Morgunblaðið - 24.01.2018, Síða 76

76 MORGUNBLAÐIÐ MIÐVIKUDAGUR 24. JANÚAR 2018 VIÐSKIPTAMOGGINN FRAMÚRSKARANDI FYRIRTÆKI
S
umum þótti það veruleg bjartsýni
hjá stofnendum Dorma að opna
nýja verslun með rúm og húsgögn í
miðri kreppu. Reksturinn hefur þó
gengið vel og fyrirtækið stækkað hratt. „Við
opnuðum fyrstu verslun Dorma í Holtagörð-
um árið 2009, því næst verslanir á Akureyri
og Ísafirði og í hittifyrra bættist fjórða
Dorma-verslunin við á Smáratorgi,“ segir
Egill Fannar Reynisson, framkvæmdastjóri
Dorma og móðurfyrirtækisins Gers innflutn-
ings.
Egill stofnaði Dorma með bróður sínum
Gauta en fyrir eiga þeir Húsgagnahöllina og
Betra bak. „Okkur þótti vöntun á nýrri
verslun með þeim áherslum sem Dorma hef-
ur, en aðalsmerki búðarinnar er að bjóða
upp á vandaðar vörur á góðu verði og eru
rúm, sófar og hægindastólar í fyrirrúmi til
viðbótar við mjúkvörur fyrir svefn-
herbergið.“
Byggist á reynslu og þjónustu
Það er ekki sjálfgefið að rekstur hús-
gagnaverslana gangi vel, hvað þá að þeim
takist að komast á lista Creditinfo yfir fram-
úrskarandi fyrirtæki. Egill skrifar árang-
urinn m.a. á reynda starfsmenn sem sinna
viðskiptavinunum af fagmennsku og hlusta
eftir óskum þeirra. „Við höfum líka verið
mjög dugleg að skoða hvað er í boði hjá er-
lendum framleiðendum hverju sinni og eig-
um í góðum samskiptum við birgja okkar.“
Salan hjá Dorma hefur vaxið jafnt og þétt
frá stofnun og segir Egill að bæði 2016 og
2017 hafi verið prýðileg ár í rekstrinum.
Hann bendir á að sala á húsgögnum haldist
oft í hendur við það hversu mikil hreyfing
er á húsnæðismarkaði. „Það fylgir því oft
þegar fólk flytur sig um set að ráðist er í
kaup á nýjum húsgögnum fyrir heimilið og
höfum við notið góðs af blómlegum fast-
eignamarkaði undanfarin ár.“
Einnig hefur styrking krónunnar hjálpað
Dorma og segir Egill að fyrirtækið gæti
þess að leyfa viðskiptavinum að njóta
gengisþróunarinnar í lægra verði. Annað
kemur ekki til greina enda virðast neyt-
endur vanda sig mjög við kaupin, gera verð-
samanburð og fjárfesta ekki í húsgögnun
nema að vandlega athuguðu máli. „Við
sjáum greinileg merki þess að neytendur
eru orðnir mun skynsamari og taka betur
ígrundaðar ákvarðanir um húsgagnakaup en
þeir gerðu fyrir hrun. Birtist þetta m.a. í því
að mun algengara er orðið að fólk staðgreiði
vöruna frekar en að það fjármagni kaupin
með raðgreiðslusamningum.“
Samkeppnin er hörð og t.d. fann Dorma
fyrir því þegar bandaríski risinn Costco
lenti á Íslandi með miklum látum. „Það kom
þó fljótt í ljós að þrátt fyrir breitt vöruúrval
erum við ekki í beinni samkeppni við
Costco. Salan hjá okkur dalaði lítillega í
kjölfarið á opnun stórverslunarinnar í Kaup-
túni síðasta vor en hafði jafnað sig strax um
haustið.“
ai@mbl.is
Njóta góðs af líflegum fasteignamarkaði
Morgunblaðið/Kristinn Magnússon
313. sæti
Dorma
Lítið 6. sæti
Egill Fannar Reynisson
Auk þess að reka fjórar húsgagnaversl-
anir heldur Dorma úti vandaðri net-
verslun. Egill segir hægt að líta á vef-
verslunina sem stóran búðarglugga og
greinilegt að margir sem heimsækja
Dorma-verslanirnar í Reykjavík, Akur-
eyri og Ísafirði hafa skoðað netversl-
unina vandlega og vita upp á hár hvað
þá langar að kaupa. „Umferð um net-
verslunina fer vaxandi og salan sömu-
leiðis. Við sjáum að fólk er að panta
alls kyns vörur hjá okkur yfir netið.
Sumir hafa þá komið í búðirnar fyrst og
finnst þægilegra að ganga frá kaup-
unum á netinu, á meðan aðrir eru t.d.
að kaupa samskonar kommóðu eða
sófa og þeir sáu í heimsókn hjá ætt-
ingjum eða vinafólki.“
Netverslunin
mikið notuð
E
inn af nýliðunum á lista Creditinfo í ár
er Summa rekstrarfélag hf. sem er
fjármálafyrirtæki með starfsleyfi til
reksturs sjóða og fjárfestingar-
ráðgjafar. Núverandi starfsmenn tóku við
rekstrinum árið 2013 en félagið byggir á grunni
eldra fyrirtækis sem hét Summa ráðgjöf og þeir
dr. Hrafnkell Kárason og dr. Haraldur Óskar
Haraldsson ráku saman. Hrafnkell og Haraldur
starfa enn hjá félaginu, en Sigurgeir Tryggva-
son er framkvæmdastjóri og situr fyrir svörum:
„Viðskiptavinir okkar eru einkum fagfjár-
festar og þá sér í lagi lífeyrissjóðir og höfum við
í dag nálægt 30 milljörðum króna í stýringu,“
segir Sigurgeir en starfsmenn Summu eru
fimm talsins og eiga allir að baki mikla reynslu
úr fjármálageiranum.
Meðal þess sem veitir Summu sérstöðu er
áhersla á fjárfestingar í langtímaverkefnum
m.a. á sviði orkuvinnslu og orkunotkunar. Þá
rekur Summa Innviðasjóð sem er í eigu ís-
lenskra lífeyrissjóða og einblínir á hagræna inn-
viði (e. economic infrastructure) á Íslandi. Sig-
urgeir segir ljóst að þörf sé fyrir töluverða
uppbyggingu innviða hér á landi en víða um
heim hafi sams konar sjóðir komið að fjár-
mögnun hagrænna innviða. „Sjóðurinn getur
tekið þátt í verkefnum ásamt ríki og sveitar-
félögum og minnkað þannig áhættu og skuld-
setningu hins opinbera. Opinerum aðilum gæf-
ist þá aukið rými til fjárfestinga í samfélags-
legum innviðum, s.s. í heilbrigðiskerfinu,“ segir
hann. „Ég tel að það sé skynsamlegt að horfa til
uppbyggingar hagrænna innviða með þessum
hætti en vitaskuld er um viðkvæmt mál að ræða
þar sem stíga þarf varlega til jarðar og ná góðri
sátt um það tekjumódel sem notað verður.“
Hvað snertir vegaframkvæmdir segir Sigur-
geir að í nágrannalöndunum megi finna fjöl-
mörg dæmi um aðkomu fjárfesta og sjóða og
hægt að útfæra þetta samstarf ríkis og einka-
aðila á marga vegu. „Því fer fjarri að þeir sem
leggja til fjármagn njóti einhvers konar einok-
unarrentu, eins og margir óttast, heldur er sam-
ið um eðlilega áhættuskiptingu og sanngjarna
ávöxtun sem allir geta verið sáttir við.“
Sigurgeir segir að það sé ekki aðeins á sviði
samgöngumála sem hið opinbera og fjárfestar
geti starfað saman heldur séu önnur tækifæri
fyrir hendi s.s. í orkuinnviðum og fjarskiptainn-
viðum. „Þessi leið á ekki alltaf við en það er
mjög skynsamlegt að stjórnmálamenn horfi til
þessarar lausnar í ákveðnum tilvikum. Fyrir líf-
eyrissjóði sem vilja fjárfesta til lengri tíma væri
um ákjósanlegan fjárfestingarkost að ræða og
góða leið til bættrar áhættudreifingar.“
ai@mbl.is
Áhugaverðir möguleikar í innviðafjárfestingum
Morgunblaðið/Kristinn Magnússon
134. sæti
Summa
Meðalstórt 11. sæti
Sigurgeir Tryggvason
Sigurgeir bendir á að með sam-
starfi við fjárfestingarsjóði geti
ríki og sveitarfélög minnkað
áhættu og skuldsetningu vegna
uppbyggingar hagrænna innviða.
Á síðustu árum hafa stjórnendur
stórra jafnt sem smárra fjármála-
fyrirtækja hér á landi vakið máls á því
að regluverkið verður æ flóknara og
sumar þær samevrópsku reglur sem
leiddar hafa verið í lög á Íslandi virð-
ast hafa verið samdar með mun stærri
fyrirtæki og markað í huga og séu því
mjög íþyngjandi fyrir íslenskan fjár-
málamarkað.
Sigurgeir segir það vissulega rétt að
regluverkið sé umfangsmikið og eðli-
legt sé að það verði eilífðarverkefni að
slípa það til og gera skilvirkara. „Við
þurfum vitaskuld að reyna að finna
meðalveg, ef þess er kostur, og vera
vakandi fyrir því að regluverkið taki
mið af því hvernig íslenski markaður-
inn er hverju sinni. Oft er svigrúmið
ekki mikið til þess að fara aðra og
styttri leið og á margan hátt þarf að
vera samræmi í reglunum hvort sem
þær eiga við stór fyrirtæki eða lítil, en
mikilvægt er að leitast ætíð við að
gera reglurnar einfaldari og skilvirkari.“
Umfangsmikið
regluverk
Margir héldu að Egill
og félagar væru galnir
að opna húsgagna-
verslun í miðri kreppu.