Feykir - 29.03.2012, Qupperneq 5

13/2012 Feykir 5
Hannes Bjarnason frá Eyhildarholti í
Skagafirði hefur ákveðið að fara í framboð
til embættis forseta Íslands og freista þess
í næstu forsetakosningum að fá að leiða
þjóðina sem trúnaðarmaður hennar og
endurbyggja traust í samfélaginu.
Hannes Bjarnason er fæddur á Sauðárkróki þann
25. apríl 1971, uppalinn í Eyhildarholti, Skagafirði.
Hann er sonur hjónanna Bjarna Gíslasonar
skólastjóra og bónda í Eyhildarholti, og Salbjargar
Márusdóttur húsmóður og kennara. Hannes er
þriðji í röð fimm systkina, en hin eru: Þorbjörg, f.
1966, Sigríður, f. 1967, Ragnar, f. 1974 og Stefanía
Guðrún f. 1980.
Að loknu grunnskólanámi í Grunnskóla
Rípurhrepps og Gagnfræðaskóla Sauðárkróks
hélt Hannes til náms í Menntaskóla Akureyrar.
Þar dvaldi hann aðeins eina önn. Haustið 1989
hóf hann nám við Framhaldsskólann á Laugum
í Suður Þingeyjarsýslu og útskrifaðist þaðan með
stúdentspróf vorið 1993. Haustið 1996 hóf Hannes
nám við Háskóla Íslands þar sem hann nam
landafræði.
Haustið 1998 fluttist Hannes til Noregs þar sem
hann hélt áfram námi í landafræði við Hogskolen i
Telemark en útskrifaðist frá Háskóla Íslands með BS
próf í Landafærði 2001. Haustið 2008 fór Hannes í
framhaldsnám við Handelshogskolen BI í Óslo og
þar hefur hann numið Master of Management.
Í Noregi stofnaði Hannes fjölskyldu og hóf vinnu
að loknu námi og hefur búið þar samfleytt í fjórtán
ár. Hannes er kvæntur Charlotte Kvalvik f. 1974,
og saman eiga þau eina dóttur. Af fyrra sambandi
á Hannes tvö börn og Charlotte á eitt barn. Börn
þeirra eru: Philip Adrian f. 1999, Jakob Bjarni f.
1999, María Sigríður f. 2002 og Emilía f. 2006.
Frá sextán ára aldri hefur Hannes verið virkur
þátttakandi í atvinnulífinu, á sumrin og eins
samhliða skólagöngu á veturna. Hann hefur því
reynslu frá fleiri atvinnugeirum, þar má nefna:
Bústörf, iðnað, smíðar, lagervinnu, sláturhússtörf,
veitingasölu, verslunarrekstur, vinna á hótelum, hjá
sveitarfélögum og við verkefnastjórnun. Hannes
vinnur nú við breytingarstjórnun í Ósló, Noregi.

Hvers vegna skyldi Hannes Bjarnason vera í
framboði til embættis forseta Íslands?
-Haustið 1998 fluttist ég til Noregs í nám. Þar hef
ég búið sleitulaust síðan. Dvöl mín í Noregi hefur
sannarlega aukið víðsýni, og ekki síst opnað augu
mín fyrir öllum þeim kostum og möguleikum sem
Ísland og íslenskt samfélag hefur upp að bjóða.
Frá Noregi hef ég alla tíð fylgst vel með þróun
mála á Íslandi, bæði í uppgangi efnahagslífsins sem
og falli þess. Við þannig aðstæður brýst gjarnan
fram mikil reiði en góð manngildi þá lögð til
hliðar. Oft getur mikil reiði bundið um sig, enda er
réttlætiskennd fólksins sjaldan jafn sterk og þegar
það telur sig vera rangindum eða svikum beitt. Það
má færa rök fyrir því að einmitt þetta hafi gerst á
Íslandi eftir 2008.
Þetta ástand í samfélaginu hefur hreyft við mér
og ég hef látið mig það varða. Ég vil leggja hönd á
plóg, leggja mitt að mörkum til að bæta samfélagið
sem ól mig. Þess vegna býð ég mig fram í kjör til
forseta Íslands og tel mig hafa burði til að bera
embættið inn í framtíðina.
Eftirtaldir þættir verða mitt leiðarljós í framboði
til embættis forseta Íslands:
• Leiða þjóðina saman – stundum virðist sem sundur-
leitir hópar og gamlar átakalínur valdi djúpum sárum í
þjóðarsálinni. Við verðum að bera virðingu hvert fyrir
öðru, bæði einstaklingum sem og hópum en ekki síst
fyrir okkur sjálfum. Það að vinna að samvinnu, jöfnuði og
virðingu okkar allra á milli er hvetjandi. Það er verkefni
sem ég vil standa vörð um.
• Aukið siðferði – ég vil stuðla að auknu siðferði em-
bættismanna þjóðarinnar, stofnana og fólks almennt.
Forsetinn á þar að ganga í fararbroddi með kurteisi og
yfirvegun og sína gott fordæmi. Það er verkefni sem ég vil
standa vörð um.
• Sýna gott fordæmi – úr fjarlægð hef ég fylgst með
almennri umræðu í þjóðfélaginu. Bæði talað og ritað orð
ber keim af þunga og stundum heift. Öll umræða sem fer
út í öfgar snýst í andhverfu sína. Því er þörf á vandaðri
umræðu þar sem skilningur og umburðarlyndi fyrir fólki
og málefnum ríkir. Þar á forseti Íslands að vera leiðandi.
Það er verkefni sem ég vil standa vörð um.
• Betra samfélag – úr brunarústum skógarins vex fram
nýr og kröftugur gróður. Eftir efnahagshrunið þarf að nýju
að byggja upp traust í samfélagi okkar. Mikil ögrun felst í
því að ganga til verks, og öll verðum við að koma að því
verki. Það er verkefni sem ég vil standa vörð um.
• Trúnaðarmaður þjóðarinnar – við búum við lýðræði
sem er skilgreint í Stjórnarskrá landsins. Forseti Íslands
á að notfæra sér þann rétt sem honum er þar veittur til
að hlúa að lýðræðinu. Það er vandasamt verk og verða
bæði kjarkur og þor að vera til staðar ef vel á að vinnast.
Kjarkur og þor til að fylgja eigin sannfæringu og þannig
að vera trúnaðarmaður þjóðarinnar. Það er verkefni sem
ég vil standa vörð um.
• Standa vörð um hagsmuni Íslands – það hefur verið
áhugavert að fylgjast með alþjóðlegri umræðu um Ísland
og Íslendinga eftir efnahagshrunið. Í þeirri umfjöllun gætir
ýmissa grasa. Því er mikilvægt að standa vörð um þá
sjálfsímynd sem þjóðin hefur og kynna á alþjóðavettvangi.
Það er verkefni sem ég vil standa vörð um.

Hannes hefur opnað heimasíðu á netinu þar sem
hægt er að fylgjast með framboðinu. Slóðin er:
http://jaforseti.is
/PF
Vill leggja hönd á plóg til að bera embættið inn í framtíðina
Skagfirskur forsetaframbjóðandi
ÍÞRÓTTAFRÉTTIR FEYKIS > www.feykir.is/ithrottir
Fimmtudaginn 22.
mars var haldið, í
mötuneyti FNV á
Sauðárkróki, 92.
ársþing Ungmenna-
sambands Skagafjarð-
ar að viðstöddum 40
fulltrúum aðildarfél-
aga þess. Fram fóru
venjubundin þingstörf
en fram kom í árs-
reikningum að tap
varð á rekstrinum.
Tekjur síðasta árs
voru rúm áttahundruð
þúsund krónum lægri
en á fyrra ári og munaði
mestu að ekki var um
neinn fjárstyrk að ræða
frá sveitarfélögunum í
Skagafirði til reksturs
sambandsins. Alls námu
tekjurnar kr. 4.311.240 en
rekstrargjöld fyrir fjár-
magnsliði kr. 4.844.257.
Síðasta starfsár hefur
Sigurjón Leifsson verið
starfandi formaður
UMSS, fór í þá stöðu sem
varaformaður. Kosin var
ný stjórn og var Sigurjón
kjörinn formaður en
aðrir sem fengu kosningu
voru Rúnar Vífilsson og
Jón Daníel Jónsson en
áfram sitja þau Elisabeth
Jansen og Þröstur Erl-
ingsson. Hjalti Þórðar-
son lauk stjórnarsetu og
voru honum þökkuð
góð störf í þágu sam-
bandsins. /PF
Ársþing UMSS
Sigurjón kjörinn
formaður
Sauðárkróksbakarísmótið var haldið í blíð-
skaparveðri á skíðasvæði Tindastóls um
síðustu helgi og að sögn mótshaldara gekk allt
mjög vel og krakkarnir skemmtu sér vel.
Veitingar og verðlaun voru í boði Sauðárkróks-
bakrís og vill skíðadeildin koma þökkum til Róberts
yfirbakara kærlega fyrir skemmtilegt mót. Úrslit
mótsins er hægt að nálgast á íþróttasíðu Feykis.is. /PF
Sauðárkróksbakarísmótið á skíðum
Vel heppnað mót
Nú í kvöld hefst
úrslitakeppni Express-
deildarinnar í
körfubolta með
tveimur leikjum. Tindastóll heimsækir
KR annars vegar og
Grindavík tekur á móti
nágrönnum sínum úr
Njarðvík hins vegar. Á
morgun fær Þór Þor-
lákshöfn Snæfellinga í
heimsókn og Stjarnan
tekur á móti Keflavík.
Leikið er heima og
heiman og það lið sem
fyrr vinnur tvo leiki
kemst áfram í undan-
úrslit. Annar leikur
Tindastóls og KR verður
á sunnudaginn á Sauðár-
króki og hefst klukkan
19:15.
Í síðustu umferð IE-
deildarinnar bar Tinda-
stóll sigurorð af Njarð-
víkingum í spennandi
leik. Lokatölur voru 81-
79 og þar með tryggðu
Stólarnir sér sjöunda
sætið í deildinni og
rimmu við lið KR. /PF
Körfubolti
Úrslitakeppnin að
fara í gang í kvöld