Morgunblaðið - 26.02.2018, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 26. FEBRÚAR 2018
TANGARHÖFÐA 13
VÉLAVERKSTÆÐIÐ
kistufell.com
Það er um 80% ódýrara að
skipta um tímareim miðað við
þann kostnað og óþægindi
sem verða ef hún slitnar
Hver er staðan á tíma-
reiminni í bílnum þínum?
Hringdu og pantaðu
tíma í síma
577 1313
Sigurður Bogi Sævarsson
sbs@mbl.is
„Eðlilega bjóst ég við að trúar-
brögðin yrðu rædd samhliða
frumvarpinu. Hins vegar hefur
hörð andstaða og framganga
fólks innan íslensku þjóðkirkj-
unnar komið mér í opna skjöldu
sem og gríðarleg athygli að ut-
an,“ segir Silja Dögg Gunnars-
dóttir, þingmaður Framsóknar-
flokks. Hún er upphafsmaður
þess sem hefur verið mál mála að
undanförnu; frumvarps sem ligg-
ur fyrir Alþingi sem gerir ráð fyr-
ir því að umskurður á kynfærum
drengja, sem alsiða er í gyðinga-
og múhameðstrú, verði bannaður
og gerður refsiverður. Mál þetta
er nú til fyrstu umræðu á Alþingi
og ýmsir hafa sent inn umsagnir
en flestir hafa um það miklar
meiningar.
Bendi fólki kurteislega á
Umskurður á drengjum er
leyfilegur á Íslandi en umskurður
á stúlkum og konum var bann-
aður með lögum árið 2005. Allir
umboðsmenn barna á Norður-
löndunum sendu frá sér yfirlýs-
ingu 2013 þar sem norræn ríki
eru hvött til að banna umskurð
með lögum enda brjóti hann gegn
barnasáttmála Sameinuðu þjóð-
anna sem ríkin hafa lögleitt. Skv.
tölum frá Landlækni hefur sam-
tals 21 drengur á Íslandi verið
umskorinn frá 2006 til og með
árinu í fyrra, á sjúkrahúsum og
hjá sjálfstætt starfandi læknum.
Tala þessi gæti verið hærri, að
sögn Silju Daggar, því lýtalæknar
senda embættinu ekki gögn um
tegund aðgerða.
„Meiripartur bréfa og skila-
boða sem ég hef fengið vegna
frumvarpsins hefur verið hvatn-
ing. Sá stuðningur kemur ekki
síst frá múslimum og gyðingum
sem hafa verið umskornir og vilja
afleggja þennan sið, sem þeir
segja að brjóti á mannhelgi barna
og skaði þau, bæði á líkama og
sál. Ég hef einnig fengið bréf þar
sem framlögðu frumvarpi er mót-
mælt harðlega. Ég bendi því fólki
kurteislega á að frumvarpið sé nú
til umræðu á Alþingi og því um
innanríkismál að ræða. Auðvitað
á Alþingi að ræða mál sem þessi,
sem og önnur mál er snúa að
vernd og réttindum barna á Ís-
landi,“ segir Silja Dögg.
Allir brennimerktir
Fyrir helgina fundaði for-
maður samtaka evrópskra gyð-
inga, Menachem Margolin, með
Bergdísi Ellertsdóttur, sendi-
herra Íslands í Belgíu, vegna
þessa máls og óskaði skýringa. Þá
kom fram á mbl.is fyrir helgina
að rabbíni gyðinga í Moskvu,
Pinchas Goldschmidt, teldi að
Silja Dögg hefði ekki gert sér
grein fyrir áhrifum frumvarpsins.
Yrði það að lögum gæti það sett
fordæmi sem önnur ríki gætu
ákveðið að fylgja. Þar með yrðu
allir gyðingar brennimerktir sem
glæpamenn.
Frumvarpið kveðst Silja
Dögg leggja fram fyrst og síðast
vegna barnaverndar- og mann-
réttindasjónarmiða. Um gildi
frumvarpsins í því sambandi megi
benda á yfirlýsingu um 500 ís-
lenskra lækna sem styðja frum-
varpið enda segja þeir umskurð á
ungbörnum ganga gegn Genfar-
yfirlýsingu lækna og samræmast
því síður grundvallarviðmiðum
Helsinki-yfirlýsingar lækna um
réttinn til sjálfsákvörðunar og
upplýsts samþykkis.
Rannsóknir sýna
neikvæð áhrif
„Stundum er þörf á umskurði
í læknisfræðilegum tilgangi og
slíkar aðgerðir verða áfram leyfi-
legar, samkvæmt frumvarpinu.
Ég gæti líka trúað því að þegar
fólk hefur meiri upplýsingar í
höndunum muni sú andstaða sem
nú er til staðar minnka. Fyrir
liggja margar nýlegar rannsóknir
sem hafa verið gerðar á áhrifum
umskurðar á drengi sem allar
sýna fram á neikvæð áhrif,“ segir
Silja Dögg og bætir við: „Á
grundvelli slíkra upplýsinga
hljótum við að íhuga hvort ekki sé
ástæða til að banna slíka siðvenju
með lögum. Annars er umræðan
um þetta mál eldfim en ég hef
ekki teflt fram öðru en skýrum og
einföldum skilaboðum og stað-
reyndum. Líf og heilsa barna er í
húfi.“
Andstaða þjóðkirkjufólks við frumvarp sem bannar umskurð kom á óvart
Morgunblaðið/Sigurður Bogi
Frumvarp Auðvitað á Alþingi að ræða mál sem snúa að vernd og réttindum barna, segir Silja Dögg.
Siðvenja verði bönnuð
 Silja Dögg Gunnarsdóttir
fæddist 1973. Hún er sagnfræð-
ingur að mennt og með meist-
arapróf í alþjóðaviðskiptum frá
Háskólanum á Bifröst. Starfaði
fyrr á árum við kennslu, blaða-
mennsku og fleira. Hefur gegnt
ýmsum trúnaðarstörfum í
Reykjanesbæ.
 Þingmaður Framsóknar-
flokksins í Suðurkjördæmi frá
2013. Situr í dag í utanríkis-
mála- og efnahags- og við-
skiptanefndum Alþingis.
Hver er hún?
„Það segir sig auðvitað sjálft að það
er ekki ákjósanleg staða fyrir fyr-
irtæki að þurfa að flytja alla sína
starfsemi kannski á 20-30 ára fresti í
jaðar borgarinnar eins og hann er
hverju sinni. Það er frekar snúin
staða,“ segir Sigurður Hannesson,
framkvæmdastjóri Samtaka iðnað-
arins, í samtali við Morgunblaðið.
Verður til að umferð aukist
Í Morgunblaðinu á laugardaginn
var rætt við Hjálmar Sveinsson, for-
mann umhverfis- og skipulagsráðs
Reykjavíkurborgar, um skipulag
iðnaðarlóða í borginni, en í endur-
mati á landþörf
iðnaðar i aðal-
skipulagi Reykja-
víkur 2010-2030
segir að óvissa
um tímasetningu
losunar bygging-
arlands í Vatns-
mýri skapi „meiri
þrýsting á flutn-
ing landfrekrar
og grófrar iðnað-
arstarfsemi úr Ártúnshöfðanum.“
Sigurður segir að stefna borgar-
innar um að ýta iðnaði út á jaðar
byggðarinnar verði til þess að um-
ferð aukist „vegna þess að það er
lengra að sækja frá þessum fyrir-
tækjum til viðskiptavinanna. Það
eykur álag á göturnar, sem er þvert
á stefnu borgaryfirvalda.“
Fylgjast með fólki að störfum
Auk þess auki fjarlægðin kostnað
fyrirtækja sem skili sér óhjákvæmi-
lega í verðhækkunum á þjónustu.
Hann segir einnig að iðnaður og
íbúðabyggð geti vel þrifist hlið við
hlið og nefnir þar slippinn við
Reykjavíkurhöfn sem dæmi.
„Ferðamenn og heimamenn
stoppa gjarnan til þess að fylgjast
með skipum í slipp og fólki að störf-
um vegna þess að það er líf í kringum
það. Hótelgestir við höfnina hafa
frekar verið ánægðir með þessa
nánd, heldur en hitt, af því að þetta
hefur aðdráttarafl.“ Í endurmati á
aðalskipulagi borgarinnar er gengið
út frá því að vægi iðnaðar í atvinnu-
lífi borgarinnar dragist saman til
framtíðar litið. Þessu er Sigurður
ósammála.
„Vægi [iðnaðar] fer síst minnkandi
í borginni eða nútímasamfélagi. Eðli
hans hefur þó kannski breyst og
hann er orðinn tæknivæddari. Innan
raða Samtaka iðnaðarins eru 1400
félagar í mjög margvíslegri starf-
semi, allt frá mannvirkjagerð og
framleiðslu yfir í hátækniiðnað, líf-
tækni og annað,“ segir Sigurður.
athi@mbl.is
Slæmt að ýta iðnaðinum burt
 Framkvæmdastjóri Samtaka iðnaðarins segir vægi iðnaðar ekki fara minnkandi, þó eðlið breytist
Sigurður
Hannesson
Morgunblaðið/Ómar
Um helgina lögðu margir leið sína á
bókamarkað Félags íslenskra bóka-
útgefanda sem haldinn er á jarðhæð
stúkubyggingarinnar við Laugar-
dalsvöll. Mikið úrval bóka er á mark-
aðnum, þá bæði til þess að gera ný-
lega bækur og einnig eldra fágæti.
Eru bækurnar sem þarna eru á
borðum í raun flóran öll; skáldsögur,
ljóð, barnabækur, æviminningar,
fróðleikur og hverskonar nytjarit og
handbækur.
Markaðurinn hefur verið haldinn
um árabil um mánaðamótin febrúar
og mars og var til dæmis í áraraðir í
Perlunni, en hefur verið í Laugar-
dalnum nú í nokkur ár. Markaðurinn
var opnaður síðastliðinn föstudag,
hann stendur fram til 11. mars og er
opinn alla daga frá klukkan 10 til 21.
Margir á bókamark-
aði í Laugardalnum
Morgunblaðið/Kristinn Magnússon
Bókaormar Ungir og áhugasamir lesendur nutu sín á bókamarkaðinum.
Nærri tuttugu álftir sáust á flugi í
Fáskrúðsfirði á laugardag og sama
dag voru þrjú álftapör í Nesjum við
Hornafjörð. „Þetta er merki um að
vorið sé að koma,“ segir Brynjúlfur
Brynjólfsson hjá Fuglaathugunar-
stöð Suðuausturlands í samtali við
Morgunblaðið í gær.
Fyrstu sílamávarnir sáust á
Faxaflóasvæðinu, svo sem í Reykja-
vík og í Hvalfirði þann 20. febrúar
og voru það að öllum líkindum
fyrstu farfugl-
arnir sem sáust
þetta árið.
Nokkrar tilkynn-
ingar um síla-
máfa hafa komið
síðan. „Sennilega
kemur skúm-
urinn næstur, þá
venju samkvæmt
einhverntíma snemma í mars,“
sagði Brynjúlfur. sbs@mbl.is
Fyrstu farfuglarnir eru komnir til landsins
Sílamávur er einn
góðu vorboðanna.