Mosfellingur - 10.11.2016, Blaðsíða 4
www.lagafellskirkja.is
kirkjustarfið HelgiHald næstu vikna
sunnudagur 13. nóv.
„Bob Dylan“ guðsþjónusta
kl. 20:00
Birgir Haraldsson, söngvari
flytur lög Bobs Dylans ásamt
kirkjukór Lágafellskirkju. Sr.
Ragnheiður Jónsdóttir
sunnudagur 20. nóv.
Messa í Lágafellskirkju
kl.11:00. Sr. Arndís Linn
sunnudagur 27. nóv.
- Fyrsti í aðventu
Messa kl. 11:00
í Mosfellskirkju
Hafdís Huld og „Músakórinn“
– barnakór úr dalnum syngja
Kirkjukór Lágafellskirkju
Sr. Ragnheiður Jónsdóttir
Benedikt Erlingsson
opnaði hjáleið
Í vatnvöxtunum í októbermánuði fór
göngustígurinn meðfram Varmánni
í sundur með þeim afleiðingum
að ekki var hægt að nýta hann sem
skyldi. Benedikt Erlingsson leikari
sem nýfluttur er í Mosfellsbæ og býr
við Varmána birti
á Facebooksíðu
íbúa í Reykja-
hverfi yfirlýsingu
þess efnis að
hann hefði
opnað hjáleið um
landareign sína
þar til viðgerðir
hafi farið fram á stígnum. Hann
hlaut mikið lof fyrir hjá nágrönnum
sínum. Á dögunum bætti hann
svo við „Nú hafa röskir starfsmenn
sveitarfélagsins opnað göngustíg-
inn.!!!! Til hamingju kæru grannar
og þakka góða kveðjur. Mér ber
reyndar ekki neitt þakklæti því á
afslalinu mínu er getið um þá kvöð
á þessu eignarlandi að þar eigi að
vera umgengnisréttur meðfram
ánni. Það má því segja að ég sé að
redda mér fyrir horn.“ Þess má geta
að stígurinn nýtur mikilla vinsælda
hjá Mosfellingum. Samkvæmt
umhverfisstjóra Mosfellsbæjar er
leiðin orðin greiðfær en verið er að
fara í varanlegri aðgerðir á svæðinu í
samráði við landeigendur.
- Bæjarblaðið í Mosfellsbæ64
Alli Rúts selur
Hótel Laxnes
Hótel Laxnes opnaði með pompi
og prakt í miðbæ Mosfellsbæjar
árið 2008. Það er athafnamaðurinn
Albert S. Rútsson sem rekið hefur
hótelið í átta ár en Alli varð sjötugur
á árinu. Hótelið er búið 26 herbergj-
um og getur tekið á móti allt að
52 næturgestum. Fasteignafélagið
Reginn hf. hefur gert tilboð í hótelið
og hyggst byggja upp öfluga hótel-
einingu á lóðinni ásamt traustum og
reyndum hótelrekstraraðila. Verði af
kaupunum er stefnt að því að upp-
færa núverandi byggingar og ráðast í
frekari uppbyggingu sem fyrst.
Allar nánari upplýsingar
www.lagafellskirkja.is
Jólalýsing í kirkjugörðum
Lágafellssóknar
Í nóvember hefst undirbúningur við uppsetningu ljósakrossa á leiði í
kirkjugörðunum. Mosraf hefur séð um þessa þjónustu í mörg ár. Til að
auðvelda uppsetningu (vegna veðurs) mun fyrirtækið hefja undirbúning
fyrr en áður. Reikna má með að krossar verðir komnir upp um miðjan
mánuðinn. Ljósin verða svo tendruð fyrsta sunnudag í aðventu eins
og áður. Allir aðstandendur hafa fengið sendar frekari upplýsingar og
greiðsluseðla. Allar nánari upplýsingar gefur: Ingibjörg B. Ingólfsdóttir
í síma 899 2747 og í gegnum netfangið: leidisljos@gmail.com
Fjárhagsáætlun fyrir árin 2017-2020 var
tekin til fyrri umræðu í bæjarstjórn síðast-
liðinn miðvikudag.
Áætlunin gerir ráð fyrir að rekstraraf-
gangur næsta árs verði 201 m.kr. Áætlað
er að framkvæmdir að frádregnum tekjum
af gatnagerðargjöldum nemi 746 millj. kr.
og að íbúum fjölgi um 3,4% milli ára. Þá er
gert ráð fyrir að tekjur nemi 9.542 millj. kr.,
gjöld fyrir fjármagnsliði nemi 8.331 millj.
kr. og fjármagnsliðir 653 m.kr.
Gert er ráð fyrir að skuldir sem hlutfall
af tekjum muni lækka og að skuldaviðmið
skv. sveitastjórnarlögum verði 106% í árs-
lok 2017 sem er töluvert fyrir neðan hið
lögbundna 150% mark skv. sveitarstjórn-
arlögum.
Þetta kemur fram í tilkynningu frá Mos-
fellsbæ.
Átak í viðhaldi varmárskóla
Stærsta einstaka framkvæmdin er bygg-
ing Helgafellsskóla en gert er ráð fyrir að
um 500 m.kr. fari í það verkefni á árinu
2017 og að fyrsti áfangi skólans verði tekinn
í notkun haustið 2018.
Einnig verður auknu fjármagni varið í
viðhald eldri húsa. Þar má nefna að sérstakt
átak verður gert í viðhaldi Varmárskóla
verði áætlunin samþykkt.
aukin þjónusta við barnafjölskyldur
Stefnt er að því að veita verulegum fjár-
munum til að auka þjónustu við börn 1-2ja
ára m.a. með því að stofnaðar verði sérstak-
ar ungbarnadeildir við leikskóla bæjarins.
Auk þessa er gert ráð fyrir því að tónlistar-
kennsla Listaskólans inni í grunnskólunum
verði efld til að fleiri nemendur eigi þess
kost að stunda tónlistarnám.
Lagt er til að grunnur frístundaávísun-
arinnar hækki um 5 þúsund krónur og að
stofnun Ungmennahúss verði veitt braut-
argengi í samstarfi við Framhaldsskóla
Mosfellsbæjar.
Fasteignagjöld lækki
Lagt er til að álagningarhlutföll fast-
eignagjalda lækki til að koma til móts við
þá auknu eignarmyndun sem átt hefur sér
stað hjá íbúum með hækkun fasteignamats.
Almennt er ekki gert ráð fyrir gjaldskrár-
hækkunum, t.a.m verða leikskólagjöld
óbreytt annað árið í röð.
Áætlunin verður nú unnin áfram og lögð
fram í fagnefndum bæjarins. Seinni um-
ræða fer fram miðvikudaginn 7. desember.
grunn- og velferðarþjónusta ofarlega
„Hugmyndir um aukna þjónustu við
yngstu börnin hefur verið okkur ofarlega
í huga í nokkurn tíma og ánægjulegt að
geta sett fram áætlun um að setja þær
hugmyndir í framkvæmd,“ segir Haraldur
Sverrisson bæjarstjóri.
„Þar verður um nokkrar leiðir að ræða og
lögð áhersla á valfrelsi. Þessi fjárhagsáætlun
ber þess merki að hagur sveitarfélaga er að
einhverju leyti að vænkast eftir mörg erfið
ár að undanförnu. Ánægjulegt er að gert er
ráð fyrir mörgum nýjum verkefnum í þess-
ari áætlun sem ekki hefur verið svigrúm
fyrir að undanförnu.
Ég legg þó áherslu á að helsta verkefni
fjárhagsáætlunar 2017 er að gera enn betur
í grunn- og velferðarþjónustu bæjarins. Því
til stuðnings má nefna að rúmlega 80% af
heildarútgjöldum Mosfellsbæjar er varið
í rekstur skólastofnana, íþrótta- og tóm-
stundamál og félagsþjónustu.“
Mosfellsbær gerir fjárhagsáætlun fyrir næstu þrjú árin
Þjónusta bætt og
skattar lækkaðir
Bæjarráð hefur vísað fjárhagsáætlun
Mosfellsbæjar fyrir árin 2017-2020
til umræðu í bæjarstjórn. Í bæjarstjórn
fara fram tvær umræður og var sú fyrri
miðvikudaginn 9. nóvember en sú seinni
verður miðvikudaginn 7. desember nk.
Bæjarstjórnarfundir eru opnir almenningi
og einnig aðgengilegir á vefnum í beinni
útsendingu og sem upptaka. Milli
umræðna er fjárhagsáætlunin lögð fram
í öllum fagnefndum bæjarins. Auk þessa
fer bæjarráð í heimsókn í allar stofnanir
Mosfellsbæjar og hittir þar stjórnendur
sem fara yfir rekstur og helstu verkefni.
Fjárhagsáætlun lögð Fram
gert er ráð fyrir því
að fasteignagjöld í
mosfellsbæ lækki
stofnað verði ungmenna-
hús í samstarfi við fmos