Morgunblaðið - 13.09.2018, Blaðsíða 4

4 MORGUNBLAÐIÐ FIMMTUDAGUR 13. SEPTEMBER 2018FRÉTTIR
Pantaðu ráðgjöf á brimborg.is
Fyrirtækjalausnir Brimborgar veita fyrirtæki þínu ráðgjöf sem tryggir
hagkvæmar, sérsniðnar heildarlausnir í bílamálum. Í boði eru yfir 500
gerðir af fólksbílum, jeppum og atvinnubílum frá 5 heimsþekktum
bílamerkjum til kaups eða leigu hjá Brimborg. Framúrskarandi
viðhalds, dekkja- og hraðþjónusta og flotastýring hjá 250 sérhæfðum
starfsmönnum Brimborgar tryggir fyrirtæki þínu hagræðingu, þægindi,
sveigjanleika og lengri uppitíma.
HAGRÆDDU. EINFALDAÐU BÍLAMÁL FYRIRTÆKISINS
HEILDARLAUSNIR Í BÍLAMÁLUM
BÍLAR ÞJÓNUSTA FLOTASTÝRING
BYGGINGARIÐNAÐUR
Hagnaður af rekstri samstæðu
Límtrés Vírnets, sem rekur verk-
smiðju til framleiðslu og sölu báru-
stáls til þak- og veggjaklæðninga,
límtrés, þak- og veggeininga, nam
73 milljónum króna á síðasta ári,
samkvæmt nýbirtum ársreikningi
félagsins. Þetta er um tvöfalt meiri
hagnaður en árið 2016, þegar fyrir-
tækið hagnaðist um 39 milljónir
króna.
Rekstrartekjur samstæðunnar á
árinu námu 3,5 milljörðum króna,
og jukust um einn milljarð króna
miðað við árið á undan. Heildar-
eignir félagsins nema nú þremur
milljörðum króna samkvæmt efna-
hagsreikningi, og jukust um rúman
milljarð milli ára. Eigið fé í árslok
er 75 milljónum króna hærra en ár-
ið á undan og nemur nú 520 millj-
ónum króna. Eiginfjárhlutfall er
17% og fjöldi starfsmanna er 105.
Hluthafar í árslok 2017 voru 23
talsins, þar af voru tveir lang-
stærstir, Stekkur fjárfestingar-
félag, sem er í eigu Kristins
Aðalsteinssonar, með 45% hlut, og
Bingo, sem er í eigu Hjörleifs Þórs
Jakobssonar og Hjördísar Ásberg,
með 35% hlut.
Sjórn félagsins leggur til að ekki
verði greiddur arður til hluthafa á
árinu 2018 vegna 2017.
Límtré Vírnet
tvöfaldar hagnað
Þeim sem eru sjálfstætt starfandi
hefur fækkað um þrjú þúsund frá
árinu 2006. Það ár voru 25 þúsund
talsins sem voru með rekstur á eigin
kennitölu og náði fjöldinn hámarki
það ár. Árið 2017 var fjöldi sjálfstætt
starfandi 22 þúsund. Þetta er á með-
al þess sem kemur fram í nýrri
skýrslu um efnahagslegt mikilvægi
lítilla og meðalstórra fyrirtækja
(LMF) í íslensku hagkerfi og unnin
var af Reykjavík Economics fyrir
Íslandsbanka. Í skýrslunni er lögð
áhersla á mikilvægi lítilla og
meðalstórra fyrirtækja (LMF), þ.e.
fyrirtæki sem hafa ársveltu frá 5-500
milljónir króna; að þau séu hryggj-
arstykki hagkerfisins, að eiginfjár-
hlutfall þeirra fari batnandi, veltan
hafi aukist og skuldir lækkað.
Rekstrarform sem var
algengara á árum áður
Spurður um þessa fækkun ein-
yrkja segir Magnús Árni Skúlason,
hagfræðingur Reykjavík Eco-
nomics, hana vera eðlilega.
„Í dag er það algengara að fólk í
rekstri sé bara með einkahlutafélag í
kringum sig. Oft hefur verið sagt að
árþúsundakynslóðin vilji flakka
meira á milli vinnuveitenda og vilji
hafa fleiri vinnuveitendur heldur en
fyrri kynslóðir. Þannig að það verði
algengara að fólk verði sjálfstætt
starfandi. T.d. hönnuðir sem vinna
hjá mörgum fyrirtækjum eða eru
lausráðnir hér og þar,“ sagði Magn-
ús við ViðskiptaMoggann en þessi
þróun virðist ekki vera í takt við það.
„En það er forvitnilegt að skoða
þetta út frá öðru. Þetta form, að hafa
rekstur á eigin kennitölu, var al-
gengt í gamla daga. T.d. voru apótek
rekin á eigin kennitölu. Nú eru þetta
allt orðin félög sem eru meira og
minna einkahlutafélög. Það var al-
gengara hér á árum áður að fólk tók
áhættuna sjálft á sig í staðinn fyrir
að nota hlutafélagsformið. Þetta er
kannski vísbending um að fólk sé
frekar með starfsemi í samlags-
félögum eða einkahlutafélögum
heldur en á eigin kennitölu,“ segir
Magnús.
Í skýrslunni er einnig minnst á
skiptingu vinnsluvirðis LMF eftir
landshlutum. „Þar sjáum við að
þessi meðalstóru og litlu fyrirtæki
eru mikilvægari á Suðurlandi, Norð-
urlandi vestra og Vestfjörðum held-
ur en t.d. í Reykjavík þar sem stóru
fyrirtækin eru. Það er vísbending
um framlag þessara fyrirtækja til
hagvaxtar. Hlutdeild þessara fyrir-
tækja á Suðurlandi er t.d. hátt í
helmingur. Það fannst okkur athygl-
isvert,“ segir Magnús en hlutfall
LMF í heildarveltu fyrirtækja á
Íslandi árið 2016 var 56%.
„Á landsbyggðinni er því ekki
bara eitt fyrirtæki sem ræður. Það
virðist vera breyting þar á, meðal
annars vegna umsvifa í ferðaþjón-
ustu. Atvinnulífið er orðið fjölbreytt-
ara úti á landi en áður,“ segir Magn-
ús.
Sjálfstætt starfandi
hefur fækkað talsvert
Pétur Hreinsson
peturhreins@mbl.is
Þeim sem eru sjálfstætt
starfandi fækkaði um þrjú
þúsund frá árinu 2006 til
2017 hér á landi. Þetta er á
meðal þess sem kemur
fram í nýrri skýrslu um lítil
og meðalstór fyrirtæki.
Morgunblaðið/Ómar
Sjálfstætt starfandi fækkaði um þrjú þúsund frá árinu 2006 til ársins 2017.
FERÐAÞJÓNUSTA
Heildarafkoma samstæðu Isavia á
fyrri helmingi ársins 2018 var já-
kvæð um 1.571 milljón króna, sam-
anborið við 1.482 milljónir á sama
tímabili á síðasta ári. Þetta kemur
fram í tilkynningu frá félaginu. Sé
horft til afkomu samstæðunnar fyrir
fjármagnsliði og skatta var afkoman
jákvæð um 2.186 milljónir króna og
jókst um 9% á milli ára. Rekstrar-
tekjur félagsins námu 19.015 millj-
ónum króna á tímabilinu sem er
2.099 milljóna króna aukning frá
sama tímabili á síðasta ári eða 12%.
„Afkoma Isavia var í megin-
atriðum í takt við áætlanir félags-
ins,“ segir Björn Óli Hauksson, for-
stjóri Isavia, í tilkynningunni.
Hann segir að ferðamönnum sem
fóru um Keflavíkurflugvöll fyrstu
sex mánuði ársins hafi fjölgað um
15,6% frá sama tímabili í fyrra. „Það
er veruleg fjölgun sem er að stærst-
um hluta tilkomin vegna fjölgunar
skiptifarþega sem er í takt við spár
Isavia. Metfjöldi farþega hefur farið
um Keflavíkurflugvöll nú í lok sum-
ars.
Eigið fé samstæðu Isavia í lok
tímabils nam tæpum 33 milljörðum
króna, og er eiginfjárhlutfall félags-
ins 43,0%.
Afkoma Isavia jákvæð
um 1,6 milljarða króna
Morgunblaðið/Árni Sæberg
Björn Óli Hauksson segir afkomu
Isavia í takt við áætlanir félagsins.