Morgunblaðið - 20.11.2018, Blaðsíða 12

12 DAGLEGT LÍF
MORGUNBLAÐIÐ ÞRIÐJUDAGUR 20. NÓVEMBER 2018
Kristín Heiða Kristinsdóttir
khk@mbl.is
Jekaterina er óskaplegaheilluð af þessari hunda-tegund, yorkshire terrier,og hana hafði lengi dreymt
um að eignast slíkan stórmeistara.
Hún greip því tækifærið þegar
okkur bauðst eins árs hvolpur frá
Lettlandi fyrir þremur árum úr
stórri hundaræktun í Riga, sem
kallast Rigair. Við keyptum hvolp-
inn og fluttum hann inn og sjáum
ekki eftir því,“ segir German
Khlopin, tónlistarkennari í
Reykjanesbæ, en umræddur hund-
ur, Rigair Harry Poter, er í eigu
konu hans, Jekaterinu Filipovu
hundaræktanda og hundaþjálfara,
en hann er fyrsti yorkshire terrier
hundurinn á Íslandi sem hefur
landað fimm meistaratitlum í röð
á Norðurlöndunum, einum í
hverju landi, Svíðjóð, Finnlandi,
Noregi og Dannmörku, sem og Ís-
landi. Og auk þess landaði hann
Norðurlanda-meistaratitli (Absolut
Scandinavian Champion).
„Þetta var mjög sætur sigur,
því samfélag þeirra sem rækta og
keppa með yorkshire terrier
hunda hér á Íslandi er lítið sam-
félag. Við erum fulltrúar Íslands,
sem er líka lítið land og erum
stolt af því að eiga þennan ís-
lenska meistara. Þetta Norður-
landaævintýri byrjaði á því að vin-
kona okkar sem býr í Svíþjóð og
er hundaræktandi, hún stakk upp
á að við kæmum út með Harry
Poter til að keppa síðast liðið
sumar, og við slógum til. Þetta var
mikil pappírsvinna og vesen í
kringum þetta, allskonar leyfi og
reglur sem þurfti að uppfylla. En
hann gerði sér lítið fyrir og rúllaði
þessu upp, vann meistaratitil í
hverju landinu á fætur öðru, en
þar voru allt upp í 25 hundar sem
kepptu í einu, þannig að sam-
keppnin var hörð. Dómarinn í
Finnlandi gaf Harry Poter háar
tölur og sagðist sjaldan hafa séð
svona háklassa yorkshire terrier,“
segir German og bætir við að þá
hafi Harry Poter þegar verið bú-
inn að landa nokkrum titlum
heima á Íslandi.
„Hann var Íslandsmeistari
2017, Reykjavíkurmeistari 2016 og
2017 og C.I.B eða International
Champion.“
Vilja styttri tíma í sóttkví
German segir sjaldgæft að
fólki fari með hunda héðan frá
Íslandi til að keppa í útlöndum.
„Vegna þess að það er svo
dýrt að setja hundinn aftur í mán-
aðar langa einangrun eftir að
hann snýr heim, það kostar 225
þúsund. Þetta gerir það að verk-
um að við sem eigum góða keppn-
ishunda erum föst hér með
hundana okkar og getum sjaldan
leyft þeim að keppa í öðrum lönd-
um. Við Jekaterina, rétt eins og
aðrir hundaræktendur á Íslandi,
óskum þess heitt að reglum verði
breytt þannig að hundar þurfi
ekki að vera í heilan mánuð í
sóttkví eftir að þeir hafa farið út
úr landi til að keppa. Það væri
frábært ef það væri stytt niður í
tíu daga eða hálfan mánuð. Það
gæfi fólki fleiri tækifæri til að
ferðast með hunda sína til annarra
landa og fara með þá á sýningar.
Þessu hefur verið breytt í öðrum
löndum, til dæmis í Ástralíu og á
Nýja Sjálandi, þar hefur þessi
tími hunda í sóttkví verið styttur.
Hundarnir eru fólki mikils virði,
nánast eins og börnin þeirra, og
það er erfitt að vita af þeim í
þessari einangrun í svona langan
tíma. Þetta er líka erfitt fyrir
sálarlíf hundanna.“
Hví er Poter með einu téi?
German segir að Jekaterina
sé með mikla reynslu sem hunda-
þjálfari og sýnandi, bæði hér á Ís-
landi og frá því hún bjó í Eist-
landi.
„Jekaterina hefur lagt mikla
vinnu í þennan hund, hann Harry
Poter. Það er gríðarleg áhersla á
feldinn í keppnum og því krefst
umhirða feldsins mikillar natni.
Hundurinn þarf líka að hreyfa sig
fallega um sýningarsvæðið og það
krefst þrotlausrar þjálfunar. Hann
þarf að vera rólegur og hlýðinn á
sýningum og hann er dæmdur út
frá persónuleika og útgeislun.
Hann má til dæmis ekki vera
hræddur við að vera í stórum sal
með mörgum hundum af ýmsums
tegundum. Byggingin skiptir auð-
vitað líka máli, hann þarf að vera
fallegur og langur.“
German segir ástæðuna fyrir
því að hundurinn heiti Harry
Poter, með einu téi, ólíkt því sem
er hjá galdrastráknum Harry
Potter, með tveimur téum; vera þá
að annar hundur í Evrópu heiti
Potter.
„Okkar Harry Poter er sann-
arlega töfrahundur, hann er lítill
og fallegur, allir elska hann. Hann
er svo ljúfur og góður, eins og lítil
dúkka.“
German og Jekaterina búa í
Reykjanesbæ og una hag sínum
vel, eru bæði komin með íslenskan
ríkisborgararétt og líta á sig sem
Íslendinga. „Hér eigum við heima
og ég er ánægður í starfi mínu
sem kennari við tónlistarskólann
og Jekaterinu gengur vel í hunda-
ræktuninni sem við köllum Ice-
land Forever, en þar er áhersla á
hreinræktun á yorkshire terrier
hundum. Við hlökkum til að keppa
fyrir Íslands hönd með fleiri
hunda í framtíðinni.“
Harry Poter kom, sá og sigraði
Harry Poter er fyrsti ís-
lenski norðurlandameist-
arinn af yorkshire terrier
kyni. Hann er líka sá
fyrsti til að landa meist-
aratitli á öllum fimm
Norðurlöndunum. Hann
er víðförull, fæddist í
Lettlandi en var fluttur
inn til Íslands eins árs og
hefur nú flakkað um öll
Norðurlöndin.
Sigursæll Hann er sannarlega sætur og feldfagur. Jekaterina Filipova með
Harry Poter á verðlaunapalli sem Reykjavíkurmeistari 2017 á Íslandi.
Skjalfest Auðvitað verða titlar að
vera skjalfestir og stimplaðir. Hér
er Norðurlandameistaraskjalið.
Bjarni Viðar Sigurðsson keramiker
sér væntanlega ekki eftir því að hafa
hætt í starfi sínu sem gjaldkeri í
banka fyrir um 20 árum og snúið sér
að leirlist, því honum hefur gengið
fjarska vel með vörur sínar. Í dag fást
leirmunir Bjarna víðsvegar um heim-
inn, m.a í hinni þekktu dönsku versl-
un, Illums Bolighus í Danmörku.
Bjarni er harður á því að handgera
alla muni. „Það eru margir sem fara
út í það að láta fjöldaframleiða fyrir
sig en mér finnst að hlutirnir deyi
með því,“ segir Bjarni sem ætlar að
halda sinn árlega jólamarkað um
næstu helgi, en þá býður hann fólki
að koma heim til hans á vinnustofuna
í Hrauntungu 20 í Hafnarfirði. Á
markaðnum verða einungis ný verk
sem Bjarni hefur unnið síðustu mán-
uðina. Hann ætlar að gefa afslátt af
öllum verkum þá þrjá daga sem jóla-
markaðurinn stendur. Bjarni hvetur
fólk til að taka með sér gesti og hann
ætlar að bjóða upp á léttar veitingar.
Jólamarkaðurinn verður föstudag
23. nóv. milli kl. 16 og 21 en laugar-
dag 24. nóv og sunnudag 25. nóv. frá
kl. 11–18 báða dagana. Allir velkomn-
ir.
Bjarni keramiker
Bjarni býður fólki heim til sín
á vinnustofuna á jólamarkað
Morgunblaðið/Árni Sæberg
Bjarni Hann tekur ekki annað í mál en handgera allar vörur sínar.
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Nú fástSnickers vinnuföt í