Morgunblaðið - 19.03.2018, Side 29

MENNING 29
MORGUNBLAÐIÐ MÁNUDAGUR 19. MARS 2018
Árni Matthíasson
arnim@mbl.is
Hljómsveitakeppnin Músíktilraunir hófst í Hörpu í gær og verður fram hald-
ið í kvöld kl. 19.30. Á sunnudagskvöld kusu áheyrendur eina hljómsveit
áfram í úrslit næstkomandi laugardag og sérstök dómnefnd valdi eina.
Í kvöld keppa átta hljómsveitir, allar úr Reykjavík nema ein sem kemur
frá Hvolsvelli. Meðal annars verður boðið upp á spunarokk, tilraunapopp,
rapp, rokk, gítarpopp og íslenskt lo-fi folk.
Þriðji í Músíktilraunum
Mókrókar Reykvíkingarnir Þorkell Ragnar Grétars-
son, Benjamín Gísli Einarsson og Þórir Hólm Jónsson
skipa hljómsveitina Mókróka. Í lýsingu á hljómsveitinni
segja þeir að hljómsveitin hafi orðið til í kjölfar þess að
þeir spiluðu gömlu dansana á skemmtifundi félags ís-
lenskra harmonikkuunnenda. Í framhaldinu hafi þeir
svo snúið sér að spunarokki. Þorkell, sem er 21 árs, leik-
ur á rafmagnsgítar, Benjamín, líka 21 árs, leikur á
hljómborð og Þórir, sem er 24 ára, leikur á trommur.
Rímugýgur Halldór Logi Sigurðarson, 23 ára rappari
úr Reykjavík, notar listamannsnafnið Rímugýgi. Hann
segist aðeins vopnaður free trial-forritum og nagandi
smábæjarbiturð og hyggst höggva í jaxla niður allt sem
kennt er við smekklegheit og fagurfræði.
Apex Rapphópurinn Apex varð til í Árbænum árið 2016 og er skipaður
þeim Guðjóni Inga Rúnarssyni og Páli Helga Rúnarssyni, sem eru báðir
sautján ára. Þeir segjast hafa verið að semja lög öðru hvoru en hafi nú snúið
sér að tónlistinni af fullum krafti.
E-strengurinn E-strengurinn er hljómsveit frá Hvolsvelli. Jón Ágústsson spil-
ar á gítar, Karel Örn Tryggvason á bassa og Bjarni Sigurðsson á trommur en
Freyja Benónýsdóttir syngur. Þau eru á aldrinum fjórtán til sextán ára.
Karma Brigade Hljómsveitina Karma Brigade skipa sex ungir tónlist-
armenn á aldrinum 15-17 ára sem eiga heima úti um allt á höfuð-
borgarsvæðinu. Steinunn Hildur Ólafsdóttir spilar á hljómborð og syng-
ur, Agla Bríet Einarsdóttir syngur, Dagmar Ýr Eyþórsdóttir spilar á
rafgítar, Hlynur Sævarsson á rafbassa, Jóhann Egill Jóhannsson á
trommur og Kári Hlynsson á hljómborð. Þau hafa spilað saman í rúmt
ár víða í Reykjavík og einnig úti á torgum í Danmörku síðasta sumar.
Umbra Hljómsveitin Umbra dregur nafn
sitt af skugga, sem nefnist svo á latínu.
Sveitina skipa þrír fimmtán ára Hagskæl-
ingar, þær Eir Ólafsdóttir, Eyrún Úa Þor-
björnsdóttir og Nína Solveig Andersen.
Eir spilar á selló og syngur, Nína á hljóm-
borð, fiðlu, bassa og annars óskýrt
þrumutæki og Eyrún á flautu, bassa og
klukkuspil. Þær eru allar úr Reykjavík.
Heimir Steinn
Heimir Steinn Vig-
fússon er nítján ára
Reykvíkingur sem
spilar á gítar og
syngur. Hann segir
að áhugi sinn á tón-
list hafi kviknað þeg-
ar hann var í söng-
og leiklistarskóla
Borgarleikhússins
sem barn. Hann byrj-
aði síðan að læra á
gítar níu ára og tróð
fyrst upp þegar hann
var 15 ára.
Markús Markús
Bjarnason er 24
ára gamall og spil-
ar íslenskt lo-fi
folk með aðstoð
Birkis Bjarnason-
ar. Þeir eru báðir
úr Reykjavík.
Markús er að læra
grafíska hönnun
við Listaháskóla
Íslands og segist
lifa fyrir tónlist og
grafík. Hann seg-
ist oft sækja inn-
blástur í grafíkina
þegar hann semur
tónlist og öfugt.
Allt um sjávarútveg
ICQC 2018-20
:
Glæsilegt páskablað
fylgirMorgunblaðinu
föstudaginn 23.mars
NÁNARI UPPLÝSINGAR:
Katrín Theódórsdóttir
Sími: 569 1105
kata@mbl.is
PÖNTUN AUGLÝSINGA:
fyrir mánudaginn 19. mars.
–– Meira fyrir lesendur
SÉRBLAÐ
Girnilegar uppskriftir af veislumat
og öðrum gómsætum réttum
ásamt páskaskreytingum,
páskaeggjum, ferðalögum og fleira.