Feykir - 24.01.2013, Page 9

03/2013 Feykir 9
Um fimmtíu konur úr Skagafirði fæddu á FSA á síðasta ári
Þrátt fyrir að fæðingarþjónusta
á Heilbrigðisstofnuninni á
Sauðárkróki hafi lagst af í
niðurskurði síðustu ára voru
tvær fæðingar í desember og ein
í lok nóvember á síðasta ári
vegna þess að ekki gafst tími til
að flytja mæðurnar annað.
Anna María Oddsdóttir
ljósmóðir á Sauðárkróki segir
að 50 konur úr Skagafirði hafi
fætt á FSA á síðasta ári og tvær
hafa fætt á LSH síðan um
miðjan sept. Hún segir
mikilvægt að konur á þessu
landsvæði hafi aðgang að
ljósmóður því vart væri búandi
á þessum stað annars að hennar
mati. Hún segir það mikilvægt
að missa ekki sjónar af því sem
skiptir mestu máli og er það
öryggi kvenna hér á þessum
stað og jafnframt réttur þeirra
til heilbrigðisþjónustu. -Ljóst er
að í gegnum tíðina hefur smátt
og smátt dregið úr þjónustunni
og hætta á því að smá saman
verði kroppað meira og meira af
henni, segir Anna María.
-Það er rétt að töluvert hefur
dregið úr þjónustu á
Heilbrigðisstofnuninni Sauðár-
króki undafarin ár. Stofnuninni
hefur verið gert að draga saman
starfsemina um nálægt 30% á
undangengnum árum. Ég
fullyrði það að engri annarri
heilbrigðisstofnun hefur verið
gert að sæta slíkum afarkostum
og hremmingum sem við
höfum mátt þola á HS, segir
Hafsteinn Sæmundsson fram-
kvæmdastjóri stofnunarinnar.
Hann segir að aðrar stofnanir
sem hafa þurft að sæta miklum
niðurskurði hafa á móti fengið
tækifæri til hagræðingar svo
sem í bættum og breyttum
vegasamgöngum og fleiri
möguleikum til að draga saman
seglin án þess að minnka með
sama hætti þjónustuna.
Ljósmóðir sem er starfandi
hjá HS sinnir mæðravernd og
svarar hún síma til kl. 20:00
virka daga en ekki um helgar frá
apríl 2013. Þá verður verðandi
mæðrum vísað á vaktsíma
ljósmæðra FSA.
-Við erum með vakt læknis
allan sólarhringinn og veitir
hann þjónustu ásamt
sjúkradeild ef þess er ekki
kostur að komast á FSA. Rétt er
að það komi fram að eftir að
skurðlæknar hættu fastri búsetu
á Sauðárkróki hefur ekki verið
talið á það hættandi að taka á
móti börnum hjá frumbyrjum
en þeim hefur verið vísað á
fæðingadeildir þar sem
sérfræðingar í fæðingahjálp
hafa starfað. Frá þeim tíma hafa
fæðingar á HS aðeins verið um
þriðjungur af öllum fæðingum
skagfirskra kvenna, segir
Hafsteinn.
Sparnaður 25 millj. kr. á ári
Rekstrarkostnaður við
mæðra-skoðun og
ungbarnavernd á HS er
áætlaður um 15 millj. kr. á árinu
Á mörkum þess að vera
ásættanleg þjónusta
Tónleikar Kolbrúnar Erlu og Dönu Ýrar
Frænkurnar Kolbrún Erla Grétarsdóttir á Úlfsstöðum og
systurdóttir hennar Dana Ýr Antonsdóttir buðu til notalegra
tónleika á Löngumýri miðvikudaginn 16. janúar sl. Að
sögn Gunnar Rögnvaldssonar forstöðumanns Löngumýrar
sannaðist þetta kvöld enn og aftur hve tónlistin skipar stóran
sess í okkar daglega lífi og hvernig hún mótar uppeldi þeirra
sem njóta hennar frá æsku.
Kolbrún Erla og Dana Ýr eru báðar aldar upp við söng,
hljóðfæraleik og fjölbreytta tónlistarflóru. Dana sem aðeins er
rúmlega tvítug lék og söng nokkur frumsamin lög við eigin texta
samda á þremur mismunandi tungumálum og gerði það af mikilli
einlægni. Naut hún aðstoðar Kollu frænku sinnar í sumum, en
einnig sungu þær nokkur þekkt lög saman, íslensk og erlend. „Var
flutningur þeirra á lagi Böðvars Guðmundssonar „Í Fjörðum“
undur fallegur og sama má segja um glæsilega túlkun Kolbrúnar
á sænska laginu „Gabriellas sang“ sem er úr kvikmyndinni „Sem
á himnum“,“ segir Gunnar um frammistöðu þeirra frænkna.
Auk gítarspils Dönu nutu þær stöllur aðstoðar Stefáns
Gíslasonar við undirleik og sat hann við píanóið ásamt því að
grípa í harmonikkuna. Lokalagið segir Gunnar að hafi verið sér á
parti, en þá bættust dætur Kolbrúnar, þær Sylvía fjórtán ára og
Halldóra tíu ára í hópinn og sungu þær allar fjórar lag Bergþóru
Árnadóttur við bráðfallegan texta hennar: „Einu sinni þú“. „Á
eftir sátu gestir um stund yfir kaffi og konfekti og dáðust að þessu
frumkvæði sem lífgaði upp annars venjulegt miðvikudagskvöld
og héldu síðan glaðir í sálu og sinni heim. Takk fyrir!“ segir
Gunnar í lokin. /BÞ
Kvöldtónar
á Löngumýri
UMSJÓN PáLL FRIÐRIKSSON
Landsmenn fengu fyrir skömmu að lesa hér í Feyki um
lífsreynslu foreldra frá Sauðárkróki sem eignuðust barn á
bílaplani KS í Varmahlíð í hörku frosti að kvöldi 27. desember sl.
Vaknaði á ný hjá mörgum sú spurning hvort það sé ásættanlegt
að fólk þurfi að fara um langan veg til að koma nýjum þegnum
þessa lands í heiminn og eiga það jafnvel á hættu að gera það úti á
þjóðvegum landsins.
2013. Sparnaður vegna lokunar
fæðingadeildarinnar nemur um
25 millj. kr. á ári og þar af er
launakostnaður áætlaður um
20 millj. kr. en Hafsteinn gerir
ráð fyrir að beinn sparnaður
fyrir heilbrigðiskerfið sé ekki
fjærri þeirri tölu en að sama
skapi fellur til verulegur auka-
kostnaður á verðandi mæður
og fjölskyldur þeirra.
Það hefur komið til tals að
einhverskonar sjúkrahótel eða
önnur aðstaða fyrir fólk sem
bíður eftir heilbrigðisþjónustu
verði komið upp á Akureyri og
telur Hafsteinn það nauðsynlega
framkvæmd.
-Við, forstöðumenn
heilbrigðis-stofnana á svæðinu,
sem sitjum í samráðsnefnd
h e i l b r i g ð i s - u m d æ m i s
Norðurlands höfum bent á
nauðsyn þess að koma upp
viðunandi aðstöðu fyrir konur
sem bíða fæðingar og
aðstandendur þeirra á Akureyri.
Það mál er vonandi að komast á
einhvern rekspöl og
nauðsynlegt er að fylgja því
betur eftir.
Of langt gengið í niður-
skurði
Að mati Ástu B. Pálmadóttur
sveitarstjóra í Skagafirði er
fæðingarþjónusta í Skagafirði
ekki ásættanleg eða a.m.k. á
mörkum þess að vera það.
Röksemdir hafa heyrst um það
að lítið umfang þjónustu geti
bitnað á gæðum þjónustunnar
og segir Ásta það vissulega geta
verið rétt í einhverjum tilfellum.
-Á móti koma röksemdir sem
mér finnst ekki eiga síður við og
sem lúta að öryggissjónarmiðum
mæðra og barna þeirra þegar
barnshafandi konur þurfa að
ferðast langar leiðir, um fjallvegi
og í afar misjöfnum veðrum, til
að njóta fæðingarþjónustu,
segir Ásta.
Önnur umræða þessu tengd
og sem Átu finnst of lítið fara
fyrir er um búsetumál
fjölskyldna sem bíða jafnvel
vikum saman eftir nýjum
fjölskyldumeðlim og búa við
mikinn aukakostnað og tekju-
tap sem hlýst af tilflutningi
þjónustunnar.
-Ég vona að ráðamenn
heilbrigðismála hér á landi
muni í framtíðinni ekki festast í
klisjum um lágmarksfjölda íbúa
á upptökusvæði heilbrigðis-
stofnana en horfi þess í stað
raunsæjum augum á það að við
búum í strjálbýlu landi sem oft
er erfitt yfirferðar og þar sem
allra veðra er von. Menn tala oft
um nauðsyn þess að standa
vörð um grunnþjónustuna í
landinu og beina þá orðum
sínum gjarnan í kjölfarið að
velferðarkerfinu. Að mínu mati
hefur verið gengið of langt í
niðurskurði á Heilbrigðis-
stofnuninni Sauðárkróki og
stofnunin hefur ekki notið
fjárveitinga frá ríkisvaldinu í
takt við það sem þekkist annars
staðar á landinu. Þetta hefur
m.a. verið sannreynt af
sérfræðingum Capacent og
stendur upp á ráðamenn að
útskýra af hverju svo sé, segir
Ásta.
Mikið álag á starfsfólk
-Ég veit að álagið á starfsfólk
stofnunarinnar hefur verið
gríðarlegt enda hefur
niðurskurður á fjárveitingum
til hennar valdið því að það
hefur þurft að segja upp fjölda
starfsmanna á liðnum árum. Ég
vona svo sannarlega að við
séum komin yfir versta hjallann
og sjáum í fjárlögum komandi
ára leiðréttingu á því óréttlæti
sem Heilbrigðisstofnunin hefur
mátt sæta auk skilnings á því að
hér þarf raunverulega ákveðin
grunnþjónusta að vera til
staðar, segir Ásta að lokum.
Frá afhendingu kvenfélagskvenna á nýburahúfum í lok árs 2009.