Morgunblaðið - 05.02.2018, Blaðsíða 11

BAKSVIÐ
Helgi Bjarnason
helgi@mbl.is
Úrskurðarnefnd umhverfis- og auð-
lindamála hefur fellt úr gildi
ákvörðun borgarstjórnar Reykja-
víkur um að synja tillögu að breyt-
ingu á deiliskipulagi fyrir lóðina
Klapparstíg 19 og Veghúsastíg 1.
Ástæðan var áform eigenda lóðar-
innar og mannvirkjanna að rífa
húsið Veghúsastíg 1, sem talið er
ónýtt, og byggja hús með nýjum
íbúðum á lóðunum.
„Ekki verður deilt við dómarann.
Niðurstaðan er tekin alvarlega og
verður virt,“ segir Hjálmar Sveins-
son, formaður umhverfis- og skipu-
lagsráðs Reykjavíkur, um niður-
stöðu úrskurðarnefndarinnar.
Borgin skipti um skoðun
Eigendur lóðarinnar hafa í fjölda
ára verið í samskiptum við borgina
um uppbyggingu á lóðum sínum.
„Málið á sér margar hliðar. Þegar
þessi hluti málsins fór af stað átt-
um við fund með Hjálmari Sveins-
syni og sögðum honum frá hug-
mynd um uppbyggingu á reitnum,“
segir Stefán S. Guðjónsson, fulltrúi
eigenda lóðarinnar. Hann lýsir
gangi málsins frá sínum sjónarhóli:
„Við ætluðum að halda í steinbæinn
sem var á lóðinni en byggja önnur
hús í stíl við það sem fyrir er og í
nágrenninu. Honum leist vel á það
og hvatti okkur til að fara af stað.
Við útbjuggum svokallaða fyrir-
spurnartillögu sem ætluð er til að
auðvelda fólki ferlið. Hún var sam-
þykkt í skipulagsráði. Þá var málið
komið á alvarlegra stig þó að ekki
sé nema vegna útgjalda sem fylgja
því að leggja út í deiliskipulags-
vinnu. Það var gert og deiliskipu-
lagstillagan var samþykkt, fyrst í
skipulagsráði og svo í borgarráði.
Hún fór í grenndarkynningu og
örfáar athugasemdir bárust og að-
eins ein efnisleg, varðandi friðun
Veghúsastígs 1 sem áður var búið
að fjalla um. Svo líður tíminn og
loks er haft samband við okkur, við
boðuð á fund og tilkynnt að borgin
hefði skipt um skoðun, eftir allt það
sem á undan var gengið.“
Rökstuðningur ófullnægjandi
Í niðurstöðu úrskurðarnefndar-
innar kemur fram að ekki einungis
hafi rannsókn málsins hjá borginni
verið verulega áfátt heldur hafi
rökstuðningur ákvörðunarinnar
verið ófullnægjandi. Er í því efni
meðal annars vísað til þess að
hvorki umsagnir Minjastofnunar né
Borgarsögusafns hafi legið fyrir
hjá borgarstjórn við afgreiðslu á
umsókninni. Það séu umsagnir sér-
fróðra aðila sem gátu haft úrslita-
þýðingu við afgreiðslu málsins. Í
umsögn Minjastofnunar kom fram
að húsið Vegahúsastígur 1 væri
óviðgerðarhæft og að friðun þess
hefði verið aflétt á árinu 2014. Talin
eru upp fleiri gögn sem ekki voru
lögð fram. Úrskurðarnefndin getur
þess að borgarstjórn hafi borið að
fara að rannsóknarreglu stjórn-
sýslulaga og einnig líta til stjórn-
arskrárvarinna eignarréttinda lóð-
arhafa við afgreiðslu málsins.
Sex athugasemdir bárust á kynn-
ingartíma deiliskipulagstillögunnar.
Af umfjöllun úrskurðarnefndar-
innar að ráða voru þær ekki veiga-
miklar. Fjórar voru efnislega sam-
hljóða og vísuðu til viðtals sem
birst hafði við Hjálmar Sveinsson
þar sem fram kom að húsið Vega-
mótastígur 1 væri friðað sökum
aldurs auk skoðunar hans um að
það bæri að gera upp. Haft var eft-
ir Hjálmari að það kæmi „ekki til
greina að eigendur komist upp með
að láta aldursfriðað hús grotna inn-
an frá árum saman og krefjast svo
þess að borgin leyfi þeim að rífa
það og vitni í slökkviliðið um slysa-
hættu“.
Úrskurðarnefndin bendir á að
ummælin um friðun hússins hafi
verið röng og því geti þær umsagn-
ir sem á þeim grundvallast vart tal-
ist gefnar á réttum forsendum.
Þær hafi því ekki veitt viðhlítandi
stoð fyrir þeirri ályktun skipulags-
yfirvalda að húsið skyldi standa.
„Með hliðsjón af því sem að framan
er rakið verður að telja að svo
verulegir annmarkar hafi verið á
undirbúningi og málsmeðferð hinn-
ar kærðu ákvörðunar að fella beri
hana úr gildi,“ segir úrskurðar-
nefndin.
Hún telur einnig að aðild Hjálm-
ars formanns að meðferð málsins
hjá skipulagsráði og í borgarstjórn
orki tvímælis í ljósi ummæla hans
enda hafi þau verið til þess fallin að
draga í efna óhlutdrægni hans.
Stendur fast á sínu
Hjálmar vísar til Facebook-
færslu þar sem hann segist hafa
beðist afsökunar á ónákvæmni
sinni í umræddu viðtali. Þá segist
hann munu víkja af fundum þegar
þetta mál verði tekið til afgreiðslu
aftur.
Spurður hvort hann hafi íhugað
að segja af sér í ljósi þess að
brotnar hafi verið reglur stjórn-
sýsluréttar um rannsóknarskyldu
segir Hjálmar að það hafi ekki
hvarflað að sér. „Minn hlutur í
þessu máli er fyrst og fremst að
standa fastur á því að vernda göm-
ul hús. Ég hef aldrei dregið dul á
það að ég tel ótækt að rifa þessi
gömlu hús þarna. Ég er húsafrið-
unarmaður og stend við það,“ segir
hann. Hann segist heldur ekki sjá
ástæðu til að aðrir íhugi afsögn.
Sér þyki miður að úrskurðar-
nefndin hafi komist að þeirri niður-
stöðu að rannsókn og undirbúningi
hafi ekki verið nógu vel sinnt og af
því þurfi að læra.
Vonast eftir annarri
niðurstöðu
Stefán S. Guðjónsson telur eðli-
legast að fulltrúar borgarinnar kalli
eigendur lóðarinnar til fundar við
sig til að fara yfir málið. Það hafi
ekki verið gert. Getur hann þess að
margsinnis hafi verið óskað eftir
viðtali við borgarstjóra um málið en
það hafi ekki fengist. Verði ekki
haft samband muni eigendurnir
óskað eftir því að borgin afgreiði
málið að nýju. Segist Stefán gera
sér vonir um að önnur niðurstaða
fáist og ekki verði reynt að þver-
skallast við, eftir allt sem á undan
er gengið.
Verulegir annmarkar á málsmeðferð
Morgunblaðið/Árni Sæberg
 Úrskurðarnefnd telur að rannsókn máls hafi verið áfátt þegar synjað var deiliskipulagi sem gerði
ráð fyrir niðurrifi Veghúsastígs 1  Formaður skipulagsráðs telur ekki ástæðu til að íhuga afsögn
Hjálmar
Sveinsson
Stefán S.
Guðjónsson
Veghúsastígur 1 Minjastofnun hefur aflétt friðun og telur ekki hægt að gera við húsið en borgin hafnar niðurrifi.
FRÉTTIR 11Innlent
MORGUNBLAÐIÐ MÁNUDAGUR 5. FEBRÚAR 2018
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Bílar á lager
Sími 4 80 80 80
2018 GMC Sierra
Litur: Dark slate, svartur að innan.
6.6L Duramax Diesel, 445 HÖ,
vel útbúinn bíll t.d. upphitað stýri, BOSE
hátalarakerfi, upphituð og loftkæld sæti
og heithúðaður pallur.
Öll standsetning innifalin í verði ásamt
ábyrgð og þjónustu.
VERÐ
9.890.000 m.vsk
2017 Ram 3500 Limited
Litur: Hvítur, svartur að innan. Einnig
til rauður og svartur. Ein með öllu:
Loftpúðafjöðrun, Aisin sjálfskipting,
upphitanleg og loftkæld sæti,
hiti í stýri, sóllúga, RAM-box. 6,7L
Cummins.
VERÐ
9.990.000 m.vsk
2017 Ford King Ranch
Litur: Ruby red, mesa brown að innan.
6,7L Diesel ,440 Hö, 925 ft of torque
með upphituð/loftkæld sæti,
heithúðaðan pall, fjarstart og trappa
í hlera,Driver altert-pakki, Trailer tow
camera system og airbag í belti í
aftursæti.
VERÐ
10.890.000 m.vsk
2017 Chevrolet High Country
Litur: Graphite metal. 6.6L Duramax
Diesel, 445 HÖ, vel útbúinn bíll t.d.
upphitað stýri, BOSE hátalarakerfi,
upphituð og loftkæld sæti og
heithúðaður pallur.
VERÐ
10.390.000 m.vsk
„Þetta er áfellis-
dómur yfir þeim
vinnubrögðum
sem hafa verið
ástunduð í þessu
máli. Það segir
ákveðna sögu um
það hvernig
meirihlutinn hef-
ur staðið að
málarekstri í
hliðstæðum
málum,“ segir Kjartan Magnússon,
borgarfulltrúi Sjálfstæðisflokksins,
um niðurstöðu úrskurðarnefndar
umhverfis- og auðlindamála.
Kjartan segir að fjöldi mála sé í
gangi á hverjum tíma og hafi
fulltrúar Sjálfstæðisflokksins gagn-
rýnt of hæga málsmeðferð og að
sum málin hafi verið látin dankast
árum saman. „Við heyrum frá
byggingaraðilum, stórum og
smáum, að flókið og erfitt sé að
eiga við kerfið í Reykjavík. Ég hef
nokkrum sinnum heyrt í mönnum
sem hafa flúið úr Reykjavík og
taka helst ekki að sér uppbyggingu
hér,“ segir Kjartan og bætir því við
að ekki sé skrítið að illa gangi að
byggja upp þegar tiltölulega ein-
falt mál eins og hér er fjallað um
endi í meiriháttar klúðri. „Þetta er
skólabókardæmi um að kerfið vinn-
ur gegn fólkinu en ekki með því.“
Kjartan segir að borgin og for-
maður umhverfis- og skipulagsráðs
verði að axla ábyrgð á þessum
vinnubrögðum. Hann tekur þó
fram að hann fari ekki fram á af-
sögn Hjálmars Sveinssonar. Rifjar
Kjartan upp kröfur sumra fulltrúa
Samfylkingarinnar um afsögn
dómsmálaráðherra vegna hæsta-
réttardóms um skipan dómara þar
sem ekki var talið að rannsóknar-
skyldu hefði verið fullnægt. „Það
verður fróðlegt að heyra afstöðu
Samfylkingarmanna sem nefnt
hafa vanrækslu á rannsóknar-
skyldu þegar þeirra eigin flokks-
maður á í hlut.“
Að öðru leyti sagðist Kjartan
telja rétt að borgin hefði samband
við lóðarhafa að fyrra bragði og
reyndi að ná sátt um uppbyggingu
á lóðinni.
Áfellisdómur yfir vinnubrögðum
 Borgarfulltrúi segir dæmi um að byggingaraðilar flýi borgina
Kjartan
Magnússon