Sveitarstjórnarmál - 01.12.2014, Blaðsíða 10

10
Fræðsluráð Vestmannaeyjabæjar hefur lagt
fram nýja framtíðarsýn í fræðslumálum en
þungamiðja hennar er að leggja meiri áherslu
á læsi og stærðfræði. Lagt er til að farin verði
sama leið og skólayfirvöld á Reykjanesi hafi
farið. Í þeirri framtíðarsýn er áhersla lögð á
læsi og stærðfræði. Markmiðið fræðsluráðs-
ins er að skólar sveitarfélagsins verði í fremsta
flokki. „Hlutverk framtíðarsýnarinnar verður
að skerpa á áherslum, stuðningi og aðhaldi í
daglegu skólastarfi. Skerpt er á verklagi sem
hefur áhrif á daglegt skólastarf,“ segir í
bókun fræðsluráðsins.
Fræðsluráðið telur skóla sveitarfélagsins
hafa yfir að ráða hæfu og dugmiklu fagfólki,
aðstöðu og búnaði til að ná settu markmiði.
Ráðið telur mikilvægt að efla aðkomu skóla-
skrifstofu að þessari vinnu og mikilvægt sé
að samhæfa verklag og fylgja eftir sameigin-
legri markmiðsetningu og mælanleika.
Einnig segir að með hliðsjón af reynslu
Reykjanesbæjar af innleiðingu á gæðastarfi
telji ráðið mikilvægt að skólaskrifstofu verði
falið aukið vægi í innleiðingu á gæðastarfi og
samstarfi við skólana. Þess vegna samþykkir
ráðið að fjármagn sem nemur 50% stöðu
faglærðs ráðgjafa verði flutt til skólaskrif-
stofu. Skristofan muni þar með einnig taka
ábyrgð á aukinni stoðþjónustu svo sem inn-
leiðingu á gæðastarfi sem og náms- og
starfsráðgjöf.
Fréttir
Framtíðarsýn í fræðslumálum
í Vestmannaeyjum
Vestmannaeyingar hafa fundið fyrir vetrarríkinu eins og aðrir landsmenn eins og þess mynd sýnir vel. Myndir: EV
Bjarni Guðmundsson til SASS
Bjarni Guðmundsson hefur verið ráðinn framkvæmdastjóri Samtaka
sunnlenskra sveitarfélaga (SASS) en gengið var frá ráðningu hans á
stjórnarfundi samtakanna fyrir skömmu. Alls sóttu 45 um starfið en
fjórir drógu umsókn sína til baka.
Bjarni gegndi stöðu framkvæmdastjóra þróunar hjá RÚV frá árinu
2007 til 2014 en lét af þeim störfum sl. vor. Frá 1997 til 2007 gegndi
hann starfi framkvæmdastjóra Sjónvarps og var jafnframt staðgengill
útvarpsstjóra frá árinu 1998.
Bjarni lauk MBA gráðu frá Edinborgarháskóla árið 1992, B.
Sc-gráðu í rafmagns-
tæknifræði frá Tækni-
háskólanum í Óðinsvé-
um árið 1985 og raf-
virkjun frá Iðnskólanum
í Reykjavík árið 1980.
Áætlað er að Bjarni
taki til starfa hjá SASS í
janúar 2015.
Bjarni Guðmundsson kemur til starfa hjá SASS
í janúar.
Markmið fræðsluráðs Vestmannaeyjabæjar er að skólar sveitarfélagsins verði í fremstu röð.