Morgunblaðið - 08.06.2018, Qupperneq 15

Innlent
MORGUNBLAÐIÐ FÖSTUDAGUR 8. JÚNÍ 2018
ÁÆTLANIR AIG UM
ENDURSKIPULAGNINGU VEGNA BREXIT
Sem svar við ákvörðun Bretlands um að ganga úr Evrópusambandinu
(ESB) (sem gengur undir nafninu “Brexit”), mun AIG Europe Limited
(AEL) endurskipuleggja starfsemi sína til að tryggja að til staðar sé hið
allra besta skipulag til að þjóna vátryggingatökum og kröfuhöfum
innan Bretlands og um alla Evrópu eftir Brexit.
Hvað breytist hjá AIG?
Við áætlum að framselja tryggingastarfsemi okkar í Bretlandi til okkar
nýja tryggingafyrirtækis, American International Group UK Limited
(AIG UK), og evrópska starfsemi okkar til nýs evrópsks
tryggingafyrirtækis í Lúxemborg, AIG Europe SA (AIG Europe).
Bæði AIG UK og AIG Europe eru hluti af AIG samstæðunni.
Endurskipulagningin felur í sér framsalsáætlanir fyrir starfsemina
samkvæmt kafla VII breskra laga um fjármálaþjónustu og markaði frá
árinu 2000 og samruna yfir landamæri sem fellur undir viðeigandi
reglugerði innan Bretlands og Lúxemborg sem framfylgja evrópskum
reglum um samruna yfir landamæri fyrirtækja sem eru
eignarhaldsfélög. Flutningurinn fellur undir nauðsynlegt lagalegt og
reglugerðarbundið samþykki, þ.m.t. frá eftirlitsaðilum í Bretlandi (the
Prudential Regulation Authority (PRA) og the Financial Conduct
Authority (FCA)), frá eftirlitsaðilum í Lúxemborg (the Commissariat aux
Assurances (CAA)) og frá yfirrétti Englands og Wales (High Court).
Málið verður tekið fyrir í yfirrétti í október 2018 þar sem rétturinn mun
fara yfir áætlanir okkar um endurskipulagningu.
Hvað þýðir þetta fyrir þig
Hagsmunir tryggingataka og annarra hluthafa eru verndaðir af
nákvæmu yfirlitsferli. Í því felst m.a.: (i) útnefning óháðs sérfræðings
sem mun koma fyrir yfirréttinn og gefa óháð álit sitt á líklegum
afleiðingum endurskipulagningarinnar; (ii) náin samvinna með
eftirlitsaðilum - PRA, FCA og CAA um endurskipulagninguna;
(iii) krafan um að yfirréttur samþykki endurskipulagninguna; og
(iv) möguleiki allra þeirra aðila sem hafa áhuga á því að mótmæla
eða láta áhyggjur sínar í ljósi annað hvort til okkar eða til yfirréttar.
Tryggingar sem veita tryggingavernd í öðrum EES-löndum munu
flytjast til AIG Europe. Endurskipulagningin mun ekki hafa nein áhrif á
þá tryggingavernd sem núgildandi tryggingar veita né á það hvernig
tryggingunum er stjórnað. Skuldbindingar AEL gagnvart
tryggingatökum og öðrum hluthöfum munu ekki breytast vegna
endurskipulagningar. Almennt, verða tryggingar sem fluttar eru til
AIG Europe ekki lengur njóta verndar skv. Financial Services
Compensation Scheme sem gildir innan Bretlands, en óháði
sérfræðingurinn hefur komist að þeirri niðurstöðu að tryggingatakar
verði ekki fyrir fjárhagslegu tjóni vegna framsalsins.
Yfirrétturinn mun einungis samþykkja endurskipulagninguna ef
hann telur hana viðeigandi í öllum tilvikum. Ef endurskipulagningin
er samþykkt af yfirrétti er áætlað að hún taki gildi þann
1. desember 2018.
Fá nánari upplýsingar
Tryggingatakar þurfa ekki að grípa til neinna aðgerða vegna þessa,
en ef þú vilt fá frekari upplýsingar eða vilt koma með athugasemd
eða taka þátt í réttarhaldinu, vinsamlegast heimsæktu heimasíðu
okkar: www.aig.com/brexit.
Umferð um hringveg landsins held-
ur áfram að aukast þó að verulega
hafi hægt á aukningunni miðað við
síðustu ár. Þetta kemur fram í frétt á
vef Vegagerðarinnar en aukning í
umferð frá áramótum er 5,6% miðað
við sama tímabil í fyrra. Ef að líkum
lætur verður umferðaraukning um
3,5% á þessu ári en það er talsvert
minni aukning en undanfarin ár.
Á síðasta ári hafði umferð aukist
um 11,3% í maí mánuði en árið þar
áður hafði aukning verið 16,1%.
Verður því að telja nokkuð ljóst að
þrátt fyrir aukningu í ár hafi hægt
mikið á henni og er búist við að þessi
þróun haldi áfram.
Staður og stund
Frá áramótum hefur umferðar-
aukning verið langsamlega mest á
Suðurlandi, 11%, en minnst á
Vesturlandi, 4%.
Samdráttur mælist í umferð á
sunnudögum en í ár hefur verið ekið
um 2,6% minna á sunnudögum en í
fyrra.
Á mánudögum hefur umferðar-
aukning mælst mest, 10,4%. Mest er
ekið á föstudögum en eins og áður
segir er minnst ekið á sunnudögum.
Líkt og síðustu ár haldast vísitala
umferðar og vísitala hagvaxtar í
landinu nokkuð fast í hendur. Allt
stefnir í að júlí verði mesti ferðamán-
uður landsmanna eins og venja er.
teitur@mbl.is
Hægt hefur á um-
ferðaraukningu
 Umferðaraukning
er um helmingi minni
í ár en var í fyrra
Morgunblaðið/Sigurður Bogi
Langferðabíll Sífellt hægir á um-
ferðaraukningu á hringveginum.
Erna Ýr Öldudóttir
ernayr@mbl.is
„Við erum búnar að vinna málið á
fyrstu tveimur dómsstigum,“ segir
Kristrún Stefánsdóttir í samtali við
Morgunblaðið, sem fjallaði fyrir ári
um baráttu hennar fyrir að fá sig
skráða sem foreldri dóttur sinnar
og Ingu Óskar Pétursdóttur, í Sví-
þjóð.
Saga málsins er að Inga Ósk
fæddi dóttur þeirra haustið 2012
eftir að þær leituðu til Art Medica.
Eftir að fjölskyldan flutti til Sví-
þjóðar fengust þau svör að ekki
væri hægt að skrá Kristrúnu sem
foreldri dótturinnar hjá Skatte-
verket, sem sinnir m.a. skráningum
á borð við Þjóðskrá Íslands. Krist-
rún og Inga Ósk eru giftar og
skráðar foreldrar dóttur sinnar á
Íslandi. Þær eru allar íslenskir rík-
isborgarar, og kom svarið þeim í
opna skjöldu.
„Eina leiðin hefði verið langt og
strangt umsóknarferli þar sem ég
hefði þurft að undirgangast mats-
ferli eða þá ættleiðing. Það hefði t.d.
sett mig í þá stöðu að verða að ætt-
leiða dóttur mína,“ segir Kristrún,
en þær hjónin vildu alls ekki sætta
sig við þessar leiðir og töldu sér
mismunað.
Hún segist þekkja til tilfella þar
sem einstaka starfsmenn skráning-
arstofunnar hafi „beygt reglurnar“
af samúð með aðstæðum fólksins,
en réttindi foreldra og barna eigi
ekki að þurfa að velta á slíku.
Kurr vegna málsins í Svíþjóð
Málið hefur vakið athygli á sam-
félagsmiðlum í Svíþjóð að hennar
sögn, m.a. hafi samtök samkyn-
hneigðra í Svíþjóð sett sig í sam-
band við þau og boðið þeim lög-
fræðilega aðstoð sem þær þáðu.
Margir aðfluttir samkynja for-
eldrar í Svíþjóð séu í svipaðri stöðu
og fjölskyldan. Þær áfrýjuðu
ákvörðuninni til úrskurðarnefndar,
en fengu aftur synjun og ákváðu því
að fara með málið fyrir stjórnsýslu-
dómstólinn (s. Förvaltningsrätten) í
Jönköping, en hann dæmdi fjöl-
skyldunni í hag.
„En Skatteverket áfrýjaði til
Landsréttar (s. Kammerrätten) sem
ákvað að málið yrði tekið þar fyrir
og dæmdi okkur aftur í hag,“ segir
Kristrún. Hún kveður sig gruna að
Skatteverket hafi viljað með áfrýj-
uninni fá fram skýra niðurstöðu
varðandi meðferð sambærilegra
mála í framtíðinni. Óljóst sé enn um
áhrif dómsins á réttindi sænskra
ríkisborgara, en niðurstaða dómsins
gæti orðið fordæmisgefandi fyrir
aðflutta með svipaða sögu og þær.
Um rökstuðning dómsins segir
Kristrún hann hafa m.a. komist að
þeirri niðurstöðu að um mismunun
á grundvelli kyns væri að ræða og
brot á réttindum barnsins til beggja
foreldra sinna skv. barnasáttmálum.
„Fólk hefur mjög hátt um svona
hluti í Svíþjóð, það er mikið að
breytast. Ef þetta verður fordæmi,
þá gæti það orðið skref í átt að frek-
ari breytingum til bóta fyrir al-
menning,“ segir Kristrún og segir
um framhaldið: „Nú hefur Skatte-
verket þrjár vikur til að áfrýja til
Hæstaréttar Svíþjóðar, en lögmað-
ur okkar hefur efasemdir um að það
verði gert þar sem áfrýjanir þeirra
hafa nú þegar tapast á tveimur
dómsstigum,“ en hún kveðst bjart-
sýn á að hægt verði að ljúka skrán-
ingunni að áfrýjunarfrestinum liðn-
um, verði málinu ekki áfrýjað til
Hæstaréttar innan hans.
Lögðu sænskt skrif-
ræðisbákn fyrir dómi
 Gæti haft áhrif fyrir samkynja pör í Svíþjóð í framtíðinni
Morgunblaði/Arnþór
Fjölskyldan Inga Ósk Pétursdóttir og Kristrún Stefánsdóttir með dóttur sinni sem er að verða sex ára í haust.