Morgunblaðið - 14.10.2017, Blaðsíða 18

ÚR BÆJARLÍFINU
Gunnar Kristjánsson
Grundarfjörður
Ferðamenn eru orðnir fastur liður í daglegu lífi
Grundfirðinga allt árið um kring . Áhrifin af þessari stöð-
ugu aukningu sjást víða í samfélaginu. Veitingahús eru
fjögur á staðnum og þar er stöðugur straumur gesta. Í
Kaffi Emil í Sögumiðstöðinni tóku nýir rekstaraðilar við
sl. vor og þar er nánast fullt út úr dyrum alla daga og
gestir róma staðinn.
Þar er jafnframt rekin upplýsingamiðstöð og bóka-
safn og hafa starfsmenn þar haft ærinn starfa við að leið-
beina ferðamönnum og veita upplýsingar. Í einu mat-
vöruverslun staðarins er jafnan þröng á þingi og
alþjóðlegt yfirbragð á gestum.
Ekki leikur vafi á því að vöruval verður fjölbreyttara
þegar svo margir eiga þangað erindi en stundum má
heyra hljóð úr horni frá heimamönnum þegar einhver
vörutegundin hefur óvart klárast.
  
Gisting fyrir ferðamenn er víðsvegar um bæinn í
heimahúsum jafnt sem á hóteli og gistiheimilum. Rekstr-
arleyfisumsóknir streyma inn til bæjaryfirvalda sem
klóra sér í hausnum og vita ekki hvaðan á þau stendur
veðrið. Í síðustu fundargerð bæjarráðs má lesa svohljóð-
andi bókun: „Bæjarráð lýsir áhyggjum sínum yfir fjölda
íbúðarhúsa sem nýtt eru undir gistiheimili í bænum og
telur mikilvægt að mótaðar verði skýrar reglur um veit-
ingu slíkra leyfa í bæjarfélaginu.“
Í sumar reis byggð gistihýsa í landi Þórdísarstaða í
Framsveit, reisti Dísarbyggð ehf. tíu smáhýsi og tók þau í
notkun í ágúst. Fleiri slík hýsi má finna víðar um sveitina
og þrátt fyrir stóraukið framboð af gistirými virðist eft-
irspurnin alltaf aukast.
  
Um Kirkjufell og Kirkjufellsfoss þarf ekki lengur að
fjölyrða, þar er ástandið óbreytt, bílastæðið yfirfullt alla
daga og stöðugur straumur fólks á draumamyndatöku-
staðinn, lítið heyrist af úrlausnum í bílastæðamálum þar.
  
Það gefur því auga leið að ekki er auðvelt fyrir fólk að
fá húsnæði í Grundarfirði til að búa í til langframa. Bæja-
stjórnin hugðist hleypa lífi í byggingaframkvæmdir og
bauð ókeypis lóðir til bygginga snemma árs, lóðir sem voru
á lausu inn á milli í byggðinni. Vel var tekið í þessa auglýs-
ingu og fjölmörgum lóðum úthlutað, enn sem komið er hef-
ur verið lítið um framkvæmdir á þessum lóðum. Þó gerðist
það í vikunni að hafnar voru framkvæmdir á einni þeirra.
  
En menningin lifir þrátt fyrir allt og auglýstir hafa ver-
ið Rökkurdagar 26. október til 4. nóvember. Dagskrá þeirra
er í mótun og ekki vitað hvort kosningar þann 28. október
komi þar við sögu. Þá er Grundarfjarðarmærin Dögg Mós-
esdóttir að boða til sinnar árlegu Stuttmyndahátíðar dagana
27.-29 .október. Reyndar verður hátíðin nú öðru sinni í
menningarsetrinu Frystiklefanum út á Rifi og ku hátíðin nú
fagna tíu ára afmæli. Þá verður sundlaug Grundfirðinga að
venju lokað yfir vetrarmánuðina en hægt verður að komast í
heita potta og vaðlaug áfram, svo heitapottaspjallið lifir.
Morgunblaðið/Gunnar Kristjánsson
Grundarfjörður Útsýni er gott úr nýjum gistihýsum Dísarbyggðar ehf. í landi Þórdísarstaða í Framsveit.
Áhrifa ferðamanna
gætir víða í samfélaginu
18 FRÉTTIRInnlent
MORGUNBLAÐIÐ LAUGARDAGUR 14. OKTÓBER 2017
m æ t i r þ í n u m þ ö r f u m
Aeg
ofnAr
u p p l i f u n a ð e l d a
lágmúla 8 · sími 530 2800
Átta flokkar sem buðu fram í öllum
kjördæmum í kosningum árið 2016
munu einnig gera það fyrir þessar
kosningar, en framboðslistum var
skilað inn til yfirkjörstjórnar í dag.
Þetta eru Björt framtíð, Fram-
sóknarflokkur, Viðreisn, Sjálfstæðis-
flokkur, Flokkur fólksins, Píratar,
Samfylkingin og Vinstri-græn. Í fyrra
bauð Dögun einnig fram í öllum kjör-
dæmum en nú býður hún aðeins fram
í Suðurkjördæmi. Hinn nýstofnaði
Miðflokkur býður hins vegar fram í
öllum kjördæmum og því eru jafn-
margir flokkar sem bjóða fram í öll-
um kjördæmum nú og gerðu fyrir síð-
ustu kosningar, níu talsins.
Alþýðufylkingin bauð fram í fimm
kjördæmum í fyrra; báðum Reykja-
víkurkjördæmunum, Norðaustur-
kjördæmi, Suðurkjördæmi og Suð-
vesturkjördæmi. Flokkurinn skilaði
hins vegar aðeins framboðslistum í
fjórum kjördæmum í ár; báðum
Reykjavíkurkjördæmunum, Suðvest-
urkjördæmi og Norðausturkjör-
dæmi.
Íslenska þjóðfylkingin bauð aðeins
fram í Norðvesturkjördæmi og Suð-
urkjördæmi síðast en sækir nú í sig
veðrið og býður fram í fjórum kjör-
dæmum; báðum Reykjavíkurkjör-
dæmunum, Suðurkjördæmi og Suð-
vesturkjördæmi.
Líkt og áður sagði fer Dögun úr því
að bjóða fram í öllum kjördæmum á
síðasta ári í að bjóða aðeins fram í
Suðurkjördæmi í ár. Húmanista-
flokkurinn bauð fram lista í Reykja-
víkurkjördæmi suður á síðasta ári en
býður ekki fram í ár.
Heildarfjöldi þeirra flokka sem
bjóða fram lista í einu eða fleiri kjör-
dæmum í ár er því jafnmikill og á síð-
asta ári. Flokkarnir eru 12 talsins
þótt einhverjar breytingar hafi orðið
á því hvaða flokkar bjóða fram í hvaða
kjördæmum. Einn flokkur, Miðflokk-
urinn, hefur bæst við, en Húmanista-
flokkurinn dettur út. solrun@mbl.is
Átta flokkar í öll-
um kjördæmum
 Ýmsar breytingar á framboðum flokka
Alþingi Talsverðar mannabreyt-
ingar verða á næsta þingi.
Gunnar Bragi Sveinsson, þingmaður
og fv. ráðherra, er efstur á lista Mið-
flokksins í Suðvesturkjördæmi en
hann var sem kunnugt er áður oddviti
framsóknarmanna í Norðvestur-
kjördæmi. Í öðru sæti er Una María
Óskarsdóttir, uppeldis-, menntunar-
og lýðheilsufræðingur, en áður
gegndi hún ýmsum trúnaðarstörfum
fyrir Framsóknarflokkinn, m.a. sem
formaður Landssambands framsókn-
arkvenna, varaþingmaður, bæjar-
fulltrúi og aðstoðarmaður Sivjar Friðleifsdóttur, þáverandi umhverf-
isráðherra. Í þriðja sæti Miðflokksins er Kolfinna Jóhannesdóttir.
Gunnar og Una efst hjá Miðflokki í SV
Gunnar Bragi
Sveinsson
Una María
Óskarsdóttir
Þorsteinn Sæmundsson, fv. þingmaður Framsóknar-
flokksins, skipar efsti sæti á lista Miðflokksins í Reykja-
víkurkjördæmi suður, en listinn var tilkynntur í gær. Í
öðru sæti er Valgerður Sveinsdóttir lyfjafræðingur og
hún hefur m.a. verið á lista Framsóknarflokksins í
Reykjavík vegna borgarstjórnarkosninga.
Fram hefur komið í Morgunblaðinu að Bergþór Óla-
son er oddviti Miðflokksins í Norðvesturkjördæmi og
Guðfinna Jóhanna Guðmundsdóttir, fv. borgarfulltrúi
Framsóknarflokksins, í Reykjavíkurkjördæmi norður. Á
eftir Bergþóri í öðru sæti er Sigurður Páll Jónsson, út-
gerðarmaður í Stykkishólmi, og í öðru sæti á eftir Guð-
finnu er Guðlaugur G. Sverrisson, fv. formaður Framsóknarfélags Reykja-
víkur, sem sat m.a. í stjórn OR og RÚV fyrir Framsóknarflokkinn.
Þorsteinn efstur í Reykjavík suður
Þorsteinn
Sæmundsson
KOSNINGAR 2017