Morgunblaðið - 11.04.2018, Qupperneq 4

4 FRÉTTIRInnlent
MORGUNBLAÐIÐ MIÐVIKUDAGUR 11. APRÍL 2018
Lífrænar
mjólkurvörur
• Engin aukaefni
• Meira af Omega-3
fitusýrum
• Meira er af CLA
fitusýrum sem byggja
upp vöðva og bein
• Ekkert undanrennuduft
• Án manngerðra
transfitusýra
www.biobu.is
Mangó jógúrt
Fimm góðar ástæður til að velja lífræna jógúrt
Ingveldur Geirsdóttir
ingveldur@mbl.is
Kennaramenntunin, gæði hennar og
fækkun kennaranema var bæði
menntamálaráðherra og formanni
Kennarasambands Íslands (KÍ) of-
arlega í huga við setningu sjöundar
þings KÍ í gær. Yfirskrift þingsins er
Fagmennska og frumkvæði kennara
– menntun og farsæld í skólastarfi.
Lilja Dögg Alfreðsdóttir,
mennta- og menningarmálaráð-
herra, sagði menntamálunum ekki
hafa verið sinnt nægilega vel síðustu
ár og að hún hefði áhyggjur af kenn-
araskorti í framtíðinni. Hún benti á
að börnum á grunnskólaaldri mundi
fjölga talsvert og spár geri ráð fyrir
að 2035 árgangurinn telji 5.700 börn,
ef fjöldi kennara helst óbreyttur
gæti þá skort um 2.000 kennara.
„Við verðum að taka á þessu
máli núna og gera það með afgerandi
hætti,“ sagði Lilja Dögg í ávarpi sínu
til kennara. Hún sagði áskoranirnar
miklar, ásókn í kennaranámið hefði
minnkað, meðalaldur kennara væri
hár og fjöldi brautskráðra kennara
mætti ekki þörf á nýliðun á öllum
skólastigum. Þá sýndu kannanir að
nýliðar í stéttinni þyrftu aukinn
stuðning og þjálfun í starfi á fyrstu
árunum.
Lilja Dögg sagði að efla þyrfti
menntun í landinu og ríkisstjórnin
væri að forgangsraða fjármunum í
þá veru, m.a. væri stefnt á að fjölga
kennaranemum og bæta ímynd
kennarastarfsins.
Lagði til eitt stéttarfélag
Þórður Hjaltested, formaður
KÍ, lætur af störfum á þinginu og
nýr formaður, Ragnar Þór Pét-
ursson, tekur við á föstudaginn.
Þórður sagði í setningarræðu
sinni að til að Ísland gæti staðið
framarlega væri nauðsynlegt að
menntun stæðist það besta sem ger-
ist í heiminum. „Menntun er lykill að
framförum og samkeppnishæfi þjóð-
ar. Við þurfum að átta okkur á því og
taka stórstíg skref til að efla mennt-
un í landinu. Menntapólitík síðustu
ára litast af kreppunni,“ sagði Þórð-
ur, mikið álag væri á kennurum og
löngu kominn tími til að stjórnvöld
setji aukið fé í skólastarfið og hækki
laun kennara.
Sjö aðildarfélög eru innan KÍ og
sagði Þórður þau geta náð meiri ár-
angi með að starfa í færri deildum og
jafnvel að kennarar störfuðu í einu
stéttarfélagi án deildarskiptingar.
Þing KÍ er haldið fjórða hvert
ár. Um 250 félagsmenn sækja þingið
sem stendur yfir á Hótel Nordica
fram á föstudag.
Áhyggjur af yfirvof-
andi kennaraskorti
Morgunblaðið/Hari
Þingað Þórður Hjaltested, formaður KÍ, í pontu og Lilja Dögg Alfreðsdóttir, mennta- og menningarmálaráðherra.
 Miklar áskoranir hjá kennurum  Sjöunda þing KÍ sett
Guðmundur Magnússon
gudmundur@mbl.is
Isavia hefur efasemdir um tillögu
Minjastofnunar um að elsta flugskýl-
ið á Reykjavíkurflugvelli, flugskýli 1,
verði friðlýst. Borgaryfirvöld hafa
aftur á móti fallist á hugmyndina.
Í bréfi sem Isavia sendi Minja-
stofnun í mars, og Morgunblaðið hef-
ur fengið afrit af, eru efasemdirnar
reifaðar í fimm liðum. Í fyrsta lagi er
bent á að skýlið sé án lóðarréttinda.
Isavia hafi samkvæmt samningi rétt
til að rífa það og fjarlægja. Friðlýs-
ing, sem fæli í sér að byggingin yrði
ekki fjarlægð, jafnist því á við eign-
arnám og yrði að meðhöndla sem
slíkt. Í öðru lagi skorti upplýsingar
um það hvort Minjastofnun hafi haft
samráð við skipulagsyfirvöld á svæð-
inu. Þá sé friðlýsingin ekki í sam-
ræmi við framtíðarskipulag á reitn-
um þar sem ekki sé gert ráð fyrir
starfsemi í skipulaginu þar sem
byggingin nýtist. Í fjórða lagi sé búið
að breyta skýlinu talsvert og það sé
ekki í upphaflegu horfi nema að
hluta. Loks séu fleiri flugskýli á
Reykjavíkurflugvelli sem ætla megi
að séu nær því að vera í upphaflegri
mynd eins og t.d. skýli 3 og síðan
gamalt skýli sem var flutt og end-
urreist að Hnjóti. Ekki sé að sjá að
Minjastofnun hafi skoðað aðra val-
kosti. „Það er því að mati Isavia
nauðsynlegt að fram fari mat á þeim
kostum sem bjóðast þannig að ekki
verði tekin jafn íþyngjandi ákvörðun
og hér er lagt til án þess að fyllilega
hafi verið skoðað hvort aðrir kostir
sem væru minna íþyngjandi geti ver-
ið jafn góðir eða betri,“ segir orðrétt
í bréfi Isavia.
Tillaga Minjastofnunar um friðun
flugskýlisins hefur verið til umfjöll-
unar í borgarkerfinu að undanförnu.
Hafa skipulagsfulltrúi og umhverfis-
og skipulagssvið Reykjavíkurborgar
skilað jákvæðri umsögn. Segja má
því að blessun borgaryfirvalda liggi
fyrir.
Friðlýsingin, sem Minjastofnun
leggur til, tekur til stálburðargrind-
ar skýlisins og upprunalegra renni-
hurða á göflum. Samkvæmt upplýs-
ingum Minjastofnunar er flugskýli 1
fyrsta flugskýlið sem byggt var á
Reykjavíkurflugvelli. Það var eitt
fjögurra skýla af gerðinni T-2 sem
sett voru upp fyrir breska herinn.
Burðargrind skýlisins er upprunaleg
en ytri klæðning hefur verið endur-
nýjuð. Þá hefur skýlið að hluta til
verið klætt og einangrað að innan.
Dyraop við suðurgafl var hækkað á
kafla til að þotur kæmust inn í skýlið.
Minjastofnun segir flugskýlið vera
eitt elsta mannvirkið á Reykjavíkur-
flugvelli og tengist sem slíkt sögu
hernámsáranna og flugsögu Íslands.
Flest flugfélög sem starfað hafi hér á
landi hafi haft aðstöðu í skýlinu á
ólíkum tímabilum. Gamli flugturninn
við hlið skýlisins er þegar friðlýstur.
Segir Minjastofnun að saman myndi
byggingarnar varðveisluheild sem
hafi fágætisgildi á landvísu. Burðar-
grind skýlisins sé afar sérstök. Mjög
fá önnur skýli af þessari gerð hafi
varðveist og kunni skýlið að hafa
varðveislugildi á heimsvísu.
Pétur Hrafn Ármannsson, sviðs-
stjóri umhverfis- og skipulagssviðs
Minjastofnunar, segir að stofnunin
eigi eftir að fara efnislega í saumana
á athugasemdum Isavia. Því telji
hann ekki rétt að segja neitt um af-
stöðu hennar til þeirra að svo stöddu.
Isavia efast um réttmæti friðunar
 Minjastofnun vill friðlýsa elsta flugskýlið á Reykjavíkurflugvelli  Gamli flugturninn og skýlið hafi
fágætisgildi á landsvísu  Skýlið eitt hugsanlega á heimsvísu  Borgaryfirvöld samþykkja friðunina
Morgunblaðið/Árni Sæberg
Mannvirki Elsta flugskýlið í Reykjavík er frá stríðsárunum. Við hliðina er gamli flugturninn sem er friðaður.
„Ég er mjög
þakklát fyrir að
hafa hlotið svona
afgerandi kosn-
ingu,“ segir
Sandra Bryndís-
ardóttir Franks,
sem í gær var
kjörin formaður
Sjúkraliðafélags
Íslands. Hlaut
hún 71% atkvæða
en þrjár voru í framboði. Sandra tek-
ur við af Kristínu Á. Guðmundsdótt-
ur, sem gegnt hefur formennskunni
síðustu þrjátíu ár, hinn 15. maí næst-
komandi. Fram að því mun hún
áfram starfa við heimahjúkrun.
Sandra er menntaður sjúkraliði en
söðlaði um og lauk síðar námi í
stjórnmálafræði, meistaraprófi í lög-
fræði og framhaldsmenntun í stjórn-
sýslufræðum. „Ég starfaði svo um
árabil hjá Ríkisendurskoðun sem
verkefnastjóri og sérfræðingur á
stjórnsýslusviði. Ég sagði upp þessu
farsæla starfi, ég fann að þessi vinna
nærði mig ekki. Félagsveran ég þarf
að vera innan um fólk svo ég byrjaði
aftur að vinna sem sjúkraliði árið
2014. Og þá fann ég að lífið fór að
blómstra á ný.“
Hverju muntu beita þér fyrir á
formannsstóli?
„Ég mun beita mér fyrir því að við
náum betri kjarasamningi. Ég vil að
vinnustundir sjúkraliða verði færri,
fari úr 40 stundum í 36 á viku, og að
vinnuhlutfall vaktavinnufólks verði
80% af hlutfalli dagvinnufólks.
Sjúkraliðar eru að kikna undan álagi
og ég vil að það fari fram kostnaðar-
greining á örorku sjúkraliða og veik-
indahlutfalli. Þá mun ég beita mér
fyrir betra aðgengi að námi fyrir
sjúkraliða og viðbótarmenntun og að
þeir njóti betri framgangs í starfi.
Sjúkraliðar upplifa oft að þeir séu
ekki metnir að verðleikum.“
hdm@mbl.is
Vill fækka vinnu-
stundum sjúkraliða
 Sandra Franks nýr formaður SLFÍ
Sandra Bryndís-
ardóttir Franks