Feykir - 12.05.2010, Blaðsíða 10

10 Feykir 18/2010
FE
YK
IR
2
01
0
FE
YK
IR
2
01
0
Árskóli
Nemendur í 10. bekk Árskóla
hafa lokið púlinu þennan
veturinn og við taka
viðburðaríkir lokadagar að
ógleymdu skólaferðalagi til
Danmerkur. Nemendurnir
kvöddu skólann með stæl sl.
föstudag.
Nemendur tóku daginn
snemma og buðu foreldrum
sínum til morgunkaffis í
skólanum upp úr sjö um
morguninn. Klukkan átta
höfðu þau síðan tekið sér stöðu
fyrir utan starfsmannainngang
skólans þar sem rauður dregill
hafði verið settur út fyrir
kennarana er þeir mættu til
kennslu. Sjálf röðuðu krakk-
arnir sér síðan við dregilinn og
fögnuðu kennurum sínum.
Að móttöku lokinni héldu
nemendurnir í kennslustof-
urnar enda sá 10. bekkur um
kennsluna þennan morguninn.
Ýmsir leikir, þrautir og gaman
var á stundarskránni og höfðu
yngri nemendur gaman af
uppátækjum þeirra sem eldri
voru. Yngra stigið mætti í
íþróttahúsið þar sem þau fengu
kennslu.
Feykir náði skemmtilegum
myndum af skemmtilegum
degi. Bless bless, sungu
nemendurnir fyrir kennara
sína um leið og þeir höfðu það
á orði að nú væri leiknum lokið
og alvaran tæki við. Feykir
óskar nemendum 10. bekkjar
nær og fjær velfarnaðar og
minnir þau á að ganga hægt
um gleðinnar dyr.
Bless,
bless skóli FEYKIR 2010
FE
YK
IR
2
01
0
FE
YK
IR
2
01
0