Feykir - 29.03.2012, Blaðsíða 2

2 Feykir 13/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Svartur á leik
Í tilefni af 100 ára afmæli
Ungmennasambands
Austur-Húnvetninga, verður
hátíðardagskrá í
Íþróttamiðstöðinni á
Blönduósi laugardaginn
31. mars kl. 14:00-16:30.
Margt verður á dag-
skránni fyrir alla aldurshópa
og afmælisterta verður í boði
í tilefni dagsins. Allir eru vel-
komnir og vonast stjórn
USAH til þess að sjá unga
sem aldna samgleðjast þeim
á þessum merku tímamót-
um. /PF
Aldarafmæli
USAH
100 ára
Miklar umræður hafa farið fram að undanförnu um
svokölluð mótorhjólagengi sem vart þarf að kynna
landsmönnum og þau illu störf sem þau eru talin stunda.
Hafa meðlimir þeirra klætt sig í viðeigandi fatnað merktum
sínum samtökum í bak og fyrir og er tilgangurinn efalaust sá
að vekja ógn. Ég held að það sé óhætt að segja að það hafi
þeim tekist því háværar raddir eru í þjóðfélaginu um að
banna þau samtök sem skilgreind eru sem alþjóðleg
glæpasamtök. Ögmundur Jónasson hefur sagt að hann vilji
ekki banna einstök samtök en að sjálfsögðu séu glæpir ekki
liðnir og verð ég að viðurkenna að ég er honum sammála.
Einhvern veginn finnst mér það ekki ganga upp að banna
alþjóðlegu glæpagengi að pönkast á Íslandi meðan lítt þekkt
gengi með sama ásetning gætu vaxið ásmegin. En svo kemur
efinn þegar heyrist að hvert mótorhjólagengið af öðru boðar
komu sína á landið bláa og hyggst nema land. Og þá má
búast við því að Sturlungaöld hin síðari hefjist þar sem barist
verður á banaspjótum um yfirráðin á markaðnum.
Páll Friðriksson
ritstjóri
Olíuverzlun Íslands hefur
ákveðið að styrkja Björgun-
arbátasjóð Húnaflóa um
olíukaup og segir Jón
Ólafur Halldórsson
framkvæmdastjóri sölusviðs
Olís vonast til að róðurinn
verði léttari hjá björgunar-
sveitum landsins með
þeim.
-Samstarf fyrirtækisins og
Björgunarbátasjóðs Húna-
flóa hefur verið einstaklega
ánægjulegt og ég bind vonir
við að svo verði áfram, segir
hann.
-Olíukostnaðurinn er stór
liður í rekstri skipsins og Olís
hefur styrkt okkur mjög
myndarlega, aðkoma fyrir-
tækisins hefur skipt sköpum
fyrir rekstur skipsins,“ segir
Reynir Lýðsson formaður
Björgunarbátasjóðs Húnaflóa,
sem á og rekur björgunarskipið
Húnabjörgu á Skagaströnd.
Þetta kemur fram í viðtali
Karls Eskils Pálssonar á Feyki.
is í gær. /PF
Húnaflói
Olís styrkir
björgunar-
bátasjóð
Grásleppuverkun á Skagaströnd
Allt að verða klárt
Útgerðarfélagið Sæfari ehf.
frá Hrauni á Skaga er að
koma sér upp aðstöðu fyrir
grásleppuverkun á Skaga-
strönd í nýuppgerðu
vinnsluhúsi sínu. Fram-
kvæmdir hafa staðið yfir að
undanförnu og var allt klárt
þegar veiðar hófust í
síðustu viku.
Reiknað er með að alls verði
verkuð og söltuð hrogn af 4-5
bátum auk Sæfara SK 112 sem
er í eigu útgerðarfélagsins.
Fiskmarkaðurinn mun taka við
grásleppunni sjálfri og selja í
gegnum uppboðskerfi sitt. Í
forystu fyrir Sæfara ehf. eru
bræðurnir Steinn og Jóhann
Rögnvaldssynir en auk þess eru
meðeigendur að útgerðinni
faðir þeirra Rögnvaldur Steins-
son og systkinin frá Víkum á
Skaga.
Sæfari hefur verið gerður út
frá Skagaströnd um margra ára
skeið og hefur aðallega stundað
línuveiðar auk grásleppuveiða.
Nú þegar hafa átta bátar hafið
grásleppuveiðar frá Skagaströnd
og lofa aflabrögð góðu fyrstu
dagana. /BÞ
Stjórn Samtaka sveitarfél-
aga á Norðurlandi vestra
fundaði með ráðherrum í
forsætisráðuneytinu 20.
mars sl. Samtökin höfðu
óskað eftir fundi fyrir fjórum
mánuðum síðan þar sem
nauðsynlegt er að taka á
nokkrum brýnum málefnum
sem snerta landshlutann,
samkvæmt Bjarna Jónssyni
formanni SSNV.
„Við áttum saman ágætis
fund og nú verðum við bara að
sjá hvað kemur út úr því,“ sagði
Bjarni í samtali við Feyki en
fundinn sátu Jóhanna Sigurðar-
dóttir forsætisráðherra og
ráðherrarnir Steinsgrímur J.
Sigfússon, Guðbjartur Hannes-
son og Ögmundur Jónasson,
auk stjórnar SSNV.
„Á fundinum fór stjórn
SSNV yfir stöðuna á svæðinu
og lagði fram tillögur til úrbóta,“
sagði Bjarni og bætti við að rík
áhersla var lögð á að sporna
gegn fólksfækkun á svæðinu og
fækkun starfa. „Það hefur verið
gríðarleg fækkun á opinberum
störfum undanfarið, til að
mynda þá fækkaði þeim um 50
í Skagafirði sl. 5 ár, og ekki í
stærra samfélagi en það,“ segir
Bjarni en stjórn SSNV vill snúa
við þeirri þróun.
Lagðar voru fram tillögur
um hvernig mætti auka störf hjá
opinberum stofnunum á Norð-
urlandi vestra og hvernig hægt
væri að flytja fleiri verkefni frá
t.d. matvælastofnun, umhverfis-
stofnun og vinnueftirlitinu til
landshlutans. SSNV bauðst
einnig til að taka við útibúi
Nýsköpunarmiðstöðvar á
Norðurlandi vestra og er SSNV
jafnframt með átak í gangi
varðandi ungt fólk og atvinnu-
uppbyggingu á svæðinu.
Stjórn SSNV óskaði eftir því
að fá yfirlýsingu frá stjórn-
völdum þess efnis að Blöndu-
virkjun yrði nýtt til atvinnu-
uppbyggingar á svæðinu og
stuðning við áform heima-
manna um uppbyggingu
gagnavers sem nyti orku
hennar.
Hveravellir bárust einnig á
góma en Hveravallafélagið
óskar eftir að fá afnot af eignum
ríkisins til að nýta til upp-
byggingar á ferðaþjónustu á
staðnum. Þar að auki vildi
stjórn SSNV setja verkefni á
Samgönguáætlun en ekkert
verkefni á landshlutanum er á
áætluninni.
Óskuðu eftir svörum
hið fyrsta
Á fundinum var óskað eftir
samstarfi og fyrirgreiðslu um að
leggja hitaveitu í Fljótum og
Hrútafirði. Þar var einnig óskað
eftir auknum fjármunum við
almenningssamgöngur og
undir þann málaflokk féll að
koma flugi aftur á til Sauðár-
króks.
Stjórn SSNV fór einnig fram
á að byggja upp endurhæfing-
una á Heilbrigðisstofnuninni á
Sauðárkróki, þannig að hún geti
þjónustað fólki á landsvísu.
Sömuleiðis vill stjórn SSNV
tryggja framtíð Hólaskóla en
samkvæmt Bjarna er búið að
koma honum í ágætan farveg
og kemur hann öllum lands-
hlutanum til góða.
„Við fórum líka fram á að
sjávarbyggðir fá réttmæta
hluthækkun í gjaldtöku í sjávar-
útvegi,“ sagði Bjarni og bætir
við að sanngjarnt sé að sjávar-
byggðirnar njóti þar góðs af.
Stjórn SSNV óskaði eftir því
að fá svör hið fyrsta um hvað
hægt sé að gera strax og að sögn
Bjarna kemur það í ljós á næstu
dögum um hvert framhaldið
verði. /BÞ
Stjórn SSNV fundar með forsætisráðherra
Brýn málefni á
Norðurlandi vestra
Húnavatnshreppur
Hefja flokkun sorps
Sífellt fleiri sveitarfélög eru að hefja flokkun
á sorpi og nú ætlar Húnavatnshreppur að
taka upp hið nýja fyrirkomulag í sorphirðu
sem tekur gildi í apríl 2012. „Óskum við
eftir góðu samstarfi íbúa við þessa
breytingu,“ segir á heimasíðu
Húnavatnshrepps.
Breytingin felur í sér að lögð verður til endur-
vinnslutunna á hvert heimili í sveitarfélaginu og
þá verða því tvö sorpílát við hvert heimili, kar fyrir
óflokkaðan útgang og 240 ltr. endurvinnslutunna
fyrir þurrt, hreint endurvinnsluefni.
Endurvinnslutunnurnar verða afhentar í vik-
unni eftir páska, dagana 10.-13. apríl, ásamt
leiðbeiningum um flokkun sorps til endurvinnslu.
Einnig er hægt að nálgast leiðbeiningar um
flokkun sorps á heimasíðu sveitarfélagsins.
Samkvæmt heimasíðu Húnavatnshrepps er
mikilvægt að flokka úrgang til endurvinnslu og
minnka þannig það magn sem fer til urðunar.
Sorphirðudögum verður fækkað við þessar
breytingar og sorp hirt á þriggja vikna fresti, nema
á tímabilinu júní – sept., en þá verður sorphirða á
14 daga fresti. /BÞ
Jóhann og Steinn Rögnvaldssynir í nýuppgerðu vinnsluhúsi Útgerðarfélagsins Sæfara ehf. á
Skagaströnd.