Morgunblaðið - 19.10.2018, Side 9

FRÉTTIR 9Innlent
MORGUNBLAÐIÐ FÖSTUDAGUR 19. OKTÓBER 2018
Rauðager
ði 25 · 108 Reykjavík · Sími 440 1800 · kaelitaekni.is
Okkar þekking nýtist þér
Kæli- &
frystiklefar
og allt tilheyrandiHurðirHillur
Strimlahurðir
Kæli- & frysti-
kerfi
Blásarar &
eimsvalar
Læsingar, lamir,
öryggiskerfi ofl.
Áratuga reynsla og þekking
AVS rannsóknasjóður hefur að markmiði að styrkja verkefni, sem stuðla að auknu verðmæti
íslensks sjávarfangs og styrkja samkeppnishæfni íslensks sjávarútvegs og fiskeldis. Sjóðurinn
auglýsir nú eftir umsóknum í verkefni 2019 með þetta að markmiði. Skilafrestur umsókna er
til kl. 20, 1. desember 2018. Umsóknum ber að skila rafrænt á netfangið avs@byggdastofnun.
is og bréflega á póstfangið Byggðastofnun v/AVS rannsóknasjóður í sjávarútvegi, Ártorgi 1,
550 Sauðárkrókur. Vakin er athygli á því að umsóknum þarf bæði að skila rafrænt og bréflega.
Styrkir sem sjóðurinn veitir
falla undir tvo flokka:
a. Styrkir til rannsókna- og þróunarverkefna
Styrkir til afmarkaðra rannsókna- og/eða þróunar-
verkefna, sem falla að markmiðum sjóðsins. Veittur
er styrkur til eins árs í senn og skal í umsókn gera
grein fyrir verkþáttum og fjármögnun. Hver styrkur
getur numið allt að tólf milljónum króna.
Hægt er að sækja um styrki til umfangsmeiri verk-
efna (framhaldsverkefna), sem unnin eru á lengri
tíma, eða allt að þremur árum, en sækja þarf um
styrk á hverju ári. Hafi verkefnið áður verið styrkt,
þarf að gera grein fyrir framvindu þess áður en
styrkumsókn er afgreidd.
b. Smá- eða forverkefni
Hægt er að sækja um styrki til smærri verkefna eða
til að undirbúa stærri verkefni á sviði rannsókna
og/eða þróunar. Styrkupphæð getur numið allt að
þremur milljónum króna og skal verkefnið unnið
innan tólf mánaða.
Um alla styrki gildir að framlag
sjóðsins má ekki fara fram
yfir 50% af heildarkostnaði og
sjóðurinn tekur ekki þátt í að
styrkja fjárfestingar
Nánari upplýsingar og
umsóknarblað er að finna á
heimasíðu sjóðsins www.avs.is
AVS rannsóknasjóður í sjávarútvegi ∙ Ártorgi 1 ∙ 550 Sauðárkrókur ∙ sími 455 5400 ∙ www.avs.is
AVS rannsóknasjóður í sjávarútvegi
starfar á vegum Atvinnuvega- og
nýsköpunarráðuneytis
AVS rannsóknasjóður í sjávarútvegi
auglýsir eftir umsóknum
Ekkert varð af fundi fulltrúa sam-
göngu- og sveitarstjórnarráðuneyt-
isins með umhverfis- og samgöngu-
nefnd Alþingis sem átti að fara fram
í gærmorgun. Á fundinum átti að
ræða málefni Samgöngustofu og
áfangaskýrslu starfshóps um starfs-
hætti hennar.
Eins og fram hefur komið í
Morgunblaðinu var sett fram alvar-
leg gagnrýni á störf Samgöngustofu
í skýrslunni sem skilað var í október
2017. Athygli hefur vakið að tilteknir
hlutar skýrslunnar voru afmáðir
þegar hún var send fjölmiðlum.
Staðhæft var að frekari vinna væri
fyrirhuguð við málefnið en lítið hef-
ur farið fyrir þeirri vinnu.
Samkvæmt upplýsingum frá
Bergþóri Ólasyni, formanni nefnd-
arinnar, afboðaði fulltrúi ráðuneyt-
isins komu sína. „Því miður baðst
ráðuneytið undan því að mæta á
fund nefndarinnar. Við reiknum með
því að geta kallað fulltrúa ráðuneyt-
isins á fund í næstu viku í staðinn,“
segir Bergþór. hdm@mbl.is
Fulltrúi ráðuneytis afboðaði sig
 Aflýsa varð fundi um málefni Samgöngustofu í gær
„Það væri best ef við þyrftum ekki
að halda svona ráðstefnur og efna til
vitundarvakningar um heimilis-
ofbeldi,“ sagði Katrín Jakobsdóttir
forsætisráðherra á ráðstefnunni
„Gerum betur“ á Hótel Natura í
gær. Umfjöllunarefni ráðstefnunnar
voru áhrifaríkar aðferðir og helstu
hindranir í vinnu með heimilis-
ofbeldismál.
Katrín benti á að lögreglu hefðu
borist 890 tilkynningar vegna heim-
ilisofbeldis í fyrra. „Heimilið á að
vera griðastaður, ekki staður ofbeld-
is og kúgunar,“ sagði Katrín.
Verkefnið tengt ráðstefnunni kall-
ast „Byggjum brýr – brjótum múra“
en forsætisráðherra benti á að eitt af
markmiðum verkefnisins væri að
fjölga tilkynningum heimilisofbeldis
til lögreglu. Með því væri hægt að
koma málunum upp á yfirborðið.
Forgangsmál ríkisstjórnar
Katrín sagði að ofbeldi gegn kon-
um væri orsök eða afleiðing kynja-
misréttis. Samfélagið þurfi að takast
á við þetta misrétti í öllum sínum
birtingarmyndum.
„Ég er ánægð með að jafnréttis-
mál eru ein af forgangsmálum þess-
arar ríkisstjórnar,“ sagði Katrín og
bætti við að hún hefði lagt til við Al-
þingi að jafnréttismál yrðu flutt í
forsætisráðuneytið. Með því yrði
hægt að efla málaflokkinn þvert á
ráðuneyti og minnka óþarfa flækjur.
Meðal ræðumanna á málþinginu
var Halldóra Gunnarsdóttir, verk-
efnastjóri hjá Mannréttinda-
skrifstofu Reykjavíkurborgar. Hún
sagði að áhrif heimilisofbeldis á börn
væru þau sömu og ef börnin yrðu
sjálf fyrir ofbeldi. Halldóra rakti
hver staðan væri í borginni í málum
tengdum heimilisofbeldi. Verkefninu
„Saman gegn ofbeldi“ var hrint af
stað árið 2014 en við það breyttist
verklag og tilkynningum um heim-
ilisofbeldi hefur fjölgað úr 208 árið
2014 í Reykjavík í 451 tilkynningu í
fyrra.
Vinnubrögð batnað
Þegar hringt er í 112 vegna heim-
ilisofbeldis kemur lögregla og ráð-
gjafar handa brotaþola á staðinn. Ef
barn er á staðnum kemur einnig
starfsmaður barnaverndar. Málum
er fylgt eftir með viðeigandi aðstoð
fyrir brotaþola og gerandi er hvatt-
ur til að sækja sér meðferð.
Áður segir Halldóra að lögregla
hafi komið ein þegar hringt var í 112
og hún segir að vinnubrögð séu mun
betri núna. Hún telur að útköllum
hafi fjölgað af tveimur ástæðum.
Annars vegar vegna þess að þol-
endur hafi trú á verkefninu „Saman
gegn ofbeldi“ og vegna þess að lög-
regla skrái nú öll heimilisofbeldis-
mál sem slík. Áður hafi þau stundum
verið skráð sem „ágreiningur“.
Halldóra lagði áherslu á að fólk
ætti ekki að vera fast í einhverjum
fyrirframákveðnum hugmyndum
þegar talað væri um heimilisofbeldi.
„Það er milli tengdra og skyldra.
Getur verið barn að beita foreldri of-
beldi eða foreldri gegn barni,“ sagði
Halldóra og bætti við að það væri
ekki eingöngu karl gegn konu.
Hún sagði að reynsla nýja verk-
lagsins í Reykjavík skilaði árangri
og þeir sem hefðu samanburðinn,
brotaþolar, væru ánægðir með nýju
áherslurnar. „Það er leiðinlegt að
segja þetta en lögregla þarf allt of
oft að koma oftar en einu sinni og
oftar en tvisvar á sama staðinn.“
Morgunblaðið/Hari
Heimilisofbeldi „Best væri ef við þyrftum ekki að halda svona ráðstefnur,“
sagði Katrín Jakobsdóttir forsætisráðherra í gær.
Heimilið sé ekki
staður ofbeldis
 Tilkynningum um slíkt ofbeldi fjölgað
„Stórsókn er hafin af hálfu verka-
lýðshreyfingarinnar í baráttu fyrir
hækkun lágmarkslauna,“ sagði Örn
Pálsson, framkvæmdastjóri Lands-
sambands smábátaeigenda, í ræðu á
aðalfundi í gær. Á sama tíma og
krafan væri krónutöluhækkun upp á
42%, úr 300 þúsund krónum í 425
þúsund, væri staðreyndin sú að þeg-
ar LS undirritaði kjarasamning
2015, sem tryggði 300 þúsund króna
lágmarkslaun, hafi meðalverð á
þorski verið 304 krónur fyrir kíló.
Fyrstu níu mánuðina í ár hafi kíló af
þorski hins vegar skilað 244
krónum.
Örn varaði við togveiðum á hefð-
bundnum veiðisvæðum smábáta og
að svæði sem hefði verið friðað í ára-
tugi fyrir togveiðum yrði minnkað.
„Er ef til vill hafin rýmingaráætlun
fyrir tug togveiðiskipa styttri en 29
metrar til veiða á grunnslóðinni?
Hvað er til ráða? Ég hef margsinnis
velt því fyrir mér hvort komin sé
upp sú staða að smábátaeigendur
leiti beint eftir stuðningi frá almenn-
ingi til aðstoðar við að verja sín hefð-
bundnu fiskimið,“ sagði Örn m.a.
Hann sagði að þrátt fyrir bágt
ástand humarstofnsins hefði stækk-
un humarskipa verið heimiluð og
takmarkanir á veiðitíma verið rýmk-
aðar. Örn sagði að LS legði til að
humarinn yrði veiddur í gildrur af
smábátum meðan verið væri að
koma honum aftur á legg.
Þá sagði hann að lúðan væri að
braggast og bann við veiðum hefði
líklega eitthvað haft um það að
segja. Hún kæmi í auknum mæli
sem meðafli á línu og miðað við frá-
sagnir sjómanna væri full ástæða til
að heimila löndun á lúðu sem fengist
sem meðafli við krókaveiðar.
aij@mbl.is
Lægra þorskverð en
krafa um hærri laun
 Varað við togveiðum á svæðum smábáta