Feykir - 29.03.2012, Blaðsíða 4
4 Feykir 13/2012
Samgönguáætlun
2011–2022
Ríkisstjórnin lagði fram
samgönguáætlun fyrir árin
2011 til 2022 í byrjun ársins
og er hún nú í vinnslu hjá
samgöngunefnd Alþingis.
Sú staðreynd að gert er ráð
fyrir litlum sem engum fram-
kvæmdum á stórum land-
svæðum auk lítils fjármagns
til viðhalds á næstu 10-15
árum eru alvarleg skilaboð
bæði fyrir íbúa einstakra
landshluta, sveitarfélög, verk-
takafyrirtæki víðsvegar um
landið, aðila í ferðaþjónustu
o.fl.
Hærri skattar á eldsneyti,
minni framkvæmdir og
viðhald
Þær tekjur sem ríkissjóður
hefur af sölu eldsneytis og
annarri skattlagningu á
umferð og bifreiðar eru á
engan hátt að skila sér til
samgönguframkvæmda.
Samkvæmt fjárlögum fyrir
árið 2012 er gert ráð fyrir því
að tekjur af ökutækjum nemi
54 milljörðum. Þar af er
ráðgert að tekjur ríkissjóðs af
eldsneyti nemi 21 milljarði en
skatttekjur vegna vörugjalds á
eldsneyti hafa hækkað um
163% frá árinu 2008. Í heildina
hafa skattar á eldsneyti
hækkað um 71,81%.
Á sama tíma er einungis
15,7 milljörðum varið til
vegagerðar. Framlögin hafa
dregist mjög saman og ekki er
gert ráð fyrir aukningu
umfram hagvöxt á næstu
árum. Þeir sem til þekkja segja
að einungis hafi verið varið
40% af því sem þarf til viðhalds
á síðustu 4 árum. Vegakerfið
sé að eldast og ljóst að við blasi
milljarðatjón ef ekki verður
aukning umfram það sem
gert er ráð fyrir í samgöngu-
áætlun.
Landsbyggðin svelt – litlar
framkvæmdir næstu 10-
15 árin
Mörg landsvæði hafa glímt
við mikla fólksfækkun á
undanförnum árum. Bættar
samgöngur eru grunnurinn
að því að efla byggð um allt
land og margir horfðu til
samgönguáætlunar í þeirri
von að nú færi daginn að
lengja. Áætlunin sýnir því
miður hið gagnstæða og
dregur ekki upp bjarta mynd
af næsta áratug. Nái áætlunin
fram að ganga munu stór
landsvæði búa við óbreyttar
samgöngur næstu 10-15 árin
en víða er ekki gert ráð fyrir
neinum framkvæmdum til
ársins 2022.
Vegna lítilla framkvæmda
má fastlega gera ráð fyrir að
ekki dragi úr uppsögnum og
fjárhagsvandræðum hjá verk-
takafyrirtækjum enda lítið að
gerast í öðrum mannafls-
frekum framkvæmdum. Það
er samfélagslega dýrt að tapa
einstaklingum úr landi en þeir
sem missa vinnuna eiga helst
von um vinnu í Noregi.
Samhliða því hefur sjaldan
verið flutt jafn mikið út af
vinnuvélum en þær eru í dag
fluttar út á gjafverði og dýrt
verður að endurnýja þessi
tæki að nokkrum árum
liðnum. Þessar staðreyndir
hefur ríkisstjórnin ekki tekið
inn í myndina þegar ákv-
arðanir um fjárveitingar til
samgöngumála voru teknar.
Stefna ríkisstjórnar birtist í
þeim málum sem hún leggur
fram. Við fyrstu umræðu
málsins kom fram vilji hjá
nefndarmönnum innan ríkis-
stjórnarliðsins til að gera
breytingar á samgönguáætlun
áður en hún verður samþykkt.
Ég bind vonir við að þau orð
standi vegna þess að algjört
framkvæmdaleysi á stórum
landsvæðum til ársins 2022
væri reiðarslag og myndi til
lengri tíma verða mjög
kostnaðarsamt fyrir ríkissjóð.
Ásmundur Einar Daðason,
Alþingismaður
Framsóknarflokksins og
fulltrúi í samgöngunefnd
Alþingis
AÐSENT ÁSMUNDUR EINAR DAÐASON SKRIFAR
Skiptar skoðanir á frumvarpi
Ríkisstjórn Íslands samþykkti á fundi sínum sl.
föstudag frumvarp sjávarútvegs- og landbún-
aðarráðherra um stjórn fiskveiða sem og
frumvarp um veiðigjöld.
Með frumvarpinu er reynt að leita jafnvægis
milli fimm sjónarmiða eins og segir í kynningu á
frumvarpinu en sum þeirra togast á svo sem eins
og byggðarsjónarmið og hrein arðsemissjónar-
mið. Grundvallarsjónarmiðið um sjálfbæra
nýtingu auðlindarinnar er óumdeilt, segir sjávar-
útvegs- og landbúnaðarráðherra en það er
sannfæring stjórnarflokkanna að með nýjum
frumvörpum um stjórn fiskveiða og veiðigjöld sé
lagður fram efniviður í sáttargjörð um sjávar-
útvegsmál sem allir eigi að geta unað vel við. Með
þeim er deilum um eignarhald á auðlindinni
lokið; um er að ræða ævarandi sameign þjóðar-
innar sem greitt er gjald fyrir að nýta. Þjóðin
nýtur sameiginlega góðs af auðlindarentunni og
sjávarútveginum er tryggður stöðugt rekstrar-
umhverfi til langs tíma, segir á vef ráðuneytisins.
Frumvarpið er vitleysa
Sigurjón Þórðarson formaður Frjálslynda flokks-
ins er á annarri skoðun og segir frumvarpið vera
vitleysu. -Frumvarpið snýst ekki um stjórn
fiskveiða heldur boðaða einkavæðingu og
einokun á sameiginlegri auðlind landsmanna
næstu áratugina. Sömuleiðis felur það í sér aukna
skattheimtu. Með frumvarpinu er verið að festa í
sessi kerfi sem hefur algerlega brugðist öllum
upphaflegum markmiðum sínum, en veiði
botnfisks á Íslandsmiðum er aðeins brot af því
sem hún var, áður en kerfið var tekið upp. Nú
þegar þjóðin þarfnast aukinna gjaldeyristekna,
þá er ríkisstjórnin að leggja fram frumvarp sem
felur í sér frekari takmarkanir og kemur algerlega
í veg fyrir nýliðun og að jafnræði ríki í undir-
stöðuatvinnugrein landsmanna, segir Sigurjón.
Árás á lífskjör fólks á landsbyggðinni
-Frumvarpsdrögin finnast mér nánast galin,
sérstaklega hin mikla hækkun á veiðigjaldinu og
sú leið að ríkið ætli að fara að leigja frá sér
veiðiheimildir á uppboði og gera þar með allar
útgerðir að leiguliðum, með þeim afleiðingum
sem því fylgir, segir Jón Eðvald Friðriksson,
framkvæmdastjóri Fisk Seafood á Sauðárkróki.
-Með þessum áformum eru stjórnvöld í raun að
segja upp öllum samningum er snerta kaup og
kjör sjómanna og það getur seint kallast leið til
sátta um íslenskan sjávarútveg.
-Þessi stökkbreytta skattheimta, sem fram
kemur í hækkun veiðigjaldsins er enn ein árásin
á lífskjör fólks á landsbyggðinni. Öfugt við það
sem margir halda að þá benda rannsóknir til
þess, að í dag þegar horft er á uppruna og ráð-
stöfun opinbers fjármagns að þá sé annarri hverri
skattkrónu almennings af landsbyggðinni
endanlega ráðstafað á höfuðborgarsvæðinu.
Þessi áform skekkja þá mynd enn frekar og vil því
skora á sveitarstjórnarmenn á landsbyggðinni,
hvar í flokki sem þeir standa, að standa saman og
hrinda þessu áhlaupi.
Jón segir að FISK áætli að greiða um 160
milljónir i veiðigjald á þessu fiskveiðiári, en
frumvarpið gerir ráð fyrir margföldun á þeirri
fjárhæð, sem kæmi þá til framkvæmda frá og
með 1. september nk. -Svona miklar breytingar
og nánast fyrirvaralaust hafa geysileg áhrif á
rekstur fyrirtækisins og kalla á endurskoðun á
öllum rekstrarþáttum. Það sama á við um
áformaðar fjárfestingar, slík ofurskattlagning
kallar á endurskoðun á þeim áformum. /PF
Nýtt frumvarp um stjórn fiskveiða lagt fram á Alþingi
AÐSENT ÞORSTEINN TÓMAS BRODDASON SKRIFAR
Rangfærslur í grein um
viðbyggingu Árskóla
Í grein Stefáns Vagns
Stefánssonar í Feyki um
viðbyggingu Árskóla þann 22.
mars 2012 segir hann að ekki
hafi komið neinar tillögur frá
fulltrúum Samfylkingar aðrar
en að fresta framkvæmdum.
Þarna fer Stefán með rangt
mál og er því nauðsynlegt að
leiðrétta það.
Stefán heldur því fram að
byggingarnefnd Árskóla hafi
verið fimmtán sinnum til
umræðu í Sveitarstjórn og
Byggðaráði og en nær lagi er að
segja að verk nefndarinnar hafi
verið lögð fyrir samtals 5 fundi
sveitarstjórnar og Byggðarráðs,
frá því að nefndin tók til starfa
þar til tillögur hennar lágu fyrir.
Stefán segir einnig í greininni
„engar tillögur hafa komið
fram frá fulltrúum Samfylk-
ingarinnar né fulltrúa Frjáls-
lyndra aðrar en þær að fresta
beri framkvæmdinni.“ Það
rétta er að Samfylkingin hefur
aldrei lagt fram þá tillögu að
fresta framkvæmdinni en við
höfum hinsvegar lagt á það
ríkar áherslur að framkvæmd
sem þessi sé til hagræðingar
fyrir sveitarfélagið og verði
öllum þjónustuþegunum til
hagsbóta.
Við höfum í þau fáu skipti
sem boðið hefur verið uppá
umræður um málið haft
ýmislegt til málanna að leggja
og komið með tillögur í
orðræðu á því sviði. Við höfum
hins vegar ekki haft fyrir því að
bóka allt sem við leggjum til
málanna á fundum, en eftir
þetta verður breyting þar á.
Ég er á því að stórar fram-
kvæmdir á vegum sveitar-
félagsins þurfi meðal annars að
verða til þess að;
• bæta þjónustu og aðstöðu
notenda þjónustunnar.
• bæta hag sveitarfélagsins.
Ef samþykktar tillögur um
viðbyggingu við Árskóla eru
skoðaðar, standast þær hvor-
ugan flokkinn og þess vegna
get ég ekki stutt þessar tillögur.
Það þýðir ekki að ég sé á móti
því að aðstaða skólans sé bætt,
ég set bara kröfur á slíka fram-
kvæmd.
Þorsteinn Tómas Broddason
Fulltrúi Samfylkingarinnar í
Sveitarstjórn Skagafjarðar