Sveitarstjórnarmál - 01.12.2014, Blaðsíða 13

13
gera verulega vart við sig í borginni. Eina
raunverulega leiðin til þess að húsnæðisverð
lækki sé að byggja það mikið að framboðið
ýti verðinu niður. Allt sé þetta unnið á frjáls-
um markaði og hverjum sé heimilt að selja
hús og íbúðir á því verði sem geti boðist.
Hann segir mikið hafa verið rætt um fast-
eignafélagið Gamma, sem eigi um 300 íbúðir
en það sé ekkert mikið ef litið sé til þess
að Félagsbústaðir Reykjavíkur eiga um
2.200 íbúðir. Hjálmar segir mjög algengt í
nágrannalöndunum – löndum á borð við
Danmörku, Svíþjóð og Þýskaland – að þar
starfi stór fasteignafélög, oft með mörgum
eigendum að baki sér og séu mjög stórtæk.
Þau kaupi og eigi heilu húsaraðirnar en þá sé
kerfið oft með þeim hætti að þessi félög fái
ákveðna fyrirgreiðslu frá hinu opinbera ef
þau skuldbinda sig til þess að vera með
ákveðið hlutfall íbúða á félagslegum forsend-
um þannig að þær íbúðir séu leigðar undir
ákveðnu verðþaki.
„Félögin eru skuldbundin gegn fyrir-
greiðslu að bjóða þennan kost í 20 til 30 ár
frá byggingu. Þetta er aðferð sem notuð er til
þess að alltaf verði eitthvert hlutfall af íbúð-
um sem séu viðráðanlegar fyrir fólk með
meðal- og minni tekjur, bæði til þess að
leigja og hugsanlega að kaupa. Fyrir þessu er
hefð víða erlendis en er ef til vill svolítið fram-
andi fyrir okkur.“
Byggingaraðilar greiði
fyrir aukið byggingarými
Fyrir skömmu kom til umræðu hvort rétt væri
að láta byggingaraðila greiða gjald fyrir leyfi
til þess að auka við byggingar á tilteknum
reitum. Hjálmar hefur verið talsmaður þess
að skoða þessa hugmynd með jákvæðu hug-
arfari.
„Já, ég hef verið að ræða þetta. Við fram-
fylgjum ákveðinni þéttingarstefnu sem hefur
þó alveg skýr mörk, til dæmis að ekki verði
ráðist í of háar byggingar. Í vinnu við þetta
verkefni hafa borgaryfirvöld komist að því að
til bóta getur verið að auka við byggingar
innan tiltekinna reita. Með því að gera það er
í rauninni verið að færa handhafa lóðar eða
byggingareits ígildi mikilla verðmæta. Líklegt
er að handhafi slíkra verðmæta geti selt þau
nær samstundis. Í raun getur verið um að
ræða verðmætaaukningu upp á 100 milljónir
króna, svo svolítið ýkt dæmi sé tekið sem
getur þó rauninni sagt til um hvað er verið að
ræða.“
Hjálmar segir að góðar og gildar ástæður
geti legið til þess að auka byggingarheimildir
en þeir sem þess njóta láti þá eitthvað af
Kannanir sýna að ferðavenjur eru að breytast og að árangur hefur náðst í því að gefa borgarbúum valkosti
hvað ferðamáta varðar. Fleiri ferðast nú á reiðhjólum en áður.
Landakotstúnið og nánasta umhverfi í Reykjavík. Myndin sýnir hvernig borgin byggðist fyrir og um miðbik
síðustu aldar. Þriggja hæða hús setja mikinn svip á byggðina.