Víkurfréttir - 14.06.2018, Blaðsíða 12

12 MANNLÍF Á SUÐURNESJUM f immtudagur 14. júní 2018 // 24. tbl. // 39. árg.
Í ár eru liðin þrjátíu ár síðan hafin var skógrækt við Rósaselstjarnir. Það
er svæði sem er ofan byggðarinnar í Keflavík. Svæðið var innan sveitar-
félagsmarka Sveitarfélagsins Garðs og tilheyrir nú sameinuðu sveitarfélagi
Garðs og Sandgerðis. Svæðið hefur hins vegar í áratugi verið vinsælt úti-
vistarsvæði hjá Keflvíkingum og verið leynd perla sem lengi var innan
flugvallargirðingar. Fólk læddist yfir eða undir girðinguna til að fara á
skauta á frosnum tjörnunum.
Árið 1988 hóf Rotaryklúbbur Kefla-
víkur að gróðursetja við Rósasel-
stjarnir. Þá var svæðið enn innan
girðingar og vaktað af Varnarliðinu
og því þurfti leyfi frá Varnarliðinu til
að fara á svæðið til gróðursetningar.
Konráð Lúðvíksson læknir hefur
tekið þátt í gróðursetningunni í öll
þessi ár, enda með græna fingur
og áhugasamur um uppgræðslu á
svæðinu. Í samtali við Víkurfréttir
sagði Konráð að fyrsta verkið fyrir
30 árum hafi verið að fara með vöru-
bíl í Heiðmörk ofan Reykjavíkur og
sækja þangað lúpínu sem hafi verð
sett niður við Rósaselstjarnir. Hún
hafi verið grunnurinn að því sem
þarna er í dag og myndað bæði jarð-
veg og skjól.
Rotarymenn úr Keflavík hafa árlega
gróðursett 300 trjáplöntur á svæðinu
og því hafa verið sett niður 9000 tré
af klúbbnum þessa þrjá áratugi.
Fleiri hafa komið að gróðursetningu
á svæðinu. Þannig hefur Oddfellow-
reglan komið að gróðursetningu við
tjarnirnar, einnig Vímulaus æska
og Lionessur. Þá er Fjölbrautaskóli
Suðurnesja með svæði við tjarnirnar
í fóstri og Vigdís Finnbogadóttir, þá-
verandi forseti, setti niður plöntur
við Rósaselstjarnir og þar er lundur
í hennar nafni.
Eftir að malbikaður göngu- og hjól-
reiðastígur var lagður frá Eyjabyggð-
inni í Keflavík og að Flugstöð Leifs
Eiríkssonar er útivistarsvæðið við
Rósaselstjarnir orðið mun aðgengi-
legra. Áður hafi þarna bara verið hálf-
gerður jeppaslóði en nú sé auðveldara
að koma aðföngum að svæðinu og
hugmyndir eru uppi um frekari upp-
byggingu við tjarnirnar. Áhugi sé fyrir
því að leggja stíg kringum tjarnirnar.
Eins og áður segir er svæðið innan
sveitarfélagsmarka nýs sameinaðs
sveitarfélags Garðs og Sandgerðis þó
svo það liggi aðeins nokkuð hundruð
metra frá efstu byggð í Keflavík.
Konráð rifjar upp að þegar menn
sýndu svæðinu fyrst áhuga til skóg-
ræktar fyrir 30 árum, þá hafi heyrst
áhyggjuraddir utan úr Garði að þarna
væru Keflvíkingar hugsanlega að sölsa
undir sig þetta svæði. Konráð segir af
og frá að Rósaselstjarnir séu einka-
mál Keflvíkinga, þetta sé áhugavert
útivistarsvæði og náttúruperla fyrir
alla. Rotaryfélagar hafi aðeins gert
svæðið verðmætara sem útivistar-
svæði með gróðursetningu síðustu
þrjá áratugi.
Konráð segir að gróðursetningin á
svæðinu hafi tekist vel. Þar eru hæstu
tré í dag á sjötta metra og svæðið hafi
tekið miklum framförum á síðustu
árum með breyttu veðurfari og betri
vaxtarskilyrðum. Fyrstu trjáplönt-
urnar á svæðinu hafi verið Tröllavíðir
en nú sé meiri fjölbreytni. Í fyrstu
gerðu menn ráð fyrir að 30% myndu
lifa af á svæðinu. Árangurinn sé mun
betri en það í dag. Sprettan sé hins
vegar misjöfn, enda sé landið erfitt
til að grjóðursetja í. Þar sé mikið
af grjóti og jarðvegurinn tæpur en
vöxturinn bara fínn, segir Konráð.
Þá séu plönturnar mun betri í dag
en fyrir 30 árum. Í gróðursetningu
Rotaryklúbbs Keflavíkur sl. fimmtu-
dag hafi t.a.m. verið gróðursettar 300
plöntur sem séu þriggja ára gamlar.
Það skipti miklu máli, því rótarkerfi
svo gamalla trjáa sé betra en á þeim
yngri.
Trén á svæðinu dafna ekki bara vel.
Fuglalífið hefur einnig aukist, enda
margir fuglar sem sækja í skjólið frá
trjánum og nálægðina við tjarnirnar.
Eins og kemur fram hér að framan þá
eru Rotaryklúbbur Keflavíkur og Fjöl-
brautaskóli Suðurnesja einu aðilarnir
sem séu að setja niður trjáplöntur við
Rósaselstjarnir. Konráð hvetur fleiri
aðila til að koma að verkefninu og
taka svæði við tjarnirnar í fóstur ef
svo má segja. Það sé skemmtileg dag-
stund að taka þátt í gróðursetningu og
gera sér svo glaðan dag á eftir. Þann-
ig hafi Rotaryfólk gefið sér góðan
klukkutíma í að gróðursetja og svo
var slegið upp grillveislu og fólk gerði
sér glaðan dag.
Myndirnar með fréttinni tók Hilmar
Bragi með flygildi yfir Rósasel-
stjörnum sl. fimmtudag þegar Rot-
aryklúbbur Keflavíkur var þar við
gróðursetningu.

Ástkær móðir okkar, tengdamóðir, amma og
langamma
ÓLÖF BJÖRK BJÖRNSDÓTTIR
garðyrkjufræðingur
Drangavöllum 6, Keflavík
lést á Heilbrigðisstofnun Suðurnesja 25. maí.
Útförin fer fram frá Keflavíkurkirkju fimmtudaginn 14. júní kl. 13:00
Unnur Sturlaugsdóttir
Margrét Sturlaugsdóttir Falur Jóhann Harðarson
Davíð Eldur Baldursson Guðbjörg Huld Árnadóttir
barnabörn og barnabarnabörn
Hilmar Bragi Bárðarson
hilmar@vf.is
VIÐTAL
– hæstu tré á sjötta metra
Þrjátíu ára skógrækt
við Rósaselstjarnir

Elskuleg móðir okkar, tengdamóðir, amma og
langamma
RAGNHEIÐUR INGIBJÖRG HALLDÓRSDÓTTIR
Stapavöllum 10, Reykjanesbæ
lést á Heilbrigðisstofnun Suðurnesja mánudaginn 11. júní.
Útförin fer fram frá Keflavíkurkirkju fimmtudaginn 21. júní kl. 11.
Halldór Reinhardtsson Þóranna Andrésdóttir
Anna Bjarnadóttir Ted Wahoske
Eiríkur Bjarnason
ömmubörn og langömmubörn
HEIMILISFRÆÐIKENNSLA VIÐ GRUNNSKÓLANN Í SANDGERÐI
Grunnskólinn í Sandgerði óskar eftir að ráða heimilisfræðikennara
Grunnskólinn er Heilsueflandi grunnskóli og vinnur eftir hugmyndafræði Uppbyggingarstefnunnar. Leiðar-
ljós skólans eru vöxtur, virðing, vilji og vinátta og endurspeglast þau í daglegu starfi skólans. Viðkomandi
þarf að vera tilbúinn að setja sig inn í starfshætti skólans og vinna með hópnum að því að mæta ólíkum
einstaklingum með fjölbreyttum hætti.
• Óskað er eftir fjölhæfum, áhugasömum og skapandi grunnskólakennara með hæfni í mannlegum
samskiptum. Við hvetjum konur jafnt sem karla til að sækja um störf við Grunnskólann í Sandgerði.
Frekari upplýsingar er að finna á heimasíðu skólans www.sandgerdisskoli.is.
Umsóknarfrestur er til og með 25. júní 2018. Umsóknir og ferilskrár skal senda á netfang skólastjóra:
holmfridur@sandgerdisskoli.is
Nánari upplýsingar veita: Hólmfríður Árnadóttir, skólastjóri holmfridur@sandgerdisskoli.is