Feykir - 07.06.2012, Blaðsíða 11
22/2012 Feykir 11
Fe
yk
ile
g
a
f
lo
tt
a
af
þr
e
yi
ng
ar
ho
rn
ið
Já
, r
ey
nd
u
þi
g
vi
ð
þe
tt
a!
Verðlaun Sá sem fyrstur leysir þrautina
má kallast góður!
Spakmæli vikunnar
Segðu fyrst sjálfum þér hvað þú vilt verða og
gerðu síðan það sem þarf að gera. - Epiceptus
Ótrúlegt en
kannski satt
Edison er líklega þekktastur fyrir að finna upp ljósaperuna. Hann
sótti um einkarétt á samtals 1094 uppfinningum. Edison var
rekinn úr skóla þegar hann var 12 ára vegna þess að hann var
talinn mállaus. Honum gekk hræðilega að læra stærðfræði, gat
ekki haldið einbeitingu og átti í erfiðleikum með orð og að tjá sig
munnlega.
Sudoku
Grímólfur Agnar gekk á milli
hand- og húðsérfræðinga til að
láta fjarlægja vörtu. Hann fékk
allstaðar sama svar; pólitískar
vörtur eru óafmáanlegar.
Hinrik Már Jónsson
Örlaga örsögur
Feykir spyr...
Hversu lengi
hefur þú
starfað á sjó?
[ Sighvatur Rúnar og
Sigurður Ingi voru í
starfskynningu á Feyki
og og spurðu fyrrverandi
og núverandi sjómenn á
Sauðárkróki ]
HELGI INGIMARSSON:
- 13 ár.
EINAR GÍSLASON:
- 24 ár.
BJÖRGVIN
GUÐMUNDSSON:
- 4 ár.
STEINDÓR ÁRNASON:
- Síðan ég var 15 ára.
Skemmtiferðin hafði viðkomu í Varmahlíð
Fékk meðbyr
í Miðgarði
Snorri Már Snorrason kom
við í Menningarhúsinu
Miðgarði í Varmahlíð á
ferðalagi sínu hringinn í
kring um landið sl. þriðjudag
en hann ætlar að hjóla
hringinn í júní. Hann ákvað
að leggja í ferðalagið sem
hann kallar „Skemmtiferðin,
þín hreyfing – þinn
styrkur“ til að minna á
gildi líkamsræktar en hann
greindist með Parkinson-
sjúkdóminn fyrir átta árum.
„Ég er ekki að safna áheitum
í formi peninga heldur
loforðum ykkar um að þið
hreyfið ykkur sjálf,“ segir
Snorri.
Hópur fólks beið komu kappans
í Miðgarði og tók á móti honum
með lófataki og faðmlögum.
„Við skulum segja að ég sé eins
og vindþurrkaður þorskur,“
svarar Snorri aðspurður um
líðan sína. Hann hafði þá lokið
þriðja degi en ferðin hófst
þann 3. júní og ætlar hann
að loka hringnum þann 23.
júní. Snorri segist hafa fengið
mikinn mótbyr sl. tvo daga og
lýsti því hvernig hann þurfti að
hafa sig allan við að hjóla á móti
vindi niður Holtavörðuheiðina
á mánudag en hann hjólaði
í 10 klukkustundir þann
daginn. Eftir átta og hálfra
klukkustunda streð á þriðjudag
játaði hann sig sigraðan og
keyrði síðasta spölinn frá
Blönduósi til Varmahlíðar
til að hitta stuðningsmenn
sína sem biðu hans þar. Hann
segist þó ekki ætla að skorast
undan þessum kílómetrum frá
Blönduósi til Varmahlíðar, því
morguninn eftir ætlaði hann að
keyra aftur á Blönduós og halda
áfram hjólreið sinni. „En næst á
dagskrá er heit sturta og svefn,“
segir Snorri en hann fékk
næturgistingu á Syðstu-Grund
í Blönduhlíð.
Ólíkt veðrum og vindum
mætti Snorri miklum meðbyr
í Miðgarði en ásamt þeim
Skagfirðingum sem tóku
þar á móti honum, lögðu
nokkrir stuðningsmenn hans
frá Parkinsonsamtökunum á
Íslandi leið sína að sunnan. Þar
á meðal var Hrönn Ágústsdóttir
ráðgjafi hjá samtökunum.
„Það er svo gaman að sjá hve
framtakinu hefur verið vel
tekið. Snorri er öðrum mikil
fyrirmynd. Hann einblínir alltaf
á það sem hann getur en ekki
það sem hann getur ekki,“ segir
hún.
Yrði aldrei var við
þetta ef ég gengi
alltaf á þúfum
Óskar Konráðsson frá Sauðár-
króki var á meðal þeirra sem
tóku á móti Snorra. Hann
greindist með Parkinson
fyrir 20 árum síðan og segir
hrörnunarsjúkdóminn hafa
smátt og smátt unnið á sér.
„Sjúkdómurinn fer rólega af
stað en það sem fer er meðal
annars lyktarskyn, skriftin
smækkar og röddin minnkar,
auk þess fylgir þessu að vera
svolítið óstöðugur á fótunum,“
segir Óskar. „Læknir sagði eitt
sinn við mig að ef ég gengi alltaf
á þúfum þá yrði ég aldrei var við
þetta,“ segir hann og brosir.
Hann rifjar upp þegar hann
fann fyrst fyrir einkennum
sjúkdómsins, þá 47 ára að
aldri, og var hann að vinna
í Hampiðjunni í Reykjavík.
„Ég þurfti að fara á annan
stað í húsinu en þá var ekkert
sjálfgefið að labba af stað, ég
þurfti að einbeita mér að því,“
segir Óskar. Engin lyf eru til
við Parkinson og samkvæmt
Óskari hafa litlar breytingar
átt sér stað í þeim efnum
síðan hann var greindur með
sjúkdóminn fyrir 20 árum
síðan. Þá er einungis hægt að
halda einkennum sjúkdómsins
í skefjum með lyfjagjöf.
Parkinson–sjúkdómurinn er,
að sögn Óskars, vegna skorts
á boðefnum í ákveðnum
heilafrumum sem stjórna
hreyfingum. „Það deyr enginn
úr þessu en deyja þó með
þetta,“ segir Óskar.
Hægt er að fylgjast með Snorra á
facebook-síðu hans undir nafninu:
Skemmtiferðin.
Snorri Már Snorrason og Óskar Konráðsson hittast í Miðgarði.
/SRP - SÓS