Feykir - 01.06.2011, Page 5
21/2011 Feykir 5
Íþróttafréttir Feykis
Knattspyrna : 1. deild kvenna
Sigur gegn liði ÍR
Meistaraflokkur kvenna hjá
Tindastóli vann góðan sigur í
1. deildinni sl. föstudags-
kvöld þegar þær fengu lið ÍR
í heimsókn á Sauðárkróks-
völl. Leikið var við ágætar
aðstæður þó áhorfendum
hafi örugglega verið orðið
pínu kalt þegar líða tók á
leikinn. Lokatölur 1-0 fyrir
Tindastól.
Svava Rún Ingimarsdóttir
skoraði sigurmark Tindastóls á
69. mínútu með skoti beint úr
aukaspyrnu utan af kanti en
boltinn sveif í fallegum boga
yfir markvörð ÍR og í bláhorn-
ið. Stuttu áður fengu ÍR-ingar
sitt besta færi í leiknum en
boltinn hafnaði í þverslánni
eftir skot úr aukaspyrnu.
Leikmenn Tindastóls
börðust eins og ljón í leiknum
og gaf vörnin fá færi. Sama má
segja um ÍR-liðið en mark
Svövu gerði gæfumuninn í
kvöld og 3 sæt stig komin í pott
Tindastóls.
Söngför í Fljótshlíðina
Það runnu á ýmsa tvær
grímur á síðast liðnu ári er
goslok urðu í Fimmvörðu-
hálsi 12. apríl en tók að
gjósa daginn eftir með
sprengigosi í Eyjafjallajökli.
Ógnarlegar myndir í
sjónvarpi af kolsvartri
öskunni undir Eyjafjöllunum
og allt vestur á Hvolsvöll
drógu úr allan mátt til
væntanlegrar söngfarar í
Fljótshlíðina.
Smátt og smátt fækkaði í
hópnum er treysti sér til
fararinnar í nágrenni við
eldstöðina. Það var þó ekki fyrr
en í lengstu lög að ferðalagið
var slegið af og ákveðið að
fresta för um eitt ár.
Hundrað ár í næsta gos
Svo rann upp 21. maí 2011. 100
ár í næsta gos. Vorið komið en
kalt hér fyrir norðan. Það var
tilhlökkun í félögunum sum-
arið komið lengra í Fljóts-
hlíðinni og kór okkar eldri
borgara í Skagafirði eins vel
undirbúinn til söngs eins og
sanngjarnt er að búast við.
Ferðin hófst við „gömlu
Essóstöðina“ farið var um
Varmahlíð og Vatnsskarð og
söngfólkið týnt upp á leiðinni.
43 manna hópur. Bifreiðar-
stjórinn, Sævar Þorbergsson,
ljúfur og góður, ók þessari fínu
Suðurleiðarútu sem var far-
kosturinn. Stutt stopp var í
Staðarskála síðan mikil
súpuveisla í Borgarnesi.
Uppákoma í söng,
frábær kvartett
Komið var í Hveragerði um
hálf þrjú er kaffi var drukkið í
Eden var sú skemmtilega
uppákoma að Sveinn Arnar
Sæmundsson Skagfirðingur að
langfeðratali og Atli Guðlaugs-
son ásamt tveimur sonum
sínum sungu þrjú eða fjögur
lög af slíkri snilld að lengi verð-
ur í minnum haft. Þeim var
klappað mikið lof í lófa. Okkar
ágæti kór var með söng-
skemmtun í kirkjunni í
Hveragerði klukkan fjögur
aðsókn var með ágætum og
undirtektir góðar. Þorbergur
Skagfjörð Jósepsson og Skúli
Jóhannsson sungu einsöng
með kórnum. Kirkjan stendur
á afar fögrum stað og er hið
ágætasta sönghús, sól og blíða
umvöfðu staðinn.
Skagfirðingar valdir
að gosi?
Ferðin austur í Fljótshlíðina
gekk eins og í sögu, félagarnir
sælir eftir sönginn í Hveragerði.
Við renndum í hlaðið á Smára-
túni nákvæmlega fimmtán
mínútur yfir sex. Fengum
frábærar móttökur og var
raðað í glæsileg hótelherbergi
og úthýsi í næsta nágrenni.
Farið var í þægilegri fatnað og
kvöldverður beið okkar. Á
leiðinni fram ganginn gall í
tveimur konum að farið væri
að gjósa í nágrenninu en spurn-
ingin hvar? Enga brandara hér!
Engar ýkjusögur! Hvað er
þetta! Látið ekki svona!
Fimmtán mínútur fyrir sjö var
ljóst að heljarmikið gos væri
hafið í Grímsvötnum. Aldrei
mega skagfirskir söngfuglar
bregða sér af bæ svo ekki séu
stór viðburður á næsta leiti. En
þetta var nú dagur heimsenda-
spár ættaðrar vestan úr
Ameríku svo ýmsu mátti nú
eiga von á. Þó leiðrétting kæmi
nú eftir á að reiknað hefð verið
vitlaust um fimm mánuði í
vesturheimi.
Öskugrenjandi bylur
Aðfaranótt sunnudagsins,
nokkuð eftir óttu, er sólin kom
AÐSENT EFNI Hörður Ingimarsson skrifar
Söngskemmtun í Miklabæjarkirkju 3. apríl 2011. Kór eldri borgara í Skagafirði
ásamt stjórnanda sínum Jóhönnu Marín Óskarsdóttur.
upp var komið mikið ösku-
mistur í hægri aus norðaustan
átt. Um hádegi dimmdi æ
meira en sást þó til Eyjafjalla og
Dímons sýn til Þríhyrnings var
horfin um miðjan dag og til
allra fjalla. Skyggni kannski um
einn kílómeter. Kórinn söng í
Goðalandi klukkan þrjú og
tókst söngurinn prýðilega. En
ekki var nú fjölmenni að hlusta
enda þrengdi öskuskýið sífellt
meira að. Seint þetta kvöld var
skyggnið orðið um 100 – 200
metrar og óskaplegt myrkur.
Allar bílrúður sótsvartar af
ösku. Aðfaranótt mánudagsins
gerði slíkan norðaustan
hvessing að það var „ösku
grenjandi bylur“ um klukkan
tvö um nóttina sást aðeins
fáeina metra það létti nú heldur
til undir morguninn.
Heim í Skagafjörðinn á ný
Það var haldið heim á leið á
mánudagsmorgun. Í sögu-
setrinu í Borgarnesi fengum
við þessa fínu súpu ásamt og
með úrvals heilsufæði, þar sem
sjálf fjalladrottningin Guðrún
Lára Ásgeirsdóttir á Mælifelli
gekk um beina af sínum
alkunna glæsileik. Allt gekk
það nú greiðlega fyrir sig í
Sögusetrinu utan þess að Siggi
á Stóru Ökrum datt mjög
faglega þráðbeint á hausinn.
En slapp að mestu heill, þetta
var utan við Sögusetrið svo að
eðlilega verður þetta að sögu.
Þar sem næstum öll rútan varð
að röskleika viðlagasveit. Þá
bar það við í þessari för að
kynnirinn hrasaði við upphaf
konsertsins í Hveragerði sem
þótti vita á gott því fall væri
fararheill. Nokkur mismæli
hrutu einnig af vörum að mestu
meinlaus. Það braust út sönn
gleði í hópnum er norðaustan
slydduhríðin brast á er komið
var um Biskupsbeygju í sunn-
anverðri Holtavörðuheiðinni.
Þá vissum við öll að við værum
hólpin eftir svaðilfarirnar á
Suðurlandi.
Á Uppstigningardag mun
kór eldri borgara hefja upp
rausn sína í Frímúrarasalnum
klukkan þrjú og þá verður hægt
að ganga úr skugga um hversu
öskubarinn kórinn er. Að
morgni þessa sama dags
syngjum við í Sauðárkrókskirkju
klukkan ellefu á degi aldraðra.
Hörður Ingimarsson
kórfélagi og ábyrgðarmaður
ofangreinds texta
2. deild karla
Stórt tap gegn
Aftureldingu
Meistaraflokkur karla í
knattspyrnu hjá Tindastól/
Hvöt lagði leið sína suður
yfir heiðar sl. laugardag og
mætti liði Aftureldingar í 3.
umferð Íslandsmótsins.
Ekki var ferðin til fjár en
strákarnir máttu þola stórt
tap á útivelli eða 5-0.
Leikurinn fór rólega af stað
en okkar menn voru þó sterkari
aðilinn og voru að spila vel og
skapa sér ágætis færi. Síðan á
11 mín lenda Milan og
framherji Aftureld-ingar í
kapphlaupi um boltann sem
endar með því að Milan rekst
klaufalega í leikmann
Aftureldingar og vítaspyrna
dæmd sem heimamenn
skoruðu úr. Leikurinn var
ennþá í jafnvægi en annað
mark Afrureldingar var
slysalegt, dómarinn ætlaði að
láta okkar menn njóta hagnaðar
í kjölfar leikbrots en Afturelding
vann boltann og skoraði. Eftir
þetta lifnaði yfir strákunum
sem komumst í nokkra fína
möguleika en erfiðlega gekk að
binda enda-hnútinn á
sóknirnar. Afturelding gerði
gott mark skömmu fyrir hlé og
staðan í hálfleik 3-0.
Afturelding fengu óska-
byrjun í upphafi seinni hálfleiks
þegar Snorri Helgason á laust
skot á Gísla markmann sem
misreiknar boltann skelfilega
og hann endar í netinu. Áður
en leikurinn var úti þá bættu
heimamenn við marki en Ingvi
Hrannar skoraði þá stór-
glæsilegt sjálfsmark..
Lokatölur leiksins urðu því
5-0. Líklegast til full stórt
miðað við gang leiksins en
engu að síður vann betra liðið.
Tindastólsstúlkur fagna sigurmarki sínu í leiknum. Mynd: óab
2. flokkur: Tindastóll/Hvöt
Jafntefli í Kópavoginum
Sameiginlegt lið Tindstóls/Hvatar í 2.fl. lék við Breiðablik/
Augnablik í gær og lauk leiknum með 1 -1 jafntefli.
Breiðablik komst yfir á 30. mínútu en þeir skoruðu síðan
sjálfsmark 10 mínútum síðar og þar við sat. Varnarmaðurinn
Björn Anton fauk útaf með rautt spjald á 83 mín.