Morgunblaðið - 19.03.2018, Blaðsíða 15
Erlent
MORGUNBLAÐIÐ MÁNUDAGUR 19. MARS 2018
citroen.is
Verðlaunabíllinn Citroën C3 er hlaðinn þægindum, lofi og búnaði. Með 300
lítra skotti, nýjustu kynslóð sparneytinna véla, undurþýðri sjálfskiptingu sem
gerir hann silkimjúkan í akstri ert þú klár í þitt ævintýri. C3 er fáanlegur með
Apple Car Play og Mirror Link sem gerir þér kleift að spegla helstu forrit
snjallsímans eins og t.d. Google Maps á 7“ snertiskjáinn. Punkturinn yfir i-ið
er svo vegmyndavélin ConnectedCam sem þú getur notað til fanga dýrmæt
augnablik.
KOMDU OGMÁTAÐU CITROËN C3
C3 LIVE BEINSKIPTUR FRÁ
2.090.000KR.
C3 FEEL SJÁLFSKIPTUR FRÁ 2.520.000 KR.
Yfir 25 alþjóðleg verðlaun • Vegmyndavél •
Nálægðarskynjarar • Blindpunktsviðvörunarkerfi •
Brekkuaðstoð • Hliðarvörn •Breið og þægileg sæti •
Isofix festingar • Rúmgott skott • Sparneytinn
Nýir og notaðir bílar: Söludeildir eru opnar alla virka daga kl. 9-17 og laugardaga kl. 12-16
Brimborg Reykjavík: Bíldshöfða 8, sími 515 7040 I Brimborg Akureyri: Tryggvabraut 5, sími 515 7050
CITROËN
ÞÆGINDI
CITROËN C3
Hlaðinn lofi og búnaði
Jón Birgir Eiríksson
jbe@mbl.is
Fátt benti til annars en að Vladimír
Pútín Rússlandsforseti yrði endur-
kjörinn þegar Morgunblaðið fór í
prentun í gærkvöldi. Samkvæmt út-
gönguspám var fylgi hans yfir 75%.
Mótframbjóðendur Pútíns voru
sjö, en höfuðandstæðingi Pútíns,
Alexei Navalny, var meinað að bjóða
sig fram vegna skilorðsbundins dóms
sem hann hlaut nýverið. Hefur hann
mótmælt dómnum og sagt að póli-
tískar ástæður búi að baki.
Stuðningsmenn Navalny, um 33
þúsund talsins, komu sér fyrir á kjör-
stöðum víða í Rússlandi til að fylgjast
með framkvæmd kosninganna, en
viðstaddir voru einnig fulltrúar ann-
arra samtaka og stofnana, t.d. Örygg-
is- og samvinnustofnunar Evrópu
(ÖSE).
Háværar ásakanir um svindl
Fljótlega eftir að kjörstaðir voru
opnaðir bárust tilkynningar um að
sitthvað misjafnt hefði átt sér stað
þar. Á vefsíðu Navalny var í gær birt-
ur listi yfir hundruð mögulegra brota
í kosningunum, en Ivan Zhdanov,
lögfræðingur stuðningshreyfingar
Navalny, nefndi það m.a. á blaða-
mannafundi í gærmorgun að sjálf-
boðaliðar hefðu ekki fengið aðgang að
öllum kjörstöðum.
Einnig var þeim kenningum haldið
á lofti að ráðskast hefði verið með
kjörsóknartölur. Sjálfur birti Na-
valny myndband á Twitter sem sýndi
kjörkassa sem búið var að setja at-
kvæðaseðla í þótt kjörstaðir hefðu
enn ekki verið opnaðir. Mál þetta er
nú á borði kjörstjórnar í Rússlandi,
en um 80% kjörstaða voru vöktuð
með eftirlitsmyndavélum.
Hart sótt að Pútín úr vestri
Þetta er í fjórða sinn sem Pútín
sigrar í forsetakosningum, en sam-
kvæmt stjórnarskrá Rússa er
ómögulegt að hann geti boðið sig
fram aftur. Utan stjórnarskrárbreyt-
ingar er sá möguleiki einnig í stöð-
unni að Pútín taki að sér annað hlut-
verk, t.d. hlutverk forsætisráðherra
landsins, en árið 2008 gerði hann
Dmitry Medvedev að forseta á með-
an hann sat sjálfur í stóli forsætisráð-
herra.
Öll spjót hafa staðið að Rússum
undanfarna daga vegna taugagas-
árásar á Sergei Skripal, fyrrverandi
gagnnjósnara Breta í Sovétríkjunum,
og dóttur hans Yuliu, í borginni Sal-
isbury í byrjun mánaðarins, en Bret-
ar hafa sakað Rússa um verknaðinn.
Boris Johnson, utanríkisráðherra
Bretlands, sagði í gær að Rússar
hefðu safnað birgðum af umræddu
taugagasi í upphafi mánaðarins.
Bretar hafa vísað 23 diplómötum
Rússa úr landi vegna málsins, en
einnig hefur verið ákveðið að fjórtán
dauðsföll verði rannsökuð að nýju, í
ljósi þess að grunur leiki á um að
Rússar hafi átt aðkomu að þeim.
Rússar hafa þverneitað tengslum
við voðaverkið og í gærkvöldi sagði
Pútín að Rússar væru reiðubúnir að
aðstoða Breta við rannsókn málsins.
Ennfremur fullyrti Pútín að Rússar
hefðu eytt öllum efnavopnum sínum.
Andrei Kondrashov, talsmaður
Pútíns, sagði í gærkvöldi að kjörsókn
í kosningunum hefði verið um átta til
tíu prósentum betri en búist hefði
verið við. „Þessi prósentustig þökk-
um við Bretum fyrir,“ sagði hann og
vísaði til deilna ríkjanna tveggja.
AFP
Pútín Rússlandsforseti fagnaði með stuðningsmönnum sínum á Manezhnaya-torgi í Moskvu, skammt frá Kreml.
Yfirburðasigur í skugga
alvarlegra ásakana
Rússar segja deilur við Breta hafa bætt kjörsóknina
Facebook hefur beðist velvirðingar
á því að hafa stöðvað birtingu
myndar þar sem fyrir brá hinu
fræga málverki Frelsið leiðir
fjöldann eftir Eugene Delacroix. Á
verkinu sést kona með beran barm
halda á franska þjóðfánanum. Birt-
ist myndin í auglýsingu á leiksýn-
ingu sem sett er upp um þessar
mundir í París.
Hefur fyrirtækið, sem oft hefur
lokað fyrir birtingu verksins áður,
lýst því yfir að það hafi verið fyrir
mistök. „Í þeirri viðleitni að tryggja
þær siðferðiskröfur sem við gerum
til starfsemi okkar, samþykkjum
við milljónir mynda sem birtar eru í
viku hverri og stundum gerum við
mistök,“ sagði Elodie Larcis, fram-
kvæmdastjóri hjá Facebook í París,
þegar leitað var viðbragða við rit-
skoðuninni.
Frelsið leiðir fjöldann Verkið var málað í kjölfar júlíbyltingarinnar 1830.
Facebook biðst af-
sökunar á ritskoðun
AFP-fréttastofan
greindi frá því í
gær að tyrkneskir
hermenn hefðu
veifað tyrkneskum
fánum og rifið nið-
ur styttur í mið-
borg sýrlensku
borgarinnar Afrin
sem þeir náðu full-
um yfirráðum yfir
í gær.
Tyrkneskar hersveitir hröktu á
brott varnarsveitir Kúrda, YPG.
Recep Tyyip Erdogan Tyrklands-
forseti lýsti því yfir að stór hluti kúr-
dískra hermanna hefði flúið Afrin
með skottið á milli lappanna. Erdog-
an segir að aðgerðir gætu færst til
svæða í norðurhluta Sýrlands og
Bekir Bozdag, talsmaður tyrk-
neskra stjórnvalda, sagði að þeir
hefðu ekki lokið sínum störfum í
Sýrlandi en hryðjuverkamennirnir
væru búnir að vera í Afrin.
Um 250.000 íbúar Afrin hafa flúið
borgina undanfarna daga.
Sýrlensku mannúðarsamtökin
segja að yfir 280 borgarar hafi fallið
þar síðan 20. janúar.
SÝRLAND
Varnarsveitir Kúrda
hörfuðu frá Afrin
Recep Tyyip
Erdogan