Morgunblaðið - 19.10.2018, Blaðsíða 10

10 FRÉTTIRInnlent
MORGUNBLAÐIÐ FÖSTUDAGUR 19. OKTÓBER 2018
Við látum framtíðina rætast.
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ · BVA Egilsstöðum
www.volkswagen.is
Touareg Offroad.
3.0 TDI V6.
Verð 9.290.000 kr.
T- Roc.
Fjórhjóladrifinn
og sjálfskiptur.
Verð 4.590.00 kr.
Fjórhjóladrifna fjölskyldan.
Tiguan Allspace.
7 manna og rúmgóður.
Verð 7.635.000 kr.
Tilboðsverð 6.990.000 kr.
Tiguan Offroad.
Fjórhjóladrifinn og sjálfskiptur.
Verð 5.790.000 kr.
Tilboðsverð 4.990.000 kr.
Í flokki stærri jeppa Í flokki jepplinga Í flokki minni jeppa Í flokki jepplinga
Kristján H. Johannessen
khj@mbl.is
Landhelgisgæsla Íslands (LHG) hef-
ur ákveðið að taka á móti tveimur ný-
legum leiguþyrlum á næsta ári. Þyrl-
urnar koma frá Noregi og eru af
gerðinni Airbus H225 Super Puma,
en stefnt er að því að taka þær í notk-
un á vormánuðum. Fyrri þyrlan
kemur að líkindum hingað til lands
strax í febrúar.
Þetta staðfestir
Sigurður Heiðar
Wiium, yfirflug-
stjóri hjá Land-
helgisgæslu Ís-
lands, við
Morgunblaðið.
„Eigandi vél-
anna tveggja sem
við leigjum í dag
bauð okkur þess-
ar þyrlur, sem
eru mun nýrri og fullkomnari, í stað-
inn fyrir hinar og við höfum þegið
það. Þessar nýju þyrlur munu því
koma inn í sama leigusamning og
gildir um hinar eldri,“ segir Sigurður
Heiðar og bætir við að fulltrúar
Landhelgisgæslunnar hafi þegar
skoðað umræddar þyrlur og rætt við
fjölmarga sérfræðinga og tækni-
menn um þær. „Það er nú þegar
byrjað að þjálfa tæknifólk og búið að
staðfesta þjálfun flugmanna. Við er-
um því langt á veg komnir í þessu
ferli og stefnt er að því að þyrlurnar
verði komnar hingað til lands í vor,“
bætir hann við, en rétt er að taka
fram að koma þessara þyrlna hefur
engin áhrif á áform Landhelgisgæsl-
unnar um kaup á nýjum björgunar-
þyrlum. Áætlað er að LHG fái nýjar
þyrlur afhentar á árunum 2021-2023.
Stórt skref inn í nútímann
Landhelgisgæslan hefur yfir að
ráða þremur þyrlum af gerðinni
Aerospatiale Super Puma AS-332L1.
Er um að ræða þyrlurnar TF-GNA,
árgerð 2001, TF-SYN, árgerð 1992,
og TF-LIF, árgerð 1987. Þær þyrlur
sem skipt verður út eru TF-GNA og
TF-SYN, en TF-LIF er í eigu LHG.
Sigurður Heiðar segir nýju leigu-
þyrlurnar, sem eru frá árinu 2010,
hjálpa Landhelgisgæslunni að stíga
mun fyrr inn í framtíðina en upphaf-
legar áætlanir gerðu ráð fyrir.
Þyrlur þessar geri rekstur þyrlu-
sveitarinnar nútímalegri, bæði hvað
varðar viðhald og notkun.
„Þær þyrlur sem við erum að fá
eru nýjasta tegund fjölskyldu Super
Puma. Þær eru byggðar á sama
grunni og hinar eldri, en eru bæði að-
eins þyngri og lengri,“ segir Sigurð-
ur Heiðar og bætir við að nýju leigu-
þyrlurnar hafi einnig öflugri mótor
sem geri þær meðal annars hrað-
fleygari en forverana. Segir hann
nýju þyrlurnar verða með um 50%
meiri drægni en þær sem skipt verð-
ur út og um 20-30% meira flugþol. Þá
eru þær um 15% hraðfleygari en
gömlu vélarnar og með meiri af-
kastagetu í farflugi svo fátt eitt sé
nefnt. „Í fljótu máli má segja að þess-
ar þyrlur séu mun öflugri en þær
sem við erum með núna,“ segir Sig-
urður Heiðar og bendir á að nýju
tækin hafi einnig betra vinnurými
fyrir áhöfn og betra björgunarspil en
þyrlan TF-SYN hefur yfir að ráða.
Úreldast hratt að óbreyttu
„Það má ekki gleyma því að bún-
aðurinn í núverandi þyrlum er orðinn
mjög gamall og á ég þá einkum við
samskipta- og leiðsögubúnað. Í ljósi
þeirra öru breytinga sem eiga sér
stað í flugheiminum í dag erum við
hreinlega að verða úreltir hvað þessa
tækni varðar. Nýju vélarnar uppfylla
hins vegar öll skilyrði til sjón- og
blindflugs á meðan TF-GNA og TF-
SYN eru með mjög gamlan búnað
sem þyrfti að uppfæra með tilheyr-
andi kostnaði og tíma til að uppfylla
öryggiskröfur,“ segir Sigurður
Heiðar.
Nýju leiguþyrlurnar eru sem fyrr
segir lengri en þær gömlu, eða því
sem nemur 70 sentímetrum. Þær eru
hins vegar jafn breiðar og háar, en
vinnuaðstaða fyrir áhöfnina er þægi-
legri en í eldri gerðum. „Það er betra
aðgengi í geymslurými sem finna má
aftast í vélinni og einnig fyrir þyrlu-
lækninn því um borð verða meðal
annars nýrri sjúkrabörur. Í raun má
segja að þetta sé nýr tími fyrir alla
sem vinna um borð í þyrlunum,“
segir Sigurður Heiðar og bendir á að
flugmenn muni einnig finna talsverð-
an mun. „Sjálfstýring nýju vélanna
er ein sú besta sem völ er á, mun
betri en sjálfstýringin sem við höfum
í dag. Á þetta sérstaklega við þegar
kemur að björgunarflugi við erfið
skilyrði og krefjandi aðstæður.“
Brugðist var við í kjölfar slyss
Airbus H225 Super Puma eru
sagðar vera með fullkomnustu leitar-
og björgunarþyrlum sem völ er á í
heiminum í dag. Eru alls um 270
þyrlur þessarar gerðar í notkun í 30
löndum.
Talsvert var fjallað um H225
Super Puma eftir að ein slík hrapaði
við Turøy í Noregi 29. apríl 2016.
Með henni fórust 13 manns. Aðal-
spaðabúnaðurinn losnaði af þyrlunni
á flugi og þeyttist áfram á meðan
hinn hluti þyrlunnar féll stjórnlaust
til jarðar. Talið er að slysið við Turøy
og fleiri slys þyrlna Super Puma
megi rekja til bilunar í gírkassa.
Sigurður Heiðar segir framleið-
anda þyrlanna hafa ráðist í umfangs-
miklar endurbætur á þeim auk þess
sem viðhaldskröfur tengdar gírkass-
anum hafi verið hertar til muna.
„Við höfum skoðað þetta allt sam-
an mjög vel, enda ákveðum við ekki
að taka á móti nýjum þyrlum í flýti.
Samkvæmt þeirri rannsókn sem átti
sér stað í kjölfar slyssins 2016 hefur
framleiðandi farið í ákveðnar aðgerð-
ir og brugðist við þeim tilmælum sem
komu fram. Við trúum því að þessar
vélar séu öruggar, meðal annars í
ljósi þess búnaðar og þeirrar tækni
sem um borð er,“ segir hann og
bendir á að H225 Super Puma upp-
fyllir allar kröfur Flugöryggisstofn-
unar Evrópu (EASA) og annarra
flugmálayfirvalda í heiminum.
„Við hjá Landhelgisgæslunni er-
um þess fullviss að þessar nýju þyrl-
ur muni auka mjög öryggi starfs-
manna okkar og getu á öllum
sviðum,“ segir hann enn fremur.
LHG fær björgunarþyrlur í vor
 Landhelgisgæsla Íslands hefur ákveðið að taka á móti tveimur nýlegum leiguþyrlum frá Noregi
 Þyrlurnar eru þær nýjustu úr fjölskyldu Super Puma  Lengri, öflugri og tæknilegri en þær gömlu
Morgunblaðið/Árni Sæberg
Jálkur Núverandi þyrlur Landhelgisgæslunnar eru komnar til ára sinna og eru vonir bundnar við yngri tæki.
Ljósmynd/Landhelgisgæsla Íslands
Á leiðinni Sú þyrla sem hér sést er önnur tveggja sem Landhelgisgæslan
mun fá á nýju ári, en þyrlurnar eru af gerðinni Airbus H225 Super Puma.
Sigurður Heiðar
Wiium