Morgunblaðið - 30.04.2018, Blaðsíða 12
12 DAGLEGT LÍF
MORGUNBLAÐIÐ MÁNUDAGUR 30. APRÍL 2018
Allir vilja jafnvægi
Við erum öll með nokkur hlut-verk í lífinu og hluti sem viðviljum sinna. Vinna eða skóli
skipa stóran sess í lífi flestra. Fjöl-
skyldan skiptir sömuleiðis flesta
miklu máli. Við bætast áhugamál, að
sinna eigin heilsu, sjálfboðaliðaverk-
efni, stúss í kringum börn, heimilið,
félagsstörf og ýmislegt fleira.
Því meira sem er í gangi, því meira
máli skiptir að við séum í góðu jafn-
vægi og höfum stjórn á þessum fjöl-
mörgu þáttum. Það er nefnilega
þannig að ef einhver af þessum þátt-
um er í ójafnvægi, þá smitar það út
frá sér yfir í hina þættina. Ef vinnan
veldur of miklu álagi og krefst of
mikils tíma, þá nær maður ekki að
sinna hinum þáttunum vel. Eigin
heilsa er gjarna það fyrsta sem verð-
ur út undan, eins galið og það hljóm-
ar. Við skerum niður svefntímann,
hættum að hreyfa okkur og étum allt
sem tönn á festir. Of mikið stress í
vinnu kemur líka niður á fjölskyld-
unni og það er áhugavert. Flestir
segja aðspurðir að fjölskyldan skipti
þá mestu máli í lífinu. Líka þeir sem
vanrækja hana og taka vinnuna fram
yfir. Heilsan skiptir alla líka miklu
máli. Það vill enginn vera veikur, sí-
þreyttur eða alltof þungur. Samt
vanrækja margir heilsuna. Allt of
margir.
Hvað er til ráða? Tökum ábyrgð á
sjálfum okkur og þeim þáttum lífsins
sem við viljum sinna vel. Forgangs-
röðum og hegðum okkur í samræmi
við forgangsröðunina. Ef fjölskyldan
er það mikilvægasta í okkar lífi, sinn-
um henni þá vel. Ef heilsan er okkur
mikilvæg, lifum þá heilsusamlegu lífi.
Sinnum vinnu eða skóla á þann hátt
að það passi við aðra þætti lífsins.
Það sem skiptir okkur mestu máli. Ef
núverandi vinna hreinlega leyfir það
ekki, þá þurfum við að breyta til. Ef
við notum mikinn tíma í hluti sem eru
mjög neðarlega á forgangslistanum
okkar, þá þurfum að við að endur-
hugsa málin. Hugsanlega hætta al-
veg að sinna þeim.
Ekki velta ábyrgðinni yfir á aðra.
Við getum stýrt þessu sjálf. Það
lenda allir reglulega í því að taka of
mörg verkefni að sér og missa yfir-
sýnina. Ég lendi sjálfur reglulega í
því en er orðinn betri í að forgangs-
raða, segja nei og gera hluti sem
skipta mig og mína mestu máli. Betri
í að finna jafnvægið.
Njótum ferðalagsins!
Gaui.
Hugleiðingar um heilsu og hamingju
Getty Images/Thinkstock
Kúnst Mörgum reynist erfitt að finna jafnvægi í margþættum önnum lífs.
Njóttu ferðalagsins
Guðjón Svansson
gudjon@njottuferdalagsins.is
Guðjón Svansson er Íslendingur,
ferðalangur, eiginmaður, fjögurra
stráka faðir, rithöfundur, fyrirles-
ari, ráðgjafi, þjálfari, mentor og
nemandi, sem heldur úti bloggsíð-
unni njottuferdalagsins.is
Guðrún Erlingsdóttir
ge@mbl.is
V
ið vorum ákveðin í því
að vera ekki með
neinn væl og vera
ánægð með ákvörð-
unina. Eftir á að
hyggja var það erfiðara en við
þorðum að viðurkenna að rífa sig
upp og flytja til Noregs,“ segir
Aldís Gunnarsdóttir, kennari og
listakona, sem flutti með eig-
inmanni sínum Baldvin Johnsen
og tveimur börnum til Noregs fyr-
ir átta árum síðan. Fjölskyldan er
á leið heim í sumar og hlakkar
mikið til að komast nær fjölskyldu
og vinum.
„Það var erfiðast að vera
fjarri fjölskyldunni og ég hef ver-
ið þjökuð af samviskubiti yfir því
að taka barnabörnin frá ömmum
og öfum allan tímann. Við reynum
nú að bæta það upp og lögðum
mikið á okkur að finna húsnæði á
Íslandi þar sem Draupnir Dan
sem nú er 15 ára og Karítas sem
er að verða 11 ára geti farið gang-
andi í heimsókn til föðurömmu
sinnar,“ segir Aldís
„Ástæða þess að við flytjum
heim á þessum tímapunkti er sú
að krakkarnir voru farnir að
kvarta yfir því að við værum bara
fjögur á hátíðarstundum og þau
misstu af jólum og afmælum með
fjölskyldu og vinum. Það skiptir
líka máli að Draupnir Dan á eitt
ár eftir í grunnskóla og ekki
seinna vænna að hann tengist
jafnöldrum sínum á Íslandi,“ segir
Aldís og bætir við að sonurinn sé
sáttur við flutningana þrátt fyrir
að hann hafi verið komin í úrtak
hjá Norska unglingalandsliðinu í
körfubolta. Aldís sér ekki eftir því
að hafa flutt til Álasunds sem
staðsett er um miðbik Noregs.
„Við fluttum út vegna hruns-
ins. Maðurinn minn missti vinn-
una og þegar honum bauðst starf
Íslendingurinn verð-
ur að vera bestur
Aldís Gunnarsdóttir, listamaður og framhaldsskólakennari, lagði land undir fót
og flutti til Noregs fyrir átta árum. Hún er á heimleið með fjölskyldunni og segir
alla hafa gott af því að breyta til og kynnast nýju umhverfi. Í Noregi rak hún gall-
erý fyrir ungt og efnilegt listafólk. Þar fékk hún að finna fyrir óskráðum Jantelög-
um sem líta það hornauga að koma sjálfum sér á framfæri og láta á sér bera.
Ljósmyndir /Úr einkasafni
Heimþrá Aldís Gunnarsdóttir, listamaður og kennari, undi hag sín vel með
fjölskyldunni í Noregi en saknaði ættingja, vina og að finna fyrir rokinu.
Karlar sem hafa sungið jafnvel ára-
tugum saman í karlakór, vilja auðvit-
að halda áfram að syngja þó þeir
hætti í kórnum, og ekki aðeins vegna
söngsins heldur líka fyrir félags-
skapinn. Þess vegna hefur Karlakór
Reykjavíkur sérstakan kór fyrir eldri
fyrrverandi félaga kórsins, en Krist-
inn S. Kristinsson stjórnar báðum
þessum eðalkórum og þekkir því vel
sína söngmenn. Nú blása eldri fé-
lagarnir til árlegra vortónleika, Í Há-
teigskirkju á morgun þriðjudaginn 1.
maí kl. 17 undir yfirskriftinni: „Látum
þramma þjófa jór, þó honum veiti
svig um rig.“
Á efniskránni eru margar þekktar
perlur karlakórslaga t.d. Ísland, Ís-
land Sigurðar Þórðarsonar, lög eftir
Jón Leifs, Sveinbjörn Sveinbjörns-
son, Bellman og Sängermarsch eftir
Julius Otto. Með eldri félögunum á
vortónleikunum að þessu sinni mun
koma fram Valskórinn, en hann var
stofnaður 25. maí 1993 og er því 25
ára. Hann fer fljótlega í afmælisferð
til Exeter í Englandi. Valskórinn kem-
ur fram við mörg tækifæri á vegum
Vals t.d. jólatónleika í Friðrikskapellu,
útnefningu á íþróttamanni Vals og
fleiri tilefni. Stjórnandi Valskórsins
er engin önnur en Bára Grímsdóttir.
Eldri félagar í Karlakór Reykjavíkur syngja vorið inn
„Látum þramma þjófa jór,
þó honum veiti svig um rig“
Ljósmynd/Einar Long
Kátir karlar Eldri félagar í Karlakór Reykjavíkur eru söngglaðir. Hér eru þeir á
góðri stund með stjórnanda sínum, Friðriki S. Kristinssyni, lengst til hægri.
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 1001 - VÍÐÞEKKT ÞÆGINDI
Byggt á fyrsta DUX rúminu sem var framleitt árið 1926, þetta er sannarlega það sem draumar eru byggðir á.