Morgunblaðið - 21.03.2018, Page 4

4 FRÉTTIRInnlent
MORGUNBLAÐIÐ MIÐVIKUDAGUR 21. MARS 2018
Leitar þú að traustu
BÍLAVERKSTÆÐI
Smiðjuvegur 30 (GUL GATA) | 200 Kópavogi
Sími 587 1400 |www. motorstilling.is
SMURÞJÓNUSTA < HJÓLBARÐAÞJÓNUSTA
TÍMAPANTANIR
587 1400
Við erum sérhæfðir í viðgerðum
á amerískum bílum.
Mótorstilling býður almennar
bílaviðgerðir fyrir allar tegundir bíla.
Höskuldur Daði Magnússon
hdm@mbl.is
„Þetta verður aldrei eins og þetta
átti að vera. Við verðum bara að
vinna úr stöðunni með sem bestum
hætti,“ segir Jón Pétur Zimsen,
skólastjóri Réttarholtsskóla, þegar
hann er spurður um skoðun sína á
stöðu mála með samræmd könn-
unarpróf 9. bekkjar grunnskóla.
Eins og Morgunblaðið hefur
greint frá þurfti að fresta prófi í ís-
lensku og ensku vegna tæknilegra
vandamála. Þó tókst um 1.700 nem-
endum af 4.300 að ljúka íslensku-
prófinu og um 2.000 að ljúka ensku-
prófinu, en margir þeirra gerðu það
við óviðunandi aðstæður. Mennta-
málaráðherra tilkynnti á dögunum
að prófin yrðu endurtekin en nem-
endur hafa val um hvort þeir þreyta
þau að nýju.
„Þetta er tvíeggja. Ef prófin eru
tekin að nýju tekur það tvo
kennsludaga af krökkunum sem er
neikvætt. Hitt er að þau fá einhvers
konar endurgjöf á sig. Hvað sem
mönnum finnst um samræmt mat
þá kemur endurgjöf í gegnum
þetta. Það er kannski ekki fullkomið
en krakkarnir geta metið hvar þau
standa,“ segir Jón Pétur sem
kveðst sjálfur vera þeirrar skoð-
unar að prófa þyrfti meira upp úr
námsskránni í samræmdum próf-
um.
Hann tekur undir að prófin sem
verða endurtekin í vor og haust geti
ekki talist samræmd próf.
„Nei, í raun ekki. Meðan það taka
ekki allir prófið og nemendur velja
sig inn þá getur samanburðurinn
ekki talist raunhæfur.“
Undir þetta tekur Brynhildur
Sigurðardóttir, skólastjóri Garða-
skóla, í bréfi til nemenda í 9. bekk
og forráðamanna þeirra.
„Rafræn, samræmd könnunar-
próf MMS hafa lítið sem ekkert
leiðbeinandi gildi. Nemendur geta
ekki skoðað prófspurningar með
svörum sínum þegar niðurstöður
eru birtar heldur fá bara að vita
hvort þeir svara rétt eða rangt í
ákveðnum flokkum spurninga.
Námsmat grunnskóla hefur mun
meiri þýðingu en einkunn úr sam-
ræmdu könnunarprófi Mennta-
málastofnunar árið 2018.
Framkvæmd prófanna verður
áfram í höndum Menntamálastofn-
unar sem ítrekað hefur mistekist að
halda prófin án vandkvæða. Engar
upplýsingar hafa borist skólum um
að lagfæringar verði gerðar á inni-
haldi prófanna eins og kallað hefur
verið eftir. Prófin mæla mjög af-
markaða hæfniþætti og eru ekki í
góðu samræmi við Aðalnámskrá
grunnskóla,“ skrifar Brynhildur.
Fundað um prófin á föstudag
Arnór Guðmundsson, forstjóri
Menntamálastofnunar, segir að ekki
hafi verið tekin ákvörðun um það
hvenær umrædd könnunarpróf
verða lögð fyrir að nýju. „Það er
fundur með samráðsaðilum á föstu-
dag. Þá vitum við kannski meira.“
Formaður Skólastjórafélagsins
sagði í Morgunblaðinu fyrir helgi að
þessi endurteknu próf gætu ekki
talist samræmd próf. Hver er þín
skoðun á því?
„Það er rétt hjá honum að þau
eru ekki samræmd að því leyti að
við getum ekki unnið þennan sam-
anburð á milli skóla, svo dæmi séu
tekin. Enda tölum við um könn-
unarpróf. En hin merkingin, að
prófin séu í samræmi við námskrá,
hún stendur.
Við fögnum því að núna sé komin
af stað umræða um samræmd könn-
unarpróf á breiðari grunni. Það
hafa komið fram áhugaverðir
punktar um tengsl við námskrá og
hvernig eigi að þróa prófin. Við lít-
um svo á að það verði tekið á þess-
um málum í vinnuhópi ráðuneytis-
ins, að þar verði farið yfir stöðuna,
gerðar tillögur að stefnu í námsmati
og tekin verði afstaða til prófa og
hvernig þeim verði hagað.“
Prófin hafa „lítið sem
ekkert leiðbeinandi gildi“
Morgunblaðið/Eyþór
Samræmd próf Enn liggur ekki fyrir hvenær könnunarpróf í ensku og
íslensku verða lögð fyrir nemendur í 9. bekk að nýju.
 Skiptar skoðanir á framkvæmd samræmdu prófanna
Baldur Arnarson
baldura@mbl.is
Sölumet kann að hafa fallið á íslensk-
um fasteignamarkaði í mánuðinum.
Þannig er tæpur helmingur íbúða í
nýjum íbúðaturni í Bríetartúni 9-11
seldur aðeins níu dögum eftir að þær
fóru í sölu. Það vekur ekki síst athygli
vegna verðlagn-
ingar íbúðanna.
Sú ódýrasta kost-
aði 40,9 milljónir
og er seld en sú
dýrasta er verð-
metin á 300-400
milljónir. Hún er
föl á réttu verði.
Stefnt er að af-
hendingu íbúð-
anna í janúar til
mars á næsta ári.
Samkvæmt sölusíðu Höfðatorgs er
ásett verð seldra íbúða rúmlega 2,3
milljarðar króna. Verð þeirra er frá
40,9 milljónum á jarðhæð til 99,9
milljóna króna á 8. hæð. Seldust tvær
slíkar íbúðir á 8. hæðinni. Til sam-
anburðar er meðalverð allra íbúða í
Bríetartúni 9-11 um 64,4 milljónir.
Eykt byggir Höfðatorgið.
Pétur Guðmundsson, stjórnarfor-
maður Eyktar, segir trúnað gilda um
kaupendur íbúðanna. Kaupendahóp-
urinn sé fjölbreyttur. Þar séu bæði
einstaklingar og fjárfestar.
Sé gott fjárfestingartækifæri
„Menn líta á þetta sem góða fjár-
festingu. Þessi tilboð hafa verið að
berast síðastliðinn hálfan mánuð,“
segir Pétur en formleg sala íbúðanna
hófst 12. mars.
Bríetartún 9-11 skiptist í tvö sam-
byggð fjölbýlishús. Annars vegar 12
hæða íbúðaturn og hins vegar 7 hæða
fjölbýlishús. Allar íbúðirnar á hæðum
1-8 í turninum eru seldar og ein íbúð á
9. hæð. Alls eru þetta 33 íbúðir. Þá
eru 9 íbúðir í hinni byggingunni seld-
ar. Samanlagt eru því 42 af 94 íbúðum
seldar.
Pétur segir nokkurn hluta kaup-
enda kominn yfir sextugt. „Sumir
kaupendur eru að losa eignir og
minnka við sig,“ segir hann.
Staðsetningin góð
Eykt var stofnuð 1986. Spurður
hvort hann hafi áður selt svo margar
íbúðir svona hratt segist Pétur ekki
minnast þess. Hefur hann byggt íbúð-
ir víða á höfuðborgarsvæðinu.
Hann segir aðspurður að góð stað-
setning og vandaður frágangur eigi
eflaust þátt í eftirspurninni.
„Höfðatorgið er orðið gott nafn.
Síðan erum við með ýmsar nýjungar í
íbúðaturninum. Þetta er sennilega
fyrsta íbúðabyggingin á Íslandi sem
er varin með vatnsúðakerfi. Þá er
loftræsting á efstu hæðum, gólfhiti í
íbúðum og svalir eru lokaðar.“
Meiri varkárni en fyrir hrun
Þegar íbúðaturninn verður tilbúinn
næsta vor er einn turn óbyggður á
Höfðatorgi. Pétur segir koma til
greina að hafa íbúðir í óbyggða hús-
inu. Ákvörðun um það verði tekin út
frá aðstæðum á markaði.
Sagt var frá því í Morgunblaðinu í
ársbyrjun að búið væri að selja 47 af
71 íbúð í fjórum nýjum fjölbýlishús-
um í Jaðarleiti. Verð óseldra íbúða
var þá 43,4 til 99,9 milljónir. Það
hækkaði sölutöluna að Pétur Stefáns-
son, fjárfestir í Lúxemborg, keypti
eina blokk með 18 íbúðum.
Þess má geta að haustið 2014 kost-
aði 90 fermetra íbúð á 5. hæð á Lind-
argötu 39 í Skuggahverfinu um 51
milljón króna. Nú er til sölu 60 fer-
metra íbúð á 5. hæð í Bríetartúni 9-11
á 49 milljónir. Bílastæði í kjallara
fylgdi með í Skuggahverfinu en stæð-
in eru almennt til leigu í Bríetar-
túninu. Hægt er að kaupa bílskúr.
Kaupendur biðu ekki boðanna
 Tæpur helmingur íbúða í nýjum íbúðaturni í Bríetartúni seldist á viku  Verða afhentar næsta ár
 Stjórnarformaður Eyktar segir fjárfesta áhugasama  Verðskrið á vönduðum íbúðum í miðborginni
Morgunblaðið/Hari
Langt komin Utanhúsklæðning á lágreistara húsinu er nær tilbúin. Þá
er svo gott sem búið að glerja turninn og byrjað að klæða hliðar hans.
Pétur
Guðmundsson
Teikning/PKdM Arkitektar
Höfðatorg Bílakjallari er undir íbúða-
turninum. Stæðin verða almennt til leigu.
Lögreglan á höfuðborgarsvæðinu
hefur til rannsóknar líkamsleifar
sem fundust á Faxaflóa nýverið, en
upphaf málsins má rekja til veiða
fiskibátsins Fjölnis GK, sem fékk
líkamsleifar í veiðarfæri sín í síðasta
mánuði. „Ég er búinn að vera til sjós
í rúm þrjátíu ár og hef ekki upplifað
neitt svona áður,“ segir Aðalsteinn
R. Friðþjófsson, skipstjóri á Fjölni
GK. Aðalsteinn segir ekki hafa farið
á milli mála að um bein af mannsfæti
væri að ræða.
Eru ýmsu vanir
„Það hafa flestir sjómenn fengið
bein upp úr sjónum, bara ekki af
mönnum. Við erum ýmsu vanir og
þetta er allt í lagi fyrir okkur. Við
vonum bara að þetta verði til þess að
einhver fjölskylda fái sálarró.“
Aðalsteinn skráði niður staðsetn-
inguna og hafði samband við Vakt-
stöð siglinga sem upplýsti lögreglu
um málið.
Í framhaldinu var skipulagt leit-
arsvæði og síðan var haldið á vett-
vang með m.a. sérútbúinn kafbát
sem var sendur niður til að taka ljós-
myndir og sónarmyndir, en á sjáv-
arbotninum reyndust vera líkams-
leifar. Sýni úr beinunum hafa verið
send til Svíþjóðar í DNA-rannsókn
að sögn Jónbjarnar Bogasonar hjá
kennslanefnd Ríkislögreglustjóra.
Þegar niðurstöðurnar koma frá Sví-
þjóð eru þær bornar saman við upp-
lýsingar sem til eru um horfna menn
hérlendis. Jónbjörn segir þó einung-
is til DNA-upplýsingar fyrir nýleg
mál og því sé raunar ekki víst að
samsvörun finnist. Hann telur
mögulegt að um sé að ræða líkams-
leifar sjómanns sem farist hefur í
sjóslysi, enda hafi margir sjómenn
farist á svæðinu í gegnum tíðina.
Fundu líkams-
leifar í Faxaflóa
 Sýni send til Svíþjóðar í rannsókn