Víkurfréttir - 07.03.2019, Page 23

og fleiri staði. María Rún hefur ákveðnar
skoðanir á þessu sem öðru.
„Fólk þarf að átta sig á því að þetta er ekki
lengur einhver smábær. Mér finnst vanta
almennilega kaffihúsamenningu hér. Þegar
ég bjó í Reykjavík þá var það bara normið að
hitta vini sína á kaffihúsi. Við hittumst þar
á kvöldin, fengum okkur kaffi eða bjórglas.
Svona kaffihúsastemningu væri alveg hægt
að skapa hér í Keflavík. Hún er auðvitað ein-
hver en alls ekki mikil, fólk virðist halda sig
mikið inni í þessu bæjarfélagi. Það er svo
margt fólk sem býr hérna núna og svo er
fullt af ferðamönnum. Við erum félagsverur
og það er gaman að hitta aðra. Ég er að reka
Paddy’s á Hafnargötu og er plötusnúður þar
um helgar. Við erum stundum með tónleika og
fáum líka trúbadora til okkar. Svo fáum við oft
útlenska ferðamenn sem segjast fíla Keflavík
mun betur en Reykjavík. Við þurfum að átta
okkur á þessum tækifærum sem við erum með
hérna. Ferðamennirnir vilja til dæmis sjá svona
passlega lítinn bæ en spyrja stundum hvar
allir Íslendingarnir séu. Það eru tómar götur
og lítið líf í miðbænum. Þetta er alveg satt hjá
þeim, það vantar meira líf í bæinn okkar. Þetta
er orðið ótrúlega fínt bæjarfélag og svo margt
gott að gerast en það þarf að efla menninguna.
Af því að við erum orðin jafn stór eða stærri
en Akureyri, berum þá saman þessa bæi og
sjáum hvað við gætum gert meira af hér sem
þeir gera þar. Mér finnst Hljómahöllin ótrúlega
flott, safnið þar er frábært, tónlistarskólinn og
tónleikasalirnir. Á Íslandi er mikið til af góðu
tónlistarfólki. Við þurfum að gera eitthvað meira
með þetta,“ segir María Rún og við förum á flug
saman, blaðakonan og hún, um hvað væri hægt
að skapa hér. Öll bítlamenningin sem tilheyrir
nafninu Keflavík. Við rifjuðum upp Glóðina,
þetta glæsilega veitingahús við Hafnargötu,
sem einnig var hálfgert safn í kringum Hljóma.
Þar gat fólk séð fullt af tískufatnaði sem afi og
amma Maríu Rúnar áttu en hún er barnabarn
þeirra Rúnars Júlíussonar heitins og Maríu
Baldursdóttur. Við veltum fyrir okkur hvað
myndi gerast ef tóm húsnæði við Hafnargötu
yrðu fyllt af fleiri spennandi fyrirtækjum. Hvort
Keflavík gæti ekki skapað sér stærri ímynd í
kringum bítlabæinn, látið bæinn iða meira af
tónlist við Hafnargötu. Við töluðum um gamla
ljósastaurinn sem er staðsettur á horninu þar
sem margir unglingar hittust áður við Hafnar-
götu. Gera meira svona, búa til segul sem myndi
lokka fólk frá öðrum byggðum hingað í heim-
sókn. Nútímafólk er alltaf að leita að afþreyingu
í frítíma sínum. Einu sinni sótti fólk í Eden í
Hveragerði til þess að fá sér ís og horfa á apana
þar. Í dag má gera eitthvað allt annað til að fá
fólk í bíltúr hingað suður með sjó. En aftur að
veganisma.
Hvernig byrja ég sem vegan?
„Ef þú hefur ákveðið að þú vilt verða grænkeri
en finnst þú þurfa smá aðstoð til að ýta þér
áfram þá er ótrúlega margt á netinu sem gæti
hjálpað þér. Það er ágætt að byrja á því
að skoða heimildarmyndir um hvernig
farið er með dýr í matvælaframleiðslu.
Mynd eins og Earthlings með Joaquin
Phoenix gefur góða fræðslu um það
en hún er mjög grafísk og mjög erfitt
fyrir suma að horfa á hana. Svo er
mynd eins og Cowspiracy sem fjallar
meira um hvað landbúnaðurinn er
skaðlegur umhverfinu. Maður þarf að
finna ástríðu fyrir því að verða vegan
til að halda það út. Þú ert að gera jörð-
inni okkar greiða með því að gerast
grænkeri. Þú getur einnig farið í hóp
á Facebook sem heitir Vegan Ísland,
þessi hópur er alltaf að verða stærri
og stærri á Íslandi en þar eru með-
limirnir orðnir yfir tuttuguþúsund.
Það eru margir þar sem geta gefið
góð ráð en það er mjög gott að leita
til reyndari grænkera. Svo er bara að
byrja og prófa að borða vegan, sleppa
öllum dýraafurðum og læra á stað-
gengla dýraafurða. Það þarf heldur
ekkert að henda sér beint í djúpu
laugina heldur gera þetta á sínum
eigin hraða. Annars snýst þetta um
að allir geri sitt besta,“ segir María
Rún að lokum.
Uppskrift frá Maríu Rún: Chilli Sin Carne
Þetta er mjög einfaldur réttur en frekar sterkur. Það er
auðvitað hægt að minnka eða auka magnið af chilli eftir
hentisemi. Gott er að útbúa þetta í stórri pönnu eða fyrst á
pönnu og færa svo yfir í pott. Ég sýð annaðhvort hrísgrjón
eða quinoa með þessum rétti. Þetta er svolítið stór skammtur
en það er líka svo gaman að eiga afganga.
1 poki sojahakk (t.d. Anamma)
1 dós rauðar nýrnabaunir í
chilli-sósu (t.d. Biona Organic)
1 dós hakkaðir tómatar
1 lítil dós tómatpúrra
1 bolli maís
1 rauð paprika
½ lítil, sæt kartafla
4 stórar gulrætur
2 ferskir, rauðir chilli
2 ferskir, grænir chilli
1 habanero fyrir aukastyrk
3 hvítlauksgeirar
1 laukur
1 grænmetisteningur
1 tsk. kúmen
1 tsk. cayenne-pipar
1 tsk. kanill

Sriracha-sósa eftir smekk
Salt og pipar eftir smekk
Ferskur kóríander
Aðferð:
Skerið allt grænmeti og chilli-
pipar smátt niður. Byrjið á að
steikja sætu kartöfluna og gul-
rætur upp úr olíu eða vatni og
leyfið þessu að mýkjast áður
en restinni af grænmetinu er
skellt á pönnuna. Bætið tóm-
atpúrru, sriracha og kryddi
saman við. Bætið hökkuðum
tómötum, nýrnabaunum,
maís og sojahakki sa0man
við og leyfið að malla í smá
tíma. Ef þú ert fyrir kóríander
mæli ég með að strá honum
yfir í lokin.
Maður þarf að finna ástríðu fyrir
því að verða vegan til að halda
það út. Þú ert að gera jörðinni
okkar greiða með því að gerast
grænkeri ...
Á vf.is má finna fleiri atriði sem þarf að hafa í huga við grænkeralífstílinn ❱❱
ATKVÆÐAGREIÐSLA
UM SAMEININGU VS OG VR
Atkvæðagreiðsla um sameiningu VS og VR hefst kl. 8:00 miðvikudaginn 6. mars
og stendur hún til kl. 12:00 miðvikudaginn 13. mars.
Komi til þess að sameining verði samþykkt í atkvæðagreiðslu munu félögin renna
saman 1. apríl að aflokinni samþykkt á aðalfundi VR sem haldinn verður 27. mars.
Félagsmönnum verður send tilkynning um rafræna atkvæðagreiðslu í pósti
og nánari upplýsingar má finna á heimasíðu VS, vs.is
Félagsmenn eru hvattir til að taka þátt í atkvæðagreiðslunni.
Kjörstjórn
23MANNLÍF Á SUÐURNESJUM f immtudagur 7. mars 2019 // 10. tbl. // 40. árg.MANNLÍF Á SUÐURNESJUM
María Rún tveggja ára að
hlusta á tónlist, en hvað?