Kraftur - 01.01.2018, Qupperneq 7

B
ls. 7
Kraftur
Í kjölfar krabbameina geta orðið breytingar á útliti
og starfsemi líkamans. Jafnvel eru einhverjir sem
munu upplifa breytta skynjun eftir meðferðir.
Breytt útlit getur haft veruleg áhrif á líkamsímynd
fólks. Rannsóknir hafa sýnt fram á að neikvæðari
líkamsímynd er tengd við minnkaða virkni í kynlíf-
inu, lakara sjálfsmat og minni ánægju í kynlífi. Það
er mikilvægt í kjölfar veikinda að endurskoða þá
þætti sem saman mynda líkamsímynd og sjálfsmat
einstaklinga og skapa svigrúm til þess að ræða þá.
Áhrif veikinda á sambönd geta einnig verið á
ýmsan hátt. Við erum þannig gerð af náttúrunn-
ar hendi að þegar við tengjum ást við umönnun
hættum við að tengja hana við erótík eða kynlíf.
Þetta gerir náttúran til þess að koma í veg fyrir
venslatengsl í kynlífi. Það er því ákveðin áskorun
fyrir pör þar sem annar aðilinn er veikur og hinn
þarf að sinna umönnun að eiga stundir sem snúast
um nánd og erótík. Þegar fólki tekst hinsvegar að
skapa jafnvægi milli umönnunarhlutverks og par-
hlutverks upplifir það jafnvægi í sambandi á tímum
þar sem lítið jafnvægi er í lífinu. Það þarf að leggja
sig fram um að geta annast veikan maka og geta
séð hann sem kynveru. Margir eiga erfitt með að
sjá sjúklinga fyrir sér sem kynverur og það er fátt
í heilbrigðiskerfinu og samfélaginu sem auðveldar
okkur þá sýn. En við fæðumst og deyjum sem kyn-
verur, það er misjafnt eftir aldursskeiðum og tíma-
bilum hvernig við tjáum hana og túlkum. Það er
því mikilvægt að viðhalda kynverunni á tímum þar
sem fólk getur upplifað að það hafi tapað miklu af
sjálfu sér og verið sett í hlutverk sjúklings.

Kynlífsráðgjöf Ráðgjafarþjónustu Krabbameinsfélagsins
er jafnt fyrir pör og einstaklinga, krabbameinsgreinda og
aðstandendur. Hægt er að panta tíma í síma 800 4040
eða á raðgjof@krabb.is
Þessi könnun sýndi
að það er veruleg
fjölbreytni í kynlífi
fólks og að fullorðnir
stunda sjaldan kynlíf
sem snýst bara um
eina athöfn. Þó að
samfarir séu algengur
partur af kynlífi fólks
þá inniheldur ekki
allt kynlíf samfarir