Morgunblaðið - 27.08.2018, Síða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 27. ÁGÚST 2018
Aukin lífsgæði
án verkja og eym
Nutrilenk vörurnar fást í apótekum, heilsubúðum og heilsuhillum verslana.
„Ég er búin að æfa mikið síðustu ár; hlaupa, stöðvarþjálfun, tabata
ofl. og varð alltaf þreytt og aum í liðum og beinum eftir æfingar.
Mér var bent á að prufa Nutrilenk Gold og byrjaði ég á að taka 6
töflur á dag í nokkrar vikur. Ég fann ótrúlega fljótt mun til hins betra
svo ég ákvað að prufa að taka líka 1 töflu af Nutrilenk Active því ég
var enn með verki og eymsl í höndum. Active virkar eins og
smurning fyrir liðina en ég fann mikinn mun á mér og eru verkirnir
nú horfnir.
Í dag tek ég 4 Gold og 1 Active og ekki má gleyma Nutrilenk gelinu
sem ég nota á axlir og hné en það kælir og dregur úr bólgum.
Ég get því hiklaust mælt með öllum Nutrilenk vörunum, án þeirra
gæti ekki hreyft mig eins mikið og ég geri í dag, verkjalaus.“
Erna Geirlaug Árnadóttir, 42 ára innanhúsarkitekt
NUTRILENK
ACTIVE
sla
27. ágúst 2018
Gengi Kaup Sala Mið
Dollari 107.69 108.21 107.95
Sterlingspund 138.42 139.1 138.76
Kanadadalur 82.41 82.89 82.65
Dönsk króna 16.709 16.807 16.758
Norsk króna 12.868 12.944 12.906
Sænsk króna 11.804 11.874 11.839
Svissn. franki 109.44 110.06 109.75
Japanskt jen 0.9663 0.9719 0.9691
SDR 150.26 151.16 150.71
Evra 124.65 125.35 125.0
Meðalgengi/Viðskiptavog þröng 150.5344
Hrávöruverð
Gull 1189.95 ($/únsa)
Ál 2021.0 ($/tonn) LME
Hráolía 74.73 ($/fatið) Brent
Skannaðu kóð-
ann til að sjá
gengið eins og
það er núna á
● Eftir viðræður
við hluthafa og ráð-
gjafa hefur Elon
Musk ákveðið að
freista þess ekki að
afskrá hlutabréf
rafbílaframleiðand-
ans Tesla.
Fyrirtækið
greindi frá þessu á
föstudag og Musk
útskýrði ákvörðun sína nánar á laug-
ardag en þá voru liðnar um það bil þrjár
vikur frá því hann sendi frá sér tíst um
að hann langaði að afskrá Tesla.
„Í ljósi þeirra viðbragða sem ég hef
fengið er mér ljóst að flestir hluthafar
Tesla telja okkur betur borgið á hluta-
bréfamarkaði,“ skrifaði Musk á vefsíðu
fyrirtækisins. „Þó svo að meirihluti þeirra
hluthafa sem ég hef rætt við segi að þeir
myndu ekki vera á förum ef við myndum
afskrá félagið þá var viðhorf þeirra í
hnotskurn þetta: ‚vertu svo vænn að
gera það ekki‘.“ ai@mbl.is
Elon Musk vill ekki
lengur afskrá Tesla
Elon Musk
STUTT
BAKSVIÐ
Ásgeir Ingvarsson
ai@mbl.is
Sala húsgagna gengur ágætlega en
gæti goldið fyrir það ef hægir á fast-
eignamarkaði. Verð hefur verið á
niðurleið og kaupmáttur almennings
á uppleið en launakostnaður er farinn
að þrengja að rekstri verslana. Þetta
segja húsgagnasalar sem blaðamaður
ræddi við.
Egill Fannar Reynisson er fram-
kvæmdastjóri GER-innflutnings sem
rekur verslanir Húsgagnahallarinnar,
Betra baks og Dorma og að auki
GER-heildverslun sem einkum sinnir
hótelmarkaðinum.
Hann segir hreyf-
ingar á fasteigna-
markaði hafa hvað
mest áhrif á sölu
húsgagna en aðrir
þættir geti líka
ráðið þróuninni:
„Þetta ár hefur
verið prýðilegt
heilt á litið en sal-
an hefur þó róast
með sumrinu og skýringin er hugs-
anlega að landsmenn eru duglegri að
ferðast til útlanda og velja jafnvel
ferðalög fram yfir að ráðast í stærri
fjárfestingar fyrir heimilið.“
Leður og merkjavara sækja á
Að mati Egils virðast neytendur
vera farnir að sækja í ögn vandaðri og
dýrari vörur. „Sem dæmi hefur sala á
leðursófum aukist á kostnað sófa með
tauáklæði sem alla jafna eru ódýrari.
Fólk leyfir sér líka að kaupa merkja-
vöru, og sækir almennt meira í vand-
aðri húsgögn hvort heldur er fyrir
stofuna eða svefnherbergið.“
Greina má mun á hegðun ólíkra ald-
urshópa, og ástæðan líkast til að al-
gengara er að húsnæðiskostnaður
unga fólksins sé hlutfallslega hærri,
og fleiri þeirra á leigumarkaði. „Neyt-
endahópurinn 25-35 ára býr oft í
skammtímahúsnæði og er ef til vill
þess vegna ekki á þeim buxunum að
kaupa húsgögn sem þau vilja eiga
lengi. Þessi aldurshópur kaupir vissu-
lega húsgögn, en leitar í ódýrari kost-
inn.“
Athygli vekur að allir aldurshópar
virðast kjósa að staðgreiða húsgögn-
in. „Jafnvel ef við bjóðum vaxtalausar
raðgreiðslur þá er fólk ekki að nýta
sér það. Mig grunar að neytendur hafi
lært í hruninu að þeim þyki gott að
hafa allt sitt á hreinu, og taka ekki
neina áhættu með það að eiga örugg-
lega fyrir öllum reikningum um mán-
aðamótin.“
Egill álítur að húsgagnamarkaður-
inn hafi náð jafnvægi. „Við virðumst
vera að nálgast 3-5% vöxt árlega, sem
er ekki mikil söluaukning en þætti
eðlileg þróun í öðrum löndum. Á sama
tíma standa verslanir aftur á móti
frammi fyrir ört hækkandi launa-
kostnaði og þó svo að núna standi yfir
góðæristímabil má finna merki um að
handan við hornið sé meira krefjandi
tímabil. Í verslunum okkar förum við
því mjög varlega þegar kemur að því
að bæta við fólki og ef starfsmenn
söðla um þá skoðum við mjög vand-
lega hvort við getum komist af án þess
að ráða nýja manneskju í staðinn.“
Margir með góðan kaupmátt
Skúli Rósantsson, eigandi Casa,
hefur svipaða sögu að segja og Egill.
„Ástandið er eðlilegt og gott, og ekk-
ert rugl í gangi eins og var árið 2007.“
Reksturinn hjá Skúla hefur vaxið
töluvert á undanförnum árum. Fyrir
tíu árum voru verslanirnar tvær: stór
aðalverslun í Skeifunni og minni
gjafavöruverslun í Kringlunni, en
núna rekur fyrirtækið einnig Casa
gjafavöruverslun á Glerártorgi á
Akureyri, verslun Duka í Smáralind
og Kringlunni, og Ittala-búð í Kringl-
unni. Skúli segir þessa aukningu í um-
svifum hafa verið til þess gerða að ná
fram stærðarhagkvæmni í rekstrin-
um.
„Við tókum líka í notkun vandaða
netverslun fyrir tveimur árum og hef-
ur hún gefið okkur mikla viðbótar-
veltu. Það eru einkum minni vörur
sem við seljum yfir netið en margir
heimsækja vefsíðuna fyrst til að skoða
dýrari vöruna og koma svo í versl-
unina til að sjá með eigin augum og
ganga frá kaupunum,“ segir Skúli og
tekur undir að notendavæn netversl-
un hjálpi t.d. til við að ná betur til fólks
á landsbyggðinni. „En svo eru sumir
sem einfaldlega finnst hentugra að
panta húsgögn og húsmuni yfir netið
og t.d. fengum við einu sinni pöntun
úr Fellsmúlanum sem er innan við
hundrað metra frá Casa-búðinni.“
Skúli segir hægt að greina það á
viðskiptavinum að kaupmáttur hins
dæmigerða neytanda er fjarskagóður
um þessar mundir. „Þar spila saman
hækkandi laun, sterkari króna og
lækkað verð á húsgögnum. Sam-
keppnin er hörð og heilbrigð, og hjá
fyrirtækjum eins og okkar er
stærðarhagkvæmnin að skila sér til
viðskiptavina.“
Aðspurður hvort hann sjái blikur á
lofti kveðst Skúli einkum kvíða harð-
vítugum kjaradeilum. „Það er stað-
reynd að ákveðinn hópur fólks hefur
ekki notið sömu kjarabóta og allur
þorri landsmanna, og þörf á inngrip-
um til að bæta stöðu þeirra, en það
væri engum til góða ef kjarabaráttan
leiðir til verkfalla, líkt og sumir ótt-
ast.“
Hækkandi launakostnaður
þrengir að rekstrinum
Morgunblaðið/Kristinn Magnússon
Þróun Skúli Rósantsson í Casa segir heilbrigða samkeppni og sterkara
gengi hafa stuðlað að lægra verði. Sala yfir netið hefur gengið vel.
 Gott hljóð er í húsgagnasölum og sala á dýrari mublum er að aukast
Egill Fannar
Reynisson
Netverslanir hafa haft þau áhrif að
verð neytendavöru breytast mun
hraðar en áður. Þetta veldur því að
seðlabankar eiga erfiðara með að
beita peningastefnu og öðrum úr-
ræðum til að stuðla að betra jafn-
vægi framboðs og eftirspurnar.
Þetta er ein af niðurstöðum
áhugaverðrar rannsóknar sem
kynnt var á árlegri ráðstefnu seðla-
bankastjóra í bænum Jackson Hole í
síðustu viku.
Höfundur rannsóknarinnar, Al-
berto Cavallo dósent við Harvardhá-
skóla, segir „Amazon-áhrifin“ valda
því að jafnt netverslanir og hefð-
bundnar verslanir breyti verði mun
oftar og að minni munur sé á verði á
milli verslana. Reuters greinir frá að
fyrir vikið hafi þættir á borð við
breytingar á gengi bandaríkjadals
mun meiri og skjótari áhrif á verð
neysluvöru og á bensínverð. Árið
2008 var algengt að stórar verslanir
á borð við Walmart breyttu verði á
vörum á 6,5 mánaða fresti en árið
2017 var bilið á milli verðbreytinga
komið niður í 3,7 mánuði, samkvæmt
athugunum Cavallo.
Þetta þýðir að seðlabönkum er
vandi á höndum þegar þeir reyna að
nota gögn á borð við verðbólgu- og
atvinnuleysistölur til að ákvarða rétt
vaxtastig. Þá minnkar áhrifamáttur
breyttrar peningastefnu eftir því
sem verðteygni er meiri. ai@mbl.is
AFP
Sveigjanleg Amazon-áhrifin hafa smitað út frá sér til verslana á borð við
Walmart. Algrím sjá um að breyta verði og allir fylgjast með öllum.
Netverslanir flækja
starf seðlabankanna
 Tíðari verðbreytingar draga úr
áhrifum hefðbundinna stjórntækja