Morgunblaðið - 17.12.2018, Side 14

BAKSVIÐ
Ásgeir Ingvarsson
ai@mbl.is
Töluverður munur er á útgjöldum
ferðamanna eftir því hvaða staði á
landinu þeir heimsækja. Í nýlegri
könnun sem gerð var fyrir Ferða-
málastofu kom í ljós að útgjöld er-
lendra ferðamanna voru hæst í
Reykjavík, eða um 38.000 kr. á sólar-
hring að meðaltali, en minnst á
Hvammstanga þar sem reikna má
með að dæmi-
gerður ferðalang-
ur eyði um 8.000
kr. á dag.
Lilja B. Rögn-
valdsdóttir, sér-
fræðingur hjá
Rannsóknasetri
Háskóla Íslands á
Húsavík, hafði
umsjón með
framkvæmd
könnunarinnar. Voru bæði opnar og
lokaðar spurningar lagðar fyrir
ferðamenn á átta stöðum á landinu
og svöruðu að jafnaði 400-500 manns
á hverjum stað.
Könnunin náði til Reykjavíkur,
Reykjanesbæjar, Víkur í Mýrdal,
Egilsstaða, Húsavíkur, Hvamms-
tanga, Ísafjarðar og Stykkishólms.
Ýmist stutt eða löng viðdvöl
Að sögn Lilju virðist lengd dval-
arinnar og þjónustuframboð á hverj-
um stað ráða mestu um þann mun
sem er á útgjöldum erlendra ferða-
manna. Þannig megi reikna með að
flestir gestir á höfuðborgarsvæðinu
gisti þar a.m.k. eina nótt, sem hækki
meðalútgjöldin, en margir gestir á
Húsavík staldra aðeins við hluta úr
degi til að skoða hvali en halda svo
ferð sinni áfram. „Á Húsavík voru út-
gjöld ferðamanna að jafnaði um
18.000 kr. á dag og afþreying hlut-
fallslega stærri útgjaldaliður en á
öðrum stöðum vegna hvalaskoðunar-
ferðanna. Svo höfum við svæði á borð
við Hvammstanga þar sem minna er
í boði, þar af leiðandi færri tækifæri
fyrir ferðamenn til að kaupa vörur og
þjónustu, og ýmist hafa þeir þar að-
eins stutta viðdvöl eða verja nóttinni
helst á tjaldsvæði svo að útgjöld
vegna gistingar mælast lítil.“
Þykir höfuðborgin dýr
Rannsóknin skoðaði líka ánægju
ferðamannanna og reyndust þeir
upp til hópa hafa mjög jákvæða upp-
lifun af þeim stöðum þar sem mæl-
ingar fóru fram. Vó þyngst fegurð
náttúrunnar, gestrisni heimamanna
og gæði þeirrar þjónustu sem í boði
var. „Af þeim neikvæðu þáttum sem
ferðamenn nefndu helst voru lélegar
samgöngur, skortur á afþreyingu og
þjónustu og hátt verð, en í Reykjavík
var hátt verðlag langsamlega al-
gengasta umkvörtunarefnið,“ segir
Lilja.
Aðspurð hvort niðurstöður könn-
unarinnar gefi tilefni til áherslu-
breytinga segir Lilja að vega þurfi
og meta aðstæður og vilja heima-
manna hverju sinni þegar ákvarðan-
ir um uppbyggingu ferðaþjónustu
séu teknar. Hafa verði í huga hvert
aðdráttarafl staðarins sé og í hvaða
tilgangi ferðamenn heimsæki hann.
Suma staði heimsæki ferðamenn
gagngert til að upplifa þá náttúru
eða afþreyingu sem þar sé í boði en
aðrir staðir gegni hlutverki áningar-
staða á lengri ferð þeirra um landið.
„Það hlutverk er ekki síður mikil-
vægt og því nauðsynlegt að þekkja
þarfir og óskir gesta hverju sinni til
að geta mætt þeim sem best.“
Eyða nær fimmfalt meira í
Reykjavík en á Hvammstanga
Morgunblaðið / Hari
Neyslumynstur Ferðamenn skoða borgina í snjóbyl. Á stöðum eins og
Húsavík má sjá að margir koma að skoða hvali en fáir gista yfir nótt.
 Hátt verðlag í höfuðborginni algengt umkvörtunarefni erlendra ferðalanga
Lilja
Rögnvaldsdóttir
14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 17. DESEMBER 2018
Dásamlegir dropar
í sturtunni þinni
www.sturta.is | Reykjavíkurvegi 64, Hafnarfirði | s 856 5566
17. desember 2018
Gengi Kaup Sala Mið
Dollari 123.98 124.58 124.28
Sterlingspund 156.07 156.83 156.45
Kanadadalur 92.57 93.11 92.84
Dönsk króna 18.751 18.861 18.806
Norsk króna 14.376 14.46 14.418
Sænsk króna 13.616 13.696 13.656
Svissn. franki 124.37 125.07 124.72
Japanskt jen 1.0915 1.0979 1.0947
SDR 170.98 172.0 171.49
Evra 140.01 140.79 140.4
Meðalgengi/Viðskiptavog þröng 170.1647
Hrávöruverð
Gull 1244.45 ($/únsa)
Ál 1923.0 ($/tonn) LME
Hráolía 61.53 ($/fatið) Brent
● Hlutabréfaverð
bandaríska snyrti-
og heilsuvörurisans
Johnson & Johnson
(J&J) lækkaði um
10% á föstudag.
Kom lækkunin í
kjölfar frétta um að
félagið hefði svo ár-
um skiptir vitað að
asbest væri að finna í talkúm-púðri sem
fyrirtækið framleiðir. Samanlagt minnk-
aði markaðsvirði J&J um u.þ.b. 40 millj-
arða dala í viðskiptum föstudagsins, en
fyrirtækið segir ekkert hæft í ásök-
ununum sem Reuters greindi fyrst frá.
Fjallað var ítarlega um málið á Mbl.is á
föstudag en rannsókn Reuters á minnis-
blöðum og öðrum trúnaðarskjölum á að
hafa sýnt fram á að allt frá árinu 1971
hafi J&J vitað að finna mætti asbest í
litlu magni í talkúm-vörum sem seldar
eru undir vörumerkinu Baby Powder.
Asbest getur valdið krabbameini og úr-
skurðaði kviðdómur í Missouri í júlí að
fyrirtækinu bæri að greiða 22 konum
samtals 4,7 milljarða dala í bætur vegna
ásakana um að þær hefðu fengið
krabbamein í eggjastokka vegna notk-
unar á vörum J&J. Að sögn Reuters hafði
það dómsmál lítil áhrif á fjárfesta og áð-
ur en hlutabréfaverðið tók dýfu á föstu-
dag hafði það styrkst um 5% frá árs-
byrjun. ai@mbl.is
Hlutabréf Johnson &
Johnson á niðurleið
STUTT
Franska lúxusvöruveldið LVMH
hefur samið um kaup á Belmond-
hótelkeðjunni fyrir 3,2 milljarða
dala. LVMH hefur haldið að sér
höndum í yfirtökum undanfarin
misseri en í eignasafni samsteyp-
unnar má meðal annars finna há-
tískumerkin Christian Dior og
Louis Vuitton, ilmvatnsframleið-
andann Acqua di Parma og
kampavínsframleiðandann Dom
Pérignon. Þá rekur félagið hótel
undir merkjum Cheval Blanc í
París, Courchevel, Saint-Barthé-
lemy og á Maldív-eyjum auk sex
Bulgari-hótela.
Með kaupunum á Belmond eign-
ast LVMH mörg merkustu hótel
heims, s.s. öndvegishótelið Grand
Hotel Europe í Sankti-Pétursborg
og Copacabana Palace í Ríó de
Janeiro, sex veitingastaði með
samtals fimm Michelin-stjörnur og
lúxusfarþegalestir sem ferja sterk-
efnaða ferðamenn til áfangastaða á
borð við Machu Picchu og Fen-
eyja.
Að sögn FT þykja kaupin til
marks um að LVMH vilji laga sig
að breyttum óskum neytenda sem
í vaxandi mæli vilja eyða pening-
um í eftirminnilegar upplifanir á
fínum veitingastöðum og hótelum
frekar en að sanka að sér dýrum
varningi. ai@mbl.is
AFP
Handverk Töskusmiður LV að
störfum. Kaupin á Belmond tengjast
breyttum áherslum neytenda.
LVMH eignast
Belmond hótelin
 Bæta við sig lúx-
uslestum og sögu-
frægum hótelum