Feykir - 23.08.2012, Blaðsíða 2

2 Feykir 31/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
Tónlistarmaðurinn Ásgeir Trausti Einarsson
Leyndarmál vin-
sælast á Rás 2
Lagið Leyndarmál eftir
Húnvetninginn Ásgeir
Trausta Einarsson trónir á
toppi Vinsældarlista Rásar
2 þessa vikuna en lagið er
sína áttundu viku á vinsæld-
arlista Rásar 2. Norðanátt.
is greinir frá þessu.
Leyndarmál er einnig í 3.
sæti á netlista Kanans og í 4.
sæti á X-Dominos lista á X-inu
077. Lagið Sumargestur, sem
einnig er eftir Ásgeir, er einnig
að finna á netlista Kanans og
situr það í 6. sæti listans. Ásgeir
Trausti er kominn með
YouTube-rás og þar er m.a.
hægt að sjá upptöku af lagi
Heimförin sem verður á
væntanlegri plötu hans Dýrð í
Dauðaþögn.
Ásgeir Trausti er alinn upp
á Laugarbakka í Húnaþing
vestra, af foreldrum sínum
þeim Einari Georg Einarssyni
kennara og Pálínu Fanney
Skúladóttur kennara og
organista. /BÞ
Sunnudaginn 19. ágúst sl.
stóð Kvenfélagið Iðja fyrir
fjölskyldudegi í Ásdísarlundi
í Miðfirði en félagið hefur
staðið fyrir deginum árlega
undanfarin ár.
Á Norðanáttinni segir að
veðrið hafi verið afar gott þetta
árið enda þess notið til útivistar
þar sem spilaður var fótbolti,
farið í kubb og skrafað saman.
Iðjukonur buðu svo upp á
veitingar. Ásdísarlundur er
skemmtilegt útivistarsvæði
sem alltaf er opið og öllum vel-
komið að heimsækja hann. /PF
LEIÐARI
Sveitasæla
Nú um helgina fer fram landbúnaðarsýningin og
bændahátíðin Sveitasæla 2012 í reiðhöllinni Svaðastaðir á
Sauðárkróki. Þar munu skagfirskir bændur vera í aðalhlut-
verki ásamt ýmsum húsdýrum og tækjum sem þykja
nauðsynleg í dag. Íslenskur landbúnaður hefur verið einn af
hornsteinum íslensks samfélags um aldir og verða vonandi
áfram. Margir bændur óttast um landbúnaðinn við inn-
göngu í ESB og segir Guðrún Lárusdóttir formaður
Búnaðarsambands Skagfirðinga í viðtali hér í blaðinu í dag
að það yrði nánast rothögg fyrir kúabændur ef það gerðist.
Steingrímur J. Sigfússon landbúnaðarráðherra mun
ávarpa sýningargesti við opnun hennar á laugardag og má
búast við því að hann dásami landbúnaðinn og íslenska
bændur fyrir sín störf og framlag þeirra til þjóðarbúsins. En
hann er í undarlegri pólitískri stöðu. Fyrir síðustu alþingis-
kosningar var því lofað af hans flokki að innganga Íslands í
ESB yrði ekki á dagskrá, en annað kom á daginn eins og
alþjóð veit. Nú er kominn kosningahugur í marga og ekki
ólíklegt að Steingrímur taki aftur upp andstöðugleraugun
gegn inngöngu og hefji þar með kosningabaráttu VG fyrir
næstu kosningar og reyni að styrkja stöðu sína innan
flokksins sem hefur veikst nokkuð frá síðustu kosningum.
Páll Friðriksson
ritstjóri
Húnaþing vestra
Fjölskyldudagur í
Ásdísarlundi
Flokksráðsfundur
og sumarferð
Vinstri græn
funda að
Hólum
Flokksráðsfundur Vinstri
grænna verður haldinn að
Hólum í Hjaltadal um
helgina og verður hann
nýttur að langmestu leyti í
málefnavinnu að þessu
sinni en ekki almennar
umræður eða ályktanir
samkvæmt ákvörðun
landsfundar.
Flokksráðsfundir eru
æðstu fundir á milli lands-
funda og eru opnir öllum
félögum í VG. Atkvæðisrétt á
fundinum hafa landsfunda-
kjörnir fulltrúar í flokksráði
sem eru 40 talsins en auk
þeirra eiga sæti í ráðinu allir
kjörnir sveitastjórnarfull-
trúar, alþingismenn, formað-
ur Ungra Vinstri Grænna,
formenn svæðisfélaga og
formenn kjördæmisráða. Að
loknum fundi verður farið
um Skagafjörð í fararstjórn
Þórarins á Frostastöðum. /PF
Gærurnar
Lands-
frægur
nytja-
markaður
Hjá Gærunum í Vestur
Húnavatnssýslu hefur verið
líf og fjör á laugardögum í
sumar en þá hafa þær
starfrækt Nytjamarkaðinn
á Hvammstanga sem
þegar er orðinn
landsfrægur.
„Það sýnir allt ferðafólkið
sem hefur heimsótt mark-
aðinn en margir hafa haft
orð á því að það hafi heyrt
um þennan fína Markað hér
á Hvammstanga. Þetta þykir
okkur ekki leiðinlegt!“ segir í
fréttatilkynningu í Sjón-
aukanum.
„Eins og áður hefur fólk á
svæðinu sem og annars
staðar, verið okkur hliðhollt
og gefið okkur fullt af fínu
dóti sem við erum ákaflega
þakklátar fyrir - án ykkar
væri enginn Nytjamark-
aður!“
Síðasta opnun Nytja-
markaðsins var um síðustu
helgi en afrakstur sumarsins
fer í að styrkja góð málefni í
heimabyggð. /PF
Nú rekur hver leikurinn
annan hjá Tindastóls-
mönnum í 1. deildinni í
knattspyrnu.
Síðastliðið fimmtudags-
kvöld mættu Stólarnir spræku
liði KA á Króknum. Leikurinn
var hin besta skemmtun þrátt
fyrir að hvorugu liðinu tækist
að koma boltanum í markið og
sættust liðin því á jafnan hlut.
Nú á þriðjudag fengu
Stólarnir hinsvegar skell í
Víkinni í Reykjavík þar sem lið
Víkings komst yfir strax á 1.
mínútu leiksins. Staðan var 2-0
í hálfleik og heimamenn gerðu
síðan út um leikinn á 10
mínútna kafla um miðjan
síðari hálfleik en þá gerðu
Víkingar þrjú mörk. Lokatölur
því 5-0.
Tindastóll er sem stendur í
níunda sæti í 1. deild en það
varð strákunum til happs að á
meðan þeir lutu í rennblautt
gras í Víkinni þá töpuðu hin
þrjú liðin í botnslagnum sínum
leikjum.
Næsti leikur er á Króknum
á laugardaginn kl. 14:00 en þá
kemur Fjölnir í heimsókn. /ÓAB
Knattspyrna : Tindastóll
Jafntefli og stórt tap
Ásmundar Einar Daðasonar
alþingismaður, sagði í
viðtali í Skessuhorni á
dögunum að hann hyggist
gefa kost á sér í annað
sæti á lista Framsóknar-
flokks í NV kjördæmi fyrir
næstu kosningar. Kölluðu
þau ummæli þegar á
viðbrögð Sigurgeirs Sindra
Sigurgeirssonar bónda í
Bakkakoti í Borgarfirði og
varaþingmanns flokksins.
Á Fésbókarsíðu sína skrif-
aði Sigurgeir: „Það er ljóst að
það er kominn kosningahugur
í Ásmund Einar Daðason. Til
fróðleiks fyrir hann og fleiri þá
hyggst ég einnig gefa kost á
mér í annað sætið á lista
Framsóknarflokks.“
Þann 13. október nk. verður
haldið kjördæmisþing fram-
sóknarmanna í Norðvestur-
kjördæmi en þar verður
ákveðið hvaða aðferð verður
valin til að velja á framboðs-
lista flokksins fyrir komandi
alþingiskosningar og gæti
ýmislegt breyst fyrir þá fram-
sóknarfélaga. /PF
Sigurgeir Sindri og Ásmundur Einar
Sækjast báðir eftir öðru
sæti á lista framsóknar
Feyki barst ábending um að
textinn um Hrafna Flóka hafi
skolast eitthvað til í síðasta
blaði þegar fjallað var um
afhjúpun minnisvaraða um
kappann og ekki rétt með
farið um sögu hans.
Sagt var að Hrafna Flóki
hefði trassað að afla sér
vetrarforða og fénaður hans
fallið úr hor er hann bjó í
Fljótum. Í Landnámu segir
hins vegar að að Flóki hafi haft
vetursetu í Vatnsfirði á
Barðaströnd og þar hafi kvikfé
hans allt drepist. Þar gaf hann
landinu nafnið Ísland. Þaðan
sigldi hann út til Noregs aftur
en kom svo aftur til Íslands og
nam þá land á milli Flókadalsár
og Reykjarhóls í Fljótum og
setti bú sitt á Mói í Flókadal. /PF
Leiðrétting varðandi Hrafna Flóka
Féð féll í Vatnsfirði