Morgunblaðið - 26.02.2018, Qupperneq 12

12 DAGLEGT LÍF
MORGUNBLAÐIÐ MÁNUDAGUR 26. FEBRÚAR 2018
n blekhylkja
tu kostir:
ðvirk hágæða prentun
t að 15 síður á mínútu í svörtu eða 8 í lit.
entar, skannar, ljósritar og faxar.
æki í 1- prentar beggja megin.
klir tengimöguleikar
B2, Þráðlaust net, WiFi Direct og venjul. nettenging.
entun beint úr síma
eypis app til að prenta beint úr síma.
ÞÓR FH
Opnunartími:
Opið alla virka daga
frá kl 9:00 - 18:00
Lokað um helgar
Tölvuverslun - Reykjavík:
Ármúla 11
108 Reykjavík
Sími 568-1581
Vefsíða og
netverslun:
www.thor.is
EPSON EcoTank ET-4750 er öflugt, hagkvæmt og sérstaklega
umhverfisvænt fjölnotatæki. Í stað hefðbundinna prenthylkja
fylgja blek flöskur sem draga verulega í prentkostnaði. Með
prentara í upphafi fylgja tvö sett af flöskum sem tryggja allt
að 14.000 blaðsíðna prentun (svartur texti) eða 11.200 síðna
litaprentun. Prentar allt að 15 síður á mínútu í svörtu og
getur prentað báðummegin á blaðið. Nettengdur/þráðlaus
prentari með þægilegan snertiskjá.
Fjölnotatæki fyrir skrifstofuna á
• Hra
l
r
•
Ók
14.000
síður í
svörtu
11.200
síður í lit
Tvö sett af blekflöskum fylgja, sem dugar í samtals:
SPARNAÐUR Í PRENTUN
Morgunblaðið/Hari
Valgerður Þ. Jónsdóttir
vjon@mbl.is
Ég held að maður verði aðlifa og hrærast í kvik-myndagerð til að skilja ogbera virðingu fyrir fag-
inu, annars er hætta á að maður fjar-
lægist það á milli verkefna. Sjálfur er
ég svo blessunarlega heppinn að
starfa sem aðstoðarleikstjóri, auk
þess að geta þróað mín eigin verk,“
segir Sigurður Kjartan Kristinsson,
sem var aðstoðarleikstjóri í sjón-
varpsþáttaröðunum Fortitude árið
2014 og Black Mirror árið 2017.
Fleira mætti tína til um aðkomu
hans að kvikmyndum, en þessa dag-
ana er hann við tökur á tónlistar-
myndbandi fyrir Ólaf Arnalds. Af
eigin verkum er nærtækast að nefna
handrit að stuttmyndinni Dauði
Maríu, The Death of Marie. Styrkur
frá Kvikmyndasjóði er í höfn og
fyrsti tökudagur handan við hornið.
Og handritshöfundurinn í leikstjóra-
stólnum.
„Myndin verður 10 til 15 mín-
útna löng og tekin upp á fjórum dög-
um í New Rochelle, sem er lítll bær
skammt frá New York. Eftirvinnslan
getur tekið nokkra mánuði og síðan
væri gaman að frumsýna hana á fal-
legri hátíð í fyllingu tímans.“
Þegar Sigurður talar um „okk-
ur“ á hann við framleiðendurna Lilju
Hrönn Baldursdóttur og Söru Nas-
sim, Brynju Skjaldar búninga-
hönnuð, Bjarna Frímann tónskáld og
Shadi Chaaban tökumann. „Ég hafði
áður unnið með Söru og Shadi, sem
bæði settu sín fingraför á myndina í
þróunarvinnunni. Við kynntum verk-
ið fyrir Lilju Hrönn, sem býr í New
York, og ég hafði heyrt vel látið af.
Hún hreifst af sögunni og hefur unn-
ið með okkur síðastliðin tvö ár.“
Amma, afi og innblásturinn
Sigurður segir að margir tengi
við söguna, hann ekki síst, enda varð
amma hans heitin honum innblástur
að ekkjunni Marie.
„Amma var afar glæsileg, fáguð
og klár kona, en hún féll ævinlega í
skuggann af afa, sem var virtur
læknir, heimsborgari og mikill
sjarmör. Hann talaði mörg tungumál
og fékk fálkaorðu fyrir að bjarga ís-
lenska erninum. Íslenskur kúltúr
hefur alltaf verið karllægur og hús-
bóndinn fyrirferðarmikill. Amma var
alltaf meira á bak við tjöldin. Meira
að segja eftir að afi féll frá vildu allir
passa upp á arfleifð hans og maður
fann einhvern veginn alltaf fyrir
nærveru hans. Tilfinningar nánustu
aðstandenda svona mikils persónu-
leika vöktu áhuga minn, því þær
virðast oft gleymast, þær eru svolítið
eins og hjörtu sem hætta að slá,“
segir Sigurður og heldur áfram:
„Shadi sagði mér einhvern tím-
ann frá hugmynd um að gera mynd
um eldri konu sem upplifði að hjart-
að í henni hætti að slá. Mér fannst
hugmyndin falleg og ljóðræn og fór
að ímynda mér heim – örlítið ólíkan
okkar, þar sem hjörtu gætu hætt að
slá ef ástæða væri til. Í rauninni
bjuggum við fyrst til söguheiminn
áður en ég leitaði að manneskjum
sem tilheyrðu þessum heimi.“
Frægar leikkonur
í öðrum heimi
Aðalleikkonurnar í þeim heimi
eru Caroline Lagerfelt, sem leikur
Marie, en margir kannast efalítið við
leikkonuna úr Gossip Girl, og Aníta
Briem, sem leikur Floru, móður
Nico. Stuttmyndin hverfist um Mar-
ie, sem bíður dauða síns, 48 árum eft-
ir að hjarta hennar hætti að slá, og
samband þeirra Nico. Við sögu koma
nokkrir úr frænku- og frændgarð-
inum, einkum Leo, óskilgetinn sonur
eiginmanns Marie, en öll fjölskyldan
Þegar tilfinningum er
fórnað á altari glansmyndar
Sagan er hamingjusöm í stuttmyndaforminu,“ segir Sigurður Kjartan
Kristinsson, handritshöfundur og leikstjóri myndarinnar Dauði Maríu,
sem byggist á margslunginni og dulúðugri sögu og verður tekin upp í
litlum bæ skammt frá New York í næsta mánuði. Sagan hverfist um
Maríu sem bíður dauða síns, 48 árum eftir að hjarta hennar hætti að slá. Hús Maríu Tökur fara að mestu fram í New
Aðalleikkonurnar Aníta Briem leikur Floru, móður Nico, og Caroline Lagerfelt fer með hlutverk Maríu.
Handritshöfundur og leik-
stjóri Sigurður Kjartan Krist-
insson segir að öðrum þræði
lýsi myndin hnignandi heimi.
Krakkarnir sem fara á slóðir snævar
og íss í Bláfjöllum í ferð á vegum Há-
skóla Íslands og Ferðafélags barnanna
á morgun, þriðjudaginn 27. febrúar, fá
tækifæri til að gera alls konar tilraunir
með snjó; bræða snjó, læra að snjó-
flóðaýla og hlaða virki eða byggja
snjóhús.
Guðfinna Aðalgeirsdóttir, prófessor
í jöklafræði við HÍ, fræðir göngugesti
um jökla, hvernig þeir hreyfa sig og af
hverju þeir eru að minnka. Svo verða
sett upp höfuðljós og farið í ljósa-
göngu í myrkrinu.
Gestir eru hvattir til að mæta mjög
vel klæddir, með mikið og gott nesti,
heitt á brúsa, skóflur, ljós og jafnvel
snjóþotur, rassaþotur eða bara svarta
plastpoka til að renna sér á.
Ferðin var upphaflega auglýst 23.
febrúar, en var frestað til þriðjudags-
ins 27. febrúar vegna veðurs.
Hist verður við húsakynni Ferða-
félags Íslands í Mörkinni 6 kl. 17 og ek-
ið á einkabílum upp í Bláfjöll.
Ferðin tekur 3-4 klukkustundir og er
hluti af samstarfsverkefni Ferðafélags
Íslands og Háskóla Íslands, sem ber
nafnið Með fróðleik í fararnesti. Þátt-
taka ókeypis og allir velkomnir.
Með fróðleik í fararnesti
Jöklafræðingur spáir í snjó og
ís með fróðleiksfúsum krökkum
Morgunblaðið/G.Rúnar
Snjóhús Krakkarnir læra m.a. að snjóflóðaýla og hlaða virki eða byggja snjóhús.