Morgunblaðið - 17.12.2018, Síða 15

FRÉTTIR 15Erlent
MORGUNBLAÐIÐ MÁNUDAGUR 17. DESEMBER 2018
BORÐPLÖTUR
OG SÓLBEKKIR
• Gæðavörur úr harðplasti, akrílstein, Fenix og límtré
• Mikið úrval efna, áferða og lita
• Framleiðum eftir óskum hvers og eins
• Hentar jafnt fyrir heimili, vinnustaði og almenningssvæði
Fanntófell hefur sérhæft sig í framleiðslu á borðplötum og sólbekkjum síðan 1987.
Fanntófell ehf. | Gylfaflöt 6-8 | 112 Reykjavík | Sími 587 6688 | fanntofell.is
Þorgrímur Kári Snævarr
thorgrimur@mbl.is
Nýju lífi var blásið í Parísarsamn-
inginn, sem gerður var árið 2015, á
laugardaginn þegar 195 ríki undir-
rituðu nýtt samkomulag um barátt-
una gegn hlýnun jarðar eftir langar
umræður á loftslagsráðstefnu Sam-
einuðu þjóðanna í Katowice í Pól-
landi. Meðal þess sem samningurinn
felur í sér er regluverk um fyrir-
komulag loftslagsbókhalds og eftirlit
á losunartölum gróðurhúsaloftteg-
unda. Þó jafnast nýja samþykktin
ekki á við metnaðarfyllstu áætlan-
irnar sem Sameinuðu þjóðirnar
höfðu lagt fram til að afstýra ham-
förum af völdum loftslagsbreytinga.
„Að setja saman vinnuáætlun fyrir
Parísarsáttmálann er mikil ábyrgð,“
sagði Michał Kurtyka, formaður ráð-
stefnunnar. „Þetta hefur verið langt
ferli. Við gerðum okkar besta til að
skilja engan eftir. Við verðum öll að
láta eitthvað af hendi sem einstak-
lingar svo við getum grætt saman í
heild.“
Kallað eftir auknum metnaði
Í nýju samþykktinni er lögð fram
reglubók um það hvernig skuli ná
fram markmiðunum sem fallist var á
í Parísarsáttmálanum fyrir þremur
árum. Markmiðin miða við að halda
hlýnun jarðar fyrir neðan tvær gráð-
ur á selsíus.
Vert er þó að nefna að jafnvel þótt
farið verði eftir fyrirheitum nýja
sáttmálans má gera ráð fyrir að hita-
stig jarðar muni brátt nema rúmum
þremur gráðum meira en þekktist
fyrir iðnbyltinguna. Í þeim bindandi
kröfum sem gerðar voru í samningn-
um var forðast að kalla með beinum
hætti eftir metnaðarfyllri aðgerðum
til að draga úr losun gróðurhúsaloft-
tegunda fyrir gildistöku Parísarsátt-
málans árið 2020.
„Það sem við sáum í Póllandi sýnir
fram á grundvallarmisskilning á
kreppunni sem við stöndum frammi
fyrir,“ sagði Manuel Pulgar-Vidal,
leiðtogi loftslags- og orkumála hjá
Alþjóðlega náttúruverndarsjóðinum,
í viðtali við AFP. „Öll lönd verða að
sýna fram á aukinn metnað fyrir árið
2020.“
Fleiri sérfræðingar í efnahags- og
loftslagsmálum hafa tekið í sama
streng og sagt að grípa verði til
miklu róttækari aðgerða til þess að
bægja frá hættunni sem veröldinni
stafar af áframhaldandi hlýnun jarð-
ar. „Ljóst er að þær framfarir sem
við höfum náð nægja alls ekki með
tilliti til stærðargráðu ógnarinnar
sem steðjar að okkur,“ sagði Nichol-
as Stern, fyrrverandi aðalhagfræð-
ingur Alþjóðabankans, í samtali við
The Guardian. „Nýjustu tölurnar
sýna fram á að losun koltvísýrings er
enn að aukast. Við höfum miklu hag-
stæðari, hreinni og skilvirkari leið til
efnahagsþróunar í höndum okkar.“
Sérfræðingar telja ekki næg-
an metnað í samkomulaginu
 Regluverk um Parísarsamninginn samþykkt í Katowice í Póllandi um helgina
AFP
Katowice Michał Kurtyka, formaður loftslagsráðstefnu Sameinuðu þjóðanna í Katowice, tók stökk af gleði eftir að
samningur um regluverk Parísarsáttmálans var samþykktur sl. laugardag. Skiptar skoðanir eru um samkomulagið.
„Þarna er mikilvægum áfanga náð með samkomulaginu
[á laugardaginn],“ sagði Guðmundur Ingi Guðbrands-
son umhverfisráðherra í samtali við mbl.is í gær. „Það
er mikilvægast að komnar eru leiðbeiningar sem virkja
Parísarsamkomulagið.“
Guðmundur sagði ráðstefnuna vera um margt já-
kvæða fyrir Ísland. Ísland eigi fyrst og fremst að vera
góð fyrirmynd í loftslagsmálum og hafi nú þegar náð
góðum árangri í raforkuframleiðslu og húshitun.
„Nú þurfum við að vera í fararbroddi varðandi orku-
skipti í samgöngum,“ sagði Guðmundur. „Við eigum að
geta sýnt fram á góð dæmi í litlu hagkerfi sem megi líta til þegar horft er
til stærri skala.“ Segist hann þá vona að þjóðir heimsins verði búnar að
klára það sem út af stendur þegar kemur að næsta fundi eftir ár.
Ráðstefnan jákvæð fyrir Ísland
GUÐMUNDUR INGI GUÐBRANDSSON UMHVERFISRÁÐHERRA
Guðmundur Ingi
Guðbrandsson
42 manns særð-
ust í bænum Sap-
poro í norður-
hluta Japans í
gærkvöldi þegar
sprenging varð á
veitingastað sem
olli því að bygg-
ingarnar í kring
hrundu. Frá
þessu var sagt á
fréttavef AFP.
Lögreglan á
staðnum kom í veg fyrir að borg-
arbúar hættu sér nálægt bygging-
unni, af ótta við fleiri sprengingar.
Sjónarvottur greindi fréttamanni
japanska ríkisútvarpsins NHK frá
því að hafa fundið gaslykt eftir að
hafa heyrt sprenginguna. Annar
sjónarvottur sagði blaðinu Japan
Times að hann hefði heyrt spreng-
ingu sem „hljómaði eins og þruma“.
Eldar kviknuðu í byggingum um-
hverfis veitingastaðinn eftir
sprenginguna og rúmlega 20
slökkviliðsbílar voru sendir á svæð-
ið. Enn er óvíst hvað olli sprenging-
unni og rannsókn á málinu gæti
tekið marga daga.
JAPAN
Japan Brunarúst-
ir eftir sprengingu
í Sapporo
42 særast í spreng-
ingu á veitingastað
Um 10.000 Ung-
verjar flykktust í
mótmælagöngur
eftir götum
Búdapest í gær.
Frá þessu er
sagt á vef Reut-
ers. Mótmæla-
gangan var sú
fjórða á jafn-
mörgum dögum
gegn stjórn Vikt-
ors Orbán for-
sætisráðherra. Kveikirinn að mót-
mælunum voru ný lög sem leyfa
vinnuveitendum að biðja starfs-
menn um allt að 400 klst. yfirvinnu
árlega í stað þeirra 250 sem nú eru
leyfilegar. Mótmælendurnir köll-
uðu lögin „þrælalög“ og kyrjuðu
slagorð eins og „Snáfaðu, Orbán!“
og „Gleðileg jól, hr. forsætisráð-
herra!“
UNGVERJALAND
Löggjöf Orbáns
mótmælt í Búdapest
Stopp Ungversk-
ur mótmælandi í
Búdapest.
Þorgrímur Kári Snævarr
thorgrimur@mbl.is
Um 5.500 Belgar söfnuðust saman
í Evrópuhverfi Brussel í gær til
þess að mótmæla sáttmála Sam-
einuðu þjóðanna um farandmenn,
sem ríkisstjórn Belgíu samþykkti
á ráðstefnu Sameinuðu þjóðanna í
Marrakess 10. desember síðastlið-
inn. Frá þessu segir Le Monde.
Þjóðernishópurinn Flæmskir
hagsmunir (flæmska: Vlaams Be-
lang) skipulagði mótmælin. Sam-
hliða mótmælunum fóru fram
gagnmótmæli um 1.000 stuðnings-
manna samningsins.
Borgarstjórn Brussel hafði upp-
haflega ætlað sér að banna báðar
samkomurnar af ótta við að ofbeldi
brytist út á milli mótmælafylking-
anna tveggja en dómstóll ógilti þá
ákvörðun. Ríkisstjórn Charles
Michels forsætisráðherra riðaði til
falls vegna málsins eftir að Nýja
flæmska bandalagið (flæmska:
Nieuw-Vlaamse Alliantie) sleit
stjórnarsamstarfi sínu við Um-
bótahreyfingu (franska: Mouve-
ment Réformateur) Michels vegna
andstöðu sinnar við samninginn. Í
stað þess að draga í land stofnaði
Michel nýja minnihlutastjórn
ásamt öðrum flokkum sem hlynnt-
ir voru því að staðfesta samning-
inn.
Mótmælin hófust friðsamlega en
til átaka kom eftir að mótmæl-
endur köstuðu steinum í lögreglu-
menn og unnu skemmdarverk á
byggingum Evrópusambandsins.
Eftir að formlegum mótmælafundi
var lokið reyndu 200 til 300 mót-
mælendur að brjótast inn í höfuð-
stöðvar framkvæmdastjórnar Evr-
ópusambandsins. Sprautaði
lögreglan vatni á mótmælendurna
og beitti táragasi í átökunum. Um
níutíu manns voru handteknir í
mótmælunum.
Sáttmála SÞ um far-
andmenn mótmælt
 Um 90 manns handteknir í Brussel
AFP
Belgía Mótmælandi flaggar belg-
ísku þjóðartákni í Brussel.