Víkurfréttir - 14.06.2018, Blaðsíða 8

8 MANNLÍF Á SUÐURNESJUM f immtudagur 14. júní 2018 // 24. tbl. // 39. árg.
Lilja Alfreðsdóttir, mennta- og menningarmálaráðherra opnaði afmælis-
sýningar Listasafns Reykjanesbæjar og Byggðasafns Reykjanesbæjar í
Duus Safnahúsum föstudaginn 1. júní sl. Sýningarnar eru jafnframt sumar-
sýningar safnanna og eru opnar til 19. ágúst. Safnið er opið alla daga 12-17.
Listasafn Reykjanesbæjar opnaði í
tilefni 15 ára afmælis safnsins þrjár
sýningar í Duus Safnahúsum sl. föstu-
dag. Verkin á sýningunum þremur
koma öll úr safneigninni og hafa flest
komið inn á síðustu árum. Verkin
eru af margvíslegu tagi, s.s. olíuverk,
vatnslitamyndir, skúlptúrar og grafík
og eru eftir tæplega 60 samtíma lista-
menn. Sýningarstjóri er Inga Þórey
Jóhannsdóttir. Þá opnaði Byggðasafn
Reykjanesbæjar sýninguna „Hlustað
á hafið“ í einum sala Duus Safnahúsa
en safnið verður 40 ára síðar á árinu.
Sýningin fjallar um náin tengsl sjó-
manna árabátatímans við sjóinn og
fórnir þeirra við að ná í gull hafsins,
sem öllu máli skipti fyrir lífsafkom-
una. Sýningarstjóri er Eiríkur Páll
Jörundsson.
Lilja Alfreðsdóttir opnaði afmælis-
sýningar í Duus Safnahúsum
Margir þekktir tónlistarmenn og hljómsveitir koma fram á bæjar- og
tónlistarhátíðinni Keflavíkurnætur í Reykjanesbæ 14.-17. júní. Hátíðin
er fimm ára í ár og hefur hún vaxið ár frá ári og orðinn stór viðburður
í skemmtanalífi svæðisins. Tónlistarviðburðir eru á veitingahúsunum
Ránni, H30, Paddy’s og Café Petite en miðasala fer fram í Gallery Kefla-
vík og á midi.is.
„Það ættu allir að finna eitthvað við
sitt hæfi enda dagskráin mikil og
fjölbreytt,“ segir Óli Geir Jónsson
sem stendur að hátíðinni í samtali
við Víkurfréttir. Hann hefur undan-
farin fimm ár byggt upp hátíðina
og prófað sig áfram með ýmsar
dagsetningar og hadið Keflavíkur-
nætur í júní, júlí, ágúst og október.
Hann hefur mikla trú á því að halda
hátíðina á þessum tíma komi best
út. Skólafólk sé nýkomið í frí, það
séu bjartar nætur og það mæli allt
með þessari tímasetningu.
Í ár koma fram Stuðmenn, SSSól,
Sverrir Bergmann, Amabadama,
Mammút, Moses Hightower,
Emmsjé Gauti, Úlfur Úlfur, Herra
Hnetusmjör, Aron Can og fleiri frá-
bærir tónlistarmenn en viðburðir
eru á framangreindum veitinga-
húsum frá fimmtudagskvöldi fram
á aðfaranótt sunnudags.
Það eru ekki bara tónlistarviðburðir
á hátíðinni. „Við bjóðum upp á alls-
kyns viðburði vítt og dreift um bæ-
inn, til að mynda Streetball körfu-
boltamót, Bílabíó í skrúðgarðinum
og síðast en ekki síðst sýnum við
landsleik Íslands á móti Argentínu
á 40 fermetra skjá í skrúðgarðinum
í Keflavík,“ segir Óli Geir.
Sigga Kling verður með Partý Bingó
á Keflavíkurnóttum. Gleðin verður á
Ránni fimmtudaginn 14. júní, strax á
eftir Föstudagslögunum með Sverri
Bergmann. Einn vinsælasti daskrár-
liður útvarpsþáttarins FM95BLÖ
loksins á leiðinni á svið. Sverrir og
Halldór Fjallabróðir spila öll bestu
föstudagslögin sín og kynnir verður
Auðunn Blöndal. Strákarnir koma
fram fimmtudaginn 14. júní á Ránni.
Stuðmenn koma fram á Keflavíkur-
nóttum. Þeir verða með heljarinnar
dansiball föstudaginn 15. júní á
Ránni. SSSól verða svo með dans-
leik á laugardeginum.
Miða á Keflavíkurnætur er hægt að
kaupa í Gallery Keflavík og á midi.
is. Annars vegar er hægt að kaupa
dagpassa á 4.900 krónur og þriggja
daga passa (helgarpassa) á 7.500
krónur
Alla dagskránna má lesa á facebook.
com/keflavikurnaetur
KEFLAVÍKURNÆTUR
HALDIN Í FIMMTA SINN
- stór nöfn koma fram
T Ó N L I S T A R H Á T Í Ð I N
Lesandi vikunnar í Bókasafni Reykjanesbæjar er Sólmundur Friðriksson
kennari og bókavörður í Sandgerðisskóla. Sólmundur var algjör bóka-
ormur sem krakki þar sem móðir hans hvatti hann til lesturs og gaukaði
að honum bókum. Lesturinn hefur verið misstór hluti af lífi Sólmundar
síðan þá en síðustu ár hefur hann gefið lestri meiri tíma þar sem starf
hans snýst meira og minna um bækur.
Hvaða bók ertu að lesa núna?
Ég er yfirleitt með nokkrar bækur
í gangi í einu, alltaf með ljóðabók í
náttborðsskúffunni og hef undan-
farið verið að glugga svolítið í fræði-
bókum í sálfræði- og uppeldisgeir-
anum. Þessa stundina er ég hins
vegar að lesa bókina Tvísaga eftir
Ásdísi Höllu Bragadóttir, sem er mjög
áhugaverð og vel skrifuð.
Hver er uppáhalds bókin?
Ég man ekki eftir neinni sérstakri
bók sem gæti staðið ein á toppnum en
ef ég mætti tilnefna nokkrar þá koma
þessar fyrstar upp í kollinn: Salka
Valka (Laxness), Að haustnóttum
(Hamsun) og Þrúgur reiðinnar
(Steinbeck).
Hver er uppáhalds höfundurinn?
Svo sem enginn sérstakur. Það hafa
svo margir höfundar hrifið mig í
gegnum tíðina en þessa stundina er
það tvímælalaust Jón Kalman Stef-
ánsson. Hann skrifar svo magnaðan
texta að það er töfrum líkast. Svo
finnur maður eitthvað ódauðlegt
nánast á hverri síðu, ég hef t.d. aldrei
fundið eins mikla þörf fyrir að taka
niður glósur eins og við lesturinn á
Himnaríki og helvíti.
Hvaða tegundir bóka lestu helst?
Mér finnst gaman að lesa flestar
tegundir bóka en skáldsögur með
sögulegri skírskotun hrífa mig mest.
Heillaðist snemma af suður-ameríska
töfraraunsæinu hjá Gabriel Garcia
Marcia Márquez og Isabel Allende.
Svo hef ég frá unga aldri dregist að
umfjöllunarefni þar sem manneskjan
tekst á við ofurefli í lífinu. Af mörgu
er að taka á því sviðinu enda slíkt
mjög vinsælt umfjöllunarefni í skáld-
sögum.
Hvaða bók hefur haft mestu áhrifin
á þig?
Ég held að það sé illmögulegt að segja
til um það sjálfur því bækur hafa
áhrif á mann á svo marga vegu og
mest af því ómeðvitað. En sú bók
sem ég myndi segja að hafi vakið
mig mest til umhugsunar í seinni
tíð er Karitas án titils eftir Krist-
ínu Marju Baldursdóttur. Sem faðir
þriggja dætra talaði hreini og beini
feminíski boðskapur bókarinnir
mjög sterkt til mín.
Hvaða bók ættu allir að lesa?
Söguna af bláa hnettinum eftir Andra
Snæ. Bók sem felur í sér lífsnauðsyn-
legan boðskap sem á erindi til allra
jarðarbúa.
Hvar finnst þér best að lesa?
Í stofunni heima. Þar á ég minn stað
við stóran glugga sem vísar út í garð-
inn. Svo fullkomnar það stundina að
hafa rjúkandi kaffibolla við hendina.
Hvaða bækur standa upp úr sem
þú mælir með fyrir aðra lesendur?
Hús andanna (Allende), Híbýli
vindanna (Guðmundur Böðvarsson),
Salka Valka (Laxness), Sumarljós og
svo kemur nóttin (Kalman).
Ef þú værir fastur á eyðieyju og
mættir velja eina bók til að hafa
hjá þér, hvaða bók yrði fyrir valinu?
Þar sem ég ímynda mér að það
yrði frekar leiðigjarnt að lesa allt-
af sömu bókina þá myndi ég taka
með mér þykka stílabók og nota
tímann til að skrifa sjálfur. Senda
síðan sem flöskuskeyti í þeirri
von að bókina myndi reka á fjör-
ur einhvers velviljaðs útgefanda.
Lesandi vikunnar er samstarfsverkefni
Bókasafns Reykjanesbæjar og Víkurf-
rétta og verður nýr lesandi valinn í
hverri viku í sumar. Þau sem vilja
taka þátt eða mæla með lesanda geta
skráð sig á heimasíðunni sofn.reykja-
nesbaer.is/bokasafn eða í afgreiðslu
Bókasafnsins að Tjarnargötu 12.
„Femínískur boðskapur bókarinnar
Karitas án titils talaði mjög sterkt til mín“
BÓKAVÖRÐURINN SÓLMUNDUR FRIÐRIKSSON ER LESANDI VIKUNNAR Í BÓKASAFNI REYKJANESBÆJAR
Sólmundur var
algjör bókaormur
sem krakki þar
sem móðir hans
hvatti hann til
lesturs og gaukaði
að honum bókum.