Feykir - 01.06.2011, Blaðsíða 2
2 Feykir 21/2011
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Guðný Jóhannesdóttir – gudny@feykir.is & 455 7176
Blaðamenn:
Páll Friðriksson – palli@feykir.is & 861 9842
Óli Arnar Brynjarsson – oli@feykir.is
Lausapenni: Örn Þórarinsson.
Prófarkalestur: Karl Jónsson
Áskriftarverð: 317 krónur hvert tölublað með vsk. Lausasöluverð: 350 krónur með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Feykir
Óháð fréttablað á Norðurlandi vestra - alltaf á fimmtudögum
LEIÐARI
Glaður hvalur, glaðar konur
og fallega Hrísey
Ég fór í frábæra óvissuferð um helgina en einn áfangi
óvissunnar var ferð út í Hrísey þar sem við fórum í ferð með
dráttarvél og snæddum dýrindis nautasteik. Þessi ferð væri
svo sem ekki í frásögur færandi fyrir utan að hafa verið
bráðskemmtileg, þá heillaði Hrísey mig upp úr skónum.
Þangað hafði ég ekki komið síðan ég var stelpa og mundi
lítið eftir þeirri för annað en að hafa af Hríseyjarbörnum
verið ásamt félögum mínum í sumarbúðum UMSE, grýtt
með fiskhausum. Minningin var því neikvæð og mig hafði
aldrei langað aftur. Nema hvað. Ég held að mér sé óætt að
fullyrða að ég hef aldrei komið í snyrtilegra samfélag en
einmitt úti í Hrísey. Hvergi var rusl að sjá, garðar snyrtilegir
og í fallegri rækt. Það fallegri að það var virkilega gaman að
skoða þá, húsin gömul og vel við haldið og dráttarvélar
eyjabúa með farþegakössum aftan á krydduðu mannlífið.
Bráðfjörugur leiðsögumaður tók á móti okkur við
hafnarbakkann og sat með okkur aftan á kerrunni og
fengum við leiðsögn um það sem fyrir augu bar.
Einangrunarstöðin, Galloway naut, falleg hús og fallegir
garðar, fiskhjallar, fuglalíf og náttúrufegurð var til að heilla
ferðalangana upp úr skónum. Brekka er kapítuli út af fyrir
sig og maturinn algjörlega frábær. Og svo til þess að toppa
ferðina þá veifaði glaðlega til okkar hvalur á leiðinni til
baka. (Við vorum alla vega svo glaðar að við ákváðum að
hann væri það líka blessaður hvalurinn.)
Mig langar að nota þetta tækifæri nú eða misnota eftir
því sem við á til þess að hrósa Hríseyingum fyrir fallegan
bæjarbrag og frábærar móttökur því allir sem við mættum
buðu okkur glaðlega góðan daginn enda einstaklega glaðar
konur á ferð.
Guðný Jóhannesdóttir
ritstjóri
Kristín Lilja Friðriksdóttir,
verkefnisstjóri
almenningsíþróttasviðs ÍSÍ
hefur sent Sveitarfélaginu
Skagafirði erindi þar sem í
tilefni átaksins “Hjólað í
vinnuna”, stjórnendur
sveitarfélagsins eru hvattir
til að gera umhverfi
hjólreiðamanna í
sveitarfélaginu sem best.
Í erindi hennar kemur
fram að verkefnastjóra hafi
borist ábendingar frá þátt-
takendum átaksins um að
víða þurfi að betrumbæta í
umhverfi hjólreiðamannsins.
Sauðárkrókur
Hjólreiða-
menn vilja
úrbætur
51. árgangur Húnavökunn-
ar er kominn út og er nú
hægt að nálgast ritið í
Samkaup á Blönduósi og
Skagaströnd. Ritið er að
venju stútfullt af kveðskap,
æviminningum, viðtölum,
smásögum og öðru sem
auðgar manninn.
Að þessu sinni er aðalvið-
tal ritsins við þau hjón
Magnús Ólafsson og Björgu
Þorgilsdóttur oftast kennd við
Sveinsstaði.
Í ávarpi ritstjóra segir m.a.
„Án menningar væri mannlífið
mun fábreyttara og fátækara.
Orðið menning hefur svipaða
merkingu og orðið menntun,
þ.e. að verða að manni.
Menning veitir þeim lífsfyllingu
sem hana stunda og njóta.“
Húnavakan kostar 4.000,-
kr. Það er Ungmennasamband
Austur-Húnvetninga sem
gefur ritið út eins og alltaf.
Húnaþing
Ný Húna-
vaka komin
í verslanir
Úr bloggheimum
„Farfuglarnir” komnir
Á Húnaþingsblogginu segir
að „Þá fer þetta allt að
byrja aftur“ og er þá verið
að vísa til þeirra umferðar-
óhappa sem erlendir
ferðamenn rata stundum í
á slæmum vegum landsins.
Tilefni þessarar færslu er að
á Vatnsnesinu við bæinn Tjörn
var bíll á hvolfi þegar tíðinda-
maður bloggsins var á ferðinni
þar.
Ekki er vitað um slys á fólki
í þessari veltu en leiða má að
því líkum að fólk hafi ekki
slasast því í flestum tilfellum er
lögreglan kvödd á staðinn ef
slys verður á fólki.
Mynd: Hunathing.123.is
Hofsós
Slökkviliðið flytur
út fyrir verslun
Til þess að hægt verði að
opna bráðabirgðaverslun á
Hofsósi þurfti slökkviliðið í
Skagafirði að flytja út úr
sínum helmingi í húsnæði
sem er í eigu slökkviliðsins
og björgunarsveitarinnar
Grettis.
Að sögn Vernharðs Guðna-
sonar slökkviliðsstjóra var
það þeim í slökkviliðinu ljúft
og skylt að geta lagt eitthvað
af mörkum svo hægt verði að
opna verslun með nauðsynjar
fyrir Hofsósinga og nær-
sveitir.
„Slökkviliðið flytur því
tímabundið úr slökkvistöðinni
svo af þessu geti orðið.
Slökkviliðið hefur komið sér
fyrir í gamla frystihúsinu á
meðan að verslun KS verður
endurbyggð eftir brunann,“
segir Vernharður.
Fyrstu fjórir mánuðir ársins á Blönduósi
Farið yfir reksturinn
Á fundi bæjarráðs Blöndu-
ósbæjar fyrir helgi kynnti
fjármálastjóri bæjarins
rekstraryfirlit Blönduósbæjar
fyrstu 4 mánuði ársins.
Þar kom fram að bókaðar
tekjur fyrstu 4 mánuði ársins
námu alls 255.6 millj. kr. en
fjárhagsáætlun gerir ráð fyrir
tekjum að upphæð 640 millj.
kr. allt árið 2011.
Bókuð útgjöld fyrstu 4
mánuði ársins eru 231,8 millj.
kr. en fjárhagsáætlun ársins
gerir ráð fyrir útgjöldum upp á
580,6 millj. kr. allt árið.
Niðurstaða úr rekstri fyrstu 4
mánuði er 23,7 millj. kr. tekjur
umfram gjöld en fjárhagsáætlun
án afskrifta, verðbóta og
söluhagnaðar gerir ráð fyrir
59,4 millj. kr. tekjum umfram
útgjöld. Fjárfestingar fyrstu 4
mánuði ársins eru engar, en
gert er ráð fyrir 7 millj. kr. í
fjárfestingar árið 2011.
Lögreglan á Sauðárkróki
Í mörg horn að líta
Það var nóg að gera hjá
lögreglunni á Sauðárkróki
um helgina en við skulum
líta í dagbók lögreglu
„Á laugardagsmorguninn
var tilkynnt um umferðar-
óhapp á Sauðárkróksbraut
við Geitagerði. Í ljós kom að
ökumaður bílsins var 16 ára
og þar af leiðandi ökurétt-
indalaus.
Hann er jafnframt grun-
aður um ölvun við akstur og
að hafa tekið bifreiðina
ófrjálsri hendi úr iðnaðar-
húsnæði á Sauðárkróki fyrr
um nóttina. Hinn ungi
ökumaður slapp með
minniháttar meiðsl en var
fluttur á FSA til skoðunar.
bifreiðin er töluvert skemmd
Rétt fyrir eitt á laugar-
deginum barst lögreglu
tilkynning um að maður hafi
fallið af bifhjóli á Þverár-
fjallsvegi. Maðurinn var
fluttur á Heilbrigðisstofn-
unina á Sauðárkróki til
aðhlynningar. Meiðsl hans
eru ekki talin alvarleg.
Ástæður óhappsins má rekja
til þess að hross hljóp yfir
veginn og í veg fyrir bifhjóla-
mennina.
Tilkynnt var um rúðubrot
á reiðhöllinni og af um-
merkjum mátti sjá að einhver
hafði farið inn. Ekki var
sjáanlegt að neinu hafi verið
stolið en rótað hafði verið í
dóti.
Á sunnudaginn barst
lögreglu tilkynning um að
maður væri í farangursrými
bifreiðar sem ekið væri
innanbæjar á Sauðárkróki.
Við skoðun kom í ljós að
maðurinn var farinn úr
farangursrýminu en viður-
kenndi ökumaðurinn að
farþeginn hafi farið þangað í
fíflagangi. Var brýnt fyrir
ökumanninum og farþeg-
anum að slíkt uppátæki væri
ólöglegt og stórhættulegt.“
Það er gaman að hjóla.