Feykir - 01.06.2011, Qupperneq 11
21/2011 Feykir 11
Heilir og sælir lesendur góðir.
Finn í mínu dóti frásögn af því að
maður að nafni Þorgils hafi sést vera
að láta vel að stúlku á dansleik. Okkar
ágæti Rögnvaldur Rögnvaldsson
heyrði þau tíðindi og orti svo, magnaða
hringhendu.
Gleðin korguð orðin er
eg má sorgir þola.
Upp við Þorgils ekur sér
Amors dorgarhola.
Fyrir allmörgum árum þóttu það
tíðindi er kona austur á Fjörðum var
kosin í hreppsnefnd. Mun Hjálmar
Guðmundsson í Fagrahvammi í
Berufirði hafa hugsað til bónda
hreppsnefndarmannsins og ort svo.
Eftirtekt honum enginn veitir
þótt ötull sé hann við búskapinn.
Menn vita tæplega hvað hann heitir
hreppsnefndarkonumaðurinn.
Kannski hef ég áður í þessum þáttum birt
þessa ágætu vísu Hjörleifs Kristinssonar
á Gilsbakka.
Leikur ekki lipran gang
lítt vill blekking þjóna.
Þegar brekkan fyllir fang
fyrst ég þekki Skjóna.
Sá snjalli hagyrðingur Jóhann
Magnússon frá Mælifellsá, orti svo
fallega hringhendu, er hann kom á
heimili Þorsteins bróður síns skömmu
eftir að hann lést.
Fræðagengi féll hér skjótt
fiðlustrengir drjúpa hljóðir.
Nú fær enginn oftar sótt
andans feng á þessar slóðir.
Sá kunni hagyrðingur Skúli Guð-
mundsson alþingismaður Húnvetninga,
mun ef ég man rétt hafa sent, góðvini
sínum Bjarna Ásgeirssyni alþingismanni
Mýrarmanna, svo fallega hringhendu á
vordegi.
Gyllir röðull grund og naust
geislar stöðugt skína.
Fulla af töðu fyrir haust
fáðu hlöðu þína.
Þorsteinn Magnússon sem getið er um
hér að framan, var ekki í vandræðum
með að koma saman vísu. Held endilega
að þessi sé eftir hann.
Ei ég lengur una má
Óðins feng að sinna.
Hér vill enginn hlusta á
hljóminn strengja minna.
Vísnaþáttur 547
Þegar ég er að leggja drög að þessum
þætti með því að punkta niður nokkra
minnispunkta aðfaranótt 21. maí, í
norðan stormi, 5 stiga frosti og bruna
kulda, kemur fljótt upp í hugann þessi
kunna vísa Ólínu Jónasdóttur.
Blómum dauðinn gaf ei grið
grundir auðar standa.
Fölnað hauður vel á við
vonarsnauðan anda.
Kannski mun einhverntíman hlýna
og þá gæti vel átt við þessi ágæta vísa
Jóhanns Garðars.
Fuglar strangan gera gný
gil og drangar óma.
Skógar fangi falinn í
finn ég angan blóma.
Önnur vísa kemur hér sem mig minnir
að sé eftir Jóhann Garðar.
Vonin lýsir veikri sál
veröld hýsir skugga.
Dagur rís úr dimmum ál
dropi frýs á glugga.
Kristinn Bjarnason frá Ási mun eiga
þessa.
Þó að fenni um fjalla svið
frost sé enn að verki.
Rumskið menn og vaknið við
vorsins kennimerki.
Vel er við hæfi á þessum trylltu
gosdögum er þessi þáttur er í smíðum
að rifja næst upp þessa ágætu vísu eftir
Ólöfu Sigurðardóttur á Hlöðum.
Meðan glóð í gígnum er
gáski í blóði ungu.
Munu ljóðin leika sér
létt á þjóðartungu.
Sá ágæti hagyrðingur Bjarni frá Gröf
mun hafa ort þessa.
Mun ég hafa á meyjum lyst
meðan endist þrekið.
Þrettán hafa heimavist
í hjarta mínu tekið.
Gott að enda með skeyti, sem gamli
Sveinbjörn alsherjargoði mun hafa sent
kunningja.
Ástargæskunnar gróðrarskúr
gleði hjarta þíns vekji.
Girndarhundarnir harminn úr
hugtúni þínu reki.
( GUÐMUNDUR VALTÝSSON )
Verið þar með sæl
að sinni.
Guðmundur
Valtýsson
Eiríksstöðum
541 Blönduósi
Sími 452 7154
Íþróttir
Góðir gestir á
fjölskyldudegi
Það var mikið um dýrðir hjá
knattspyrnuunnendum á
Norðurlandi vestra í síðustu
viku þegar KSÍ fór um svæðið
hitti unga iðkendur og leysti
þá út með góðri gjöf.
Fulltrúar KSÍ byrjuðu
á Hvammstanga, fóru því
næst á Blönduós og enduðu
á Sauðárkróki þar sem þeir
duttu inn á fjölskylduhátíð
knattspyrnudeildar Tindastóls.
Á fjölskylduhátíðinni fóru
krakkarnir og foreldrar þeirra
í knattþrautir, fótbolta og fleiri
leiki og enduðu síðan með
að fá grillaðar pylsur og gjöf.
Krakkarnir fóru að sjálfsögðu í fótbolta. Meistaraflokkur kvenna grillaði ofan í liðið.
Gjöfin góða var Tækniskóli
KSÍ á DVD disk.
Feykir hefur eftir öruggum
heimildum að diskurinn hafi
víða verið mikið spilaður sl.
viku. Sannarlega gott framtak
þetta.
Meðfylgjandi myndir
voru teknar á fjölskylduhátíð
Tindastóls. En þangað komu
Hólmar Örn Eyjólfsson og
Eyjólfur Sverrisson en Eyjólfur
vakti litla athygli miðað við
soninn.
Þeir feðgar Eyjólfur og Hólmar afhenda DVD-diskana frá KSÍ. Unglingar á öllum aldri spreyttu sig á æfingasvæðinu.
Hólmar er vinsæll hvar sem hann kemur.