Morgunblaðið - 20.07.2018, Blaðsíða 17

FRÉTTIR 17Erlent
MORGUNBLAÐIÐ FÖSTUDAGUR 20. JÚLÍ 2018
HLUTHAFAFUNDUR
Framboð til stjórnar
Hluthöfum er bent á að samkvæmt
63. gr. hlutafélagalaga skal tilkynna
skriflega, minnst fimm sólarhringum fyrir
hluthafafund, um framboð til stjórnar.
Framboðum skal skila á skrifstofu HB
Granda, Norðurgarði 1 eða á netfangið
hluthafafundur@hbgrandi.is. fyrir
kl. 15:00 sunnudaginn 22. júlí 2018.
Tilkynnt verður um framkomin framboð
tveimur dögum fyrir hluthafafundinn.
Önnurmál
Tillaga Gildis lífeyrissjóðs til ályktunar
vegna tilnefningarnefndar.
Aðrar upplýsingar
Á hluthafafundum fylgir eitt atkvæði
hverri einni krónu í hlutafé. Eigin bréf
félagsins njóta ekki atkvæðisréttar.
Atkvæðaseðlar og fundargögn verða
afhent á fundarstað.
Hluthafar sem ekki eiga kost á að sækja
fundinn geta:
a) Veitt öðrum skriflegt umboð.
b) Greitt atkvæði skriflega.
Þeim hluthöfum sem hyggjast nýta sér
annan hvorn þessara kosta er bent á að
kynna sér á heimasíðu félagsins hvernig
þeir skuli bera sig að. Þar er að finna
leiðbeiningar um skráningu og form skjala
og hvernig þeim skuli skilað til félagsins.
Allar nánari upplýsingar um fundinn má
finna á vefsíðu félagsins www.hbgrandi.is
Stjórn HBGranda hf.
ÍS
L
E
N
S
K
A
S
IA
.I
S
G
R
A
88
94
6
07
/1
8
Dagskrá
1. Kjör tveggja stjórnarmanna
2. Önnurmál
a. Tillaga Gildis lífeyrissjóðs til ályktunar vegna tilnefningarnefndar.
Hluthafafundur HBGranda hf. verður haldinn föstudaginn 27. júlí
2018 í höfuðstöðvum félagsins að Norðurgarði 1, 101 Reykjavík
og hefst hann klukkan 15:00. Fundurinn fer fram á íslensku.
Tugir gróðurelda loguðu enn í Svíþjóð í gær og talið
var að fleiri eldar kviknuðu vegna langvinnra þurrka.
Eldarnir ógnuðu nokkrum bæjum í sýslunum Jämtland,
Gävleborg og Västerbotten og í Dölunum, héraði í mið-
hluta landsins. Íbúum svæða í sveitarfélögunum Ljus-
dal í Gävleborg, Gällö og Bräcke í Jämtland og Nord-
maling í Västerbotten var sagt að forða sér af heimilum
sínum vegna eldanna. Tvær ítalskar flugvélar aðstoða
við slökkvistarfið og tvær flugvélar eru væntanlegar
frá Frakklandi eftir að sænsk yfirvöld óskuðu eftir að-
stoð Evrópusambandsins. Sex þyrlur frá Noregi taka
einnig þátt í slökkvistarfinu.
AFP
Eldar ógna sænskum bæjum
Bogi Þór Arason
bogi@mbl.is
Donald Trump Bandaríkjaforseti hef-
ur áréttað hótun sína um að leggja
verndartolla á innflutta bíla þrátt fyr-
ir mikla og vaxandi andstöðu við hana
á meðal þingmanna og hagsmuna-
samtaka í landinu, að sögn The Wall
Street Journal.
Samtök bandarískra og erlendra
bíla- og bílapartaframleiðenda og
bílasala hafa birt bréf þar sem þau
hvetja Trump til að falla frá hótun-
inni. Stjórn hans hefur hótað 20-25%
tollum á innflutta bíla til að knýja
fram tilslakanir af hálfu Evrópusam-
bandsins, Mexíkó og Kanada í við-
ræðum sem Trump segir miða að því
að vernda störf í Bandaríkjunum.
Viðskiptaráðuneyti landsins hefur
hafið rannsókn á því hvort hægt sé að
leggja verndartolla á bíla á grundvelli
laga sem heimila þá ef innflutningur-
inn telst stofna þjóðaröryggi í hættu.
„Hækkun tolla á bíla og bílaparta
yrði stórfelld skattlagning á neytend-
ur,“ sagði í opnu bréfi hagsmunasam-
takanna til forsetans.
Bandaríska bílafyrirtækið General
Motors hefur sagt að verndartollarnir
myndu auka kostnað bílaframleið-
enda í Bandaríkjunum, minnka sam-
keppnishæfni þeirra í heiminum og
stofna bandarískum störfum í hættu.
149 þingmenn úr röðum repúblik-
ana og demókrata í fulltrúadeild
þingsins hafa sent forsetanum bréf
þar sem þeir segjast ekki telja að inn-
flutningur á bílum og bílapörtum
stefni þjóðaröryggi landsins í hættu.
„Þvert á móti teljum við að viðskipta-
hindranir á þessar vörur gætu grafið
undan efnahagsöryggi okkar.“
Vaxandi andstaða er einnig við hót-
un Trumps í öldungadeildinni, að
sögn The Wall Street Journal. „Þess-
ir tollar eru hættulegir. Þeir kosta
okkur störf og minnka tekjur fjöl-
skyldna okkar,“ hefur blaðið eftir
Lamar Alexander, repúblikana í öld-
ungadeildinni.
Samtök starfsmanna GM, Ford og
Fiat Chrysler hafa fagnað rannsókn
viðskiptaráðuneytisins á því hvort
innflutningurinn stofni þjóðaröryggi
Bandaríkjanna í hættu. Samtökin
hafa yfirleitt stutt viðskiptastefnu
Trumps en hafa þó ekki lýst yfir
stuðningi við verndartolla. Þau hafa
hvatt til annarra ráðstafana, m.a. til
að stöðva fjárfestingar í verksmiðjum
í Mexíkó sem framleiða bíla fyrir
bandaríska markaðinn.
Áður hafði Trump m.a. lagt
verndartolla á innflutt stál og ál.
Aukin andstaða
við tolla Trumps
 Sagðir stefna störfum í hættu
Donald Trump Bandaríkjaforseti hefur látið í ljós efasemdir um 5. grein
stofnsáttmála Atlantshafsbandalagsins um að árás á eitt aðildarríkja
þess jafngildi árás á þau öll. Efasemdirnar komu fram í viðtali í Fox News
fyrr í vikunni. „Hvers vegna ætti sonur minn að fara til Svartfjallalands til
að verja það gegn árás?“ spurði Tucker Carlson, einn þáttastjórnenda
sjónvarpsins. „Ég skil það sem þú segir og hef spurt sjálfan mig sömu
spurningar,“ svaraði forseti Bandaríkjanna. „Svartfjallaland er örlítið
land með sterka þjóð … Þeir eru mjög árásargjarnir menn. Þeir gætu orð-
ið árásargjarnir og til hamingju – við fáum þriðju heimsstyrjöldina.“
Svartfjallaland fékk aðild að NATO í fyrra, þrátt fyrir andstöðu Rússa,
og öldungadeild Bandaríkjaþings samþykkti hana með 97 atkvæðum
gegn tveimur. Stjórnvöld í Svartfjallalandi sögðu í yfirlýsingu í gær að
þau stunduðu friðsamlega pólitík, landið legði sitt „af mörkum til friðar
og stöðugleika, ekki bara á meginlandi Evrópu, heldur í heiminum öllum“,
þar á meðal í Afganistan við hlið bandarískra hermanna. Íbúar Svart-
fjallands eru um 640.000 og her landsins er skipaður um 2.000 manns.
Trump efast um 5. grein NATO
HVÍ ÆTTU BANDARÍKIN AÐ VERJA SVARTFJALLALAND?
Hæstiréttur Spánar ógilti í gær evr-
ópska og alþjóðlega handtökuskipun
á hendur Carles Puigdemont, fyrr-
verandi forseta
héraðsstjórnar
Katalóníu, og
fleiri fyrrverandi
forystumönnum
hennar sem hafa
flúið til Evrópu-
landa.
Hæstaréttar-
dómarinn Pablo
Llarena nam
handtökuskipun-
ina úr gildi vegna
óvissu um hvort önnur Evrópulönd
viðurkenndu saksókn á hendur Kata-
lónunum á grundvelli umdeildra laga
á Spáni um uppreisn gegn ríkinu.
Þýskur dómstóll hafði hafnað fram-
salsbeiðni spænskra yfirvalda á hend-
ur Puigdemont á grundvelli ákæru
fyrir uppreisn. Brot á spænsku lög-
unum varða allt að 30 ára fangelsis-
dómi en hliðstætt ákvæði er ekki að
finna í þýskum lögum og dómstóllinn
komst að þeirri niðurstöðu að því væri
ekki heimilt að framselja Puigdemont
til Spánar á grundvelli þeirrar ákæru.
Þýski dómstóllinn samþykkti hins
vegar síðar beiðni um framsal á
grundvelli ákæru fyrir misnotkun á
opinberu fé í tengslum við þjóðarat-
kvæði um sjálfstæði Katalóníu og
sjálfstæðisyfirlýsingu héraðsstjórn-
arinnar í október síðastliðnum.
Gildir enn á Spáni
Úrskurður spænska dómarans
þýðir að Carles Puigdemont og fimm
aðrir forystumenn katalónskra sjálf-
stæðissinna geta nú ferðast á milli
landa án þess að eiga á hættu að
verða handteknir og framseldir til
Spánar. Puigdemont er í Þýskalandi
en hinir í Skotlandi, Belgíu og Sviss.
Handtökuskipunin er þó enn í gildi á
Spáni og þeir eiga því á hættu að
verða handteknir snúi þeir aftur til
Katalóníu.
Puigdemont fagnaði úrskurðinum í
gær og sagði hann sýna að málatil-
búnaður spænskra yfirvalda byggðist
á mjög veikum lagagrunni.
Níu sjálfstæðissinnar til viðbótar
eru í haldi á Spáni og bíða þar sak-
sóknar.
Evrópsk hand-
tökuskipun ógilt
 Puigdemont fagnar úrskurði á Spáni
Carles
Puigdemont