Feykir - 16.02.2012, Qupperneq 5

07/2012 Feykir 5
ÍÞRÓTTAFRÉTTIR FEYKIS > www.feykir.is/ithrottir
( LIÐIÐ MITT ) palli@feykir.is
Nafn: Árni Arnarson
Heimili: Reykjavík
Starf: Uppeldisfrömuður á leiksólanum Jörfa.
Hvert er uppáhaldsdliðið þitt í enska bolt-
anum og af hverju? Manchester United.
Mér finnst nú líklegt að ég hafi ekki haft
mikið um það að segja, pabbi og Alli sáu
alveg til þess að ég héldi með rétta liðinu.
Hvernig spáir þú gengi liðsins á tíma-
bilinu? Þeir verða Englandsmeistarar í 20.
skiptið.
Ertu sáttur við stöðu liðsins í dag? Já og nei.
Þeir eru að ná ágætis úrslitum í deildinni og
eru í titilbaráttu en spilamennskan hefur oft
verið betri. Það er hinsvegar hrikalega dapurt
að vera dottnir úr leik í meistaradeildinni og
bikarnum.
Hefur þú einhverntímann lent í deilum
vegna aðdáunar þinnar á umræddu liði?
Já, já, ég hef oft lent í deilum en það hefur
svosem ekki verið mikið til að deila um þá
tvo áratugi sem ég hef lifað þar sem United
hafa verið dóminerandi. Þetta er meira
svona bara nöldur í bitrum Púllurum.
Hver er uppáhaldsleikmaðurinn fyrr og
síðar? Paul Scholes og David Beckham
hafa alltaf verið í uppáhaldi.
Hefur þú farið á leik með liðinu þínu?
Já, ég hef farið tvisvar sinnum. Fór á Old
Trafford árið 2005 á leik gegn Tottenham
sem endaði 1-1, þar sem ekki minni
maður en Silvestre skoraði. Svo fór ég á
Wembley 2007 og sá United og Chelsea í
leik um samfélagsskjöldin. United vann eftir
vítaspyrnukeppni.
Áttu einhvern hlut sem tengist liðinu?
Já, ég á treyjur, trefla og þetta klassíska.
Svo er gamla herbergið mitt á Króknum
ennþá einsog í eigu smástráks með United
gardínum, veggfóðri og plakötum.
Hvernig gengur að ala aðra fjölskyldu-
meðlimi upp í stuðningi við liðið? Ég hef
nú lítið verið í því hlutverki að ala upp þar
sem uppeldinu á mér er varla lokið og ég
er ekki enn farinn að fjölga mannkyninu.
Ég kemst hinsvegar næst uppeldi á
leikskólanum þar sem ég vinn og
ég hef grun um að ég hafi gert
einhverja Liverpool-pabbana
á leikskólanum pirraða með
því að segja börnum þeirra
hverjir séu bestir.
Hefur þú einhvern tímann
skipt um uppáhalds félag?
Nei, það hef ég aldrei gert.
Uppáhalds málsháttur? Oft er dvergurinn í
lægð.
Einhver góð saga úr boltanum? Það var
fyrir nokkrum árum þegar pabbi var að spila
með Old boys hópnum að ég fékk að fara
með honum á æfingu uppá Nöfum. Ætli ég
hafi ekki verið svona 4 ára. Æfingin gekk
ágætlega, allavega var pabbi ekki ennþá
búinn að snúa á sér ökklann og allt stefndi
í að hann myndi komast í gegnum heila
æfingu þegar ég kallaði á hann undir lok
æfingarinnar og bað hann aðeins að koma
og tala við mig. Pabbi var ekki sáttur við að
ég væri að trufla hann á æfingunni og spurði
mig hvað væri að. Þá kom í ljós að það var
kominn einn stór í brókina hjá mér og pabbi
þurfti að yfirgefa æfinguna með mér heldur
pirraður.
Einhver góður hrekkur sem þú hefur
framkvæmt eða orðið fyrir? Öðlingurinn
Bjarki Már Árnason, kennari á Hofsósi og
fyrrum leikmaður Tindastóls átti einn hrekk
sem hann endurtók 5-10 sinnum á hverju
sumri. Það var þannig að eftir leik þá var
hann fyrstur úr klefanum og tók þá veskið
hjá einhverjum öðrum leikmanni með sér.
Svo var stoppað í sjoppu á leiðinni heim
en alltaf var einhver sem gat ekki keypt sér
neitt því hann hélt hann hefði týnt veskinu.
Svo þegar allir voru sestir upp í rútu og við
lagðir af stað heim þá loksins lét Bjarki
fórnarlambið fá veskið sem þurfti að sitja
alla ferðina heim glorhungraður.
Í einni ferðinni var Bjarki ansi grand á því og
keypti sér dýrasta réttinn. Hann var síðan svo
vingjarnlegur að splæsa á leikmanninn sem
hélt að hefði týnt veskinu sínu og borgaði
svo allt saman með korti viðkomandi.
Spurning frá Styrmi Gísla - Þarf Sör
rauðnefur ekki að fara að versla? Liðið
hefur ekki verið að spila vel finnst mér en
er þó í 2. sæti í deildinni. En árangurinn í
bikarkeppninni og Meistaradeildinni er ekki
ásættanlegur þannig að ég myndi vilja sjá
hann styrkja liðið. Mér finnst liðið vanta
sterkan miðjumann og ég vona að
kallinn taki upp budduna í sumar.
Hvern myndir þú vilja sjá
svara þessum spurningum?
Óla Grétar Óskarsson,
skólastjóraefni.
Hvaða spurningu viltu
lauma að viðkomandi?
Er Steven Gerrard ekki
útbrunnin?
Einhverjir Liverpool-
pabbarnir pirraðir
Um síðustu helgi fór
fram Meistaramót
Íslands í frjálsum
íþróttum í
Laugardalshöllinni í
Reykjavík og fóru
sjö keppendur frá
UMSS sem allir
stóðu sig vel þó ekki kæmust
nema Björn Margeirsson á
verðlaunapall.
Björn gerði gott
betur en að komast á
verðlaunapallinn því
hann varð Íslands-
meistari í 3 greinum,
800m, 1500m og 3000m
hlaupum.
Á heimasíðu Tinda-
stóls segir að aðrir keppendur frá
UMSS hafi bætt sinn fyrri árangur í
ýmsum greinum. /PF
Frjálsar íþróttir : Björn Margeirsson
Þrefaldur Íslandsmeistari
Í 1. deild kvenna eru tveir riðlar,
með átta félögum, þar sem leikin
er tvöföld umferð áður en kemur að
fjögurra liða úrslitakeppni. Tvö
félög eru með í 1. deild kvenna í ár
sem ekki léku á síðasta
keppnistímabili en það eru BÍ/
Bolungarvík, var síðast með 2007
og ÍA, var síðast með 2009.
Í bikarkeppninni dróst Tindastóll
gegn liði Snæfellsness en leikurinn
verður spilaður 23. maí á Grundarfirði.
Ef sá leikur vinnst þá mæta þær liði ÍA
á Akranesi.
Stelpurnar leika í B-riðli Íslands-
mótsins en riðillinn er þannig skipaður:
Álftanes, BÍ/Bolungarvík, Fram,
Grindavík, HK/Víkingur, Keflavík,
Tindastóll ogVölsungur.
Riðlaskipting 3. deildar
Búið er að skipa í riðla fyrir komandi
tímabil í 3. deildinni í knattspyrnu en
þar mun Drangey, varalið Tindastóls,
spila í B-riðli. Alls eru fjórir riðlar,
skipaðir átta félögum, þar sem leikin er
tvöföld umferð.
Eftir riðlakeppnina tekur við
hefðbundin átta liða úrslitakeppni.
Fjögur félög leika í 3. deildinni í ár sem
ekki léku á síðasta keppnistímabili.
B-riðill er þannig skipaður: Afríka
(Reykjavík), ÍH (Hafnafjörður), KB
(Breiðholt), KFG (Garðabær), Magni
(Grenivík), SR (varalið Þróttar R.),
Ýmir (Kópavogur) og Drangey (varalið
Tindastóls). /PF
Knattspyrna
Riðlaskiptingar
Tindastóll vann loks sigur í Iceland
Express deildinni á mánudagskvöld
þegar liðið heimsótti ÍR-inga.
Lokamínútur leiksins voru heldur
betur dramatískar því þegar átta
mínútur voru eftir höfðu Stólarnir 13
stiga forskot en ÍR snéri leiknum sér í
vil og þegar mínúta var eftir voru
heimamenn 4 stigum yfir. Stólarnir
gerðu sér hinsvegar lítið fyrir og
skoruðu 8 stig á síðustu mínútunni á
meðan heimamenn gerðu ekkert og
lokatölur 92-96 fyrir Tindastól.
Fyrir leikinn höfðu Stólarnir tapað
þremur síðustu leikjum sínum í
deildinni og sátu í 10. sæti. Það var því
mikilvægt að ná í 2 stig og koma sér
betur fyrir í baráttunni um sæti í
úrslitakeppninni. Það hafðist. Maurice
Miller var með fyrirtaks taugar á
lokamínútunum en fram að því höfðu
honum verið nokkuð mislagðar
hendur í sóknarleiknum. Hann tók þó
8 fráköst og átti 7 stoðsendingar. Allen
var með fína nýtingu innan teigs en
Stólarnir skutu að þessu sinni lítið utan
3ja stiga línu, settu niður 4 í 15
Iceland Express deildin : ÍR - Tindastóll 92-96
Dramatískar lokamínútur
tilraunum. Tratnik átti skínandi leik,
gerði 17 stig og hirti 15 fráköst.
Næsti leikur Tindastóls er í
Laugardalshöllinni næstkomandi
laugardag þar sem Stólarnir mæta
Keflvíkingum í úrslitum Powerade
bikarsins. /ÓAB
Stig Tindastóls: Miller 22, Allen 18, Tratnik 17,
Svabbi 11, Helgi Rafn 11, Þröstur Leó 6, Rikki 4, Helgi
Freyr 4 og Hreinsi 3.
Árni (annar frá vinstri) fagnar hér Íslandsmeistara titlinum í 2. deild ásamt fjölskyldu sinni.