Morgunblaðið - 06.11.2018, Síða 33

VIÐTAL
Helgi Snær Sigurðsson
helgisnaer@mbl.is
Tónlistarhátíðin Iceland Airwaves
hefst á morgun, miðvikudag, og
einn af föstum liðum hennar á
undanförnum þremur árum hefur
verið ráðstefna um tónlist og ýmis-
legt tengt tónlistarbransanum. Slík
ráðstefna fer nú fram í fjórða sinn
á Centerhotel Plaza, Aðalstræti 4-6,
og er skipulögð af Útflutnings-
miðstöð íslenskrar tónlistar,
ÚTÓN.
Framkvæmdastjóri hennar, Sig-
tryggur Baldursson, segir að lær-
dómur hafi verið dreginn af hverri
ráðstefnu og
reynt að betrum-
bæta hana í
hvert sinn.
„Þetta er að
verða fókuser-
aðra, við erum að
læra hægt og ró-
lega eftir hverju
íslenski geirinn
sækist, hvar
hann tengir við
þetta. Það hefur
verið erfitt að draga íslenska tón-
listarmenn á fyrirlestra, pallborð
og svoleiðis af því að fólk er svo
upptekið,“ segir Sigtryggur. Þetta
sé þó að breytast hægt og bítandi
og þeim hátíðargestum fari fjölg-
andi sem starfi í tónlistargeiranum
en séu ekki tónlistarmenn. Nefnir
hann sem dæmi umboðsmenn ís-
lenskra tónlistarmanna.
Fjölbreytt flóra
Fjölmargar pallborðsumræður
fara fram á föstudaginn, 9. nóvem-
ber, og er aðgangur að þeim
ókeypis. Ef aðsókn verður mjög
mikil hafa armbandseigendur hins
vegar forgang, þ.e. þeir sem keyptu
sér aðgang að hátíðinni.
Umræður og fyrirlestrar hefjast
kl. 12, lýkur kl. 17 og eru umfjöll-
unarefnin af ýmsum toga. Má
nefna kynferðislega áreitni í garð
kvenna á tónlistarhátíðum, breyt-
ingar á umfjöllun um tónlist í fjöl-
miðlum og á netinu og aðferðir sem
tónlistarmenn beita til að ná at-
hygli fólks. Þessir tveir dagskrár-
liðir heita upp á ensku Druslugang-
an: Combating Sexual Harassment
and Violence at Music Festivals og
The Changing Tides of Music and
Media.
David Fricke, tónlistarblaðamað-
ur og -gagnrýnandi hjá tímaritinu
Rolling Stone, sækir The Changing
Tide of Music and Media. Sigtrygg-
ur segir hugmyndina að þessum
pallborðsumræðum hafa fæðst á
fundi þeirra Frickes í Bandaríkj-
unum í haust. „Það eru stöðugar
breytingar í gangi og við vorum t.d.
að ræða breytt hlutverk Rolling
Stone-tímaritsins. NME er dottið
út af markaði sem prentmiðill en
það eru hins vegar aktífir net-
miðlar og flóran hefur aukist svo
gífurlega og fúnksjónin, í rauninni.
Þetta er svo fróðlegt líka og við
fáum fólk til að ræða þetta,“ segir
Sigtryggur. Auk Frickes verða m.a.
í pallborðinu Jen Long frá vefnum
Line of Best Fit og Jochen Over-
beck sem skrifar fyrir þýska vefinn
Musikexpress. Í umræðunum munu
hinir sérfróðu gestir fjalla um
hvernig tónlistarlandslagið er að
breytast og velta fyrir sér hvernig
það verður í framtíðinni.
43% kvenkyns hátíðargesta
hafa orðið fyrir áreitni
Iceland Airwaves sendi frá sér
tilkynningu í gær um samstarf há-
tíðarinnar við Druslugönguna í ár
sem felst í því að öryggisstarfsfólk
hátíðarinnar mun fá leiðbeiningar
hjá Hrönn Stefánsdóttur, hjúkrun-
arfræðingi og yfirmanni neyðar-
móttöku fyrir þolendur kynferðis-
ofbeldis, um hvernig best sé að
bregðast við þegar hátíðargestur
verður fyrir kynferðislegri áreitni
eða ofbeldi. Sérstök veggspjöld
verða sett inn á öll salerni á tón-
leikastöðum hátíðarinnar til að
fræða fólk um hvað er til ráða þeg-
ar það verður fyrir áreitni, segir í
tilkynningunni og einnig er þar
minnst á fyrrnefndar pallborðs-
umræður Druslugöngunnar. Verður
í þeim farið yfir samstarfið, hvað
tónleikahaldarar og tónleikagestir
geti gert til þess að standa með
þolendum áreitni og ofbeldis og
hvernig hægt sé að sporna við
slíkri hegðun. Þá eru hátíðargestir
hvattir til að vera vakandi, gæta
hver annars og láta gæslu vita ef
eitthvað virðist ekki vera í lagi,
eins og það er orðað. Áreitni og of-
beldi af öllu tagi verði ekki liðið á
hátíðinni og gestir hennar eigi rétt
á að skemmta sér án þess að verða
fyrir áreitni eða ofbeldi. Einnig
kemur fram í tilkynningunni að ný-
leg bresk rannsókn hafi leitt í ljós
að um 43% kvenkyns tónleikagesta
hafi upplifað kynferðislegt áreitni á
tónlistarhátíðum. Er það sláandi há
tala.
Ný leið í verðmætaflutningi
Af öðrum umræðuefnum má
nefna sk. blockchain-tækni sem í
svari á Vísindavefnum er kölluð
grunnkeðja. „Heiðar Karlsson
[forstöðumaður viðskiptaþróunar
Advania, innsk. blm.] hefur verið að
útskýra þetta fyrir fólki og er svo-
lítið í framlínu fyrir þetta hér á Ís-
landi. Jakob Frímann hefur verið
að kynna sér þetta líka, bæði fyrir
STEF og í öðru samhengi,“ segir
Sigtryggur og bætir við að block-
chain sé ákveðin leið til að vinna úr
gögnum. „Ég veit að höfundarrétt-
arsamtök eru spennt fyrir þessu og
tónlistarkonan Imogen Heap hefur
talað fyrir þessu og hún tekur þátt
í umræðunum á Skype,“ segir Sig-
tryggur. Blockchain snúist, í ein-
földuðu máli, um utanumhald
gagna.
Sigtryggur tekur fram að hans
þekking á blockchain-tækninni sé í
raun lítil og brotakennd og því sé
hann mjög spenntur fyrir þessum
tilteknu umræðum en meðal þeirra
sem taka þátt í þeim eru Heap,
Jakob Frímann Magnússon og
Heiðar Karlsson og umræðunum
stýrir Thomas Golubic, formaður
bandarísku samtakanna The Guild
of Music Supervisors.
Nýjung hjá Spotify
Miklar breytingar hafa orðið á
undanförnum árum í sölu og dreif-
ingu á tónlist með tilkomu
streymisveitna á borð við Spotify.
Sala á geisladiskum hefur dregist
saman ár frá ári og notkun á
streymisveitum færst í aukana. Þó
nokkuð hefur verið fjallað um
hversu lítið tónlistarmenn, flytj-
endur og höfundar tónlistarinnar fá
í sinn hlut frá slíkum veitum en
Sigtryggur segir að Spotify sé nú
að kynna til sögunnar nýjung í
þjónustu sinni, Spotify Artist Tool,
sem fjallað verði um á ráðstefn-
unni.
„Þeir eru að breyta svolítið leik-
reglunum, listamönnunum í vil,“
segir Sigtryggur um ráðamenn hjá
Spotify. Hann sé afar forvitinn um
þessa nýjung. „Þegar artistar setja
lög sín sjálfir inn á Spotify fá þeir
mun stærri prósentu, fá alla pró-
sentuna til sín, þannig að þetta
Spotify Artist Tool sem á að fara
að kynna hérna er Spotify að setja
fram til að breyta svolítið leik-
reglunum,“ útskýrir Sigtryggur.
Forvitnilegt verði að heyra hvernig
Spotify sjái þetta fyrir sér, hvert
fyrirkomulagið verði á þessari nýju
þjónustu.
Sprenging í sölu á tónlist
fyrir þætti og kvikmyndir
Áður var minnst á Thomas Golu-
bic, formann samtakanna The Guild
of Music Supervisors, sem sækja
mun ráðstefnuna og eru fleiri koll-
egar hans væntanlegir, svokallaðir
„music supervisors“ sem blaðamað-
ur á erfitt með að þýða yfir á ís-
lensku. Starf þeirra felst í vali og
kaupum á tónlist fyrir myndefni,
kvikmyndir og sjónvarpsþætti m.a.
en slík sala á tónlist hefur stórauk-
ist á undanförnum fjórum til fimm
árum, í takt við aukið framboð á
kvikmyndum og sjónvarpsefni, og
aukið tekjumöguleika tónlistar-
manna. „Þess vegna eru allir þessir
„music supervisorar“ að koma
hingað, fólk sem er að kaupa tónlist
fyrir hvers konar myndefni,“ út-
skýrir Sigtryggur en af þeim má
nefna Jackie Shuman sem starfar
fyrir Netflix. „Það hefur verið
gígantískur vöxtur í framleiðslu
myndefnis á síðustu árum með allri
þessari stafrænu dreifingu,“ bætir
Sigtryggur við.
Tekið upp á Íslandi
Sigtryggur segir fleira á prjón-
unum hjá ÚTÓN sem ekki sé sjá-
anlegt á ráðstefnunni. „Við erum
t.d. að taka inn tvö ný verkefni hér
hjá ÚTÓN; kynningu á íslenskum
upptökustúdíóum fyrir erlenda að-
ila, verkefni sem heitir Record in
Iceland – við fengum atvinnu- og
nýsköpunarráðuneytið til að fram-
lengja 25% endurgreiðslusystemið
fyrir kvikmyndir yfir á tónlistar-
upptökur líka – og erum að fara að
kynna það alþjóðlega á næsta ári.
Svo erum við líka að vinna í verk-
efni með Reykjavík tónlistarborg
og Iceland Startups sem miðar að
því að styðja við ný lítil fyrirtæki
sem eru að vinna í markaðs-
setningu og dreifingu á tónlist frá
Íslandi, eru að reyna að halda
meiri verðmætum í landi,“ segir
Sigtryggur. „Það hefur verið að
gerast hægt og rólega á síðustu ár-
um í sambandi við lítil umboðsfyrir-
tæki sem eru komin í gang og eru
að hjálpa tónlistarmönnum að gefa
sjálfir út og kynna tónlistina sína.“
Stöðugar breytingar
 Kynferðisleg áreitni á tónlistarhátíðum og breytingar á tónlistarumfjöllun eru meðal umræðuefna
á ráðstefnu Iceland Airwaves sem ÚTÓN skipuleggur  Hátíðin hefst á morgun í miðborginni
Morgunblaðið/Eggert
Tónlistarveisla Iceland Airwaves hefst á morgun. Hinar kraftmiklu Reykjavíkurdætur komu fram á hátíðinni í
fyrra þegar þessi ljósmynd var tekin og endurtaka leikinn annað kvöld kl. 22 í Listasafni Reykjavíkur í Hafnarhúsi.
Sigtryggur
Baldursson
Frekari upplýsingar um hátíðina
og ráðstefnuna má finna á ice-
landairwaves.is og uton.is.
MENNING 33
MORGUNBLAÐIÐ ÞRIÐJUDAGUR 6. NÓVEMBER 2018
ICQC 2018-20
Meira til skiptanna