Morgunblaðið - 20.02.2018, Page 14

14 FRÉTTIRInnlent
MORGUNBLAÐIÐ ÞRIÐJUDAGUR 20. FEBRÚAR 2018
)553 1620
Lauga-ás hefur
frá 1979 boðið
viðskiptavinum
sínum upp á úrval
af réttum þar sem
hráefni, þekking
og íslenskar
hefðir hafa verið
höfð að leiðarljósi.
Laugarásvegi 1, 104 Reykjavík
laugaas@laugaas.is • laugaas.is
Við bjóðum m.a. upp á:
Súpur
Grænmetisrétti
Pastarétti
Fiskrétti
Kjötrétti
Hamborgara
Samlokur
Barnamatseðil
Eftirrétti
Sigurður Bogi Sævarsson
sbs@mbl.is
„Ég læt öðrum eftir að meta hvort
áhrif Biblíunnar í íslensku þjóðfélagi
fari dvínandi. Boðskapurinn á þó
erindi við alla á öllum tímum; hefur
og mun áfram móta margt í sam-
félagi okkar, hugsunarhátt og líf,“
segir Davíð Örn Sveinbjörnsson,
forseti Gídeonfélagsins. Fulltrúar
félagsins afhentu á dögunum Guðna
Th. Jóhannessyni, forseta Íslands,
Nýja testamentið að gjöf í tilefni
þess að félagið hefur nú gefið
400.000. eintakið af Biblíunni hér á
landi frá því félagið hóf starfsemi á
Íslandi árið 1945. Frá árinu 2002
hafa verið gefin alls 100 þúsund ein-
tök.
Þessi árin gefur Gídeonfélagið
þýðingu Biblíunnar sem kom út árið
2007; bæði sjálfa Biblíuna en einkum
Nýja testamentið en í sömu bók eru
tvö rit úr Gamla testamentinu,
Sálmarnir og Orðskviðirnir. Þetta er
bók í litlu broti en innihaldið magnað
og boðskapurinn sterkur.
Styðji við skólastarf
„Auðvitað er Biblían áhrifamesta
bók mannkynssögunnar, sama hvert
litið er. Á Íslandi gætir áhrifanna í
menningu, sögu og máli. Þá hefur
Biblían átt samleið með íslenskri
þjóð um aldir, mótað íslenska tungu
svo og menningu okkar og sögu.
Þótt yngstu rit Biblíunnar séu um
tvö þúsund ára gömul á boðskapur
hennar enn fullt erindi á 21. öldinni
og því gefur Gídeonfélagið árlega
þúsundir bóka til þeirra sem vilja,“
segir Davíð Örn.
Í flestum sveitarfélögum og
grunnskólum landsins leyfist að Gíd-
eonfélagar gefi nemendum í 5. bekk
Nýja testamentið. Fyrir slíkt hefur
þó verið tekið í grunnskólum
Reykjavíkurborgar og nú er ritið
þess í stað gefið unglingum í borg-
inni í fermingarfræðslu.
„Vissulega finnum við fyrir regl-
unum sem banna afhendingu Nýja
testamentisins í grunnskólum í höf-
uðborginni. Félagið er þó opið fyrir
því að koma aftur í heimsókn í
grunnskólana í Reykjavík ef áhugi
og vilji er fyrir því. Annars vinnum
við þetta allt á forsendum skólanna
og foreldrafélaga til þess að gjöfin
geti stutt við skólastarfið,“ segir
Davíð Örn.
Heimsækja hótelin
Þekkt er sömuleiðis að á hótelum
er Nýja testamentið eins konar stað-
albúnaður og liggur gjarnan á nátt-
borðinu. Fara liðsmenn Gídeon-
félagsins í heimsókn á hótel og
gistiheimili og bjóða bækur en vegna
örs vaxtar í ferðaþjónustu hefur þó
ekki náðst að heimsækja öll nýlegri
hótel og gistiheimili í landinu.
„Hægt er þó að óska eftir bókum á
skrifstofu Gídeonfélagsins sem þá
afhendir um hæl, það er sérstök
þriggja tungumála útgáfu á ensku,
þýsku og frönsku. Gerist þetta í
krafti þess að Gídeonfélagið á fjölda
velunnara og bakhjarla sem leggja
því til peninga í bókakaup – en félag-
ið á Íslandi styður svo við syst-
urfélög í fjölda landa til sambæri-
legra verkefna; það er að breiða út
boðskapinn,“ segir forseti Gídeon-
félagsins.
Boðskapurinn á erindi
og mótar samfélagið
 Gídeonfélagar færðu forseta Íslands Nýja testamentið
 100 þúsund eintök á sextán árum  Samleið við þjóðina
Gjöf Fulltrúar stjórna kvenna- og karladeilda Gídeónfélagsins afhentu forseta Íslands eintak númer 400 þúsund af
Nýja testamentinu. Frá vinstri talið á þessari mynd eru: Ragnheiður Arnkelsdóttir, Kristín Sverrisdóttir, Guðni Th.
Jóhannesson, forseti Íslands, Davíð Örn Sveinbjörnsson, Jón Viðar Þorsteinsson og Einar Aron Fjalarsson.
„Úr efni Biblíunnar er aðdragandi krossfest-
ingar og upprisu Jesú mér sérstaklega hug-
leikinn. Mikilvægi frásagnarinnar er ekki
eingöngu trúarlegt heldur leynast þar dýr-
mætir kaflar um réttarhöldin yfir Jesú sem
við minnumst á páskum,“ segir Davíð Örn
sem er lögmaður og starfar sem slíkur. Hann
segist oft lesa píslarsöguna af sjónarhóli
lögfræðings, sem gefi sér nýja sýn á at-
burðarásina. Um þetta efni hefur hann og
fjallað í háskólum, kirkjum og hjá fé-
lagasamtökum.
Standa mikilvæga vakt
„Siðferðisboðskapur kristinnar trúar sést
víða í lagasetningu, bæði á Íslandi og alþjóðlega. Kristin kirkja og félög
hafa beint og óbeint átt upphafið að mörgum mikilvægum samfélags-
verkefnum og leitt framgang mikilvægra samfélagsstoða í landinu, til
dæmis greitt fyrir stofnun spítala, menntastofnana, meðferðarheimila
og aðstoðað af kærleika og ábyrgð þá sem höllum fæti standa svo fátt
eitt sé nefnt,“ segir Davíð Örn og bætir við:
„Enn í dag standa Hjálpræðisherinn, Samhjálp og Hjálparstarf kirkjunnar
mikilvæga vakt. Sem lögmaður og forseti Gídeonfélagsins gleðst ég yfir
því. Vonandi gætir áhrifanna um ókomna tíð og ég er viss um að þetta sé
til blessunar fyrir samfélagið í heild.“
Áhrif trúar eru víða í lagasetn-
ingu og stoðum samfélagsins
LES PÍSLARSÖGUNA AF SJÓNARHÓLI LÖGFRÆÐINGS
Biblían „Ég er viss um að
þetta sé til blessunar,“ segir
Davíð Örn Sveinbjörnsson.
Biokraft sem á tvær vindrafstöðvar í
Þykkvabæ telur að ákvörðun skipu-
lags- og umferðarnefndar Rangár-
þings ytra um að synja breytingum á
deiliskipulagi sem heimila stærri
vindrafstöðvar sé ólögmæt. Færir
lögmaður fyrirtækisins ýmis rök
fyrir þessari niðurstöðu í bréfi til
sveitarfélagsins. Sveitarstjórn stað-
festi ekki niðurstöðu skipulags- og
umferðarnefndar á síðasta fundi
heldur vísaði málinu aftur til nefnd-
arinnar ásamt þeim gögnum og
ábendingum sem borist hafa frá því
málið var afgreitt frá nefndinni.
Önnur vindrafstöð Biokraft eyði-
lagðist í bruna á síðasta ári. Í bréfi
lögmanns fyrirtækisins kemur fram
að hætt sé að framleiða vindmyllur í
þessari stærð og því verði það að
kaupa nýjar og hærri myllur. Ekki
komi annað til álita en að endurnýja
þær báðar, meðal annars af þeim
ástæðum að flytja þurfi krana til
landsins til að reisa mylluna. Því lét
fyrirtækið gera tillögur að breyttu
deiliskipulagi, sem heimila nýju
stöðvarnar.
Rangfærslur í athugasemdum
Við meðferð málsins barst at-
hugasemd frá landeiganda í Þykkva-
bæ. Einnig var lögð fram athuga-
semd í formi undirskriftalista sem
61 skrifaði undir. Lögmaður Bio-
kraft hafnar athugasemdum land-
eigandans, segir þær fullar af rang-
færslum og ranghugmyndum. Þá
gerir hann athugasemdir við að tek-
ið skuli tillit til undirskriftalistanna
því þeir hafi augljóslega borist eftir
að athugasemdafrestur var liðinn
auk þess sem formáli þeirra sé með
alhæfingum og rangfærslum. Þá séu
flestir þeirra sem skrifa undir bú-
settir eða eigi eignir langt frá iðn-
aðarsvæðinu sem vindrafstöðvarnar
eru á.
Lætur hann þess getið að kostir
breytingarinnar séu þeir að nýju
myllurnar hafi minni neikvæð áhrif á
hljóðvist en þær eldri og minni
mengunarhætta sé af þeim. Þá sé
dregið úr umfangi mannvirkja á
jörðu niðri. Þótt myllurnar séu
hærri og spaðar þeirra lengri en á
þeim gömlu snúist þeir hægar og
það mildi sjónræn áhrif þeirra.
Lögmaðurinn gerir einnig at-
hugasemdir við formið á afgreiðslu
skipulagsnefndar. Henni sé ætlað að
gera tillögu til sveitarstjórnar en
ekki taka ákvörðun í slíkum málum.
Í bréfinu kemur fram það álit eig-
anda vindmyllanna að ekkert nei-
kvætt sé við umrædda breytingu á
deiliskipulagi annað en að sjónræn
áhrif vindrafstöðvanna aukist lít-
illega. „Er vandséð að þessi breyting
á ásýnd geti vegið þyngra en eign-
arréttur og atvinnuhagsmunir umbj.
míns en fyrir liggur að verði erindi
hans hafnað væri úti um rekstur
hans,“ segir í erindi lögmanns Bio-
krafts. helgi@mbl.is
Telja ákvörðun
skipulagsnefnd-
ar ólögmæta
 Vilja stærri vindrafstöðvar í Þykkvabæ
Morgunblaðið/Árni Sæberg
Þykkvibær Vindmylla Biokraft
eyðilagðist í bruna í júlí.