Morgunblaðið - 21.03.2018, Blaðsíða 30

30 MENNING
MORGUNBLAÐIÐ MIÐVIKUDAGUR 21. MARS 2018
Smáralind – Sími 517 0317 – www.plusminus.is
PLUSMINUS | OPTIC
AF TILRAUNUM
Ragnheiður Eiríksdóttir
heidatrubador@gmail.com
Mánudagskvöld í Hörpu og Músík-
tilraunir halda áfram. Undanúr-
slitakvöld tvö hefst með pompi og
prakt og Markús Bjarnason ríður
á vaðið með fallegum, lágstemmd-
um gítartónum. Hann hefur bróður
sinn sér til fulltingis, sem leikur á
slagverk, en saman tóku þeir þátt í
Músíktilraunum í hljómsveitinni
Omotrack í fyrra. Stemningin er
afslöppuð og flæðið áreynslulaust í
fyrra laginu, en hið síðara hljómar
óklárað. Þarna er nokkuð gott efni
á ferð, en þarf bara að klára út-
setningar og æfa lifandi flutning.
Næst er komið að Karma
Brigade, sex ungmennum á aldr-
inum 15 til 17 ára. Þau leika sitt
popp afskaplega hnökralaust, jafn-
vel næstum of vel fyrir minn
smekk, en karakterleysi gæti vel
skrifast á reynsluleysi og ungan
aldur.
Úr einu í annað ætti næstum
að vera einkunnarorð Músíktil-
rauna. Í það minnsta er fjölbreytn-
in til fyrirmyndar þetta kvöldið og
Apex, tveir ungir menn úr Árbæn-
um, eru rappsveit. Textar Apex
hljóma áhugaverðir en það er eins
og það vanti örlítið uppá kraft í lif-
andi flutninginn. Þeim þarf að vera
meira niðri fyrir til að hrífa alla
með. Með meiri æfingu ætti slíkt
að vera hægðarleikur og það verð-
ur gaman að fylgjast með þeirra
þróun.
Síðasta hljómsveit fyrir hlé
var Mókrókar, sem helst væri
hægt að lýsa sem ósungnu til-
raunakenndu prog-fönk-jassi. Það
er pláss fyrir allt í Músíktilraun-
um. Lögin þeirra tvö runnu saman
og á meðan fyrri parturinn var
ómstríður læddust ólýsanlega fagr-
ar melódíur inn í síðari hluta.
Síendurtekin og ágeng stef kölluðu
á gæsahúð og mér varð meðal ann-
ars hugsað til ameríska tónlistar-
mannsins Wayne Horvitz.
Fyrst á svið eftir hlé var
Umbra úr Reykjavík, þrjár 15 ára
stúlkur sem spila á hljómborð,
fiðlu, selló, bassa, þrumutrommu,
flautu, klukkuspil og syngja. Tón-
Morgunblaðið/Kristinn Magnússon
Hnökralaust Karma Brigade komst í úrslit með hnökralausu poppi.
listin var frumleg og ætti vel
heima í leikhúsi, en þær voru ekki
fyllilega búnar að vinna í samsöng
og þar gætu þær bætt sig.
Þá var komið að Heimi Steini,
19 ára Breiðhyltingi sem kom fram
einn með kassagítarinn sinn. Tón-
list hans mætti helst lýsa sem
kántrípoppi fyrir Ameríkumarkað,
enda voru enskir textar uppfullir
af frekar slökum frösum sem
hljómuðu allir mjög kunnuglega.
Þarna er tvímælalaust pláss til að
vinna í að bæta texta og einnig
væri hægt að gera útsetningar ör-
lítið líflegri. Fyrra lagið var sér-
staklega áberandi mónótónískt og
vel væri hægt að lífga uppá gítará-
slátt og jafnvel bæta við hljóð-
færum.
E-strengurinn frá Hvolsvelli
voru fjórmenningar á aldrinum 14-
16. Fyrra lagið var ósungið og
hljómaði heldur bílskúrslega, og
kannski helst að trommarinn þyrfti
að gefa svolítið meiri kraft frá sér
og liðsmenn passa að hlusta hver á
annan. Í síðara laginu gekk allt
mun betur en þá bættist nýjasti
liðsmaðurinn, Freyja Benónýs-
dóttir söngkona, við. Hún var frá-
bær og þarf bara að syngja í öllum
lögum E-strengsins og ef bandið
spilar sig örlítið betur saman eru
þeim allir vegir færir. Rímugýgur
lokaði kvöldinu, 23 ára rappari
með fína texta. Íklæddur purpura-
litaðri skikkju þrumaði hann yfir
mannskapnum ljóð sín af miklu ör-
yggi.
Annað undanúrslitakvöld
Músíktilrauna var þá á enda og
þegar talningu atkvæða var lokið
lá niðurstaðan fyrir: Salurinn kaus
Karma Brigade en dómnefnd valdi
Umbra áfram, og þessar tvær
sveitir leika því í úrslitum á laug-
ardagskvöldið næstkomandi.
Pláss fyrir allt í Músíktilraunum
Áhugaverðir Textar Apex voru áhugaverðir en kraft vantaði í flutninginn.
Frumleg Tónlist Umbru, sem skipuð er þremur 15 ára stúlkum, var frumleg
og ætti vel heima í leikhúsi. Dómnefnd kaus hljómsveitina áfram.
Frábær Freyja Benónýs söng frábærlega með E-strengnum.
» Íklæddur purpura-litaðri skikkju þrum-
aði hann yfir mann-
skapnum ljóð sín af
miklu öryggi.
Leikarar hinna gríðarvinsælu sjón-
varpsþátta Netflix, Stranger
Things, munu fá allt að 350.000
dollara fyrir hvern þátt í næstu
syrpu sem verður sú þriðja í röð-
inni, samkvæmt frétt á vef The
Hollywood Reporter. Er það jafn-
virði um 35 milljóna króna. Er þá
átt við fullorðna leikara þáttanna
en börn eru þó í meirihluta leikara.
Laun leikaranna hafa í heild
hækkað til muna milli þáttaraða, að
því er fram kemur í fréttinni, og
segir í fréttinni að þeir leikarar
sem enn eru börn fái um tólf sinn-
um hærri greiðslu fyrir leik sinn en
þeir fengu fyrir fyrstu þáttaröðina.
Samkvæmt heimildum The
Hollywood Reporter var samið um
þessa miklu launahækkun í síðustu
viku en framleiðsla á þáttaröðinni
hefst 23. apríl. Netflix hefur ekkert
staðfest hvað launin varðar.
Aðalleikarar þáttanna í hópi full-
orðinna eru Winona Ryder og Dav-
id Harbour og munu þau fá allt að
350.000 dollara á þátt, sem fyrr
segir en börnin sem teljast til aðal-
leikara fá 250.000 dollara á þátt,
um 25 milljónir króna.
Ekki er þó vitað í hvaða launa-
flokki aðalstjarna þáttanna, hin 14
ára gamla Millie Bobby Brown sem
fer með hlutverk Eleven, lendir en
hún fær í það minnsta 250.000 doll-
ara og jafnvel sömu laun og full-
orðnu stjörnurnar, skv. fréttinni.
Þykir einhverjum heimildar-
mönnum vefjarins það hins vegar
ólíklegt þar sem Ryder eigi langan
leikferil að baki og hafi m.a. verið
tilnefnd til Óskarsverðlauna.
Tólf sinnum hærri laun fyrir þriðju syrpu
AFP
Moldrík Börnin sem leika í Stranger Things fá himinhá laun fyrir þriðju syrpuna.