
bænum Clearwater og svo haldið
áfram alla leið til Alexandria í
hádegismat. Ekki er víst að
ferðalangarnir frá Íslandi hafi
gert sér grein fyrir vegalengd-
unum vestra, en þennan dag
fannst mörgum að klukku-
stundirnar væru alltof margar í
Gullvagninum en á endastöð
komumst við til Grand Forks í
Norður-Dakóta.
Daginn eftir var ekið til
UMSJÓN
Þóra Kristín Þórarinsdóttir
Mountain þar sem karlakórinn
söng þjóðsöngvana þrjá í upp-
hafi hátíðardagskrár Íslendinga-
dagsins í Mountain og var einnig
sungið á milli atriða. Í lokin slóst
Kirkjukór Hólaneskirkju í hóp-
inn og tók lög með karlakórnum.
Eftir hátíðardagskrána var farið í
skoðunarferð út í sveit og urðu
margir glaðir þegar Þingvellir
voru heimsóttir og leiði Káins
kímniskálds, en þar var bæði hellt
víni yfir legsteininn og sungið
fyrir Káinn.
Á fimmta degi var ekið til
Winnipeg í Kanada og svo átti
fólk frjálsan dag og margir fóru í
gönguferðir, siglingu eða búðir
og sumir gerðu allt saman. Þann
3. ágúst var svo komið að einum
hápunkti ferðarinnar, Íslend-
ingadeginum í Gimli. Norður-
amerísk skrúðganga er engri lík
og stemningin frábær, en þarna
var bæði karlakórnum og
kirkjukórnum komið fyrir á
vagni með heyböggum aftan í
GMC-jeppa og sungu þau svo
fullum hálsi alla skrúðgönguna á
meðan þeirra föruneyti skoðaði
markaðsstemninguna í Gimli.
Kórarnir sungu svo við hátíðar-
dagskrána og alls staðar var fólk
sem vildi hitta Íslendingana og
spjalla, rekja ættir sínar saman
við okkar og gestrisnin og hlýjan
frá fólkinu vestra var einstök og
ber sannarlega að þakka fyrir.
Annar hápunktur ferðinnar
var skoðunarferð til Nýja-
Íslands. Þar voru hjónin Rósa-
lind og Einar Vigfusson heimsótt
og svo var farið á byggðasafnið í
sveitinni og þar fengum við
líklega besta matinn í ferðinni og
vel útilátinn. Líka má segja að
fjölgað hafi í hópnum í Árborg
þegar fréttir komu að heiman
um að Höskuldur formaður og
þau Rögnvaldur undirleikari og
Hrönn kona hans hefðu eignast
ömmu – og afabarn. Frá Árborg
var keyrt til Hecla Provincial
Park, eða Mikleyjar, þar sem
ýmislegt var skoðað og þar
sungum við líka í kirkjunni.
Áfram var ekið sem leið lá til
Riverton við Íslendingafljót þar
sem kórarnir héldu sameiginlega
tónleika um kvöldið og húsfyllir
var. Þarna gafst okkur kostur á
að spjalla við heimamenn eins
og í Gimli og fengum vel að
borða og drekka áður en haldið
var til baka á hótelið, þar sem var
sungið áfram langt fram á nótt.
Í dúr og moll
Nokkrum sinnum í ferðinni
kom upp sú umræða að karlar
og konur væru ekki alltaf á sömu
bylgjulengd og á meðan karlarnir
voru að taka sig alvarlega og
finna réttu tóntegundirnar og
rétta dúrinn og jafnvel dúrana
(leggja sig) þá væru konurnar
meira í því að taka það alvarlega
að finna moll og fara í moll.
Líklega er þetta misskilningur á
báða bóga en á leiðinni heim
tókst öllum að finna eitthvað við
sitt hæfi, hvort sem það var í dúr
eða moll.
Ferðin í heild gekk að öllu
leyti vel og einstaklega vand-
ræðalaust hjá þessum 50 manna
hópi sem fór vestur um haf.
Síðustu nóttina var gist í Fargo í
Bandaríkjunum og flogið heim
kvöldið eftir. Gestrisni og gott
viðmót fengum við alls staðar og
vandalaust var að leysa úr því
sem þurfti. Við erum öll farin að
hlakka til næstu ferðar!
Dómur fallin
í máli Sveitar-
félagsins gegn
Ríkissjóði
Þjóðlendumál
Á fundi byggðarráðs
Sveitarfélagsins
Skagafjarðar þann 13.
ágúst síðastliðinn var
lagður fram dómur
Héraðsdóms Norðurlands
vestra frá 5. júní 2015 í
máli E-50/2012 sem
Sveitarfélagið Skagafjörður
höfðaði gegn Ríkissjóði
Íslands.
Sveitarfélagið krafðist
þess að felldur yrði úr gildi
að hluta úrskurður óbyggða-
nefndar í málinu nr. 1/2009
og 2/2009.
Niðurstaða dómsins er
sú að úrskurðir óbyggða-
nefndar um þjóðlendur er
staðfestur að mestu, en þó er
fallist á að sellöndin í Una-
og Deildardal séu eignarlönd
sveitarfélagsins. Byggðarráð
samþykkti á fundinum að
áfrýja ekki dómi héraðs-
dóms til Hæstaréttar Íslands.
/KSE
Hópurinn við styttuna af Jóni Sigurðssyni fyrir utan þinghúsið í Winnipeg.
Fjölskyldan frá Brandsstöðum í gönguferð á Nýja-Íslandi.
Sauðkrækingar í sólinni. Páll og Margrét, Steinunn og Atli.
Skrúðganga í Gimli, verið að leggja af stað á vagninum. MYNDIR: JÓHANNA HELGA
Rakel
Gígja
knapi
mótsins
Gæðingamót Þyts
Gæðingamót Þyts var
haldið sl. laugardag. Knapi
mótsins valinn af dómurum
var Rakel Gígja Ragnars-
dóttir og glæsilegasti
hestur mótsins var Grágás
frá Grafarkoti.
Hæst dæmda hryssa
mótsins var Brúney frá
Grafarkoti, knapi Elvar Logi
Friðriksson, en verðlaunin
eru gefin af Hrossaræktar-
samtökunum.
Fjórðu aukaverðlaunin
sem veitt eru á Gæðingamóti
Þyts eru til elsta keppenda í
áhugamannaflokki en það
var Eva-Lena Lohi sem
hreppti þau. Fjórar pollar á
aldrinum 2ja til níu ára tóku
þátt í mótinu og stálu þau
eins og nærri má geta athygli
allra á svæðinu meðan þau
voru í braut. Sagt er frá
mótinu á vef Þyts. /KSE