Morgunblaðið - 03.01.2019, Síða 72

ILVA Korputorgi, s: 522 4500 - www.ILVA.is
laugardaga og sunnudaga 12-18
mánudaga - föstudaga 11-18:30
Lokað 31. desember og 1. janúar
ÚTSALAN
ER HAFIN
YFIR 3.000 VÖRULIÐIR
á lækkuðu verði
ALLT AÐ
70%
AF
VÖLDUM VÖRUM
Opnun Vaðlaheiðarganganna er
aðdáendum Ljótu hálfvitanna efa-
lítið sérstakt fagnaðarefni, enda
stytta þau leiðina að Græna hatt-
inum á Akureyri umtalsvert. Þar
mæta þeir óðir og uppvægir í að
spila af sér jólamörinn kl. 22 annað
kvöld, 4. janúar, og laugardags-
kvöldið 5. janúar og slá hvergi af í
galgopahætti og glenssprúðli.
Slá hvergi af í galgopa-
hætti og glenssprúðli
FIMMTUDAGUR 3. JANÚAR 3. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 641 kr.
Áskrift 6.960 kr. Helgaráskrift 4.346 kr.
PDF á mbl.is 6.173 kr. iPad-áskrift 6.173 kr.
„Ég saknaði boltans og saknaði
þess að vera í hringiðunni. Það er
skemmtilegt að vera hluti af hópi
sem reynir að skara fram úr. Ég
fann aðeins fyrir því að lífið var
kannski fullrólegt fyrir áramót,“
segir körfuknattleiksmaðurinn Axel
Kárason sem er kominn til liðs við
Tindastól á nýjan leik. »1
Ég saknaði þess að
vera í hringiðunni
ÍÞRÓTTIR FÓLK Í FRÉTTUM
Árni Már Erlingsson myndlistar-
maður opnar sína sjöundu einka-
sýningu, Fleiri öldur, færri aldir, í
Einarsstofu, Safnahúsi Vest-
mannaeyja, kl. 17 í dag. Sýningin er
framhald af sýningu hans í Lista-
mönnum við Skúlagötu í nóvember
síðastliðnum, en þar verða jafn-
framt sýnd nýrri verk. Hugmyndin
að baki verkunum spegl-
ar áhuga listamanns-
ins á sjó og hefur
hann sett saman og
stillt upp málverkum,
prent-
verkum
og verk-
færum
sem
skúlptúr-
um.
Fleiri öldur og færri
aldir í Vestmannaeyjum
Sigurður Bogi Sævarsson
sbs@mbl.is
„Í dáleiðslu getur fólk slakað á og
leyft sér að líða betur. Þetta er frá-
bært tækifæri til að lina alls konar
þjáningar og öðlast bókstaflega
betra líf,“ segir Jón Víðis Jakobs-
son, formaður Félags dáleiðslu-
tækna. Á morgun, 4. janúar, er al-
þjóðlegi dáleiðsludagurinn og af því
tilefni láta Íslendingar í faginu til
sín taka. Dáleiðslutæknar verða
með opið hús milli klukkan 17 og 19
á Stórhöfða 15 í Reykjavík. Þar
verður fræðsla um dáleiðslu og hvað
raunverulega felst í henni. Einnig
verða helstu meðferðarkostir kynnt-
ir og þeir sem vilja kynnast málinu
betur geta reynt hópdáleiðslu.
Vann á matarlöngun
Jón Víðis nam dáleiðslu fyrir átta
árum og reyndi ágæti hennar strax
á sjálfum sér. „Ég var á þessum
tíma að berjast við aukakílóin og að
ég borðaði alltof mikið, svo sem
skyndibitamat. Ég fór í dáleiðslu-
tíma til að vinna á matarlöngun og
vissi í upphafi ekkert hver árangur-
inn yrði,“ segir Jón Víðis og heldur
áfram:
„Svo var það í hádeginu strax eft-
ir fyrsta tíma í dáleiðslu að ég kom á
veitingastað og fékk þar hamborg-
ara, eins og oft áður. Ég tók einn
bita og mig langaði bara ekki í
meira. Svengdin var ekki til staðar.
Þetta urðu algjör straumhvörf í lífi
mínu og ég losaði mig við 30 kíló á
um einu ári.“
Breyta venjum og hegðun
Þegar hér var komið sögu hafði
Jón Víðis nýlega lært dáleiðslu, en
hann starfar á því sviði í dag. Hann
hefur einnig lagt fyrir sig töfra-
brögð og oft sýnt slíkar kúnstir á
skemmtunum og mannamótum.
Tekur þó skýrt fram að dáleiðsla og
töfrar séu ekki það sama – enda
haldi hann þessu tvennu algjörlega
aðskildu.
Dáleiðsla hjálpar til við allt sem
er huglægt. Algengt er að til dæmis
geðlæknar, sálfræðingar og annað
fagfólk bendi skjólstæðingum sínum
á þetta sem kost í stöðunni þegar
það á við. Dáleiðsla virkar prýðilega
þegar fólk vill og þarf að breyta
venjum og hegðun; til dæmis hætta
að reykja, losna við kóngulóarfælni
eða flughræðslu, skerpa á einbeit-
ingu eða lina verki. Að setjast í
djúpa stólinn hjá Jóni Víðis eða öðr-
um dáleiðslutæknum, nema þar
skilaboðin og hverfa um stundarbil
út úr efnisheimum getur verið lykill
að betra lífi.
Dáleiðsla er góð
„Það gerist oft að fólk sem er á
leiðinni í skurðaðgerðir lætur dá-
leiða sig svo það sé sem best and-
lega undirbúið þegar það leggst á
bekkinn. Dáleiðsla er líka góð fyrir
barnshafandi konur sem eru komn-
ar að fæðingu sem svo oft er þeim
sársaukafull. Einnig getur dáleiðsla
hjálpað fólki að losa sig við neikvæð-
ar og þrálátar hugsanir sem valda
því óþægindum. Hvernig til tekst er
undir hugarfari og vilja hvers og
eins komið. En öll þekkjum við á
eigin skinni hvernig dáleiðsla er;
andartökin milli svefns og vöku. Í
þeim svefnrofum er hugurinn
kannski aldrei virkari og þá geta
gerst alveg ótrúlegir hlutir,“ segir
Jón Víðis Jakobsson að síðustu.
Morgunblaðið/Eggert
Hugur „Þá geta gerst alveg ótrúlegir hlutir,“ segir Jón Víðis Jakobsson dáleiðslutæknir sem kann trixin sem hjálpa.
Hugurinn aldrei virkari
 Alþjóðlegi dáleiðsludagurinn  Setjast í djúpa stólinn
 Andartökin milli svefns og vöku  Linar þjáningarnar