Morgunblaðið - 25.09.2018, Side 6
6 FRÉTTIRInnlent
MORGUNBLAÐIÐ ÞRIÐJUDAGUR 25. SEPTEMBER 2018
Tveir annmarkar voru á undirbún-
ingi íbúakosningar um skipulagsmál
í sveitarfélaginu Árborg í sumar, en
hvorugur þeirra hefði getað haft
áhrif á niðurstöður atkvæðagreiðsl-
unnar. Þetta er niðurstaða kjör-
nefndar þriggja lögfræðinga sem
sýslumaðurinn á Suðurlandi skipaði
vegna kæru tveggja íbúa sem kröfð-
ust ógildingar kosningarinnar. Kær-
unni var vísað frá.
Íbúakosningin sem fram fór 18.
ágúst var um skipulag í miðbænum á
Selfossi. Tveir íbúar í sveitarfé-
laginu, Magnús Karel Hannesson og
Aldís Sigfúsdóttir, lögðu fram kæru
til sýslumanns nokkrum dögum síð-
ar þar sem bent var á ýmsa form-
galla og annmarka á undirbúningi
og framkvæmd kosninganna. Þau
gerðu m.a. athugasemd við rangar
upplýsingar í kynningarbæklingi,
orðalag í auglýsingu um framlagn-
ingu kjörskrár og framlengdan opn-
unartíma á kjörstöðum um 65 mín-
útur.
Kjörnefndin komst að þeirri nið-
urstöðu að ágallar hefði verið á orða-
lagi í auglýsingu um framlagningu
kjörskrár og rangar upplýsingar
verið í kynningarbæklingi sveitarfé-
lagsins. Hvorugur þessara ann-
marka gæti þó hafa haft áhrif á úr-
slitin. gudmundur@mbl.is
Ógildingu íbúa-
kosningar hafnað
Teikning/Sigtún þróunarfélag
Skipulag Hugmyndin að nýjum miðbæ á Selfossi með eftirlíkingum gamalla húsa víða að hefur verið umdeild.
Annmarkar voru á framkvæmdinni
Ágúst Ingi Jónsson
aij@mbl.is
Hvalur 9 kom með tvo síðustu hvali sumarsins
í Hvalstöðina í Hvalfirði í fyrrinótt. Alls veidd-
ust 146 langreyðar, en af þeim greindust tveir
blendingar langreyðar og steypireyðar. Spurð-
ur um framhald hvalveiða næsta sumar segir
Kristján Loftsson, framkvæmdastjóri Hvals
hf., að nær sé að beina þeirri spurningu til
stjórnvalda.
Veðurspá er ekki hagstæð næstu vikuna og
því var ákveðið að láta staðar numið, en veiði-
tímabilinu hefur oft lokið um þetta leyti. Ver-
tíðin hófst 19. júní þegar Hvalur 8 fór út, en
Hvalur 9 tafðist um níu daga meðan beðið var
varahluta í stýri og skutpípu. Vertíðin stóð því
í 98 daga, en frátafir voru í 18 daga vegna
brælu.
Að sögn Kristjáns störfuðu alls um 150
manns hjá fyrirtækinu í sumar; á hvalbátunum
tveimur, í Hvalfirði og í Hafnarfirði. „Þrátt
fyrir rysjótt veður gekk vertíðin vel,“ segir
Kristján. „Hvalurinn var frekar nálægt landi
eða yfirleitt 120-130 mílur úr Hvalfirði. Mest
veiddist út af Faxaflóa og Reykjanesi og það
var mikið af hval að sjá í sumar; steypireyður,
langreyður, sandreyður, hnúfubakur og búr-
hvalur.“
Fyrirspurnir frá Vestur-Afríku
Kristján segir að margir stoppi í Hvalfirði
þegar hvalbátarnir komi að landi með hval.
Fólk fylgist með þegar hvalurinn sé dreginn
upp og skorinn – flensaður – og þeirra á meðal
hafi í sumar verið fulltrúar hvalafriðunarfólks.
„Þeir hafa verið að mynda þetta og streyma
víða um heim í allt sumar,“ segir Kristján. „Ég
hef fengið fyrirspurnir frá Vestur-Afríku þar
sem fólk líður víða vegna hungurs, en stórir
hvalastofnar eru úti fyrir ströndunum.
Þeir sem hafa álpast inn á þessar síður hafa
séð hversu mikið af kjöti er á þessum dýrum
og hafa leitað til mín um upplýsingar um hvað
þurfi að gera til að geta byrjað að veiða hval.
Ég hef sagt þeim að ég geti hjálpað þeim að
komast af stað þannig að þessar myndir virð-
ast hvetja til hvalveiða.“
Morgunblaðið/Árni Sæberg
Vertíð lokið Hvalur 9 bundinn við landfestar til vetursetu í gær. Vertíðin stóð í 98 daga, en frátafir voru í 18 daga vegna brælu. Mest veiddist út af Faxaflóa og Reykjanesi.
Alls veiddust 146 hvalir á 98 daga vertíð
Agnes Bragadóttir
agnes@mbl.is
Helgi Bjarnason, forstjóri VÍS, segir
að VÍS sé að sameina skrifstofur í 6
öflugar skrifstofur víðs vegar um
landið. VÍS horfi á landið sem eina
heild og skipuleggi þjónustuna út frá
því þannig að hún sé samræmd og
óháð búsetu. „Þetta er stórt skref en
við erum að vinna út frá þessari
ákvörðun,“ sagði Helgi í samtali við
Morgunblaðið.
Hörð viðbrögð hafa verið við þess-
ari ákvörðun. Landssamband ís-
lenskra verzlunarmanna krafðist
þess í gær að hún
yrði endurskoð-
uð. Þá samþykkti
bæjarráð Fjarða-
byggðar í gær
bókun, þar sem
kemur fram að
samningar sveit-
arfélagsins við
VÍS, sem renna
út um áramótin,
verði ekki fram-
lengdir í ljósi skerðingar á þjónustu
VÍS.
„Öll svæði eru okkur mikilvæg en
við ákvörðun um staðsetningu skrif-
stofa horfðum við til margra þátta,
við erum t.a.m. að sameina skrif-
stofur sem heyra undir sama at-
vinnusvæði. Viðskiptavinir okkar
munu áfram geta, í flestum tilfellum,
leitað til þeirra starfsmanna sem
þeir hafa verið í samskiptum við þar
sem starfsmönnum okkar, þar sem
það er landfræðilega mögulegt, hef-
ur boðist áframhaldandi starf hjá fé-
laginu,“ sagði Helgi.
Eftirspurn fari vaxandi
Helgi segir að starfsmenn VÍS sjái
skýr merki um að viðskiptavinir fé-
lagsins vilji í síauknum mæli nota
stafrænar leiðir til að eiga samskipti
við félagið, t.a.m. í gegnum vefinn,
mitt vís, tölvupóst, netspjall og síma.
„Okkar trú er að sú eftirspurn fari
vaxandi. Við erum því að einbeita
okkur enn frekar að því að þróa og
setja í loftið stafrænar lausnir sem
einfalda þjónustuna og gera hana að-
gengilegri fyrir viðskiptavini okkar,
hvar á landinu sem þeir búa. Síðustu
ár hefur orðið gríðarleg aukning í
t.a.m. innsendum tölvupósti og sím-
tölum til okkar. Við erum að leggja
megináherslu á að bæta þá þjónustu
og gera hana samræmda yfir landið í
heild,“ sagði Helgi.
Spurður um það hvort margir
hefðu hætt viðskiptum sínum við
VÍS vegna sameiningaráformanna,
sem eiga að taka gildi um næstu
mánaðamót, sagði Helgi of snemmt
að segja til um það. „En við höfum
auðvitað orðið vör við þá umræðu.
Við vonum og trúum að þeir við-
skiptavinir sem hafa verið hjá okkur
til margra ára og verið í samskiptum
við starfsmenn okkar muni áfram sjá
hag sinn í því að halda því áfram. Við
trúum því líka að viðskiptavinir okk-
ar muni í síauknum mæli sækja í
stafræna þjónustu og þar ætlum við
að vera í fararbroddi.“
VÍS horfi á landið sem eina heild
Félagið sameini til að mynda skrifstofur sem heyri undir sama atvinnusvæði „Þetta er stórt
skref en við erum að vinna út frá þessari ákvörðun,“ segir Helgi Bjarnason, forstjóri VÍS
Helgi
Bjarnason