Feykir - 01.06.2011, Blaðsíða 8
8 Feykir 21/2011
Tómstundahópur Rauða krossins
Stefnan
tekin suður
Það hljóp heldur betur á
snærið hjá Tómstundahópi
Rauða krossins á
Sauðárkróki í síðustu
viku þegar þær Sigrún
Aadnegard og Steinunn
Hallsdóttir afhentu afrakstur
Fiskisæludaga sem haldnir
voru í Ljósheimum um
Sæluvikuna.
Í Sæluvikunni sem nú virðist
langt að baki, var tilreiddur fiskur
í ýmsum útfærslum fyrir þá er
komu en allur ágóði af greiðasölu
þessari rennur til góðgerðamála.
Nú naut tómstundahópurinn
góðs af Fiskisæludögunum en
upphæðin sem um ræðir var
alls 120 þúsund krónur sem
efalaust á eftir að koma sér vel.
Það var Steinar Þór Björnsson
sem tók við gjöfinni fyrir hönd
tómstundahópsins en svo
skemmtilega vildi til að hann átti
afmæli þennan dag.
Það er Skagafjarðardeild
Rauða kross Íslands sem heldur
úti því verkefni sem kallast
„Tómstundahópar Rauða kross
Íslands“. Hugmyndin kom fram á
sínum tíma út frá umræðuhópum
Átaks sem starfræktir hafa verið
í Skagafirði á árunum 1998
til 2005. Þegar hópurinn tók
þessum stakkaskiptum voru Jón
Þorsteinn Sigurðsson (2003
- 2008) og Guðrún Harpa
Heimisdóttir (2004 - 2006)
ábyrgðarmenn hópsins, síðan þá
hafa 5 ábyrgðarmenn verið með
hópinn og í dag eru Auðbjörg
Ósk Guðjónsdóttir (síðan 2006)
og Kristín Brynja Ármannsdóttir
(síðan 2009) ábyrgðarmenn.
Markmið tómstundahópsins
er að hvetja og efla félagsfærni
þeirra sem sækja hópinn. Hittist
hópurinn eftir óskum til að fylgja
eftir viðburðum sem þátttakendur
hafa áhuga á að taka þátt í eða
hafa skipulagt. Fundirnir stuðla
að auknum og innihaldsríkari
félagslegum samskiptum þátt-
takenda og þeim gefst kostur á
meiri samskiptum sín á milli í
beinum tengslum við áhugamál
sín. Margir viðburðir eru
skipulagðir af tómstundahópnum
og má nefna jólahlaðborð,
þorrablót, bingó, tónleika og leik-
húsferðir bæði til Reykjavíkur og
Akureyrar. Sumarferðir hópsins
síðustu árin hafa verið fjallaferð
(2006), Spánarferð (2007), ferð
á Vestfirði (2008), óvissuferð til
Húsavíkur og um Mývatnssveitina
(2009).
Allir þessir viðburðir hafa
verið vel sóttir og heppnast
með eindæmum vel en hægt er
að skoða ýmislegt um þessa
starfsemi á vefsíðunni www.thrki.
net. Fyrir sumarferðina 2011 er
stefnan tekin suður til að skoða
Sólaheima í Grímsnesi og aðra
staði Suðurlandsins. 2013 eða
2014 er von hópsins að geta
tekið flugið af landinu til að skoða
framandi staði.
Sjálfboðaliðar aðstoða við
skipulagningu og framkvæmd
viðburða, auk þess að aðstoða
þá einstaklinga sem þurfa
aðstoð við athafnir daglegs lífs. Í
hópnum eru 7 einstaklingar af 18
bundnir hjólastólum. Af þessari
ástæðu þarf hópurinn allavega
11 aðstoðarmenn þegar sóttir
eru viðburðir eða farið í ferðalög.
Til þess að starfsemin nái
markmiðum sínum þarf að
leita allra leiða til að fjármagna
verkefnin og er þá leitað í almenna
sjóði, til fyrirtækja og einstaklinga
sem og ýmissa stofnana.
Þeir sem hafa styrkt Tóm-
stundahóp Rauða kross Íslands
starfsárið 2010-2011 eru
Menningarsjóður Kaupfélags
Skagfirðinga, Sveitarfélagið
Skagafjörður, Fiskisæluhópurinn
og Ísfugl og vilja þeir sem að
tómstundahópnum standa þakka
kærlega fyrir velvilja þessara aðila
því án aðstoðar frá þjóðfélaginu
hefur hópurinn ekki forsendur
fyrir starfsemi sinni.
HÉRAÐSSÝNING Á SÖRLASTÖÐUM
Kiljan frá Steinnesi
hæst dæmdur
Stóðhesturinn Kiljan frá Steinnesi í Austur-
Húnavatnssýslu stóð efstur allra hrossa á
Héraðssýningu á Sörlastöðum um helgina
þar sem hann var sýndur í flokki stóðhesta
7 vetra og eldri.
Kiljan sem er m.a. í eigu Halldórs
Þorvaldssonar á Sjónarhóli í Skagafirði hlaut
fyrir sköpulag 8,35, fyrir hæfileika 8,95 og í
aðaleinkunn 8,71.
Kiljan er einkar glæsilegur hestur og
verður gaman að sjá hvernig honum vegnar
á Landsmóti hestamanna í sumar. Sýnandi
Kiljans var Þorvaldur Árni Þorvaldsson. Kiljan
verður í húsnotkun á Hvoli sunnanlands og í
Kýrholti Skagafirði eftir Landsmót.
Hestaumfjöllun Feykis Sjá fleiri hestafréttir á www.feykir.is/hestar
Þorvaldur Árni Þorvaldsson og Kiljan frá Steinnesi. Mynd: sudur-bar.is
Hluti Tómstundahóps Rauða krossins var viðstaddur afhendingu styrks Sælufiskidaga. Steinar
Þór Björnsson átti afmæli þennan dag og fékk af því tilefni að taka við styrknum úr hendi
Sigrúnar Aadnegard.
FRÉTTIR AF HESTUM
65 hross í fullnaðar-
dóm á Hvammstanga
Senn líður að Landsmóti hestamanna á
Vindheimamelum og hrossaræktendur og
sýnendur uppteknir þessa dagana við að koma
hrossum sínum á framfæri. Í síðustu viku
fóru 65 hross í fullnaðardóm á Hvammstanga
þar sem Símon frá Efri-Rauðalæk stóð efstur
með aðaleinkunnina 8,29 en alls fengu fjögur
hross einkunnarlágmörk fyrir Landsmót.
Auk þeirra 65 hrossa sem fóru í fullnaðar-
dóm voru 14 aðeins byggingardæmd.
Metskráning á
Héraðssýningu á
Vindheimamelum
Nú stendur yfir Héraðssýning á Vind-
heimamelum þar sem 227 hross eru skráð til
leiks. Brugðist var við þessari miklu skráningu
með því að skipa í aðra dómnnefnd og voru
því tvær dómnefndir að störfum á mánudag.
Með þessum hætti var hægt að koma öllum
þeim hrossum að sem skráð höfðu verið.
Byggingardómar fara fram í Saurbæ og dómar
á “kynbótavellinum” á Vindheimamelum
en yfirlitssýning verður síðan á laugardag, á
aðalvellinum. Nánari upplýsinga er hægt að
leita á horse.is.
FIRMAKEPPNI LÉTTFETA
Góð
þátttaka
Firmakeppni Léttfeta var haldin sunnudaginn
29. maí s.l. Keppt var í barnaflokki, unglinga-
flokki, ungmennaflokki, kvennaflokki og
karlaflokki. Góð þátttaka var í mótinu og vill
félagiðþakka þeim fyrirtækjum sem styrktu
það kærlega fyrir stuðninginn.
Helstu úrslit voru eftirfarandi:
Karlaflokkur
1. Skapti Steinbjörnsson á Dofra frá Úlfsstöðum
– Kaupfélag Skagfirðinga
2. Sigurbjörn Þorleifsson á Elvu frá Langhúsum
– Hádrangi
Kvennaflokkur
1. Camilla Munk Sörensen á Blæng frá Húsavík
– Leiðbeiningamiðstöðin
2. Hallfríður Sigurbjörg Óladóttir á Kolgerði frá Vestri-
leirárgörðum – Bændaþjónustan
Ungmennaflokkur
1. Hallfríður Sigurbjörg Óladóttir á Ræl frá Varmalæk
– Fluga
2. Svala Guðmundsdóttir á Birki frá Sauðárkróki
– K-Tak
Unglingaflokkur
1. Elín Margnea Björnsdóttir á Stefni frá Hofstaðaseli – VÍS
2. Steindóra Haraldsdóttir á Gust frá Nautabúi – Steinull
Barnaflokkur
1. Reynir Eysteinsson á Orku frá Laufhóli – Vörumiðlun
2. Sylvía Björnsdóttir á Fjólu frá Fagranesi
– Tannlæknastofa Ingimundar