Fréttablaðið - 06.05.2019, Blaðsíða 35

Gullaldarlið KR í sérflokki á Íslandi
KR er Íslandsmeistari í átjánda sinn og sjötta árið í röð eftir öruggan sigur á ÍR í oddaleik um helgina. Reynslumikið lið KR kaf-
færði ÍR snemma leiks og innbyrti öruggan sigur. Þetta er annar meistaratitill KR undir stjórn Inga, nítján árum eftir þann fyrsta.
KÖRFUBOLTI KR er Íslandsmeistari
í körfubolta árið 2019 eftir 98-70
sigur á ÍR í oddaleik um titilinn á
laugardaginn. Þetta er 18. titill KR
sem er komið eitt í efsta sætið yfir
f lesta meistaratitla og tók með því
fram úr Njarðvík. Þá er KR fyrsta
körfuboltaliðið til að vinna sex titla
í röð. Á sama tíma lengist 42 ára bið
ÍR eftir meistaratitli um eitt ár hið
minnsta en ljóst er að Breiðhylting-
ar hafa úr nógu að moða fyrir næsta
ár eftir þetta tímabil.
Alls var þetta sjöundi titill KR
síðustu tólf ár og kom eftir sigur
í oddaleik á heimavelli í þriðja
skiptið á síðustu tíu árum. KR-liðið
virðist þrífast best í sviðsljósinu og
sýndi á löngum köflum allar sínar
bestu hliðar um helgina gegn ÍR.
Breiðhyltingum tókst að halda í við
KR í upphafi leiksins en KR með
Michele Di Nunno fremstan í f lokki
náði góðu forskoti í öðrum leikhluta
og stakk af í þeim þriðja. Það fór
svo að KR var búið að tryggja sér
Íslandsmeistaratitilinn í upphafi
fjórða leikhluta og reynslumiklu
liði KR tókst að halda liði ÍR vel í
skefjum.
ÍR varð fyrir áfalli í aðdraganda
leiksins þegar það kom í ljós að
Kevin Capers, besti leikmaður
liðsins var handleggsbrotinn.
Hann þurfti því að fylgjast með
í borgaralegum klæðum af vara-
mannabekknum í gær. Fyrir vikið
hvarf mikil ógn úr sóknarleik ÍR og
reyndist fjarvera hans ÍR dýr.
„Auðvitað er maður svekktur
en á sama tíma er ég afar stoltur
af strákunum. Ef maður talar frá
hjartanu erum við ekki með besta
leikmannahópinn en samt vorum
við einum leik frá því að vinna
titilinn. Við söknuðum Kevins í
kvöld, lykilmennirnir okkar þurftu
að spila meira en ég hefði kosið og
það tók á. Heilt yfir var þetta gott
tímabil, frá því að ég tók við liðinu
fyrir fjórum áðan síðan höfum við
tekið eitt skref í einu í rétta átt og
ég er spenntur fyrir því að ræða við
stjórnina og undirbúa næsta tíma-
bili,“ sagði Borce Ilievski, þjálfari ÍR,
að leikslokum.
Meiri pressa í ár
Gleðin skein úr augum Inga Þórs
Steinþórssonar, þjálfara KR, í
leikslok. Hann tók við uppeldis-
félaginu sínu af Finni Frey Stefáns-
syni síðasta sumar og voru það
ansi stórir skór að fylla í. Þetta var
annar meistaratitill Inga Þórs með
KR-liðið, nítján árum eftir að hann
gerði KR að meisturum í fyrsta sinn
sem þjálfari.
„Það er eins og að bera saman epli
og appelsínur, maður getur ekki
gert upp á milli barnanna sinna,“
sagði Ingi Þór glaðbeittur þegar
Fréttablaðið bað hann um að bera
saman titlana tvo.
„Þegar ég vinn fyrsta titilinn með
KR árið 2000 var ég ungur strákur
sem var búinn að gera ágætlega með
yngri lið í KR. Ég var óskrifað blað
hvað ég gæti gert í meistaraflokki en
í dag þekkir maður reynsluna af því
að vinna titla og tapa þeim. Maður
lærir mikið af því að tapa leikjum.
Það var auðvitað meiri pressa fyrir
þetta tímabil, að taka við fimm-
földum meisturum og eiga að halda
því áfram. Það er allt öðruvísi en að
koma inn og hafa engu að tapa eins
og fyrir nítján árum síðan.“
Aðspurður sagðist Ingi lítið hafa
hugsað út í þá pressu sem fælist í því
að taka við liði KR síðasta sumar
eftir fimm meistaratitla í röð.
„Þegar ég hugsa út í það núna þá,
ómeðvitað, velti ég mér ekkert upp
úr þessu þegar ég tók við. Við töluð-
um aldrei um þessa pressu, maður
veit af þessari kröfu og lönguninni
hjá KR en við framkvæmdum bara
hluti og töluðum um það sem skipti
máli,“ sagði Ingi sem sagði þakklæti
koma fyrst upp í hugann þegar hann
var beðinn að lýsa tilfinningunni.
„Það er erfitt að lýsa þessu, það
er fyrst og fremst þakklæti til allra
sem komu að þessu og þessi tilfinn-
ing er komin til að vera í smá tíma.“
KR liðið var lengi af stað og bjugg-
ust ef laust ekki margir við því í
febrúar að meistararnir myndu
endurtaka leikinn um vorið.
„Það voru miklar breytingar á lið-
inu, það voru menn að koma seint
inn og við skiptum um erlendan
leikmann á meðan önnur lið voru
búin að fullmóta liðið sitt. Sem
betur fer er mikill þroski, mikil
reynsla og margir leiðtogar í liðinu
og okkur tókst að finna lausnina
sem við vorum að leita að.“
KR ákvað um mitt tímabil að
sækja Michele Di Nunno í stað
Dino Stpcic. Di Nunno fór á kostum
í oddaleiknum og réðu ÍR-ingar ekk-
ert við hann.
„Hann kom með það sem okkur
vantaði, bæði til að bera boltann
upp og til að geta skotið ljósin út
þegar það þurfti. Við þurftum að
hafa smá taumhald á honum en
hann nýttist okkur afar vel. Hann
er ákveðinn X-factor sem getur
búið til sitt eigið skot,“ sagði Ingi
sem var ánægður að fá framlag frá
Það var auðvitað
meiri pressa fyrir
þetta tímabil, að taka við
fimmföldum meisturum og
eiga að halda því áfram.
Ingi Þór Steinþórsson, þjálfari KR
Heilt yfir var þetta
gott tímabil, frá því
að ég tók við liðinu fyrir
fjórum árum höfum við tek -
ið eitt skref í einu í rétta átt.
Borce Ilievski, þjálfari ÍR
f lestum leikmönnum liðsins.
„Alla úrslitakeppnina voru það
einhverjir leikmenn sem áttu stóra
leiki. Emil var frábær um helgina,
Finnur, Helgi og Björn áttu sína
leiki þar sem þeir gerðu gæfu-
muninn. Jón Arnór átti sigurkörfu
í Keflavík og Pavel var með varnar-
tilþrif í einvíginu gegn Kef lavík.
Svo setti Kristófer niður stór víti í
fjórða leik gegn ÍR. Þetta small allt
saman og það er ástæða þess að KR
er meistari. Svo má ekki gleyma
þeim sem voru ekki á gólfinu allan
tímann, menn eins og Sigurður
Þorvaldsson með alla sína reynslu
sem kom með góða punkta. Það er
erfitt fyrir þessa keppnismenn að
sætta sig við lítið hlutverk en þeir
tóku því með sæmd,“ sagði Ingi sem
hrósaði þeim sem komu að körfu-
boltanum í KR.
„Orkan í húsinu, einbeitingin hjá
mönnum og undirbúningurinn hjá
öllum, frá þjálfarateymi til stjórn-
arinnar, það var allt upp á tíu. Hér
hafa menn gert þetta áður og það
var ró yfir mannskapnum í staðinn
fyrir stress þrátt fyrir aðstæður. Það
er búið að skapa að sterka hefð hjá
KR.“ kristinnpall@frettabladid.is
Stuðningsmenn KR eru orðnir góðu vanir enda búnir að fagna Íslandsmeistaratitlinum með sínum mönnum síðustu sex ár. FRÉTTABLAÐIÐ/ANTON BRINK
KÖRFUBOLTI Jón Arnór Stefánsson,
einn af bestu körfuboltamönnum
Íslands frá upphafi, var að vinna
sinn fimmta titil með uppeldisfélag-
inu um helgina þegar KR tryggði sér
sautjánda Íslandsmeistaratitilinn
með 98-70 sigri á ÍR.
Þetta var sjötti meistaratitill KR í
röð og sá þriðji í röð hjá Jóni Arnóri
sem kom aftur heim til Íslands árið
2016 eftir farsælan feril erlendis.
KR átti erfitt uppdráttar í deild-
arkeppninni þar sem liðið lenti í
fimmta sæti en í úrslitakeppninni
sýndi það allar sínar bestu hliðar á
leið sinni að meistaratitlinum.
„Mér fannst við verða betri eftir
því sem leið á úrslitakeppnina. Við
vorum með bakið upp við vegg
þrisvar í úrslitakeppninni, fórum í
tvo erfiða útileiki í Breiðholtið eftir
að hafa tapað heimaleikjunum, það
var erfitt andlega. Þá fannst mér við
stíga upp og við fundum gæðin og
stemminguna í liðinu. Það var ekki
sama orka og gæði í okkar spila-
mennsku í fyrstu tveimur leikj-
unum í DHL-höllinni og þeir áttu
fyllilega skilið sigrana hérna en við
sýndum kraftinn hérna í dag,“ sagði
Jón Arnór og bætti við.
„Það kom í ljós, sérstaklega í
fjórða leikhluta hvað reynsla er dýr-
mæt á þessu stigi. Ég held að ekkert
lið hefði stöðvað okkur í þessum
ham.“
Jón Arnór gaf það út í upphafi
tímabils að þetta yrði hans síðasta
hér á Íslandi. Hann lagði landsliðs-
skóna á hilluna fyrr á árinu en segir
að það hafi verið mistök að tilkynna
það snemma að hann væri að hætta.
„Það var ákveðið hugsunarleysi,
í raun algjör byrjendamistök að
tilkynna þetta svona,“ sagði hann
hlæjandi og hélt áfram:
„Ég á eftir að hugsa minn gang.
Það er auðvitað erfitt að hætta, sér-
staklega eftir titil. Ég tek mér tíma
núna í að fagna þessu og sé svo til
hvernig mér líður, bæði andlega og
líkamlega. Ég er náttúrulega farinn
að eldast og það er farið að hægjast á
mér. Ég á erfitt með að sætta mig við
það en ef ég næ því þá gæti vel verið
að ég taki eitt ár í viðbót,“ sagði Jón
sem jánkaði því að hann gæti farið
að klæja í lófana í ágúst að halda
áfram.
„Mjög líklega, já. Þegar ég hugsa
til þess hljómar það vel en það er
margt sem þarf að huga að. Þetta
er búið að vera langur tími frá fjöl-
skyldunni, það er leiðinlegt að vera
alltaf frá á æfingu á matartíma en
þau fá örugglega leiða á mér þegar
maður hættir þessu. Við verðum
bara að sjá til,“ sagði Jón glaðbeittur
að lokum. – kpt
Byrjendamistök að tilkynna það snemma að ég væri að hætta
Jón Arnór fékk að lyfta bikarnum sem fyrirliði KR. FRÉTTABLAÐIÐ/ANTON BRINK
S P O R T ∙ F R É T T A B L A Ð I Ð 15M Á N U D A G U R 6 . M A Í 2 0 1 9
0
6
-0
5
-2
0
1
9

0
7
:4
6
F
B
0
4
8
s
_
P
0
3
5
K
.p
1
.p
d
f
F
B
0
4
8
s
_
P
0
2
6
K
.p
1
.p
d
f
F
B
0
4
8
s
_
P
0
1
4
K
.p
1
.p
d
f
F
B
0
4
8
s
_
P
0
2
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
E
E
-7
B
9
4
2
2
E
E
-7
A
5
8
2
2
E
E
-7
9
1
C
2
2
E
E
-7
7
E
0
2
7
5
X
4
0
0
.0
0
1
2
B

F
B
0
4
8
s
_
5
_
5
_
2
0
1
9
C
M
Y
K