Feykir - 25.08.2011, Síða 7

31/2011 Feykir 7
mikill og góður kjarni ungra
tónlistamanna. Þar kynntist
ég megninu af þeim krökkum
sem ég hef síðan verið að búa
til tónlist með. Enda er mikið
og gott félagslíf í kringum
tónlistina í FNV. Nú ég var
byrjaður fyrr í tónlist, sigraði
rímnaflæði þegar ég var í 10.
bekk og hef því verið að rappa
ansi lengi.“
Að klára lag
jafnast á við allt
það besta í heimi
Ár er á milli þeirra Arnars og
Helga í aldri og því höfðu þeir
baukað lengi hvor í sínu horni
áður en leiðir þeirra lágu saman.
Þeir félagar eru sammála um
að tónlistin sé þeirra ástríða
í lífinu. „Við erum báðir með
bilað mikinn áhuga á tónlist.
Þetta er eins og hver önnur
sköpunarþörf, við fáum þessa
þörf fyrir að skapa eitthvað og
þá hreinlega verður maður að
koma því af bakinu af sér annars
missir maður hreinlega vitið.
Það er svakalega mikil útrás
fólgin í því að klára lag. Sjálfum
líður mér aldrei betur en þegar
ég hef lokið við lag sem ég er
sáttur við. Það jafnast á við jól
og allt hið besta í heimi,“ segir
Arnar af mikilli sannfæringu.
Röðin er komin að Kefl-
víkingnum í bandinu. Bjössi
byrjar á því að segja okkur að
hann sé að hluta ættaður frá
Akureyri en afi hans hafi verið
Reynir sterki. „Afi minn var
sterkasti maður sem uppi hefur
verið, hann sleit keðjur og lyfti
vörubílum eins og ekkert væri,“
segir Bjössi og er greinilega mjög
stoltur af afa sínum. „Annars er
minn bakgrunnur sá að ég ólst
upp í Keflavík. Þar var ég mikið
að bauka við myndlist og tónlist.
Síðan flutti ég í stuttan tíma til
Danmerkur þar sem ég stundaði
nám, fór í fjölbraut og í kjölfarið
á því í margmiðlunarfræði og í
dag vinn ég á auglýsingastofu.“
Þeir Arnar og Helgi Sæm-
undur búa saman í Reykjavík
en Bjössi býr svo til við hliðina
á þeim, saman hanga þeir því
löngum stundum spila FIFA og
semja tónlist. Þeir eru sammála
um að gott tengslanet sé mikil-
vægt í þessum bransa og segja
að í raun sé ekkert undalegt við
það að tónlistarmenn hangi
með öðrum tónlistarmönnum.
„Við erum flestir vinir, erum að
grúska í þessum sama heimi á
meðan flestir aðrir eru að gera
eitthvað allt annað. Þetta er bara
eins og að fótblotastrákarnir
hanga saman. Áhugamálið og
að hluta til lifibrauðið togar
bara svo sterkt að það kemst
fátt annað að.“
Hvað með Bróðir Svartúlfs?
„Bróðir Svartúlfs var frábær á
meðan hann lifði en náttúran
er grimm. Eftir að hafa ekkert
étið í býsna langan tíma var
hann orðinn orkulaus, þreyttur,
kaldur og pirraður sem hjálpaði
honum ekki í baráttunni við
hin dýrin um æti. Einn daginn
mætti hann ofjarli sínum og
eftir heiðarlega baráttu við 5
minni verur drapst hann. Hans
verður sárt saknað.”
Ætla á toppinn
Við skiptum um umræðuefni
og förum aftur að tala um
Úlfinn. Ég spyr strákana hvert
þeir stefni með bandið? „Á
toppinn, eins og langt og við
getum í þessu litla landi. Við
viljum ná til sem flestra, helst
gefa út plötu rafrænt bara
fljótlega. Við erum alltaf að
semja ný lög. Enn sem komið
er tökum við fimm lög á
tónleikum en við erum komnir
langt með að vinna fjögur til
fimm lög til viðbótar. Það eru
lög þar sem við erum komnir
með taktana en við eigum bara
eftir að finna tímann til þess að
setjast niður og klára þau.“
Þeir sem vilja nálgast tónlist
strákanna geta gert það í
gegnum Facebook síðu þeirra.
„Við leggjum mikla vinnu í
síðuna okkar þar sem finna
má lista yfir tónleika, videóin
og lögin okkar. Facebook er
einfaldlega miðillinn þar sem
hlutirnir gerast. Þar er svo ein-
falt að búa til atburð, bjóða
fólki sem síðan býður fólki og
margföldunaráhrifin koma
fram einhvern veginn strax á
fyrsta kvöldi. Þarna er saman
komið alls konar fólk og maður
nær til allra þarna inni án þess
að kosta neinu til. Facebook
er félagsmiðstöð okkar á árinu
2011,“ segir Arnar.
Helgi Sæmundur bætir við
að innan tíðar verið hægt að
kaupa tónlistina þeirra strák-
anna inni á tónlisti.is eða
bara á heimasíðunni þeirra
UlfurUlfur.com sem þeir segja
að eigi eftir að verða flottasta
síða sem gefin hafi verið út enda
séu þeir með margmiðlunar-
hönnuð í bandinu.
Það er að færast líf í
leikskólann á nýjan leik,
hvíldin er búin og strákarnir
þurfa að hverfa aftur til sinna
hversdagslegu starfa. Frekari
tónsköpun verður að bíða
þangað til eftir fimm.
Farskólinn er nú að hefja vetrarstarfið en líkt og
undangengin ár kennir ýmissa grasa í spenn-
andi og metnaðarfullri dagskrá skólans.
Feykir sendi Bryndísi Þráinsdóttur línu og
forvitnaðist um skólaárið sem framundan er.
Spennandi vetur
framundan
Sæl Bryndís, hvað er nú að
frétta af starfi Farskólans?
„Nú erum við á fullu að undir-
búa nýjan námsvísi haustann-
ar. Ég er alltaf jafn undrandi á
því hvað sú vinna tekur langan
tíma. Sú vinna hvílir að þessu
sinni mest á Halldóri Gunn-
laugssyni, nýjum verkefnastjóra
Farskólans. Síðan er verið að
uppfæra heimasíðu Farskólans
og er það verk vel á veg komið.
Við ætlum að nýta okkur
heimasíðuna meira í framtíðinni
og fá fólk til að skrá sig af
henni og beint inn í skráningar-
kerfið okkar. Það kemur til með
að spara mikla vinnu þegar
fram í sækir. Síðan er ýmis
tæknivinna í gangi og sér
Jóhann Ingólfsson um hana.“
En af þér sjálfri, kemur þú
ekki vel undan sumri? „Ég
kem ljómandi vel undan sumri.
Sumarið hefði mátt fara mildari
höndum um okkur Norðlend-
inga, kannski verður veturinn
mildur og góður.“
Hvað munið þið bjóða upp á í
vetur? „Við verðum með þetta
hefðbundna; tómstundanám-
skeið, tungumálanámskeið og
námskeið í námsgreinum eins
og ensku, stærðfræði, dönsku
og íslensku sem gefa fram-
haldsskólaeiningar, það er að
segja ef námsmenn standast
kröfur námsins. Fræðsluverk-
efnið Eflum Byggð heldur áfram
í Húnaþingi vestra en þar
stunduðu 37 námsmenn nám
nú á vorönn. Við gerum ráð fyrir
að fleiri bætist þar í hópinn nú
í haust. Síðan erum við farin að
huga að nýju samfélagsverkefni
í anda Eflum Byggðar.“
Eru einhverjar spennandi ný-
ungar? „Já, ég get nefnt að við
ætlum að prófa aftur að bjóða
upp á nokkuð úrval af tóm-
stundanámskeiðum og mat-
reiðslunámskeiðum. Ég get
nefnt til sögunnar: þæfingu,
listmálun, sápugerð, bókband
og fleira. Einnig sushi nám-
skeið, súpugerð og námskeið
þar sem fjölskyldan eldar
saman. Við leitum að nýjum
samstarfsaðilum og ætlum að
bjóða upp á námskeið í heima-
vinnslu mjólkurafurða og fleira
í samstarfi við þá. Þegar kemur
að tölvunámskeiðum þá verð-
um við með námskeið í heima-
síðugerð sem ætti að nýtast
öllum, svo ég nefni dæmi.“
Eru nemendur á námskeið
farnir að skrá sig inn? „Já,
það hafa nokkrir hringt og
skráð sig á námskeið sem
kallast Nám og þjálfun í al-
mennum bóklegum greinum.
Það kemur ekki á óvart því við
höfum auglýst það undanfarið.
Á þessu námskeiði kennum við
bóklegu greinarnar sem til
dæmis þeir sem ætla sér í
iðnnám þurfa að taka. Þetta
námskeið er haldið í samvinnu
við FNV, Fræðslumiðstöð at-
vinnulífsins og hinn nýja
Fræðslusjóð. Það hefur verið
almenn ánægja með þetta
námskeið. Það er reyndar
aldurstakmark á það, ég má
ekki gleyma að nefna það, en
það er ætlað þeim sem eru
orðnir 23 ára.“
Hvað með háskólanemendur
hvað verða margir í háskóla-
námi á ykkar vegum í vetur?
„Þessu getur verið erfitt að svara
því við fáum ekki að vita fjöldann
fyrr en langt er liðið á ágúst-
mánuð. Það sem við vitum núna
er að frá Háskólanum á Akureyri
eru 35 fjarnemar og þar af eru
26 á Sauðárkróki. Frá Háskóla
Íslands eru skráðir 24 nemendur.
Það er langt frá því að þessar
tölur segi alla söguna því svo
eru það meistaranemar og
nemendur úr öðrum háskólum
sem ekki teljast með þarna,
sem koma í námsverin á Norður-
landi vestra bæði til að taka
prófin sín og til að læra.“
Nú er að koma glæsilegt náms-
ver á Skagaströnd hvernig
hefur þeirri viðbót verið tekið?
„Við í Farskólanum eigum eftir
að skoða nýju Námsstofuna á
Skagaströnd. Skagstrendingar
eru metnaðarfullir þegar kemur
að skólamálum og ég veit að
það verður vel búið að fjarnem-
unum þar eins og hingað til.“
Hvað með þig sjálfa, freistast
þú ekki til þess að skrá þig á
eitt og eitt námskeið? „Ég var í
meistaranámi í fimm ár með
fullri vinnu og smá hléum. Var
eiginlega búin að fá nóg þegar
ég útskrifaðist haustið 2009.
Hins vegar upplifði ég á eigin
skinni hvað það er gaman að
læra og mig langar að læra
meira í mínu fagi. Ég ætla að
nota veturinn til að skoða það.
Ég er þó búin að ákveða að fara
á eitt námskeið í Farskólanum
og það er námskeið í heima-
síðugerð. Held að það verði
spennandi og skemmtilegt.“
Eitthvað að lokum? „Ég má til
með að minna á að Farskólinn
býður upp á ýmislegt fleira en
námskeið og umsjón með
háskólanámi. Við bjóðum líka
upp á ráðgjöf af ýmsu tagi. Þá
nefni ég fyrst náms- og
starfsráðgjöf fyrir fullorðið fólk,
bæði á vinnustöðum og hér hjá
okkur. Nú hafa 103 einstaklingar
komið til okkar í viðtöl af öllu
Norðurlandi vestra það sem af
er ári og það er sérstaklega
ánægjulegt. Við bjóðum líka
upp á lesblindugreiningar og
ráðgjöf fyrir fullorðna. Það höfum
við reyndar boðið upp á í nokkur
ár. Rúsínan í pylsuendanum er
síðan sú að þessi ofangreinda
þjónusta kostar þá sem njóta
hennar ekki eina einustu krónu.
Svo minni ég alla á heimasíðuna
okkar: www.farskolinn.is.“
( TÖLVUPÓSTURINN )
Starfsfólk Farskólans fór í óvissuferð í sumar. Frá vinstri: Bryndís, Halldór, Rannveig og Helga.