Morgunblaðið - 21.09.2018, Blaðsíða 29

FÖSTUDAGUR 21. SEPTEMBER 2018 MORGUNBLAÐIÐ 29
TANGARHÖFÐA 13
VÉLAVERKSTÆÐIÐ
Sími 577 1313 • kistufell.com
Renndu við hjá okkur í Tangarhöfða 13
Allar almennar bílaviðgerðir
Sérfræðingar í vélum
Eigum úrval af varahlutum á
góðu verði í flestar gerðir bíla
Við höfum endurnýtt og
byggt vélar og vélahluti
frá árinu 1952
V
ignir segir að byggingariðnaðurinn
hafi breyst hratt og mikið und-
anfarin ár og áratugi.
„Aðallega hafa það verið tækni-
framfarir í að létta mönnum störf-
in sem hefur munað mest um. Efni til notk-
unar við byggingar hafa líka þróast mjög
hratt til hins betra. Þannig að í dag eru all-
ar forsendur til að byggja gæðahúsnæði.
Helstu breytingarnar undanfarið eru
kannski þær að áður fyrr voru það helst iðn-
lærðir menn sem stofnuðu fyrirtæki og hófu
byggingar á húsum til sölu. Í dag eru það
svokallaðir fjárfestar sem eru mikið til að
byggja húsnæðið sem er til sölu, menn geta
svo deilt um það hvort það er af hinu góða,“
segir Vignir.
Hafa tækniframfarir mikil áhrif á bygg-
ingarbransann?
„Já, heldur betur. Það eru bara örfáir
áratugir síðan menn slitu sér út vegna erf-
iðis við iðnaðarstörf. Til dæmis var steypan
í Þjóðleikhúsið hífð með höndum og það eru
ekki nema svona 60 ár síðan. Tækni-
framfarir hafa gert störfin miklu þægilegri í
alla staði svo ég tali nú ekki um framleiðni-
aukninguna.“
Hvaða tækninýjung hefur bætt starfsum-
hverfi sem mest?
„Held það sé nú ekki endilega einhver ein
sem er best, en til að nefna eitthvað þá
myndi ég segja byggingarkraninn og
steypuhrærivélin.“
Nú er verið að þróa hugbúnað fyrir sjálf-
keyrandi bíla. Mun það líka gerast í vinnu-
vélaheiminum?
„Það mun alveg klárlega gerast þar líka,
við sjáum það bara á allri róbótavæðingunni
í verksmiðjuiðnaðinum. Sumum finnst
reyndar að tæki eins og til dæmis gröfur
séu orðnar of tæknilegar í dag, þær eru eins
og bílar, það dettur allt út ef einhver skynj-
ari blikkar og enginn getur lagað nema sér-
fræðingur. Þetta var ekki svona í gamla
daga.“
Hvaða vinnuvélar eru mikilvægastar hjá
ykkur?
„Hjá okkar fyrirtæki er byggingarkran-
inn mikilvægastur en við erum að sjálfsögðu
háðir öllum þessum tækjum, allt frá því að
við mokum fyrir húsunum þar til að við
klárum þau.“
Hvernig er venjulegur dagur hjá þér?
„Venjulegur dagur hefst á skrifstofunni á
morgnana að fara yfir pósta og skipuleggja
daginn, í framhaldinu taka við allskonar
fundir úti um allt ásamt viðkomu á verk-
stöðum þar sem þarf að sitja verkfundi og
mæta í úttektir. Dagurinn er mjög fjöl-
breyttur hjá mér þó að hann sé kannski
ekki eins og hjá týpískum iðnaðarmanni.“
Hvers vegna valdir þú þér þetta starf?
„Ég var sjö ára þegar ég ákvað að verða
einhverslags iðnaðarmaður. Ég held að ég
hafi valið mér þetta starf að því að tilfinn-
ingin að sjá eitthvað eftir sig á hverjum degi
sem er eitthvað og hægt er að koma við er
alveg frábær.“
Ætlaði alltaf
að verða
iðnaðarmaður
Vignir Steinþór Halldórsson, húsasmíðameistari og
stjórnarformaður byggingarfélagsins MótX ehf., vissi
sjö ára gamall að hann ætlaði að verða iðnaðarmaður.
Marta María | mm@mbl.is
Vignir segir að tæki
og tól hafi auðveldað
fólki mikla vinnu því
áður hafi allt verið
gert með handafli.
Vignir Steinþór
Halldórsson, stjórnar-
formaður MótX.